📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী বেদ ব্যাস স্তুতি
Shri Veda Vyasa Stuti
Adi Shankaracharya Bengali
ব্যাসং বসিষ্ঠনপ্তারং শক্তেঃ পৌত্রমকল্মষম্ ।
1
পরাশরাত্মজং বন্দে শুকতাতং তপোনিধিম্ ॥ 1
ব্যাসায বিষ্ণুরূপায ব্যাসরূপায বিষ্ণবে ।
2
নমো বৈ ব্রহ্মনিধযে বাসিষ্ঠায নমো নমঃ ॥ 2
কৃষ্ণদ্বৈপাযনং ব্যাসং সর্বলোকহিতে রতম্ ।
3
বেদাব্জভাস্করং বন্দে শমাদিনিলযং মুনিম্ ॥ 3
বেদব্যাসং স্বাত্মরূপং সত্যসন্ধং পরাযণম্ ।
4
শান্তং জিতেন্দ্রিযক্রোধং সশিষ্যং প্রণমাম্যহম্ ॥ 4
অচতুর্বদনো ব্রহ্মা দ্বিবাহুরপরো হরিঃ ।
5
অফাললোচনঃ শম্ভুঃ ভগবান্ বাদরাযণঃ ॥ 5
শঙ্করং শঙ্করাচার্যং কেশবং বাদরাযণম্ ।
6
সূত্রভাষ্যকৃতৌ বন্দে ভগবন্তৌ পুনঃ পুনঃ ॥ 6
ব্রহ্মসূত্রকৃতে তস্মৈ বেদব্যাসায বেধসে ।
7
জ্ঞানশক্ত্যবতারায নমো ভগবতো হরেঃ ॥ 7
ব্যাসঃ সমস্তধর্মাণাং বক্তা মুনিবরেডিতঃ ।
8
চিরঞ্জীবী দীর্ঘমাযুর্দদাতু জটিলো মম ॥ 8
প্রজ্ঞাবলেন তপসা চতুর্বেদবিভাজকঃ ।
9
কৃষ্ণদ্বৈপাযনো যশ্চ তস্মৈ শ্রীগুরবে নমঃ ॥ 9
জটাধরস্তপোনিষ্ঠঃ শুদ্ধযোগো জিতেন্দ্রিযঃ ।
10
কৃষ্ণাজিনধরঃ কৃষ্ণস্তস্মৈ শ্রীগুরবে নমঃ ॥ 10
ভারতস্য বিধাতা চ দ্বিতীয ইব যো হরিঃ ।
11
হরিভক্তিপরো যশ্চ তস্মৈ শ্রীগুরবে নমঃ ॥ 11
জযতি পরাশরসূনুঃ সত্যবতী হৃদযনন্দনো ব্যাসঃ ।
12
যস্যাস্য কমলগলিতং ভারতমমৃতং জগত্পিবতি ॥ 12
বেদবিভাগবিধাত্রে বিমলায ব্রহ্মণে নমো বিশ্বদৃশে ।
13
সকলধৃতিহেতুসাধনসূত্রসৃজে সত্যবত্যভিব্যক্তি মতে ॥ 13
বেদান্তবাক্যকুসুমানি সমানি চারু
জগ্রন্থ সূত্রনিচযেন মনোহরেণ ।
মোক্ষার্থিলোকহিতকামনযা মুনির্যঃ
14
তং বাদরাযণমহং প্রণমামি ভক্ত্যা ॥ 14
ইতি শ্রী বেদব্যাস স্তুতিঃ ।
Roman (IAST) Transliteration
vyāsaṃ vasiṣṭhanaptāraṃ śakteḥ pautramakalmaṣam |
parāśarātmajaṃ vande śukatātaṃ taponidhim || 1
vyāsāya viṣṇurūpāya vyāsarūpāya viṣṇave |
namo vai brahmanidhaye vāsiṣṭhāya namo namaḥ || 2
kṛṣṇadvaipāyanaṃ vyāsaṃ sarvalokahite ratam |
vedābjabhāskaraṃ vande śamādinilayaṃ munim || 3
vedavyāsaṃ svātmarūpaṃ satyasandhaṃ parāyaṇam |
śāntaṃ jitendriyakrodhaṃ saśiṣyaṃ praṇamāmyaham || 4
acaturvadano brahmā dvibāhuraparo hariḥ |
aphālalocanaḥ śambhuḥ bhagavān bādarāyaṇaḥ || 5
śaṅkaraṃ śaṅkarācāryaṃ keśavaṃ bādarāyaṇam |
sūtrabhāṣyakṛtau vande bhagavantau punaḥ punaḥ || 6
brahmasūtrakṛte tasmai vedavyāsāya vedhase |
jñānaśaktyavatārāya namo bhagavato hareḥ || 7
vyāsaḥ samastadharmāṇāṃ vaktā munivareḍitaḥ |
cirañjīvī dīrghamāyurdadātu jaṭilo mama || 8
prajñābalena tapasā caturvedavibhājakaḥ |
kṛṣṇadvaipāyano yaśca tasmai śrīgurave namaḥ || 9
jaṭādharastaponiṣṭhaḥ śuddhayogo jitendriyaḥ |
kṛṣṇājinadharaḥ kṛṣṇastasmai śrīgurave namaḥ || 10
bhāratasya vidhātā ca dvitīya iva yo hariḥ |
haribhaktiparo yaśca tasmai śrīgurave namaḥ || 11
jayati parāśarasūnuḥ satyavatī hṛdayanandano vyāsaḥ |
yasyāsya kamalagalitaṃ bhāratamamṛtaṃ jagatpibati || 12
vedavibhāgavidhātre vimalāya brahmaṇe namo viśvadṛśe |
sakaladhṛtihetusādhanasūtrasṛje satyavatyabhivyakti mate || 13
vedāntavākyakusumāni samāni cāru
jagrantha sūtranicayena manohareṇa |
mokṣārthilokahitakāmanayā muniryaḥ
taṃ bādarāyaṇamahaṃ praṇamāmi bhaktyā || 14
iti śrī vedavyāsa stutiḥ |
InfoLyter.in — Sacred Vedic Knowledge Portal · Free forever