Dashavatara Stuti — InfoLyter.in

ॐ

দশাবতার স্তুতি

Dashavatara Stuti

Tara Bengali

নামস্মরণাদন্যোপাযং ন হি পশ্যামো ভবতরণে ।

রাম হরে কৃষ্ণ হরে তব নাম বদামি সদা নৃহরে ॥

বেদোদ্ধারবিচারমতে সোমকদানবসংহরণে ।

মীনাকারশরীর নমো ভক্তং তে পরিপালয মাম্ ॥ 1 ॥

মন্থানাচলধারণহেতো দেবাসুর পরিপাল বিভো ।

কূর্মাকারশরীর নমো ভক্তং তে পরিপালয মাম্ ॥ 2 ॥

ভূচোরকহর পুণ্যমতে ক্রীডোদ্ধৃতভূদেবহরে ।

ক্রোডাকারশরীর নমো ভক্তং তে পরিপালয মাম্ ॥ 3 ॥

হিরণ্যকশিপুচ্ছেদনহেতো প্রহ্লাদাঽভযধারণহেতো ।

নরসিংহাচ্যুতরূপ নমো ভক্তং তে পরিপালয মাম্ ॥ 4 ॥

ভববন্ধনহর বিততমতে পাদোদকবিহতাঘততে ।

বটুপটুবেষমনোজ্ঞ নমো ভক্তং তে পরিপালয মাম্ ॥ 5 ॥

ক্ষিতিপতিবংশক্ষযকরমূর্তে ক্ষিতিপতিকর্তাহরমূর্তে ।

ভৃগুকুলরাম পরেশ নমো ভক্তং তে পরিপালয মাম্ ॥ 6 ॥

সীতাবল্লভ দাশরথে দশরথনন্দন লোকগুরো ।

রাবণমর্দন রাম নমো ভক্তং তে পরিপালয মাম্ ॥ 7 ॥

কৃষ্ণানন্ত কৃপাজলধে কংসারে কমলেশ হরে ।

কালিযমর্দন লোকগুরো ভক্তং তে পরিপালয মাম্ ॥ 8 ॥

দানবসতিমানাপহর ত্রিপুরবিজযমর্দনরূপ ।

বুদ্ধজ্ঞায চ বৌদ্ধ নমো ভক্তং তে পরিপালয মাম্ ॥ 9 ॥

শিষ্টজনাবন দুষ্টহর খগতুরগোত্তমবাহন তে ।

কল্কিরূপপরিপাল নমো ভক্তং তে পরিপালয মাম্ ॥ 10 ॥

নামস্মরণাদন্যোপাযং ন হি পশ্যামো ভবতরণে ।

রাম হরে কৃষ্ণ হরে তব নাম বদামি সদা নৃহরে ॥

ইতি দশাবতার স্তুতিঃ ।

Roman (IAST) Transliteration

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

vedoddhāravicāramate somakadānavasaṃharaṇe |

mīnākāraśarīra namo bhaktaṃ te paripālaya mām || 1 ||

manthānācaladhāraṇaheto devāsura paripāla vibho |

kūrmākāraśarīra namo bhaktaṃ te paripālaya mām || 2 ||

bhūcorakahara puṇyamate krīḍoddhṛtabhūdevahare |

kroḍākāraśarīra namo bhaktaṃ te paripālaya mām || 3 ||

hiraṇyakaśipucchedanaheto prahlādā'bhayadhāraṇaheto |

narasiṃhācyutarūpa namo bhaktaṃ te paripālaya mām || 4 ||

bhavabandhanahara vitatamate pādodakavihatāghatate |

vaṭupaṭuveṣamanojña namo bhaktaṃ te paripālaya mām || 5 ||

kṣitipativaṃśakṣayakaramūrte kṣitipatikartāharamūrte |

bhṛgukularāma pareśa namo bhaktaṃ te paripālaya mām || 6 ||

sītāvallabha dāśarathe daśarathanandana lokaguro |

rāvaṇamardana rāma namo bhaktaṃ te paripālaya mām || 7 ||

kṛṣṇānanta kṛpājaladhe kaṃsāre kamaleśa hare |

kāliyamardana lokaguro bhaktaṃ te paripālaya mām || 8 ||

dānavasatimānāpahara tripuravijayamardanarūpa |

buddhajñāya ca bauddha namo bhaktaṃ te paripālaya mām || 9 ||

śiṣṭajanāvana duṣṭahara khagaturagottamavāhana te |

kalkirūpaparipāla namo bhaktaṃ te paripālaya mām || 10 ||

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

iti daśāvatāra stutiḥ |