📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
যম অষ্টকম্
Yama Ashtakam
Ashtakam Bengali
সাবিত্র্যুবাচ ।
তপসা ধর্মমারাধ্য পুষ্করে ভাস্করঃ পুরা ।
ধর্মং সূর্যঃসুতং প্রাপ ধর্মরাজং নমাম্যহম্ ॥ 1 ॥
সমতা সর্বভূতেষু যস্য সর্বস্য সাক্ষিণঃ ।
অতো যন্নাম শমনমিতি তং প্রণমাম্যহম্ ॥ 2 ॥
যেনান্তশ্চ কৃতো বিশ্বে সর্বেষাং জীবিনাং পরম্ ।
কামানুরূপং কালেন তং কৃতান্তং নমাম্যহম্ ॥ 3 ॥
বিভর্তি দণ্ডং দণ্ডায পাপিনাং শুদ্ধিহেতবে ।
নমামি তং দণ্ডধরং যঃ শাস্তা সর্বজীবিনাম্ ॥ 4 ॥
বিশ্বং চ কলযত্যেব যঃ সর্বেষু চ সন্ততম্ ।
অতীব দুর্নিবার্যং চ তং কালং প্রণমাম্যহম্ ॥ 5 ॥
তপস্বী ব্রহ্মনিষ্ঠো যঃ সংযমী সঞ্জিতেন্দ্রিযঃ ।
জীবানাং কর্মফলদস্তং যমং প্রণমাম্যহম্ ॥ 6 ॥
স্বাত্মারামশ্চ সর্বজ্ঞো মিত্রং পুণ্যকৃতাং ভবেত্ ।
পাপিনাং ক্লেশদো যস্তং পুণ্যমিত্রং নমাম্যহম্ ॥ 7 ॥
যজ্জন্ম ব্রহ্মণোংঽশেন জ্বলন্তং ব্রহ্মতেজসা ।
যো ধ্যাযতি পরং ব্রহ্ম তমীশং প্রণমাম্যহম্ ॥ 8 ॥
ইত্যুক্ত্বা সা চ সাবিত্রী প্রণনাম যমং মুনে ।
যমস্তাং শক্তিভজনং কর্মপাকমুবাচ হ ॥ 9 ॥
ইদং যমষ্টকং নিত্যং প্রাতরুত্থায যঃ পঠেত্ ।
যমাত্তস্য ভযং নাস্তি সর্বপাপাত্প্রমুচ্যতে ॥ 10 ॥
মহাপাপী যদি পঠেন্নিত্যং ভক্তিসমন্বিতঃ ।
যমঃ করোতি সংশুদ্ধং কাযব্যূহেন নিশ্চিতম্ ॥ 11 ॥
ইতি শ্রীমদ্দেবীভাগবতে মহাপুরাণে নবমস্কন্ধে একত্রিংশোঽধ্যাযঃ ।
Roman (IAST) Transliteration
sāvitryuvāca |
tapasā dharmamārādhya puṣkare bhāskaraḥ purā |
dharmaṃ sūryaḥsutaṃ prāpa dharmarājaṃ namāmyaham || 1 ||
samatā sarvabhūteṣu yasya sarvasya sākṣiṇaḥ |
ato yannāma śamanamiti taṃ praṇamāmyaham || 2 ||
yenāntaśca kṛto viśve sarveṣāṃ jīvināṃ param |
kāmānurūpaṃ kālena taṃ kṛtāntaṃ namāmyaham || 3 ||
bibharti daṇḍaṃ daṇḍāya pāpināṃ śuddhihetave |
namāmi taṃ daṇḍadharaṃ yaḥ śāstā sarvajīvinām || 4 ||
viśvaṃ ca kalayatyeva yaḥ sarveṣu ca santatam |
atīva durnivāryaṃ ca taṃ kālaṃ praṇamāmyaham || 5 ||
tapasvī brahmaniṣṭho yaḥ saṃyamī sañjitendriyaḥ |
jīvānāṃ karmaphaladastaṃ yamaṃ praṇamāmyaham || 6 ||
svātmārāmaśca sarvajño mitraṃ puṇyakṛtāṃ bhavet |
pāpināṃ kleśado yastaṃ puṇyamitraṃ namāmyaham || 7 ||
yajjanma brahmaṇoṃ'śena jvalantaṃ brahmatejasā |
yo dhyāyati paraṃ brahma tamīśaṃ praṇamāmyaham || 8 ||
ityuktvā sā ca sāvitrī praṇanāma yamaṃ mune |
yamastāṃ śaktibhajanaṃ karmapākamuvāca ha || 9 ||
idaṃ yamaṣṭakaṃ nityaṃ prātarutthāya yaḥ paṭhet |
yamāttasya bhayaṃ nāsti sarvapāpātpramucyate || 10 ||
mahāpāpī yadi paṭhennityaṃ bhaktisamanvitaḥ |
yamaḥ karoti saṃśuddhaṃ kāyavyūhena niścitam || 11 ||
iti śrīmaddevībhāgavate mahāpurāṇe navamaskandhe ekatriṃśo'dhyāyaḥ |
InfoLyter.in — Sacred Vedic Knowledge Portal · Free forever