Vinayaka Ashtottara Shata Nama Stotram

ॐ

বিনাযক অষ্টোত্তর শত নাম স্তোত্রম্

Ganesha Ashtottara Sata Namavali Bengali

বিনাযকো বিঘ্নরাজো গৌরীপুত্রো গণেশ্বরঃ ।

স্কন্দাগ্রজোঽব্যযঃ পূতো দক্ষোঽধ্যক্ষো দ্বিজপ্রিযঃ ॥ 1 ॥

অগ্নিগর্বচ্ছিদিন্দ্রশ্রীপ্রদো বাণীপ্রদাযকঃ ।

সর্বসিদ্ধিপ্রদঃ শর্বতনযঃ শর্বরীপ্রিযঃ ॥ 2 ॥

সর্বাত্মকঃ সৃষ্টিকর্তা দেবানীকার্চিতঃ শিবঃ ।

সিদ্ধিবুদ্ধিপ্রদঃ শান্তো ব্রহ্মচারী গজাননঃ ॥ 3 ॥

দ্বৈমাতুরো মুনিস্তুত্যো ভক্তবিঘ্নবিনাশনঃ ।

একদন্তশ্চতুর্বাহুশ্চতুরঃ শক্তিসংযুতঃ ॥ 4 ॥

লম্বোদরঃ শূর্পকর্ণো হরির্ব্রহ্মবিদুত্তমঃ ।

কাব্যো গ্রহপতিঃ কামী সোমসূর্যাগ্নিলোচনঃ ॥ 5 ॥

পাশাঙ্কুশধরশ্চণ্ডো গুণাতীতো নিরঞ্জনঃ ।

অকল্মষঃ স্বযং সিদ্ধঃ সিদ্ধার্চিতপদাম্বুজঃ ॥ 6 ॥

বীজাপূরফলাসক্তো বরদঃ শাশ্বতঃ কৃতী ।

দ্বিজপ্রিযো বীতভযো গদী চক্রীক্ষুচাপধৃত্ ॥ 7 ॥

শ্রীদোঽজ উত্পলকরঃ শ্রীপতিস্তুতিহর্ষিতঃ ।

কুলাদ্রিভেত্তা জটিলশ্চন্দ্রচূডোঽমরেশ্বরঃ ॥ 8 ॥

নাগযজ্ঞোপবীতী চ কলিকল্মষনাশনঃ ।

স্থূলকণ্ঠঃ স্বযঙ্কর্তা সামঘোষপ্রিযঃ পরঃ ॥ 9 ॥

স্থূলতুণ্ডোঽগ্রণীর্ধীরো বাগীশঃ সিদ্ধিদাযকঃ ।

দূর্বাবিল্বপ্রিযঃ কান্তঃ পাপহারী সমাহিতঃ ॥ 10 ॥

আশ্রিতশ্রীকরঃ সৌম্যো ভক্তবাঞ্ছিতদাযকঃ ।

শান্তোঽচ্যুতার্চ্যঃ কৈবল্যো সচ্চিদানন্দবিগ্রহঃ ॥ 11 ॥

জ্ঞানী দযাযুতো দান্তো ব্রহ্মদ্বেষবিবর্জিতঃ ।

প্রমত্তদৈত্যভযদো ব্যক্তমূর্তিরমূর্তিমান্ ॥ 12 ॥

শৈলেন্দ্রতনুজোত্সঙ্গখেলনোত্সুকমানসঃ ।

স্বলাবণ্যসুধাসারজিতমন্মথবিগ্রহঃ ॥ 13 ॥

সমস্তজগদাধারো মাযী মূষকবাহনঃ ।

রমার্চিতো বিধিশ্চৈব শ্রীকণ্ঠো বিবুধেশ্বরঃ ॥ 14 ॥

চিন্তামণিদ্বীপপতিঃ পরমাত্মা গজাননঃ ।

হৃষ্টস্তুষ্টঃ প্রসন্নাত্মা সর্বসিদ্ধিপ্রদাযকঃ ॥ 15 ॥

অষ্টোত্তরশতেনৈবং নাম্নাং বিঘ্নেশ্বরং বিভুম্ ।

যঃ পূজযেদনেনৈব ভক্ত্যা সিদ্ধিবিনাযকম্ ॥ 16 ॥

দূর্বাদলৈঃ বিল্বপত্রৈঃ পুষ্পৈর্বা চন্দনাক্ষতৈঃ ।

সর্বান্কামানবাপ্নোতি সর্ববিঘ্নৈঃ প্রমুচ্যতে ॥ 17 ॥

ইতি ভবিষ্যোত্তরপুরাণে বিনাযকাষ্টোত্তরশতনাম স্তোত্রম্ ।

Roman (IAST) Transliteration

vināyako vighnarājo gaurīputro gaṇeśvaraḥ |

skandāgrajo'vyayaḥ pūto dakṣo'dhyakṣo dvijapriyaḥ || 1 ||

agnigarvacchidindraśrīprado vāṇīpradāyakaḥ |

sarvasiddhipradaḥ śarvatanayaḥ śarvarīpriyaḥ || 2 ||

sarvātmakaḥ sṛṣṭikartā devānīkārcitaḥ śivaḥ |

siddhibuddhipradaḥ śānto brahmacārī gajānanaḥ || 3 ||

dvaimāturo munistutyo bhaktavighnavināśanaḥ |

ekadantaścaturbāhuścaturaḥ śaktisaṃyutaḥ || 4 ||

lambodaraḥ śūrpakarṇo harirbrahmaviduttamaḥ |

kāvyo grahapatiḥ kāmī somasūryāgnilocanaḥ || 5 ||

pāśāṅkuśadharaścaṇḍo guṇātīto nirañjanaḥ |

akalmaṣaḥ svayaṃ siddhaḥ siddhārcitapadāmbujaḥ || 6 ||

bījāpūraphalāsakto varadaḥ śāśvataḥ kṛtī |

dvijapriyo vītabhayo gadī cakrīkṣucāpadhṛt || 7 ||

śrīdo'ja utpalakaraḥ śrīpatistutiharṣitaḥ |

kulādribhettā jaṭilaścandracūḍo'mareśvaraḥ || 8 ||

nāgayajñopavītī ca kalikalmaṣanāśanaḥ |

sthūlakaṇṭhaḥ svayaṅkartā sāmaghoṣapriyaḥ paraḥ || 9 ||

sthūlatuṇḍo'graṇīrdhīro vāgīśaḥ siddhidāyakaḥ |

dūrvābilvapriyaḥ kāntaḥ pāpahārī samāhitaḥ || 10 ||

āśritaśrīkaraḥ saumyo bhaktavāñchitadāyakaḥ |

śānto'cyutārcyaḥ kaivalyo saccidānandavigrahaḥ || 11 ||

jñānī dayāyuto dānto brahmadveṣavivarjitaḥ |

pramattadaityabhayado vyaktamūrtiramūrtimān || 12 ||

śailendratanujotsaṅgakhelanotsukamānasaḥ |

svalāvaṇyasudhāsārajitamanmathavigrahaḥ || 13 ||

samastajagadādhāro māyī mūṣakavāhanaḥ |

ramārcito vidhiścaiva śrīkaṇṭho vibudheśvaraḥ || 14 ||

cintāmaṇidvīpapatiḥ paramātmā gajānanaḥ |

hṛṣṭastuṣṭaḥ prasannātmā sarvasiddhipradāyakaḥ || 15 ||

aṣṭottaraśatenaivaṃ nāmnāṃ vighneśvaraṃ vibhum |

yaḥ pūjayedanenaiva bhaktyā siddhivināyakam || 16 ||

dūrvādalaiḥ bilvapatraiḥ puṣpairvā candanākṣataiḥ |

sarvānkāmānavāpnoti sarvavighnaiḥ pramucyate || 17 ||

iti bhaviṣyottarapurāṇe vināyakāṣṭottaraśatanāma stotram |