📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী সিদ্ধলক্ষ্মী স্তোত্রম্
Shri Siddhalakshmi Stotram
Lakshmi Stotram Bengali
অস্য শ্রীসিদ্ধলক্ষ্মীস্তোত্রমন্ত্রস্য হিরণ্যগর্ভ ঋষিঃ অনুষ্টুপ্ ছন্দঃ, শ্রীমহাকালীমহালক্ষ্মীমহাসরস্বত্যো দেবতাঃ শ্রীং বীজং হ্রীং শক্তিঃ ক্লীং কীলকং মম সর্বক্লেশপীডাপরিহারার্থং সর্বদুঃখদারিদ্র্যনাশনার্থং সর্বকার্যসিদ্ধ্যর্থং শ্রীসিদ্ধিলক্ষ্মীস্তোত্র পাঠে বিনিযোগঃ ॥
ঋষ্যাদিন্যাসঃ
ওঁ হিরণ্যগর্ভ ঋষযে নমঃ শিরসি ।
অনুষ্টুপ্ছন্দসে নমো মুখে ।
শ্রীমহাকালীমহালক্ষ্মীমহাসরস্বতীদেবতাভ্যো নমো হৃদিঃ ।
শ্রীং বীজায নমো গুহ্যে ।
হ্রীং শক্তযে নমঃ পাদযোঃ ।
ক্লীং কীলকায নমো নাভৌ ।
বিনিযোগায নমঃ সর্বাঙ্গেষু ॥
করন্যাসঃ
ওঁ শ্রীং সিদ্ধলক্ষ্ম্যৈ অঙ্গুষ্ঠাভ্যাং নমঃ ।
ওঁ হ্রীং বিষ্ণুতেজসে তর্জনীভ্যাং নমঃ ।
ওঁ ক্লীং অমৃতানন্দাযৈ মধ্যমাভ্যাং নমঃ ।
ওঁ শ্রীং দৈত্যমালিন্যৈ অনামিকাভ্যাং নমঃ ।
ওঁ হ্রীং তেজঃ প্রকাশিন্যৈ কনিষ্ঠিকাভ্যাং নমঃ ।
ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ করতল করপৃষ্ঠাভ্যাং নমঃ ॥
অঙ্গন্যাসঃ
ওঁ শ্রীং সিদ্ধলক্ষ্ম্যৈ হৃদযায নমঃ ।
ওঁ হ্রীং বিষ্ণুতেজসে শিরসে স্বাহা ।
ওঁ ক্লীং অমৃতানন্দাযৈ শিখাযৈ বষট্ ।
ওঁ শ্রীং দৈত্যমালিন্যৈ কবচায হুম্ ।
ওঁ হ্রীং তেজঃ প্রকাশিন্যৈ নেত্রত্রযায বৌষট্ ।
ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥
ওঁ শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বন্ধঃ ॥
অথ ধ্যানম্
ব্রাহ্মীং চ বৈষ্ণবীং ভদ্রাং ষড্ভুজাং চ চতুর্মুখীম্ ।
ত্রিনেত্রাং খড্গত্রিশূলপদ্মচক্রগদাধরাম্ ॥ 1 ॥
পীতাম্বরধরাং দেবীং নানালঙ্কারভূষিতাম্ ।
তেজঃপুঞ্জধরীং শ্রেষ্ঠাং ধ্যাযেদ্বালকুমারিকাম্ ॥ 2 ॥
অথ স্তোত্রম্
ওঙ্কারং লক্ষ্মীরূপং তু বিষ্ণুং বাগ্ভবমব্যযম্ ।
বিষ্ণুমানন্দমব্যক্তং হ্রীঙ্কারং বীজরূপিণীম্ ॥ 3 ॥
ক্লীং অমৃতানন্দিনীং ভদ্রাং সত্যানন্দদাযিনীম্ ।
শ্রীং দৈত্যশমনীং শক্তিং মালিনীং শত্রুমর্দিনীম্ ॥ 4 ॥
তেজঃ প্রকাশিনীং দেবীং বরদাং শুভকারিণীম্ ।
ব্রাহ্মীং চ বৈষ্ণবীং রৌদ্রীং কালিকারূপশোভিনীম্ ॥ 5 ॥
অকারে লক্ষ্মীরূপং তু উকারে বিষ্ণুমব্যযম্ ।
মকারঃ পুরুষোঽব্যক্তো দেবী প্রণব উচ্যতে ॥ 6 ॥
সূর্যকোটিপ্রতীকাশং চন্দ্রকোটিসমপ্রভম্ ।
তন্মধ্যে নিকরং সূক্ষ্মং ব্রহ্মরুপং ব্যবস্থিতম্ ॥ 7 ॥
ওঙ্কারং পরমানন্দং সদৈব সুরসুন্দরীম্ ।
সিদ্ধলক্ষ্মী মোক্ষলক্ষ্মী আদ্যলক্ষ্মী নমোঽস্তু তে ॥ 8 ॥
শ্রীঙ্কারং পরমং সিদ্ধং সর্ববুদ্ধিপ্রদাযকম্ ।
সৌভাগ্যাঽমৃতা কমলা সত্যলক্ষ্মী নমোঽস্তু তে ॥ 9 ॥
হ্রীঙ্কারং পরমং শুদ্ধং পরমৈশ্বর্যদাযকম্ ।
কমলা ধনদা লক্ষ্মী ভোগলক্ষ্মী নমোঽস্তু তে ॥ 10 ॥
ক্লীঙ্কারং কামরূপিণ্যং কামনাপরিপূর্তিদম্ ।
চপলা চঞ্চলা লক্ষ্মী কাত্যাযনী নমোঽস্তু তে ॥ 11 ॥
শ্রীঙ্কারং সিদ্ধিরূপিণ্যং সর্বসিদ্ধিপ্রদাযকম্ ।
পদ্মাননাং জগন্মাত্রে অষ্টলক্ষ্মীং নমোঽস্তু তে ॥ 12 ॥
সর্বমঙ্গলমাঙ্গল্যে শিবে সর্বার্থসাধিকে ।
শরণ্যে ত্র্যম্বকে গৌরি নারাযণী নমোঽস্তু তে ॥ 13 ॥
প্রথমং ত্র্যম্বকা গৌরী দ্বিতীযং বৈষ্ণবী তথা ।
তৃতীযং কমলা প্রোক্তা চতুর্থং সুন্দরী তথা ॥ 14 ॥
পঞ্চমং বিষ্ণুশক্তিশ্চ ষষ্ঠং কাত্যাযনী তথা ।
বারাহী সপ্তমং চৈব হ্যষ্টমং হরিবল্লভা ॥ 15 ॥
নবমং খড্গিনী প্রোক্তা দশমং চৈব দেবিকা ।
একাদশং সিদ্ধলক্ষ্মীর্দ্বাদশং হংসবাহিনী ॥ 16 ॥
উত্তরন্যাসঃ
ওঁ শ্রীং সিদ্ধলক্ষ্ম্যৈ হৃদযায নমঃ ।
ওঁ হ্রীং বিষ্ণুতেজসে শিরসে স্বাহা ।
ওঁ ক্লীং অমৃতানন্দাযৈ শিখাযৈ বষট্ ।
ওঁ শ্রীং দৈত্যমালিন্যৈ কবচায হুম্ ।
ওঁ হ্রীং তেজঃ প্রকাশিন্যৈ নেত্রত্রযায বৌষট্ ।
ওঁ ক্লীং ব্রাহ্ম্যৈ বৈষ্ণব্যৈ রুদ্রাণ্যৈ অস্ত্রায ফট্ ॥
ওঁ শ্রীং হ্রীং ক্লীং শ্রীং সিদ্ধলক্ষ্ম্যৈ নমঃ ইতি দিগ্বিমোকঃ ॥
অথ ফলশৃতিঃ
এতত্ স্তোত্রবরং দেব্যা যে পঠন্তি সদা নরাঃ ।
সর্বাপদ্ভ্যো বিমুচ্যন্তে নাত্র কার্যা বিচারণা ॥ 17 ॥
একমাসং দ্বিমাসং চ ত্রিমাসং চ চতুস্থথা ।
পঞ্চমাসং চ ষণ্মাসং ত্রিকালং যঃ সদা পঠেত্ ॥ 18 ॥
ব্রাহ্মণঃ ক্লেশিতো দুঃখী দারিদ্র্যভযপীডিতঃ ।
জন্মান্তর সহস্রোত্থৈর্মুচ্যতে সর্বকিল্বষৈঃ ॥ 19 ॥
দরিদ্রো লভতে লক্ষ্মীমপুত্রঃ পুত্রবান্ ভবেত্ ।
ধন্যো যশস্বী শত্রুঘ্নো বহ্নিচৌরভযেষু চ ॥ 20 ॥
শাকিনী ভূত বেতাল সর্প ব্যাঘ্র নিপাতনে ।
রাজদ্বারে সভাস্থানে কারাগৃহনিবন্ধনে ॥ 21 ॥
ঈশ্বরেণ কৃতং স্তোত্রং প্রাণিনাং হিতকারকম্ ।
স্তুবন্তু ব্রাহ্মণাঃ নিত্যং দারিদ্র্যং ন চ বাধতে ॥ 22 ॥
সর্বপাপহরা লক্ষ্মীঃ সর্বসিদ্ধিপ্রদাযিনীম্ ।
সাধকাঃ লভতে সর্বং পঠেত্ স্তোত্রং নিরন্তরম্ ॥ 23 ॥
প্রার্থনা
যা শ্রীঃ পদ্মবনে কদম্বশিখরে রাজগৃহে কুঞ্জরে
শ্বেতে চাশ্বযুতে বৃষে চ যুগলে যজ্ঞে চ যূপস্থিতে ।
শঙ্খে দৈবকুলে নরেন্দ্রভবনে গঙ্গাতটে গোকুলে
সা শ্রীস্তিষ্ঠতু সর্বদা মম গৃহে ভূযাত্ সদা নিশ্চলা ॥
যা সা পদ্মাসনস্থা বিপুলকটিতটী পদ্মপত্রাযতাক্ষী
গম্ভীরাবর্তনাভিঃ স্তনভরনমিতা শুদ্ধবস্ত্রোত্তরীযা ।
লক্ষ্মীর্দিব্যৈর্গজেন্দ্রৈর্মণিগণখচিতৈঃ স্নাপিতা হেমকুম্ভৈঃ
নিত্যং সা পদ্মহস্তা মম বসতু গৃহে সর্বমাঙ্গল্যযুক্তা ॥
ইতি শ্রীব্রহ্মপুরাণে ঈশ্বরবিষ্ণুসংবাদে শ্রী সিদ্ধলক্ষ্মী স্তোত্রম্ ॥
Roman (IAST) Transliteration
asya śrīsiddhalakṣmīstotramantrasya hiraṇyagarbha ṛṣiḥ anuṣṭup chandaḥ, śrīmahākālīmahālakṣmīmahāsarasvatyo devatāḥ śrīṃ bījaṃ hrīṃ śaktiḥ klīṃ kīlakaṃ mama sarvakleśapīḍāparihārārthaṃ sarvaduḥkhadāridryanāśanārthaṃ sarvakāryasiddhyarthaṃ śrīsiddhilakṣmīstotra pāṭhe viniyogaḥ ||
ṛṣyādinyāsaḥ
oṃ hiraṇyagarbha ṛṣaye namaḥ śirasi |
anuṣṭupchandase namo mukhe |
śrīmahākālīmahālakṣmīmahāsarasvatīdevatābhyo namo hṛdiḥ |
śrīṃ bījāya namo guhye |
hrīṃ śaktaye namaḥ pādayoḥ |
klīṃ kīlakāya namo nābhau |
viniyogāya namaḥ sarvāṅgeṣu ||
karanyāsaḥ
oṃ śrīṃ siddhalakṣmyai aṅguṣṭhābhyāṃ namaḥ |
oṃ hrīṃ viṣṇutejase tarjanībhyāṃ namaḥ |
oṃ klīṃ amṛtānandāyai madhyamābhyāṃ namaḥ |
oṃ śrīṃ daityamālinyai anāmikābhyāṃ namaḥ |
oṃ hrīṃ tejaḥ prakāśinyai kaniṣṭhikābhyāṃ namaḥ |
oṃ klīṃ brāhmyai vaiṣṇavyai rudrāṇyai karatala karapṛṣṭhābhyāṃ namaḥ ||
aṅganyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digbandhaḥ ||
atha dhyānam
brāhmīṃ ca vaiṣṇavīṃ bhadrāṃ ṣaḍbhujāṃ ca caturmukhīm |
trinetrāṃ khaḍgatriśūlapadmacakragadādharām || 1 ||
pītāmbaradharāṃ devīṃ nānālaṅkārabhūṣitām |
tejaḥpuñjadharīṃ śreṣṭhāṃ dhyāyedbālakumārikām || 2 ||
atha stotram
oṅkāraṃ lakṣmīrūpaṃ tu viṣṇuṃ vāgbhavamavyayam |
viṣṇumānandamavyaktaṃ hrīṅkāraṃ bījarūpiṇīm || 3 ||
klīṃ amṛtānandinīṃ bhadrāṃ satyānandadāyinīm |
śrīṃ daityaśamanīṃ śaktiṃ mālinīṃ śatrumardinīm || 4 ||
tejaḥ prakāśinīṃ devīṃ varadāṃ śubhakāriṇīm |
brāhmīṃ ca vaiṣṇavīṃ raudrīṃ kālikārūpaśobhinīm || 5 ||
akāre lakṣmīrūpaṃ tu ukāre viṣṇumavyayam |
makāraḥ puruṣo'vyakto devī praṇava ucyate || 6 ||
sūryakoṭipratīkāśaṃ candrakoṭisamaprabham |
tanmadhye nikaraṃ sūkṣmaṃ brahmarupaṃ vyavasthitam || 7 ||
oṅkāraṃ paramānandaṃ sadaiva surasundarīm |
siddhalakṣmī mokṣalakṣmī ādyalakṣmī namo'stu te || 8 ||
śrīṅkāraṃ paramaṃ siddhaṃ sarvabuddhipradāyakam |
saubhāgyā'mṛtā kamalā satyalakṣmī namo'stu te || 9 ||
hrīṅkāraṃ paramaṃ śuddhaṃ paramaiśvaryadāyakam |
kamalā dhanadā lakṣmī bhogalakṣmī namo'stu te || 10 ||
klīṅkāraṃ kāmarūpiṇyaṃ kāmanāparipūrtidam |
capalā cañcalā lakṣmī kātyāyanī namo'stu te || 11 ||
śrīṅkāraṃ siddhirūpiṇyaṃ sarvasiddhipradāyakam |
padmānanāṃ jaganmātre aṣṭalakṣmīṃ namo'stu te || 12 ||
sarvamaṅgalamāṅgalye śive sarvārthasādhike |
śaraṇye tryambake gauri nārāyaṇī namo'stu te || 13 ||
prathamaṃ tryambakā gaurī dvitīyaṃ vaiṣṇavī tathā |
tṛtīyaṃ kamalā proktā caturthaṃ sundarī tathā || 14 ||
pañcamaṃ viṣṇuśaktiśca ṣaṣṭhaṃ kātyāyanī tathā |
vārāhī saptamaṃ caiva hyaṣṭamaṃ harivallabhā || 15 ||
navamaṃ khaḍginī proktā daśamaṃ caiva devikā |
ekādaśaṃ siddhalakṣmīrdvādaśaṃ haṃsavāhinī || 16 ||
uttaranyāsaḥ
oṃ śrīṃ siddhalakṣmyai hṛdayāya namaḥ |
oṃ hrīṃ viṣṇutejase śirase svāhā |
oṃ klīṃ amṛtānandāyai śikhāyai vaṣaṭ |
oṃ śrīṃ daityamālinyai kavacāya hum |
oṃ hrīṃ tejaḥ prakāśinyai netratrayāya vauṣaṭ |
oṃ klīṃ brāhmyai vaiṣṇavyai rudrāṇyai astrāya phaṭ ||
oṃ śrīṃ hrīṃ klīṃ śrīṃ siddhalakṣmyai namaḥ iti digvimokaḥ ||
atha phalaśṛtiḥ
etat stotravaraṃ devyā ye paṭhanti sadā narāḥ |
sarvāpadbhyo vimucyante nātra kāryā vicāraṇā || 17 ||
ekamāsaṃ dvimāsaṃ ca trimāsaṃ ca catusthathā |
pañcamāsaṃ ca ṣaṇmāsaṃ trikālaṃ yaḥ sadā paṭhet || 18 ||
brāhmaṇaḥ kleśito duḥkhī dāridryabhayapīḍitaḥ |
janmāntara sahasrotthairmucyate sarvakilbaṣaiḥ || 19 ||
daridro labhate lakṣmīmaputraḥ putravān bhavet |
dhanyo yaśasvī śatrughno vahnicaurabhayeṣu ca || 20 ||
śākinī bhūta vetāla sarpa vyāghra nipātane |
rājadvāre sabhāsthāne kārāgṛhanibandhane || 21 ||
īśvareṇa kṛtaṃ stotraṃ prāṇināṃ hitakārakam |
stuvantu brāhmaṇāḥ nityaṃ dāridryaṃ na ca bādhate || 22 ||
sarvapāpaharā lakṣmīḥ sarvasiddhipradāyinīm |
sādhakāḥ labhate sarvaṃ paṭhet stotraṃ nirantaram || 23 ||
prārthanā
yā śrīḥ padmavane kadambaśikhare rājagṛhe kuñjare
śvete cāśvayute vṛṣe ca yugale yajñe ca yūpasthite |
śaṅkhe daivakule narendrabhavane gaṅgātaṭe gokule
sā śrīstiṣṭhatu sarvadā mama gṛhe bhūyāt sadā niścalā ||
yā sā padmāsanasthā vipulakaṭitaṭī padmapatrāyatākṣī
gambhīrāvartanābhiḥ stanabharanamitā śuddhavastrottarīyā |
lakṣmīrdivyairgajendrairmaṇigaṇakhacitaiḥ snāpitā hemakumbhaiḥ
nityaṃ sā padmahastā mama vasatu gṛhe sarvamāṅgalyayuktā ||
iti śrībrahmapurāṇe īśvaraviṣṇusaṃvāde śrī siddhalakṣmī stotram ||
InfoLyter.in — Sacred Vedic Knowledge Portal · Free forever