📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.8 যুদ্ধকাণ্ড - অষ্টম সর্গঃ
6.8 Yuddhakanda - Ashtama Sargah
Valmiki Bengali
শ্রীমদ্বাল্মীকীয রামাযণে যুদ্ধকাণ্ডম্ ।
অথ অষ্টমস্সর্গঃ ।
ততোনীলাম্বুদনিভঃ প্রহস্তোনামরাক্ষসঃ ।
অব্রবীত্প্রাঞ্জলির্বাক্যংশূরস্সেনাপতিস্তদা ॥ 1 ॥
দেবদানবগন্ধর্বাঃপিশাচপতগোরগাঃ ।
নত্বান্ধর্ষযিতুংশক্যাঃকিম্পুনর্বানরারণে ॥ 2 ॥
সর্বেপ্রমত্তাবিশ্বস্তাবঞ্চিতাস্স্মহনূমতা ।
নহিমেজীবতোগচ্ছেজ্জীবন্ সবনগোচরঃ ॥ 3 ॥
সর্বাংসাগরপর্যন্তাংসশৈলবনকাননাম্ ।
করোম্যবানরাম্ভূমিমাজ্ঞাপযতুমাম্ভবান্ ॥ 4 ॥
রক্ষাঞ্চৈববিধাস্যামিবানরাদ্রজনীচর ।
নাগমিষ্যতিতেদুঃখঙ্কিঞ্চিদাত্মাপরাধজম্ ॥ 5 ॥
অব্রবীচ্চসুসঙ্কৃদ্ধোদুর্মুখোনামরাক্ষসঃ ।
ইদন্নক্ষমণীযংহিসর্বেষান্নঃপ্রধর্ষণম্ ॥ 6 ॥
অযম্পরিভবোভূযঃপুরস্যান্তঃপুরস্যচ ।
শ্রীমতোরাক্ষসেন্দ্রস্যবানরেণপ্রধর্ষণম্ ॥ 7 ॥
অস্মিন্ মুহূর্তেগত্বৈকোনিবর্তিষ্যামিবানরান্ ।
প্রবিষ্টান্ সাগরম্ভীমমম্বরংবারসাতলম্ ॥ 8 ॥
ততোঽব্রবীত্সুসঙ্কৃদ্ধোবজ্রদংষ্ট্রোমহাবলঃ ।
প্রগৃহ্যপরিঘঙ্ঘোরম্মাংসশোণিতরূষিতম্ ॥ 9 ॥
কিংবোহনুমতাকার্যঙ্কৃপণেনতপস্বিনা ।
রামেতিষ্ঠতিদুর্ধর্ষেসসুগ্রীবেঽপিসলক্ষ্মণে ॥ 10 ॥
অদ্যরামংসসুগ্রীবম্পরিঘেণসলক্ষ্মণম্ ।
আগমিষ্যামিহত্বৈকোবিক্ষোভ্যহরিবাহিনীম্ ॥ 11 ॥
ইদম্মমাপরংবাক্যংশৃণুরাজন্ যদীচ্ছসি ।
উপাযকুশলোহ্যেবজযেচ্ছত্রূনতন্দ্রিতঃ ॥ 12 ॥
কামরূপধরাশ্শূরাস্সুভীমাভীমদর্শনাঃ ।
রাক্ষসাবৈসহস্রাণিরাক্ষসাধিপনিশ্চিতাঃ ॥ 13 ॥
কাকুত্স্থমুপসঙ্গম্যবিভ্রতোমানুষংবপুঃ ।
সর্বেহ্যসম্ভ্রমাভূত্বাব্রুবন্তুরঘুসত্তমম্ ॥ 14 ॥
প্রেষিতাভরতেনৈবভ্রাত্রাতবযবীযসা ।
সহিসেনাংসমুত্থাপ্যক্ষিপ্রমেবোপযাস্যতি ॥ 15 ॥
ততোবযমিতস্তূর্ণংশূলশক্তিগদাধরাঃ ।
চাপবাণাসিহস্তাশ্চত্বরিতাস্তত্রযামহে ॥ 16 ॥
আকাশেগণশস্থ্সিত্বাহত্বাতাংহরিবাহিনীম্ ।
অশ্মশস্ত্রমহাবৃষ্ট্যাপ্রাপযামযমক্ষযম্ ॥ 17 ॥
এবঞ্চেদুপসর্পেতামনযংরামলক্ষ্মণৌ ।
অবশ্যমপনীতেনজহতামেবজীবিতম্ ॥ 18 ॥
কৌম্ভকর্ণিস্ততোবীরোনিকুম্ভোনামবীর্যবান্ ।
অব্রবীত্পরমক্রুদ্ধোরাবণংলোকরাবণম্ ॥ 19 ॥
সর্বেভবন্তস্তিষ্ঠন্তুমহারাজেনসঙ্গতাঃ ।
অহমেকোহনিষ্যামিরাঘবংসহলক্ষ্মণম্ ॥ 20 ॥
সুগ্রীবঞ্চহনূমন্তংসর্বান্নেবচবানরান্ ।
ততোবজ্রহনুর্নামরাক্ষসঃপর্বতোপমঃ ॥ 21 ॥
ক্রুদ্ধঃ পরিলিহন্সৃক্কাঞ্জিহ্বযাবাক্যমব্রবীত্ ।
স্বৈরঙ্কুর্বন্তুকর্মাণিভবন্তোবিগতজ্বরাঃ ॥ 22 ॥
একোঽহম্ভক্ষযিষ্যামিতাংসর্বাংহরিযূথপান্ ।
স্বস্থাঃক্রীডন্তুনিশ্চিন্তাঃপিবন্তুমধুবারুণীম্ ॥ 23 ॥
অহমেকোবধিষ্যামিসুগ্রীবংসহলক্ষ্মণম্ ।
সাঙ্গদঞ্চহনূমন্তংরামঞ্চরণকুঞ্জরম্ ॥ 24 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাণ্ডে অষ্টমস্সর্গঃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭamassargaḥ |
tatonīlāmbudanibhaḥ prahastonāmarākṣasaḥ |
abravītprāñjalirvākyaṃśūrassenāpatistadā || 1 ||
devadānavagandharvāḥpiśācapatagoragāḥ |
natvāndharṣayituṃśakyāḥkimpunarvānarāraṇe || 2 ||
sarvepramattāviśvastāvañcitāssmahanūmatā |
nahimejīvatogacchejjīvan savanagocaraḥ || 3 ||
sarvāṃsāgaraparyantāṃsaśailavanakānanām |
karomyavānarāmbhūmimājñāpayatumāmbhavān || 4 ||
rakṣāñcaivavidhāsyāmivānarādrajanīcara |
nāgamiṣyatiteduḥkhaṅkiñcidātmāparādhajam || 5 ||
abravīccasusaṅkṛddhodurmukhonāmarākṣasaḥ |
idannakṣamaṇīyaṃhisarveṣānnaḥpradharṣaṇam || 6 ||
ayamparibhavobhūyaḥpurasyāntaḥpurasyaca |
śrīmatorākṣasendrasyavānareṇapradharṣaṇam || 7 ||
asmin muhūrtegatvaikonivartiṣyāmivānarān |
praviṣṭān sāgarambhīmamambaraṃvārasātalam || 8 ||
tato'bravītsusaṅkṛddhovajradaṃṣṭromahābalaḥ |
pragṛhyaparighaṅghorammāṃsaśoṇitarūṣitam || 9 ||
kiṃvohanumatākāryaṅkṛpaṇenatapasvinā |
rāmetiṣṭhatidurdharṣesasugrīve'pisalakṣmaṇe || 10 ||
adyarāmaṃsasugrīvamparigheṇasalakṣmaṇam |
āgamiṣyāmihatvaikovikṣobhyaharivāhinīm || 11 ||
idammamāparaṃvākyaṃśṛṇurājan yadīcchasi |
upāyakuśalohyevajayecchatrūnatandritaḥ || 12 ||
kāmarūpadharāśśūrāssubhīmābhīmadarśanāḥ |
rākṣasāvaisahasrāṇirākṣasādhipaniścitāḥ || 13 ||
kākutsthamupasaṅgamyabibhratomānuṣaṃvapuḥ |
sarvehyasambhramābhūtvābruvanturaghusattamam || 14 ||
preṣitābharatenaivabhrātrātavayavīyasā |
sahisenāṃsamutthāpyakṣipramevopayāsyati || 15 ||
tatovayamitastūrṇaṃśūlaśaktigadādharāḥ |
cāpabāṇāsihastāścatvaritāstatrayāmahe || 16 ||
ākāśegaṇaśasthsitvāhatvātāṃharivāhinīm |
aśmaśastramahāvṛṣṭyāprāpayāmayamakṣayam || 17 ||
evañcedupasarpetāmanayaṃrāmalakṣmaṇau |
avaśyamapanītenajahatāmevajīvitam || 18 ||
kaumbhakarṇistatovīronikumbhonāmavīryavān |
abravītparamakruddhorāvaṇaṃlokarāvaṇam || 19 ||
sarvebhavantastiṣṭhantumahārājenasaṅgatāḥ |
ahamekohaniṣyāmirāghavaṃsahalakṣmaṇam || 20 ||
sugrīvañcahanūmantaṃsarvānnevacavānarān |
tatovajrahanurnāmarākṣasaḥparvatopamaḥ || 21 ||
kruddhaḥ parilihansṛkkāñjihvayāvākyamabravīt |
svairaṅkurvantukarmāṇibhavantovigatajvarāḥ || 22 ||
eko'hambhakṣayiṣyāmitāṃsarvāṃhariyūthapān |
svasthāḥkrīḍantuniścintāḥpibantumadhuvāruṇīm || 23 ||
ahamekovadhiṣyāmisugrīvaṃsahalakṣmaṇam |
sāṅgadañcahanūmantaṃrāmañcaraṇakuñjaram || 24 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭamassargaḥ ||
InfoLyter.in — Sacred Vedic Knowledge Portal · Free forever