📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী নৃসিংহ মন্ত্ররাজপাদ স্তোত্রম্
Shri Nrisimha Mantrarajapada Stotram
Narasimha Stotram Bengali
পার্বত্যুবাচ ।
মন্ত্রাণাং পরমং মন্ত্রং গুহ্যানাং গুহ্যমেব চ ।
ব্রূহি মে নারসিংহস্য তত্ত্বং মন্ত্রস্য দুর্লভম্ ॥
শঙ্কর উবাচ ।
বৃত্তোত্ফুল্লবিশালাক্ষং বিপক্ষক্ষযদীক্ষিতম্ ।
নিনাদত্রস্তবিশ্বাণ্ডং বিষ্ণুমুগ্রং নমাম্যহম্ ॥ 1 ॥
সর্বৈরবধ্যতাং প্রাপ্তং সবলৌঘং দিতেঃ সুতম্ ।
নখাগ্রৈঃ শকলীচক্রে যস্তং বীরং নমাম্যহম্ ॥ 2 ॥
পদাবষ্টব্ধপাতালং মূর্ধাঽঽবিষ্টত্রিবিষ্টপম্ ।
ভুজপ্রবিষ্টাষ্টদিশং মহাবিষ্ণুং নমাম্যহম্ ॥ 3 ॥
জ্যোতীংষ্যর্কেন্দুনক্ষত্রজ্বলনাদীন্যনুক্রমাত্ ।
জ্বলন্তি তেজসা যস্য তং জ্বলন্তং নমাম্যহম্ ॥ 4 ॥
সর্বেন্দ্রিযৈরপি বিনা সর্বং সর্বত্র সর্বদা ।
যো জানাতি নমাম্যাদ্যং তমহং সর্বতোমুখম্ ॥ 5 ॥
নরবত্ সিংহবচ্চৈব যস্য রূপং মহাত্মনঃ ।
মহাসটং মহাদংষ্ট্রং তং নৃসিংহং নমাম্যহম্ ॥ 6 ॥
যন্নামস্মরণাদ্ভীতাঃ ভূতবেতালরাক্ষসাঃ ।
রোগাদ্যাশ্চ প্রণশ্যন্তি ভীষণং তং নমাম্যহম্ ॥ 7 ॥
সর্বেঽপি যং সমাশ্রিত্য সকলং ভদ্রমশ্নুতে ।
শ্রিযা চ ভদ্রযা জুষ্টো যস্তং ভদ্রং নমাম্যহম্ ॥ 8 ॥
সাক্ষাত্ স্বকালে সম্প্রাপ্তং মৃত্যুং শত্রুগণান্বিতম্ ।
ভক্তানাং নাশযেদ্যস্তু মৃত্যুমৃত্যুং নমাম্যহম্ ॥ 9 ॥
নমস্কারাত্মকং যস্মৈ বিধাযাত্মনিবেদনম্ ।
ত্যক্তদুঃখোঽখিলান্ কামানশ্নন্তং তং নমাম্যহম্ ॥ 10 ॥
দাসভূতাঃ স্বতঃ সর্বে হ্যাত্মানঃ পরমাত্মনঃ ।
অতোঽহমপি তে দাসঃ ইতি মত্বা নমাম্যহম্ ॥ 11 ॥
শঙ্করেণাদরাত্ প্রোক্তং পদানাং তত্ত্বমুত্তমম্ ।
ত্রিসন্ধ্যং যঃ পঠেত্তস্য শ্রীবিদ্যাঽঽযুশ্চ বর্ধতে ॥ 12 ॥
ইতি শ্রীশঙ্করকৃত শ্রী নৃসিংহ মন্ত্ররাজপদ স্তোত্রম্ ।
Roman (IAST) Transliteration
pārvatyuvāca |
mantrāṇāṃ paramaṃ mantraṃ guhyānāṃ guhyameva ca |
brūhi me nārasiṃhasya tattvaṃ mantrasya durlabham ||
śaṅkara uvāca |
vṛttotphullaviśālākṣaṃ vipakṣakṣayadīkṣitam |
ninādatrastaviśvāṇḍaṃ viṣṇumugraṃ namāmyaham || 1 ||
sarvairavadhyatāṃ prāptaṃ sabalaughaṃ diteḥ sutam |
nakhāgraiḥ śakalīcakre yastaṃ vīraṃ namāmyaham || 2 ||
padāvaṣṭabdhapātālaṃ mūrdhā''viṣṭatriviṣṭapam |
bhujapraviṣṭāṣṭadiśaṃ mahāviṣṇuṃ namāmyaham || 3 ||
jyotīṃṣyarkendunakṣatrajvalanādīnyanukramāt |
jvalanti tejasā yasya taṃ jvalantaṃ namāmyaham || 4 ||
sarvendriyairapi vinā sarvaṃ sarvatra sarvadā |
yo jānāti namāmyādyaṃ tamahaṃ sarvatomukham || 5 ||
naravat siṃhavaccaiva yasya rūpaṃ mahātmanaḥ |
mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||
yannāmasmaraṇādbhītāḥ bhūtavetālarākṣasāḥ |
rogādyāśca praṇaśyanti bhīṣaṇaṃ taṃ namāmyaham || 7 ||
sarve'pi yaṃ samāśritya sakalaṃ bhadramaśnute |
śriyā ca bhadrayā juṣṭo yastaṃ bhadraṃ namāmyaham || 8 ||
sākṣāt svakāle samprāptaṃ mṛtyuṃ śatrugaṇānvitam |
bhaktānāṃ nāśayedyastu mṛtyumṛtyuṃ namāmyaham || 9 ||
namaskārātmakaṃ yasmai vidhāyātmanivedanam |
tyaktaduḥkho'khilān kāmānaśnantaṃ taṃ namāmyaham || 10 ||
dāsabhūtāḥ svataḥ sarve hyātmānaḥ paramātmanaḥ |
ato'hamapi te dāsaḥ iti matvā namāmyaham || 11 ||
śaṅkareṇādarāt proktaṃ padānāṃ tattvamuttamam |
trisandhyaṃ yaḥ paṭhettasya śrīvidyā''yuśca vardhate || 12 ||
iti śrīśaṅkarakṛta śrī nṛsiṃha mantrarājapada stotram |
InfoLyter.in — Sacred Vedic Knowledge Portal · Free forever