📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী রুদ্রং লঘুন্যাসম্
Shri Rudram Laghunyasam
Shiva Vedic Bengali
ওঁ অথাত্মানগ্ং শিবাত্মানং শ্রী রুদ্ররূপ-ন্ধ্যাযেত্ ॥
শুদ্ধস্ফটিক সঙ্কাশ-ন্ত্রিনেত্র-ম্পঞ্চ বক্ত্রকম্ ।
গঙ্গাধর-ন্দশভুজং সর্বাভরণ ভূষিতম্ ॥
নীলগ্রীবং শশাঙ্কাঙ্ক-ন্নাগ যজ্ঞোপ বীতিনম্ ।
ব্যাঘ্র চর্মোত্তরীয-ঞ্চ বরেণ্যমভয প্রদম্ ॥
কমণ্ডল্-বক্ষ সূত্রাণা-ন্ধারিণং শূলপাণিনম্ ।
জ্বলন্ত-ম্পিঙ্গলজটা শিখা মুদ্দ্যোত ধারিণম্ ॥
বৃষ স্কন্ধ সমারূঢং উমা দেহার্থ ধারিণম্ ।
অমৃতেনাপ্লুতং শান্ত-ন্দিব্যভোগ সমন্বিতম্ ॥
দিগ্দেবতা সমাযুক্তং সুরাসুর নমস্কৃতম্ ।
নিত্য-ঞ্চ শাশ্বতং শুদ্ধ-ন্ধ্রুব-মক্ষর-মব্যযম্ ।
সর্ব ব্যাপিন-মীশানং রুদ্রং-বৈঁ বিশ্বরূপিণম্ ।
এব-ন্ধ্যাত্বা দ্বিজ-স্সম্য-ক্ততো যজনমারভেত্ ॥
অথাতো রুদ্র স্নানার্চনাভিষেক বিধিং-ব্যাঁ᳚ক্ষ্যাস্যামঃ ।
আদিত এব তীর্থে স্নাত্বা,
উদেত্য শুচিঃ প্রযতো ব্রহ্মচারী শুক্লবাসা দেবাভিমুখ-স্স্থিত্বা,
আত্মনি দেবতা-স্স্থাপযেত্ ॥
প্রজননে ব্রহ্মা তিষ্ঠতু ।
পাদযোর্বিষ্ণুস্তিষ্ঠতু ।
হস্তযোর্​হরস্তিষ্ঠতু ।
বাহ্বোরিন্দ্রস্তিষ্টতু ।
জঠরে-ঽঅগ্নিস্তিষ্ঠতু ।
হৃদ॑যে শিবস্তিষ্ঠতু ।
কণ্ঠে বসবস্তিষ্ঠন্তু ।
বক্ত্রে সরস্বতী তিষ্ঠতু ।
নাসিকযো-র্বাযুস্তিষ্ঠতু ।
নযনযো-শ্চন্দ্রাদিত্যৌ তিষ্টেতাম্ ।
কর্ণযোরশ্বিনৌ তিষ্টেতাম্ ।
ললাটে রুদ্রাস্তিষ্ঠন্তু ।
মূর্থ্ন্যাদিত্যাস্তিষ্ঠন্তু ।
শিরসি মহাদেবস্তিষ্ঠতু ।
শিখাযাং-বাঁমদেবাস্তিষ্ঠতু ।
পৃষ্ঠে পিনাকী তিষ্ঠতু ।
পুরত-শ্শূলী তিষ্ঠতু ।
পার্​শ্বযো-শ্শিবাশঙ্করৌ তিষ্ঠেতাম্ ।
সর্বতো বাযুস্তিষ্ঠতু ।
ততো বহি-স্সর্বতো-ঽগ্নির্জ্বালামালা-পরিবৃতস্তিষ্ঠতু ।
সর্বেষ্বঙ্গেষু সর্বা দেবতা যথাস্থান-ন্তিষ্ঠন্তু ।
মাগ্ং রক্ষন্তু ।
অ॒গ্নির্মে॑ বা॒চি শ্রি॒তঃ । বাঘৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
বা॒যুর্মে᳚ প্রা॒ণে শ্রি॒তঃ । প্রা॒ণো হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
সূর্যো॑ মে॒ চক্ষুষি শ্রি॒তঃ । চক্ষু॒র্​হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
চ॒ন্দ্রমা॑ মে॒ মন॑সি শ্রি॒তঃ । মনো॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
দিশো॑ মে॒ শ্রোত্রে᳚ শ্রি॒তাঃ । শ্রোত্র॒গ্ং॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
আপোমে॒ রেতসি শ্রি॒তাঃ । রেতো হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
পৃ॒থি॒বী মে॒ শরী॑রে শ্রি॒তা । শরী॑র॒গ্ং॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
ও॒ষ॒ধি॒ ব॒ন॒স্পতযো॑ মে॒ লোম॑সু শ্রি॒তাঃ । লোমা॑নি॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
ইন্দ্রো॑ মে॒ বলে᳚ শ্রি॒তঃ । বল॒গ্ং॒ হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
প॒র্জন্যো॑ মে॒ মূ॒র্দ্নি শ্রি॒তঃ । মূ॒র্ধা হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
ঈশা॑নো মে॒ ম॒ন্যৌ শ্রি॒তঃ । ম॒ন্যুর্​হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
আ॒ত্মা ম॑ আ॒ত্মনি॑ শ্রি॒তঃ । আ॒ত্মা হৃদ॑যে । হৃদ॑য॒-ম্মযি॑ । অ॒হম॒মৃতে᳚ । অ॒মৃত॒-ম্ব্রহ্ম॑ণি ।
পুন॑র্ম আ॒ত্মা পুন॒রাযু॒ রাগা᳚ত্ । পুনঃ॑ প্রা॒ণঃ পুন॒রাকূ॑ত॒মাগা᳚ত্ । বৈ॒শ্বা॒ন॒রো র॒শ্মিভি॑র্বাবৃধা॒নঃ । অ॒ন্তস্তি॑ষ্ঠ॒ত্বমৃত॑স্য গো॒পাঃ ॥
অস্য শ্রী রুদ্রাধ্যায প্রশ্ন মহামন্ত্রস্য,
অঘোর ঋষিঃ,
অনুষ্টু-প্ছন্দঃ,
সঙ্কর্​ষণ মূর্তি স্বরূপো যো-ঽসাবাদিত্যঃ পরমপুরুষ-স্স এষ রুদ্রো দেবতা ।
নম-শ্শিবাযেতি বীজম্ ।
শিবতরাযেতি শক্তিঃ ।
মহাদেবাযেতি কীলকম্ ।
শ্রী সাম্ব সদাশিব প্রসাদ সিদ্ধ্যর্থে জপে বিনিযোগঃ ॥
ওঁ অগ্নিহোত্রাত্মনে অঙ্গুষ্ঠাভ্যা-ন্নমঃ ।
দর্​শপূর্ণ মাসাত্মনে তর্জনীভ্যা-ন্নমঃ ।
চাতুর্মাস্যাত্মনে মধ্যমাভ্যা-ন্নমঃ ।
নিরূঢ পশুবন্ধাত্মনে অনামিকাভ্যা-ন্নমঃ ।
জ্যোতিষ্টোমাত্মনে কনিষ্ঠিকাভ্যা-ন্নমঃ ।
সর্বক্রত্বাত্মনে করতল করপৃষ্ঠাভ্যা-ন্নমঃ ॥
অগ্নিহোত্রাত্মনে হৃদযায নমঃ ।
দর্​শপূর্ণ মাসাত্মনে শিরসে স্বাহা ।
চাতুর্মাস্যাত্মনে শিখাযৈ বষট্ ।
নিরূঢ পশুবন্ধাত্মনে কবচায হুম্ ।
জ্যোতিষ্টোমাত্মনে নেত্রত্রযায বৌষট্ ।
সর্বক্রত্বাত্মনে অস্ত্রাযফট্ । ভূর্ভুবস্সুবরোমিতি দিগ্বন্ধঃ ॥
ধ্যানং
আপাতাল-নভস্স্থলান্ত-ভুবন-ব্রহ্মাণ্ড-মাবিস্ফুরত্-
জ্যোতি-স্স্ফাটিক-লিঙ্গ-মৌলি-বিলসত্-পূর্ণেন্দু-বান্তামৃতৈঃ ।
অস্তোকাপ্লুত-মেক-মীশ-মনিশং রুদ্রানু-বাকাঞ্জপন্
ধ্যাযে-দীপ্সিত-সিদ্ধযে ধ্রুবপদং-বিঁপ্রো-ঽভিষিঞ্চে-চ্চিবম্ ॥
ব্রহ্মাণ্ড ব্যাপ্তদেহা ভসিত হিমরুচা ভাসমানা ভুজঙ্গৈঃ
কণ্ঠে কালাঃ কপর্দাঃ কলিত-শশিকলা-শ্চণ্ড কোদণ্ড হস্তাঃ ।
ত্র্যক্ষা রুদ্রাক্ষমালাঃ প্রকটিতবিভবা-শ্শাম্ভবা মূর্তিভেদাঃ
রুদ্রা-শ্শ্রীরুদ্রসূক্ত-প্রকটিতবিভবা নঃ প্রযচ্চন্তু সৌখ্যম্ ॥
ও-ঙ্গ॒ণানা᳚-ন্ত্বা গ॒ণপ॑তিগ্ং হবামহে ক॒বি-ঙ্ক॑বী॒নামু॑প॒মশ্র॑বস্তমম্ ।
জ্যে॒ষ্ঠ॒রাজ॒-ম্ব্রহ্ম॑ণা-ম্ব্রহ্মণস্পত॒ আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥
মহাগণপতযে॒ নমঃ ॥
শ-ঞ্চ॑ মে॒ ময॑শ্চ মে প্রি॒য-ঞ্চ॑ মে-ঽনুকা॒মশ্চ॑ মে॒ কাম॑শ্চ মে সৌমনস॒শ্চ॑ মে ভ॒দ্র-ঞ্চ॑ মে॒ শ্রেয॑শ্চ মে॒ বস্য॑শ্চ মে॒ যশ॑শ্চ মে॒ ভগ॑শ্চ মে॒ দ্রবি॑ণ-ঞ্চ মে য॒ন্তা চ॑ মে ধ॒র্তা চ॑ মে॒ ক্ষেম॑শ্চ মে॒ ধৃতি॑শ্চ মে॒ বিশ্ব॑-ঞ্চ মে॒ মহ॑শ্চ মে সং॒​বিঁচ্চ॑ মে॒ জ্ঞাত্র॑-ঞ্চ মে॒ সূশ্চ॑ মে প্র॒সূশ্চ॑ মে॒ সীর॑-ঞ্চ মে ল॒যশ্চ॑ ম ঋ॒ত-ঞ্চ॑ মে॒-ঽমৃত॑-ঞ্চ মে-ঽয॒ক্ষ্ম-ঞ্চ॒ মে-ঽনা॑মযচ্চ মে জী॒বাতু॑শ্চ মে দীর্ঘাযু॒ত্ব-ঞ্চ॑ মে-ঽনমি॒ত্র-ঞ্চ॒ মে-ঽভ॑য-ঞ্চ মে সু॒গ-ঞ্চ॑ মে॒ শয॑ন-ঞ্চ মে সূ॒ষা চ॑ মে॒ সু॒দিন॑-ঞ্চ মে ॥
ওঁ শান্তি॒-শ্শান্তি॒-শ্শান্তিঃ॑ ॥
Roman (IAST) Transliteration
oṃ athātmānagṃ śivātmānaṃ śrī rudrarūpa-ndhyāyet ||
śuddhasphaṭika saṅkāśa-ntrinetra-mpañca vaktrakam |
gaṅgādhara-ndaśabhujaṃ sarvābharaṇa bhūṣitam ||
nīlagrīvaṃ śaśāṅkāṅka-nnāga yajñopa vītinam |
vyāghra carmottarīya-ñca vareṇyamabhaya pradam ||
kamaṇḍal-vakṣa sūtrāṇā-ndhāriṇaṃ śūlapāṇinam |
jvalanta-mpiṅgalajaṭā śikhā muddyota dhāriṇam ||
vṛṣa skandha samārūḍhaṃ umā dehārtha dhāriṇam |
amṛtenāplutaṃ śānta-ndivyabhoga samanvitam ||
digdevatā samāyuktaṃ surāsura namaskṛtam |
nitya-ñca śāśvataṃ śuddha-ndhruva-makṣara-mavyayam |
sarva vyāpina-mīśānaṃ rudraṃ-vai~ viśvarūpiṇam |
eva-ndhyātvā dvija-ssamya-ktato yajanamārabhet ||
athāto rudra snānārcanābhiṣeka vidhiṃ-vyā~᳚kṣyāsyāmaḥ |
ādita eva tīrthe snātvā,
udetya śuciḥ prayato brahmacārī śuklavāsā devābhimukha-ssthitvā,
ātmani devatā-ssthāpayet ||
prajanane brahmā tiṣṭhatu |
pādayorviṣṇustiṣṭhatu |
hastayor​harastiṣṭhatu |
bāhvorindrastiṣṭatu |
jaṭhare-'agnistiṣṭhatu |
hṛda̭ye śivastiṣṭhatu |
kaṇṭhe vasavastiṣṭhantu |
vaktre sarasvatī tiṣṭhatu |
nāsikayo-rvāyustiṣṭhatu |
nayanayo-ścandrādityau tiṣṭetām |
karṇayoraśvinau tiṣṭetām |
lalāṭe rudrāstiṣṭhantu |
mūrthnyādityāstiṣṭhantu |
śirasi mahādevastiṣṭhatu |
śikhāyāṃ-vā~madevāstiṣṭhatu |
pṛṣṭhe pinākī tiṣṭhatu |
purata-śśūlī tiṣṭhatu |
pār​śvayo-śśivāśaṅkarau tiṣṭhetām |
sarvato vāyustiṣṭhatu |
tato bahi-ssarvato-'gnirjvālāmālā-parivṛtastiṣṭhatu |
sarveṣvaṅgeṣu sarvā devatā yathāsthāna-ntiṣṭhantu |
māgṃ rakṣantu |
a॒gnirmḙ vā॒ci śri॒taḥ | vāghṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
vā॒yurme᳚ prā॒ṇe śri॒taḥ | prā॒ṇo hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
sūryo̭ me॒ cakṣuṣi śri॒taḥ | cakṣu॒r​hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
ca॒ndramā̭ me॒ mana̭si śri॒taḥ | mano॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
diśo̭ me॒ śrotre᳚ śri॒tāḥ | śrotra॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
āpome॒ retasi śri॒tāḥ | reto hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
pṛ॒thi॒vī me॒ śarī̭re śri॒tā | śarī̭ra॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
o॒ṣa॒dhi॒ va॒na॒spatayo̭ me॒ loma̭su śri॒tāḥ | lomā̭ni॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
indro̭ me॒ bale᳚ śri॒taḥ | bala॒gṃ॒ hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
pa॒rjanyo̭ me॒ mū॒rdni śri॒taḥ | mū॒rdhā hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
īśā̭no me॒ ma॒nyau śri॒taḥ | ma॒nyur​hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
ā॒tmā ma̭ ā॒tmani̭ śri॒taḥ | ā॒tmā hṛda̭ye | hṛda̭ya॒-mmayi̭ | a॒hama॒mṛte᳚ | a॒mṛta॒-mbrahma̭ṇi |
puna̭rma ā॒tmā puna॒rāyu॒ rāgā᳚t | punaḥ̭ prā॒ṇaḥ puna॒rākṷ̄ta॒māgā᳚t | vai॒śvā॒na॒ro ra॒śmibhi̭rvāvṛdhā॒naḥ | a॒ntasti̭ṣṭha॒tvamṛta̭sya go॒pāḥ ||
asya śrī rudrādhyāya praśna mahāmantrasya,
aghora ṛṣiḥ,
anuṣṭu-pchandaḥ,
saṅkar​ṣaṇa mūrti svarūpo yo-'sāvādityaḥ paramapuruṣa-ssa eṣa rudro devatā |
nama-śśivāyeti bījam |
śivatarāyeti śaktiḥ |
mahādevāyeti kīlakam |
śrī sāmba sadāśiva prasāda siddhyarthe jape viniyogaḥ ||
oṃ agnihotrātmane aṅguṣṭhābhyā-nnamaḥ |
dar​śapūrṇa māsātmane tarjanībhyā-nnamaḥ |
cāturmāsyātmane madhyamābhyā-nnamaḥ |
nirūḍha paśubandhātmane anāmikābhyā-nnamaḥ |
jyotiṣṭomātmane kaniṣṭhikābhyā-nnamaḥ |
sarvakratvātmane karatala karapṛṣṭhābhyā-nnamaḥ ||
agnihotrātmane hṛdayāya namaḥ |
dar​śapūrṇa māsātmane śirase svāhā |
cāturmāsyātmane śikhāyai vaṣaṭ |
nirūḍha paśubandhātmane kavacāya hum |
jyotiṣṭomātmane netratrayāya vauṣaṭ |
sarvakratvātmane astrāyaphaṭ | bhūrbhuvassuvaromiti digbandhaḥ ||
dhyānaṃ
āpātāla-nabhassthalānta-bhuvana-brahmāṇḍa-māvisphurat-
jyoti-ssphāṭika-liṅga-mauli-vilasat-pūrṇendu-vāntāmṛtaiḥ |
astokāpluta-meka-mīśa-maniśaṃ rudrānu-vākāñjapan
dhyāye-dīpsita-siddhaye dhruvapadaṃ-vi~pro-'bhiṣiñce-ccivam ||
brahmāṇḍa vyāptadehā bhasita himarucā bhāsamānā bhujaṅgaiḥ
kaṇṭhe kālāḥ kapardāḥ kalita-śaśikalā-ścaṇḍa kodaṇḍa hastāḥ |
tryakṣā rudrākṣamālāḥ prakaṭitavibhavā-śśāmbhavā mūrtibhedāḥ
rudrā-śśrīrudrasūkta-prakaṭitavibhavā naḥ prayaccantu saukhyam ||
o-ṅga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nāmṷpa॒maśra̭vastamam |
jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhi̭ssīda॒ sāda̭nam ||
mahāgaṇapataye॒ namaḥ ||
śa-ñca̭ me॒ maya̭śca me pri॒ya-ñca̭ me-'nukā॒maśca̭ me॒ kāma̭śca me saumanasa॒śca̭ me bha॒dra-ñca̭ me॒ śreya̭śca me॒ vasya̭śca me॒ yaśa̭śca me॒ bhaga̭śca me॒ dravi̭ṇa-ñca me ya॒ntā ca̭ me dha॒rtā ca̭ me॒ kṣema̭śca me॒ dhṛti̭śca me॒ viśva̭-ñca me॒ maha̭śca me saṃ॒​vi~cca̭ me॒ jñātra̭-ñca me॒ sūśca̭ me pra॒sūśca̭ me॒ sīra̭-ñca me la॒yaśca̭ ma ṛ॒ta-ñca̭ me॒-'mṛta̭-ñca me-'ya॒kṣma-ñca॒ me-'nā̭mayacca me jī॒vātṷśca me dīrghāyu॒tva-ñca̭ me-'nami॒tra-ñca॒ me-'bha̭ya-ñca me su॒ga-ñca̭ me॒ śaya̭na-ñca me sū॒ṣā ca̭ me॒ su॒dina̭-ñca me ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever