📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.12 অরণ্যকাণ্ড - দ্বাদশ সর্গঃ
3.12 Aranyakanda - Dvadasha Sargah
Valmiki Bengali
শ্রীমদ্বাল্মীকীয রামাযণে অরণ্যকাণ্ডম্ ।
অথ দ্বাদশস্সর্গঃ ।
সপ্রবিশ্যাঽশ্রমপদং লক্ষ্মণো রাঘবানুজঃ ।
অগস্ত্যশিষ্যমাসাদ্য বাক্যমেতদুবাচ হ ॥ 1 ॥
রাজা দশরথো নাম জ্যেষ্ঠস্তস্য সুতো বলী ।
রামঃ প্রাপ্তো মুনিং দ্রষ্টুং ভার্যযা সহ সীতযা ॥ 2 ॥
লক্ষ্মণো নাম তস্যাহং ভ্রাতা ত্ববরজো হিতঃ ।
অনুকূলশ্চ ভক্তশ্চ যদি তে শ্রোত্রমাগতঃ ॥ 3 ॥
তে বযং বনমত্যুগ্রং প্রবিষ্টাঃ পিতৃশাসনাত্ ।
দ্রষ্টুমিচ্ছামহে সর্বে ভগবন্তং নিবেদ্যতাম্ ॥ 4 ॥
তস্য তদ্ বচনং শ্রুত্বা লক্ষ্মণস্য তপোধনঃ ।
তথেত্যুক্ত্বাঽগ্নিশরণং প্রবিবেশ নিবেদিতুম্ ॥ 5 ॥
স প্রবিশ্য মুনিশ্রেষ্ঠং তপসা দুষ্প্রধর্ষণম্ ।
কৃতাঞ্জলিরুবাচেদং রামাগমনমঞ্জসা ॥ 6 ॥
যথোক্তং লক্ষ্মণেনৈব শিষ্যোঽগস্ত্যস্য সম্মতঃ ।
পুত্রৌ দশরথস্যেমৌ রামো লক্ষ্মণ এব চ ॥ 7 ॥
প্রবিষ্টাবাশ্রমপদং সীতযা সহ ভার্যযা ।
দ্রষ্টুং ভবন্তমাযাতৌ শুশ্রূষার্থমরিন্দমৌ ॥ 8 ॥
যদত্রানন্তরং তত্ত্বমাজ্ঞাপযিতুমর্হসি ।
ততশ্শিষ্যাদুপশ্রুত্য প্রাপ্তং রামং সলক্ষ্মণম্ ॥ 9 ॥
বৈদেহীং চ মহাভাগামিদং বচনমব্রবীত্ ।
দিষ্ট্যা রামশ্চিরস্যাদ্য দ্রষ্টুং মাং সমুপাগতঃ ॥ 10 ॥
মনসা কাঙ্ক্ষিতং হ্যস্য মযাপ্যাগমনং প্রতি ।
গম্যতাং সত্কৃতো রামস্সভার্যস্সহলক্ষ্মণঃ ॥ 11 ॥
প্রবেশ্যতাং সমীপং মে কিং চাসৌ ন প্রবেশিতঃ ।
এবমুক্তস্তু মুনিনা ধর্মজ্ঞেন মহাত্মনা ॥ 12 ॥
অভিবাদ্যাব্রবীচ্ছিষ্যস্তথেতি নিযতাঞ্জলিঃ ।
ততো নিষ্ক্রম্য সম্ভ্রান্তশ্শিষ্যো লক্ষ্মণমব্রবীত্ ॥ 13 ॥
ক্বাসৌ রামো মুনিং দ্রষ্টুমেতু প্রবিশতু স্বযম্ ।
ততো গত্বাঽঽশ্রমপদং শিষ্যেণ সহ লক্ষ্মণঃ ॥ 14 ॥
দর্শযামাস কাকুত্স্থং সীতাং চ জনকাত্মজাম্ ।
তং শিষ্যঃ প্রশ্রিতো বাক্যমগস্ত্যবচনং ব্রুবন্ ॥ 15 ॥
প্রাবেশযদ্যথান্যাযং সত্কারার্হং সুসত্কৃতম্ ।
প্রবিবেশ ততো রামস্সীতযা সহলক্ষ্মণঃ ॥ 16 ॥
প্রশান্তহরিণাকীর্ণমাশ্রমং হ্যবলোকযন্ ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 17 ॥
বিষ্ণোঃ স্থানং মহেন্দ্রস্য স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 18 ॥
দাতুর্বিধাতুঃ স্থানেচ বাযোঃ স্থানং তথৈব চ ।
নাগরাজস্য চ স্থানমনন্তস্য মহাত্মনঃ ॥ 19 ॥
স্থানং তথৈব গাযত্র্যা বসূনাং স্থানমেব চ ।
স্থানং চ পাশহস্তস্য বরুণস্য মহাত্মনঃ ॥ 20 ॥
কার্তিকেযস্য চ স্থানং ধর্মস্থানং চ পশ্যতি ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 21 ॥
বিষ্ণোঃ স্থানং মহেন্দ্রস্য স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 22 ॥
ধাতুর্বিধাতুঃ স্থানং চ বাযোঃ স্থানং তথৈব চ ।
নাগরাজস্য চ স্থানমনন্তস্য মহাত্মনঃ ॥ 23 ॥
স্থানং তথৈব গাযত্র্যা বসূনাং স্থানমেব চ ।
স্থানং চ পাশহস্তস্য বরুণস্য মহাত্মনঃ ॥ 24 ॥
কার্তিকেযস্য চ স্থানং ধর্মস্থানং চ পশ্যতি ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 25 ॥
বিষ্ণোঃ স্থানং মহেন্দ্রস্য স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 26 ॥
দাতুর্বিধাতুঃ স্থানেচ বাযোঃ স্থানং তথৈব চ ।
নাগরাজস্য চ স্থানমনন্তস্য মহাত্মনঃ ॥ 27 ॥
স্থানং তথৈব গাযত্র্যা বসূনাং স্থানমেব চ ।
স্থানং চ পাশহস্তস্য বরুণস্য মহাত্মনঃ ॥ 28 ॥
কার্তিকেযস্য চ স্থানং ধর্মস্থানং চ পশ্যতি ।
ততশ্শিষ্যৈঃ পরিবৃতো মুনিরপ্যভিনিষ্পতত্ ॥ 29 ॥
তং দদর্শাগ্রতো রামো মুনীনাং দীপ্ততেজসাম্ ।
অব্রবীদ্বচনং বীরো লক্ষ্মণং লক্ষ্মিবর্ধনম্ ॥ 30 ॥
এষ লক্ষ্মণ নিষ্ক্রামত্যগস্ত্যো ভগবানৃষিঃ ।
ঔদার্যেণাবগচ্ছামি নিধানং তপসামিমম্ ॥ 31 ॥
এবমুক্ত্বা মহাবাহুরগস্ত্যং সূর্যবর্চসম্ ।
জগ্রাহ পরমপ্রীতস্তস্য পাদৌ পরন্তপঃ ॥ 32 ॥
অভিবাদ্য তু ধর্মাত্মা তস্থৌ রামঃ কৃতাঞ্জলিঃ ।
সীতযা সহ বৈদেহ্যা তদা রামঃ সলক্ষ্মণঃ ॥ 33 ॥
প্রতিজগ্রাহ কাকুত্স্থমর্চযিত্বাসনোদকৈঃ ।
কুশলপ্রশ্নমুক্ত্বা চ আস্যতামিতি চাব্রবীত্ ॥ 34 ॥
অগ্নিং হুত্বা প্রদাযার্ঘ্যমতিথীন্ প্রতিপূজ্য চ ।
বানপ্রস্থ্যেন ধর্মেণ স তেষাং ভোজনং দদৌ ॥ 35 ॥
প্রথমং চোপবিশ্যাথ ধর্মজ্ঞো মুনিপুঙ্গবঃ ।
উবাচ রামমাসীনং প্রাঞ্জলিং ধর্মকোবিদম্ ॥ 36 ॥
অগ্নিং হুত্বা প্রদাযার্ঘ্যমতিথিং প্রতিপূজযেত্ ।
অন্যথা খলু কাকুত্স্থ তপস্বী সমুদাচরন্ ॥ 37 ॥
দুঃসাক্ষীব পরে লোকে স্বানি মাংসানি ভক্ষযেত্ ।
রাজা সর্বস্য লোকস্য ধর্মচারী মহারথঃ ॥ 38 ॥
পূজনীযশ্চ মান্যশ্চ ভবান্ প্রাপ্তঃ প্রিযাতিথিঃ ।
এবমুক্ত্বা ফলৈর্মূলৈঃ পুষ্পৈরন্যৈশ্চ রাঘবম্ ॥ 39 ॥
পূজযিত্বা যথাকামং পুনরেব ততোঽব্রবীত্ ।
ইদং দিব্যং মহচ্চাপং হেমরত্নবিভূষিতম্ ॥ 40 ॥
বৈষ্ণবং পুরুষব্যাঘ্র নির্মিতং বিশ্বকর্মণা ।
অমোঘস্সূর্যসঙ্কাশো ব্রহ্মদত্তশ্শরোত্তমঃ ॥ 41 ॥
দত্তৌ মম মহেন্দ্রেণ তূণী চাক্ষযসাযকৌ ।
সম্পূর্ণৌ নিশিতৈর্বাণৈর্জ্বলদ্ভিরিব পাবকৈঃ ॥ 42 ॥
মহারজতকোশোঽযমসির্হেমবিভূষিতঃ ।
অনেন ধনুষা রাম হত্বা সঙ্খ্যে মহাসুরান্ ॥ 43 ॥
আজহার শ্রিযং দীপ্তাং পুরা বিষ্ণুর্দিবৌকসাম্ ।
তদ্ধনুস্তৌ চ তূণীরৌ শরং খঙ্গং চ মানদ ॥ 44 ॥
জযায প্রতিগৃহ্ণীষ্ব বজ্রং বজ্রধরো যথা ।
এবমুক্ত্বা মহাতেজাঃ সমস্তং তদ্বরাযুধম্ ।
দত্বা রামায ভগবানগস্ত্যঃ পুনরব্রবীত্ ॥ 45 ॥
ইত্যার্ষে শ্রীমদ্রামাযণে বাল্মীকীয আদিকাব্যে অরণ্যকাণ্ডে দ্বাদশস্সর্গঃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha dvādaśassargaḥ |
sapraviśyā'śramapadaṃ lakṣmaṇo rāghavānujaḥ |
agastyaśiṣyamāsādya vākyametaduvāca ha || 1 ||
rājā daśaratho nāma jyeṣṭhastasya suto balī |
rāmaḥ prāpto muniṃ draṣṭuṃ bhāryayā saha sītayā || 2 ||
lakṣmaṇo nāma tasyāhaṃ bhrātā tvavarajo hitaḥ |
anukūlaśca bhaktaśca yadi te śrotramāgataḥ || 3 ||
te vayaṃ vanamatyugraṃ praviṣṭāḥ pitṛśāsanāt |
draṣṭumicchāmahe sarve bhagavantaṃ nivedyatām || 4 ||
tasya tad vacanaṃ śrutvā lakṣmaṇasya tapodhanaḥ |
tathetyuktvā'gniśaraṇaṃ praviveśa niveditum || 5 ||
sa praviśya muniśreṣṭhaṃ tapasā duṣpradharṣaṇam |
kṛtāñjaliruvācedaṃ rāmāgamanamañjasā || 6 ||
yathoktaṃ lakṣmaṇenaiva śiṣyo'gastyasya sammataḥ |
putrau daśarathasyemau rāmo lakṣmaṇa eva ca || 7 ||
praviṣṭāvāśramapadaṃ sītayā saha bhāryayā |
draṣṭuṃ bhavantamāyātau śuśrūṣārthamarindamau || 8 ||
yadatrānantaraṃ tattvamājñāpayitumarhasi |
tataśśiṣyādupaśrutya prāptaṃ rāmaṃ salakṣmaṇam || 9 ||
vaidehīṃ ca mahābhāgāmidaṃ vacanamabravīt |
diṣṭyā rāmaścirasyādya draṣṭuṃ māṃ samupāgataḥ || 10 ||
manasā kāṅkṣitaṃ hyasya mayāpyāgamanaṃ prati |
gamyatāṃ satkṛto rāmassabhāryassahalakṣmaṇaḥ || 11 ||
praveśyatāṃ samīpaṃ me kiṃ cāsau na praveśitaḥ |
evamuktastu muninā dharmajñena mahātmanā || 12 ||
abhivādyābravīcchiṣyastatheti niyatāñjaliḥ |
tato niṣkramya sambhrāntaśśiṣyo lakṣmaṇamabravīt || 13 ||
kvāsau rāmo muniṃ draṣṭumetu praviśatu svayam |
tato gatvā''śramapadaṃ śiṣyeṇa saha lakṣmaṇaḥ || 14 ||
darśayāmāsa kākutsthaṃ sītāṃ ca janakātmajām |
taṃ śiṣyaḥ praśrito vākyamagastyavacanaṃ bruvan || 15 ||
prāveśayadyathānyāyaṃ satkārārhaṃ susatkṛtam |
praviveśa tato rāmassītayā sahalakṣmaṇaḥ || 16 ||
praśāntahariṇākīrṇamāśramaṃ hyavalokayan |
sa tatra brahmaṇaḥ sthānamagneḥ sthānaṃ tathaiva ca || 17 ||
viṣṇoḥ sthānaṃ mahendrasya sthānaṃ caiva vivasvataḥ |
somasthānaṃ bhagasthānaṃ sthānaṃ kauberameva ca || 18 ||
dāturvidhātuḥ sthāneca vāyoḥ sthānaṃ tathaiva ca |
nāgarājasya ca sthānamanantasya mahātmanaḥ || 19 ||
sthānaṃ tathaiva gāyatryā vasūnāṃ sthānameva ca |
sthānaṃ ca pāśahastasya varuṇasya mahātmanaḥ || 20 ||
kārtikeyasya ca sthānaṃ dharmasthānaṃ ca paśyati |
sa tatra brahmaṇaḥ sthānamagneḥ sthānaṃ tathaiva ca || 21 ||
viṣṇoḥ sthānaṃ mahendrasya sthānaṃ caiva vivasvataḥ |
somasthānaṃ bhagasthānaṃ sthānaṃ kauberameva ca || 22 ||
dhāturvidhātuḥ sthānaṃ ca vāyoḥ sthānaṃ tathaiva ca |
nāgarājasya ca sthānamanantasya mahātmanaḥ || 23 ||
sthānaṃ tathaiva gāyatryā vasūnāṃ sthānameva ca |
sthānaṃ ca pāśahastasya varuṇasya mahātmanaḥ || 24 ||
kārtikeyasya ca sthānaṃ dharmasthānaṃ ca paśyati |
sa tatra brahmaṇaḥ sthānamagneḥ sthānaṃ tathaiva ca || 25 ||
viṣṇoḥ sthānaṃ mahendrasya sthānaṃ caiva vivasvataḥ |
somasthānaṃ bhagasthānaṃ sthānaṃ kauberameva ca || 26 ||
dāturvidhātuḥ sthāneca vāyoḥ sthānaṃ tathaiva ca |
nāgarājasya ca sthānamanantasya mahātmanaḥ || 27 ||
sthānaṃ tathaiva gāyatryā vasūnāṃ sthānameva ca |
sthānaṃ ca pāśahastasya varuṇasya mahātmanaḥ || 28 ||
kārtikeyasya ca sthānaṃ dharmasthānaṃ ca paśyati |
tataśśiṣyaiḥ parivṛto munirapyabhiniṣpatat || 29 ||
taṃ dadarśāgrato rāmo munīnāṃ dīptatejasām |
abravīdvacanaṃ vīro lakṣmaṇaṃ lakṣmivardhanam || 30 ||
eṣa lakṣmaṇa niṣkrāmatyagastyo bhagavānṛṣiḥ |
audāryeṇāvagacchāmi nidhānaṃ tapasāmimam || 31 ||
evamuktvā mahābāhuragastyaṃ sūryavarcasam |
jagrāha paramaprītastasya pādau parantapaḥ || 32 ||
abhivādya tu dharmātmā tasthau rāmaḥ kṛtāñjaliḥ |
sītayā saha vaidehyā tadā rāmaḥ salakṣmaṇaḥ || 33 ||
pratijagrāha kākutsthamarcayitvāsanodakaiḥ |
kuśalapraśnamuktvā ca āsyatāmiti cābravīt || 34 ||
agniṃ hutvā pradāyārghyamatithīn pratipūjya ca |
vānaprasthyena dharmeṇa sa teṣāṃ bhojanaṃ dadau || 35 ||
prathamaṃ copaviśyātha dharmajño munipuṅgavaḥ |
uvāca rāmamāsīnaṃ prāñjaliṃ dharmakovidam || 36 ||
agniṃ hutvā pradāyārghyamatithiṃ pratipūjayet |
anyathā khalu kākutstha tapasvī samudācaran || 37 ||
duḥsākṣīva pare loke svāni māṃsāni bhakṣayet |
rājā sarvasya lokasya dharmacārī mahārathaḥ || 38 ||
pūjanīyaśca mānyaśca bhavān prāptaḥ priyātithiḥ |
evamuktvā phalairmūlaiḥ puṣpairanyaiśca rāghavam || 39 ||
pūjayitvā yathākāmaṃ punareva tato'bravīt |
idaṃ divyaṃ mahaccāpaṃ hemaratnavibhūṣitam || 40 ||
vaiṣṇavaṃ puruṣavyāghra nirmitaṃ viśvakarmaṇā |
amoghassūryasaṅkāśo brahmadattaśśarottamaḥ || 41 ||
dattau mama mahendreṇa tūṇī cākṣayasāyakau |
sampūrṇau niśitairbāṇairjvaladbhiriva pāvakaiḥ || 42 ||
mahārajatakośo'yamasirhemavibhūṣitaḥ |
anena dhanuṣā rāma hatvā saṅkhye mahāsurān || 43 ||
ājahāra śriyaṃ dīptāṃ purā viṣṇurdivaukasām |
taddhanustau ca tūṇīrau śaraṃ khaṅgaṃ ca mānada || 44 ||
jayāya pratigṛhṇīṣva vajraṃ vajradharo yathā |
evamuktvā mahātejāḥ samastaṃ tadvarāyudham |
datvā rāmāya bhagavānagastyaḥ punarabravīt || 45 ||
ityārṣe śrīmadrāmāyaṇe vālmīkīya ādikāvye araṇyakāṇḍe dvādaśassargaḥ ||
InfoLyter.in — Sacred Vedic Knowledge Portal · Free forever