📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
বৈদ্যনাথাষ্টকম্
Vaidyanathashtakam
Ashtakam Bengali
শ্রীরামসৌমিত্রিজটাযুবেদ ষডাননাদিত্য কুজার্চিতায ।
শ্রীনীলকণ্ঠায দযামযায শ্রীবৈদ্যনাথায নমঃশিবায ॥ 1॥
শম্ভো মহাদেব শম্ভো মহাদেব শম্ভো মহাদেব শম্ভো মহাদেব ।
শম্ভো মহাদেব শম্ভো মহাদেব শম্ভো মহাদেব শম্ভো মহাদেব ॥
গঙ্গাপ্রবাহেন্দু জটাধরায ত্রিলোচনায স্মর কালহন্ত্রে ।
সমস্ত দেবৈরভিপূজিতায শ্রীবৈদ্যনাথায নমঃ শিবায ॥ 2॥
(শম্ভো মহাদেব)
ভক্তঃপ্রিযায ত্রিপুরান্তকায পিনাকিনে দুষ্টহরায নিত্যম্ ।
প্রত্যক্ষলীলায মনুষ্যলোকে শ্রীবৈদ্যনাথায নমঃ শিবায ॥ 3॥
(শম্ভো মহাদেব)
প্রভূতবাতাদি সমস্তরোগ প্রনাশকর্ত্রে মুনিবন্দিতায ।
প্রভাকরেন্দ্বগ্নি বিলোচনায শ্রীবৈদ্যনাথায নমঃ শিবায ॥ 4॥
(শম্ভো মহাদেব)
বাক্ শ্রোত্র নেত্রাঙ্ঘ্রি বিহীনজন্তোঃ বাক্শ্রোত্রনেত্রাঙ্ঘ্রিসুখপ্রদায ।
কুষ্ঠাদিসর্বোন্নতরোগহন্ত্রে শ্রীবৈদ্যনাথায নমঃ শিবায ॥ 5॥
(শম্ভো মহাদেব)
বেদান্তবেদ্যায জগন্মযায যোগীশ্বরদ্যেয পদাম্বুজায ।
ত্রিমূর্তিরূপায সহস্রনাম্নে শ্রীবৈদ্যনাথায নমঃ শিবায ॥ 6॥
(শম্ভো মহাদেব)
স্বতীর্থমৃদ্ভস্মভৃতাঙ্গভাজাং পিশাচদুঃখার্তিভযাপহায ।
আত্মস্বরূপায শরীরভাজাং শ্রীবৈদ্যনাথায নমঃ শিবায ॥ 7॥
(শম্ভো মহাদেব)
শ্রীনীলকণ্ঠায বৃষধ্বজায স্রক্গন্ধ ভস্মাদ্যভিশোভিতায ।
সুপুত্রদারাদি সুভাগ্যদায শ্রীবৈদ্যনাথায নমঃ শিবায ॥ 8॥
(শম্ভো মহাদেব)
বালাম্বিকেশ বৈদ্যেশ ভবরোগ হরেতি চ ।
জপেন্নামত্রযং নিত্যং মহারোগনিবারণম্ ॥ 9॥
(শম্ভো মহাদেব)
॥ ইতি শ্রী বৈদ্যনাথাষ্টকম্ ॥
Roman (IAST) Transliteration
śrīrāmasaumitrijaṭāyuveda ṣaḍānanāditya kujārcitāya |
śrīnīlakaṇṭhāya dayāmayāya śrīvaidyanāthāya namaḥśivāya || 1||
śambho mahādeva śambho mahādeva śambho mahādeva śambho mahādeva |
śambho mahādeva śambho mahādeva śambho mahādeva śambho mahādeva ||
gaṅgāpravāhendu jaṭādharāya trilocanāya smara kālahantre |
samasta devairabhipūjitāya śrīvaidyanāthāya namaḥ śivāya || 2||
(śambho mahādeva)
bhaktaḥpriyāya tripurāntakāya pinākine duṣṭaharāya nityam |
pratyakṣalīlāya manuṣyaloke śrīvaidyanāthāya namaḥ śivāya || 3||
(śambho mahādeva)
prabhūtavātādi samastaroga pranāśakartre munivanditāya |
prabhākarendvagni vilocanāya śrīvaidyanāthāya namaḥ śivāya || 4||
(śambho mahādeva)
vāk śrotra netrāṅghri vihīnajantoḥ vākśrotranetrāṅghrisukhapradāya |
kuṣṭhādisarvonnatarogahantre śrīvaidyanāthāya namaḥ śivāya || 5||
(śambho mahādeva)
vedāntavedyāya jaganmayāya yogīśvaradyeya padāmbujāya |
trimūrtirūpāya sahasranāmne śrīvaidyanāthāya namaḥ śivāya || 6||
(śambho mahādeva)
svatīrthamṛdbhasmabhṛtāṅgabhājāṃ piśācaduḥkhārtibhayāpahāya |
ātmasvarūpāya śarīrabhājāṃ śrīvaidyanāthāya namaḥ śivāya || 7||
(śambho mahādeva)
śrīnīlakaṇṭhāya vṛṣadhvajāya srakgandha bhasmādyabhiśobhitāya |
suputradārādi subhāgyadāya śrīvaidyanāthāya namaḥ śivāya || 8||
(śambho mahādeva)
bālāmbikeśa vaidyeśa bhavaroga hareti ca |
japennāmatrayaṃ nityaṃ mahāroganivāraṇam || 9||
(śambho mahādeva)
|| iti śrī vaidyanāthāṣṭakam ||
InfoLyter.in — Sacred Vedic Knowledge Portal · Free forever