Shri Lakshmi Sahasranama Stotram

ॐ

শ্রী লক্ষ্মী সহস্রনাম স্তোত্রং

Lakshmi Stotram Bengali

নাম্নাং সাষ্টসহস্রঞ্চ ব্রূহি গার্গ্য মহামতে ।

মহালক্ষ্ম্যা মহাদেব্যা ভুক্তিমুক্ত্যর্থসিদ্ধযে ॥ 1 ॥

গার্গ্য উবাচ

সনত্কুমারমাসীনং দ্বাদশাদিত্যসন্নিভম্ ।

অপৃচ্ছন্যোগিনো ভক্ত্যা যোগিনামর্থসিদ্ধযে ॥ 2 ॥

সর্বলৌকিককর্মভ্যো বিমুক্তানাং হিতায বৈ ।

ভুক্তিমুক্তিপ্রদং জপ্যমনুব্রূহি দযানিধে ॥ 3 ॥

সনত্কুমার ভগবন্সর্বজ্ঞোঽসি বিশেষতঃ ।

আস্তিক্যসিদ্ধযে নৄণাং ক্ষিপ্রধর্মার্থসাধনম্ ॥ 4 ॥

খিদ্যন্তি মানবাস্সর্বে ধনাভাবেন কেবলম্ ।

সিদ্ধ্যন্তি ধনিনোঽন্যস্য নৈব ধর্মার্থকামনাঃ ॥ 5 ॥

দারিদ্র্যধ্বংসিনী নাম কেন বিদ্যা প্রকীর্তিতা ।

কেন বা ব্রহ্মবিদ্যাঽপি কেন মৃত্যুবিনাশিনী ॥ 6 ॥

সর্বাসাং সারভূতৈকা বিদ্যানাং কেন কীর্তিতা ।

প্রত্যক্ষসিদ্ধিদা ব্রহ্মন্ তামাচক্ষ্ব দযানিধে ॥ 7 ॥

সনত্কুমার উবাচ

সাধু পৃষ্টং মহাভাগাস্সর্বলোকহিতৈষিণঃ ।

মহতামেষ ধর্মশ্চ নান্যেষামিতি মে মতিঃ ॥ 8 ॥

ব্রহ্মবিষ্ণুমহাদেবমহেন্দ্রাদিমহাত্মভিঃ ।

সম্প্রোক্তং কথযাম্যদ্য লক্ষ্মীনামসহস্রকম্ ॥ 9 ॥

যস্যোচ্চারণমাত্রেণ দারিদ্র্যান্মুচ্যতে নরঃ ।

কিং পুনস্তজ্জপাজ্জাপী সর্বেষ্টার্থানবাপ্নুযাত্ ॥ 10 ॥

অস্য শ্রীলক্ষ্মীদিব্যসহস্রনামস্তোত্রমহামন্ত্রস্য আনন্দকর্দমচিক্লীতেন্দিরাসুতাদযো মহাত্মানো মহর্ষযঃ অনুষ্টুপ্ছন্দঃ বিষ্ণুমাযা শক্তিঃ মহালক্ষ্মীঃ পরাদেবতা শ্রীমহালক্ষ্মীপ্রসাদদ্বারা সর্বেষ্টার্থসিদ্ধ্যর্থে জপে বিনিযোগঃ ।

ধ্যানম্

পদ্মনাভপ্রিযাং দেবীং পদ্মাক্ষীং পদ্মবাসিনীম্ ।

পদ্মবক্ত্রাং পদ্মহস্তাং বন্দে পদ্মামহর্নিশম্ ॥ 1 ॥

পূর্ণেন্দুবদনাং দিব্যরত্নাভরণভূষিতাম্ ।

বরদাভযহস্তাঢ্যাং ধ্যাযেচ্চন্দ্রসহোদরীম্ ॥ 2 ॥

ইচ্ছারূপাং ভগবতস্সচ্চিদানন্দরূপিণীম্ ।

সর্বজ্ঞাং সর্বজননীং বিষ্ণুবক্ষস্স্থলালযাম্ ।

দযালুমনিশং ধ্যাযেত্সুখসিদ্ধিস্বরূপিণীম্ ॥ 3 ॥

স্তোত্রম্

নিত্যাগতানন্তনিত্যা নন্দিনী জনরঞ্জনী ।

নিত্যপ্রকাশিনী চৈব স্বপ্রকাশস্বরূপিণী ॥ 1 ॥

মহালক্ষ্মীর্মহাকালী মহাকন্যা সরস্বতী ।

ভোগবৈভবসন্ধাত্রী ভক্তানুগ্রহকারিণী ॥ 2 ॥

ঈশাবাস্যা মহামাযা মহাদেবী মহেশ্বরী ।

হৃল্লেখা পরমা শক্তির্মাতৃকাবীজরূপিণী ॥ 3 ॥

নিত্যানন্দা নিত্যবোধা নাদিনী জনমোদিনী ।

সত্যপ্রত্যযনী চৈব স্বপ্রকাশাত্মরূপিণী ॥ 4 ॥

ত্রিপুরা ভৈরবী বিদ্যা হংসা বাগীশ্বরী শিবা ।

বাগ্দেবী চ মহারাত্রিঃ কালরাত্রিস্ত্রিলোচনা ॥ 5 ॥

ভদ্রকালী করালী চ মহাকালী তিলোত্তমা ।

কালী করালবক্ত্রান্তা কামাক্ষী কামদা শুভা ॥ 6 ॥

চণ্ডিকা চণ্ডরূপেশা চামুণ্ডা চক্রধারিণী ।

ত্রৈলোক্যজযিনী দেবী ত্রৈলোক্যবিজযোত্তমা ॥ 7 ॥

সিদ্ধলক্ষ্মীঃ ক্রিযালক্ষ্মীর্মোক্ষলক্ষ্মীঃ প্রসাদিনী ।

উমা ভগবতী দুর্গা চান্দ্রী দাক্ষাযণী শিবা ॥ 8 ॥

প্রত্যঙ্গিরা ধরাবেলা লোকমাতা হরিপ্রিযা ।

পার্বতী পরমা দেবী ব্রহ্মবিদ্যাপ্রদাযিনী ॥ 9 ॥

অরূপা বহুরূপা চ বিরূপা বিশ্বরূপিণী ।

পঞ্চভূতাত্মিকা বাণী পঞ্চভূতাত্মিকা পরা ॥ 10 ॥

কালী মা পঞ্চিকা বাগ্মী হবিঃপ্রত্যধিদেবতা ।

দেবমাতা সুরেশানা দেবগর্ভাঽম্বিকা ধৃতিঃ ॥ 11 ॥

সঙ্খ্যা জাতিঃ ক্রিযাশক্তিঃ প্রকৃতির্মোহিনী মহী ।

যজ্ঞবিদ্যা মহাবিদ্যা গুহ্যবিদ্যা বিভাবরী ॥ 12 ॥

জ্যোতিষ্মতী মহামাতা সর্বমন্ত্রফলপ্রদা ।

দারিদ্র্যধ্বংসিনী দেবী হৃদযগ্রন্থিভেদিনী ॥ 13 ॥

সহস্রাদিত্যসঙ্কাশা চন্দ্রিকা চন্দ্ররূপিণী ।

গাযত্রী সোমসম্ভূতিস্সাবিত্রী প্রণবাত্মিকা ॥ 14 ॥

শাঙ্করী বৈষ্ণবী ব্রাহ্মী সর্বদেবনমস্কৃতা ।

সেব্যদুর্গা কুবেরাক্ষী করবীরনিবাসিনী ॥ 15 ॥

জযা চ বিজযা চৈব জযন্তী চাঽপরাজিতা ।

কুব্জিকা কালিকা শাস্ত্রী বীণাপুস্তকধারিণী ॥ 16 ॥

সর্বজ্ঞশক্তিশ্শ্রীশক্তির্ব্রহ্মবিষ্ণুশিবাত্মিকা ।

ইডাপিঙ্গলিকামধ্যমৃণালীতন্তুরূপিণী ॥ 17 ॥

যজ্ঞেশানী প্রথা দীক্ষা দক্ষিণা সর্বমোহিনী ।

অষ্টাঙ্গযোগিনী দেবী নির্বীজধ্যানগোচরা ॥ 18 ॥

সর্বতীর্থস্থিতা শুদ্ধা সর্বপর্বতবাসিনী ।

বেদশাস্ত্রপ্রভা দেবী ষডঙ্গাদিপদক্রমা ॥ 19 ॥

শিবা ধাত্রী শুভানন্দা যজ্ঞকর্মস্বরূপিণী ।

ব্রতিনী মেনকা দেবী ব্রহ্মাণী ব্রহ্মচারিণী ॥ 20 ॥

একাক্ষরপরা তারা ভববন্ধবিনাশিনী ।

বিশ্বম্ভরা ধরাধারা নিরাধারাঽধিকস্বরা ॥ 21 ॥

রাকা কুহূরমাবাস্যা পূর্ণিমাঽনুমতির্দ্যুতিঃ ।

সিনীবালী শিবাঽবশ্যা বৈশ্বদেবী পিশঙ্গিলা ॥ 22 ॥

পিপ্পলা চ বিশালাক্ষী রক্ষোঘ্নী বৃষ্টিকারিণী ।

দুষ্টবিদ্রাবিণী দেবী সর্বোপদ্রবনাশিনী ॥ 23 ॥

শারদা শরসন্ধানা সর্বশস্ত্রস্বরূপিণী ।

যুদ্ধমধ্যস্থিতা দেবী সর্বভূতপ্রভঞ্জনী ॥ 24 ॥

অযুদ্ধা যুদ্ধরূপা চ শান্তা শান্তিস্বরূপিণী ।

গঙ্গা সরস্বতীবেণীযমুনানর্মদাপগা ॥ 25 ॥

সমুদ্রবসনাবাসা ব্রহ্মাণ্ডশ্রোণিমেখলা ।

পঞ্চবক্ত্রা দশভুজা শুদ্ধস্ফটিকসন্নিভা ॥ 26 ॥

রক্তা কৃষ্ণা সিতা পীতা সর্ববর্ণা নিরীশ্বরী ।

কালিকা চক্রিকা দেবী সত্যা তু বটুকাস্থিতা ॥ 27 ॥

তরুণী বারুণী নারী জ্যেষ্ঠাদেবী সুরেশ্বরী ।

বিশ্বম্ভরাধরা কর্ত্রী গলার্গলবিভঞ্জনী ॥ 28 ॥

সন্ধ্যারাত্রির্দিবাজ্যোত্স্না কলাকাষ্ঠা নিমেষিকা ।

উর্বী কাত্যাযনী শুভ্রা সংসারার্ণবতারিণী ॥ 29 ॥

কপিলা কীলিকাঽশোকা মল্লিকানবমল্লিকা । [ মল্লিকানবমালিকা ]

দেবিকা নন্দিকা শান্তা ভঞ্জিকা ভযভঞ্জিকা ॥ 30 ॥

কৌশিকী বৈদিকী দেবী সৌরী রূপাধিকাঽতিভা ।

দিগ্বস্ত্রা নববস্ত্রা চ কন্যকা কমলোদ্ভবা ॥ 31 ॥

শ্রীস্সৌম্যলক্ষণাঽতীতদুর্গা সূত্রপ্রবোধিকা ।

শ্রদ্ধা মেধা কৃতিঃ প্রজ্ঞা ধারণা কান্তিরেব চ ॥ 32 ॥

শ্রুতিঃ স্মৃতির্ধৃতির্ধন্যা ভূতিরিষ্টির্মনীষিণী ।

বিরক্তির্ব্যাপিনী মাযা সর্বমাযাপ্রভঞ্জনী ॥ 33 ॥

মাহেন্দ্রী মন্ত্রিণী সিংহী চেন্দ্রজালস্বরূপিণী ।

অবস্থাত্রযনির্মুক্তা গুণত্রযবিবর্জিতা ॥ 34 ॥

ঈষণাত্রযনির্মুক্তা সর্বরোগবিবর্জিতা ।

যোগিধ্যানান্তগম্যা চ যোগধ্যানপরাযণা ॥ 35 ॥

ত্রযীশিখা বিশেষজ্ঞা বেদান্তজ্ঞানরূপিণী ।

ভারতী কমলা ভাষা পদ্মা পদ্মবতী কৃতিঃ ॥ 36 ॥

গৌতমী গোমতী গৌরী ঈশানা হংসবাহিনী ।

নারাযণী প্রভাধারা জাহ্নবী শঙ্করাত্মজা ॥ 37 ॥

চিত্রঘণ্টা সুনন্দা শ্রীর্মানবী মনুসম্ভবা ।

স্তম্ভিনী ক্ষোভিণী মারী ভ্রামিণী শত্রুমারিণী ॥ 38 ॥

মোহিনী দ্বেষিণী বীরা অঘোরা রুদ্ররূপিণী ।

রুদ্রৈকাদশিনী পুণ্যা কল্যাণী লাভকারিণী ॥ 39 ॥

দেবদুর্গা মহাদুর্গা স্বপ্নদুর্গাঽষ্টভৈরবী ।

সূর্যচন্দ্রাগ্নিরূপা চ গ্রহনক্ষত্ররূপিণী ॥ 40 ॥

বিন্দুনাদকলাতীতা বিন্দুনাদকলাত্মিকা ।

দশবাযুজযাকারা কলাষোডশসংযুতা ॥ 41 ॥

কাশ্যপী কমলাদেবী নাদচক্রনিবাসিনী ।

মৃডাধারা স্থিরা গুহ্যা দেবিকা চক্ররূপিণী ॥ 42 ॥

অবিদ্যা শার্বরী ভুঞ্জা জম্ভাসুরনিবর্হিণী ।

শ্রীকাযা শ্রীকলা শুভ্রা কর্মনির্মূলকারিণী ॥ 43 ॥

আদিলক্ষ্মীর্গুণাধারা পঞ্চব্রহ্মাত্মিকা পরা ।

শ্রুতির্ব্রহ্মমুখাবাসা সর্বসম্পত্তিরূপিণী ॥ 44 ॥

মৃতসঞ্জীবনী মৈত্রী কামিনী কামবর্জিতা ।

নির্বাণমার্গদা দেবী হংসিনী কাশিকা ক্ষমা ॥ 45 ॥

সপর্যা গুণিনী ভিন্না নির্গুণা খণ্ডিতাশুভা ।

স্বামিনী বেদিনী শক্যা শাম্বরী চক্রধারিণী ॥ 46 ॥

দণ্ডিনী মুণ্ডিনী ব্যাঘ্রী শিখিনী সোমসংহতিঃ ।

চিন্তামণিশ্চিদানন্দা পঞ্চবাণপ্রবোধিনী ॥ 47 ॥

বাণশ্রেণিস্সহস্রাক্ষী সহস্রভুজপাদুকা ।

সন্ধ্যাবলিস্ত্রিসন্ধ্যাখ্যা ব্রহ্মাণ্ডমণিভূষণা ॥ 48 ॥

বাসবী বারুণীসেনা কুলিকা মন্ত্ররঞ্জনী ।

জিতপ্রাণস্বরূপা চ কান্তা কাম্যবরপ্রদা ॥ 49 ॥

মন্ত্রব্রাহ্মণবিদ্যার্থা নাদরূপা হবিষ্মতী ।

আথর্বণিঃ শ্রুতিঃ শূন্যা কল্পনাবর্জিতা সতী ॥ 50 ॥

সত্তাজাতিঃ প্রমাঽমেযাঽপ্রমিতিঃ প্রাণদা গতিঃ ।

অবর্ণা পঞ্চবর্ণা চ সর্বদা ভুবনেশ্বরী ॥ 51 ॥

ত্রৈলোক্যমোহিনী বিদ্যা সর্বভর্ত্রী ক্ষরাঽক্ষরা ।

হিরণ্যবর্ণা হরিণী সর্বোপদ্রবনাশিনী ॥ 52 ॥

কৈবল্যপদবীরেখা সূর্যমণ্ডলসংস্থিতা ।

সোমমণ্ডলমধ্যস্থা বহ্নিমণ্ডলসংস্থিতা ॥ 53 ॥

বাযুমণ্ডলমধ্যস্থা ব্যোমমণ্ডলসংস্থিতা ।

চক্রিকা চক্রমধ্যস্থা চক্রমার্গপ্রবর্তিনী ॥ 54 ॥

কোকিলাকুলচক্রেশা পক্ষতিঃ পঙ্ক্তিপাবনী ।

সর্বসিদ্ধান্তমার্গস্থা ষড্বর্ণাবরবর্জিতা ॥ 55 ॥

শররুদ্রহরা হন্ত্রী সর্বসংহারকারিণী ।

পুরুষা পৌরুষী তুষ্টিস্সর্বতন্ত্রপ্রসূতিকা ॥ 56 ॥

অর্ধনারীশ্বরী দেবী সর্ববিদ্যাপ্রদাযিনী ।

ভার্গবী যাজুষীবিদ্যা সর্বোপনিষদাস্থিতা ॥ 57 ॥ [ ভুজুষীবিদ্যা ]

ব্যোমকেশাখিলপ্রাণা পঞ্চকোশবিলক্ষণা ।

পঞ্চকোশাত্মিকা প্রত্যক্পঞ্চব্রহ্মাত্মিকা শিবা ॥ 58 ॥

জগজ্জরাজনিত্রী চ পঞ্চকর্মপ্রসূতিকা ।

বাগ্দেব্যাভরণাকারা সর্বকাম্যস্থিতাস্থিতিঃ ॥ 59 ॥

অষ্টাদশচতুষ্ষষ্ঠিপীঠিকা বিদ্যযা যুতা ।

কালিকাকর্ষণশ্যামা যক্ষিণী কিন্নরেশ্বরী ॥ 60 ॥

কেতকী মল্লিকাঽশোকা বারাহী ধরণী ধ্রুবা ।

নারসিংহী মহোগ্রাস্যা ভক্তানামার্তিনাশিনী ॥ 61 ॥

অন্তর্বলা স্থিরা লক্ষ্মীর্জরামরণনাশিনী ।

শ্রীরঞ্জিতা মহাকাযা সোমসূর্যাগ্নিলোচনা ॥ 62 ॥

অদিতির্দেবমাতা চ অষ্টপুত্রাঽষ্টযোগিনী ।

অষ্টপ্রকৃতিরষ্টাষ্টবিভ্রাজদ্বিকৃতাকৃতিঃ ॥ 63 ॥

দুর্ভিক্ষধ্বংসিনী দেবী সীতা সত্যা চ রুক্মিণী ।

খ্যাতিজা ভার্গবী দেবী দেবযোনিস্তপস্বিনী ॥ 64 ॥

শাকম্ভরী মহাশোণা গরুডোপরিসংস্থিতা ।

সিংহগা ব্যাঘ্রগা দেবী বাযুগা চ মহাদ্রিগা ॥ 65 ॥

অকারাদিক্ষকারান্তা সর্ববিদ্যাধিদেবতা ।

মন্ত্রব্যাখ্যাননিপুণা জ্যোতিশ্শাস্ত্রৈকলোচনা ॥ 66 ॥

ইডাপিঙ্গলিকামধ্যাসুষুম্না গ্রন্থিভেদিনী ।

কালচক্রাশ্রযোপেতা কালচক্রস্বরূপিণী ॥ 67 ॥

বৈশারদী মতিশ্শ্রেষ্ঠা বরিষ্ঠা সর্বদীপিকা ।

বৈনাযকী বরারোহা শ্রোণিবেলা বহির্বলিঃ ॥ 68 ॥

জম্ভিনী জৃম্ভিণী জম্ভকারিণী গণকারিকা ।

শরণী চক্রিকাঽনন্তা সর্বব্যাধিচিকিত্সকী ॥ 69 ॥

দেবকী দেবসঙ্কাশা বারিধিঃ করুণাকরা ।

শর্বরী সর্বসম্পন্না সর্বপাপপ্রভঞ্জনী ॥ 70 ॥

একমাত্রা দ্বিমাত্রা চ ত্রিমাত্রা চ তথাঽপরা ।

অর্ধমাত্রা পরা সূক্ষ্মা সূক্ষ্মার্থাঽর্থপরাঽপরা ॥ 71 ॥

একবীরা বিশেষাখ্যা ষষ্ঠীদেবী মনস্বিনী ।

নৈষ্কর্ম্যা নিষ্কলালোকা জ্ঞানকর্মাধিকা গুণা ॥ 72 ॥

সবন্ধ্বানন্দসন্দোহা ব্যোমাকারাঽনিরূপিতা ।

গদ্যপদ্যাত্মিকা বাণী সর্বালঙ্কারসংযুতা ॥ 73 ॥

সাধুবন্ধপদন্যাসা সর্বৌকো ঘটিকাবলিঃ ।

ষট্কর্মা কর্কশাকারা সর্বকর্মবিবর্জিতা ॥ 74 ॥

আদিত্যবর্ণা চাপর্ণা কামিনী বররূপিণী ।

ব্রহ্মাণী ব্রহ্মসন্তানা বেদবাগীশ্বরী শিবা ॥ 75 ॥

পুরাণন্যাযমীমাংসাধর্মশাস্ত্রাগমশ্রুতা ।

সদ্যোবেদবতী সর্বা হংসী বিদ্যাধিদেবতা ॥ 76 ॥

বিশ্বেশ্বরী জগদ্ধাত্রী বিশ্বনির্মাণকারিণী ।

বৈদিকী বেদরূপা চ কালিকা কালরূপিণী ॥ 77 ॥

নারাযণী মহাদেবী সর্বতত্ত্বপ্রবর্তিনী ।

হিরণ্যবর্ণরূপা চ হিরণ্যপদসম্ভবা ॥ 78 ॥

কৈবল্যপদবী পুণ্যা কৈবল্যজ্ঞানলক্ষিতা ।

ব্রহ্মসম্পত্তিরূপা চ ব্রহ্মসম্পত্তিকারিণী ॥ 79 ॥

বারুণী বারুণারাধ্যা সর্বকর্মপ্রবর্তিনী ।

একাক্ষরপরাঽঽযুক্তা সর্বদারিদ্র্যভঞ্জিনী ॥ 80 ॥

পাশাঙ্কুশান্বিতা দিব্যা বীণাব্যাখ্যাক্ষসূত্রভৃত্ ।

একমূর্তিস্ত্রযীমূর্তির্মধুকৈটভভঞ্জিনী ॥ 81 ॥

সাঙ্খ্যা সাঙ্খ্যবতী জ্বালা জ্বলন্তী কামরূপিণী ।

জাগ্রতী সর্বসম্পত্তিস্সুষুপ্তা স্বেষ্টদাযিনী ॥ 82 ॥

কপালিনী মহাদংষ্ট্রা ভ্রুকুটী কুটিলাননা ।

সর্বাবাসা সুবাসা চ বৃহত্যষ্টিশ্চ শক্বরী ॥ 83 ॥

ছন্দোগণপ্রতিষ্ঠা চ কল্মাষী করুণাত্মিকা ।

চক্ষুষ্মতী মহাঘোষা খড্গচর্মধরাঽশনিঃ ॥ 84 ॥

শিল্পবৈচিত্র্যবিদ্যোতা সর্বতোভদ্রবাসিনী ।

অচিন্ত্যলক্ষণাকারা সূত্রভাষ্যনিবন্ধনা ॥ 85 ॥

সর্ববেদার্থসম্পত্তিস্সর্বশাস্ত্রার্থমাতৃকা ।

অকারাদিক্ষকারান্তসর্ববর্ণকৃতস্থলা ॥ 86 ॥

সর্বলক্ষ্মীস্সদানন্দা সারবিদ্যা সদাশিবা ।

সর্বজ্ঞা সর্বশক্তিশ্চ খেচরীরূপগোচ্ছ্রিতা ॥ 87 ॥

অণিমাদিগুণোপেতা পরা কাষ্ঠা পরা গতিঃ ।

হংসযুক্তবিমানস্থা হংসারূঢা শশিপ্রভা ॥ 88 ॥

ভবানী বাসনাশক্তিরাকৃতিস্থাখিলাঽখিলা ।

তন্ত্রহেতুর্বিচিত্রাঙ্গী ব্যোমগঙ্গাবিনোদিনী ॥ 89 ॥

বর্ষা চ বার্ষিকা চৈব ঋগ্যজুস্সামরূপিণী ।

মহানদীনদীপুণ্যাঽগণ্যপুণ্যগুণক্রিযা ॥ 90 ॥

সমাধিগতলভ্যার্থা শ্রোতব্যা স্বপ্রিযা ঘৃণা ।

নামাক্ষরপরা দেবী উপসর্গনখাঞ্চিতা ॥ 91 ॥

নিপাতোরুদ্বযীজঙ্ঘা মাতৃকা মন্ত্ররূপিণী ।

আসীনা চ শযানা চ তিষ্ঠন্তী ধাবনাধিকা ॥ 92 ॥

লক্ষ্যলক্ষণযোগাঢ্যা তাদ্রূপ্যগণনাকৃতিঃ ।

সৈকরূপা নৈকরূপা সেন্দুরূপা তদাকৃতিঃ ॥ 93 ॥

সমাসতদ্ধিতাকারা বিভক্তিবচনাত্মিকা ।

স্বাহাকারা স্বধাকারা শ্রীপত্যর্ধাঙ্গনন্দিনী ॥ 94 ॥

গম্ভীরা গহনা গুহ্যা যোনিলিঙ্গার্ধধারিণী ।

শেষবাসুকিসংসেব্যা চপলা বরবর্ণিনী ॥ 95 ॥

কারুণ্যাকারসম্পত্তিঃ কীলকৃন্মন্ত্রকীলিকা ।

শক্তিবীজাত্মিকা সর্বমন্ত্রেষ্টাক্ষযকামনা ॥ 96 ॥

আগ্নেযী পার্থিবা আপ্যা বাযব্যা ব্যোমকেতনা ।

সত্যজ্ঞানাত্মিকাঽঽনন্দা ব্রাহ্মী ব্রহ্ম সনাতনী ॥ 97 ॥

অবিদ্যাবাসনা মাযাপ্রকৃতিস্সর্বমোহিনী ।

শক্তির্ধারণশক্তিশ্চ চিদচিচ্ছক্তিযোগিনী ॥ 98 ॥

বক্ত্রারুণা মহামাযা মরীচির্মদমর্দিনী ।

বিরাট্ স্বাহা স্বধা শুদ্ধা নীরূপাস্তিস্সুভক্তিগা ॥ 99 ॥

নিরূপিতাদ্বযীবিদ্যা নিত্যানিত্যস্বরূপিণী ।

বৈরাজমার্গসঞ্চারা সর্বসত্পথদর্শিনী ॥ 100 ॥

জালন্ধরী মৃডানী চ ভবানী ভবভঞ্জনী ।

ত্রৈকালিকজ্ঞানতন্তুস্ত্রিকালজ্ঞানদাযিনী ॥ 101 ॥

নাদাতীতা স্মৃতিঃ প্রজ্ঞা ধাত্রীরূপা ত্রিপুষ্করা ।

পরাজিতাবিধানজ্ঞা বিশেষিতগুণাত্মিকা ॥ 102 ॥

হিরণ্যকেশিনী হেমব্রহ্মসূত্রবিচক্ষণা ।

অসঙ্খ্যেযপরার্ধান্তস্বরব্যঞ্জনবৈখরী ॥ 103 ॥

মধুজিহ্বা মধুমতী মধুমাসোদযা মধুঃ ।

মাধবী চ মহাভাগা মেঘগম্ভীরনিস্বনা ॥ 104 ॥

ব্রহ্মবিষ্ণুমহেশাদিজ্ঞাতব্যার্থবিশেষগা ।

নাভৌ বহ্নিশিখাকারা ললাটে চন্দ্রসন্নিভা ॥ 105 ॥

ভ্রূমধ্যে ভাস্করাকারা সর্বতারাকৃতির্হৃদি ।

কৃত্তিকাদিভরণ্যন্তনক্ষত্রেষ্ট্যার্চিতোদযা ॥ 106 ॥

গ্রহবিদ্যাত্মিকা জ্যোতির্জ্যোতির্বিন্মতিজীবিকা ।

ব্রহ্মাণ্ডগর্ভিণী বালা সপ্তাবরণদেবতা ॥ 107 ॥

বৈরাজোত্তমসাম্রাজ্যা কুমারকুশলোদযা ।

বগলা ভ্রমরাম্বা চ শিবদূতী শিবাত্মিকা ॥ 108 ॥

মেরুবিন্ধ্যাদিসংস্থানা কাশ্মীরপুরবাসিনী ।

যোগনিদ্রা মহানিদ্রা বিনিদ্রা রাক্ষসাশ্রিতা ॥ 109 ॥

সুবর্ণদা মহাগঙ্গা পঞ্চাখ্যা পঞ্চসংহতিঃ ।

সুপ্রজাতা সুবীরা চ সুপোষা সুপতিশ্শিবা ॥ 110 ॥

সুগৃহা রক্তবীজান্তা হতকন্দর্পজীবিকা ।

সমুদ্রব্যোমমধ্যস্থা সমবিন্দুসমাশ্রযা ॥ 111 ॥

সৌভাগ্যরসজীবাতুস্সারাসারবিবেকদৃক্ ।

ত্রিবল্যাদিসুপুষ্টাঙ্গা ভারতী ভরতাশ্রিতা ॥ 112 ॥

নাদব্রহ্মমযীবিদ্যা জ্ঞানব্রহ্মমযীপরা ।

ব্রহ্মনাডী নিরুক্তিশ্চ ব্রহ্মকৈবল্যসাধনম্ ॥ 113 ॥

কালিকেযমহোদারবীর্যবিক্রমরূপিণী ।

বডবাগ্নিশিখাবক্ত্রা মহাকবলতর্পণা ॥ 114 ॥

মহাভূতা মহাদর্পা মহাসারা মহাক্রতুঃ ।

পঞ্জভূতমহাগ্রাসা পঞ্চভূতাধিদেবতা ॥ 115 ॥

সর্বপ্রমাণা সম্পত্তিস্সর্বরোগপ্রতিক্রিযা ।

ব্রহ্মাণ্ডান্তর্বহির্ব্যাপ্তা বিষ্ণুবক্ষোবিভূষিণী ॥ 116 ॥

শাঙ্করী বিধিবক্ত্রস্থা প্রবরা বরহেতুকী ।

হেমমালা শিখামালা ত্রিশিখা পঞ্চলোচনা ॥ 117 ॥ [ পঞ্চমোচনা ]

সর্বাগমসদাচারমর্যাদা যাতুভঞ্জনী ।

পুণ্যশ্লোকপ্রবন্ধাঢ্যা সর্বান্তর্যামিরূপিণী ॥ 118 ॥

সামগানসমারাধ্যা শ্রোত্রকর্ণরসাযনম্ ।

জীবলোকৈকজীবাতুর্ভদ্রোদারবিলোকনা ॥ 119 ॥

তটিত্কোটিলসত্কান্তিস্তরুণী হরিসুন্দরী ।

মীননেত্রা চ সেন্দ্রাক্ষী বিশালাক্ষী সুমঙ্গলা ॥ 120 ॥

সর্বমঙ্গলসম্পন্না সাক্ষান্মঙ্গলদেবতা ।

দেহহৃদ্দীপিকা দীপ্তির্জিহ্বপাপপ্রণাশিনী ॥ 121 ॥

অর্ধচন্দ্রোল্লসদ্দংষ্ট্রা যজ্ঞবাটীবিলাসিনী ।

মহাদুর্গা মহোত্সাহা মহাদেববলোদযা ॥ 122 ॥

ডাকিনীড্যা শাকিনীড্যা সাকিনীড্যা সমস্তজুট্ ।

নিরঙ্কুশা নাকিবন্দ্যা ষডাধারাধিদেবতা ॥ 123 ॥

ভুবনজ্ঞানিনিশ্শ্রেণী ভুবনাকারবল্লরী ।

শাশ্বতী শাশ্বতাকারা লোকানুগ্রহকারিণী ॥ 124 ॥

সারসী মানসী হংসী হংসলোকপ্রদাযিনী ।

চিন্মুদ্রালঙ্কৃতকরা কোটিসূর্যসমপ্রভা ॥ 125 ॥

সুখপ্রাণিশিরোরেখা সদদৃষ্টপ্রদাযিনী ।

সর্বসাঙ্কর্যদোষঘ্নী গ্রহোপদ্রবনাশিনী ॥ 126 ॥

ক্ষুদ্রজন্তুভযঘ্নী চ বিষরোগাদিভঞ্জনী ।

সদাশান্তা সদাশুদ্ধা গৃহচ্ছিদ্রনিবারিণী ॥ 127 ॥

কলিদোষপ্রশমনী কোলাহলপুরস্থিতা ।

গৌরী লাক্ষণিকী মুখ্যা জঘন্যাকৃতিবর্জিতা ॥ 128 ॥

মাযা বিদ্যা মূলভূতা বাসবী বিষ্ণুচেতনা ।

বাদিনী বসুরূপা চ বসুরত্নপরিচ্ছদা ॥ 129 ॥

ছান্দসী চন্দ্রহৃদযা মন্ত্রস্বচ্ছন্দভৈরবী ।

বনমালা বৈজযন্তী পঞ্চদিব্যাযুধাত্মিকা ॥ 130 ॥

পীতাম্বরমযী চঞ্চত্কৌস্তুভা হরিকামিনী ।

নিত্যা তথ্যা রমা রামা রমণী মৃত্যুভঞ্জনী ॥ 131 ॥

জ্যেষ্ঠা কাষ্ঠা ধনিষ্ঠান্তা শরাঙ্গী নির্গুণপ্রিযা ।

মৈত্রেযা মিত্রবিন্দা চ শেষ্যশেষকলাশযা ॥ 132 ॥

বারাণসীবাসলভ্যা চার্যাবর্তজনস্তুতা । [ বারাণসীবাসরতা ]

জগদুত্পত্তিসংস্থানসংহারত্রযকারণম্ ॥ 133 ॥

ত্বমম্ব বিষ্ণুসর্বস্বং নমস্তেঽস্তু মহেশ্বরি ।

নমস্তে সর্বলোকানাং জনন্যৈ পুণ্যমূর্তযে ॥ 134 ॥

সিদ্ধলক্ষ্মীর্মহাকালি মহলক্ষ্মি নমোঽস্তু তে ।

সদ্যোজাতাদিপঞ্চাগ্নিরূপা পঞ্চকপঞ্চকম্ ॥ 135 ॥

যন্ত্রলক্ষ্মীর্ভবত্যাদিরাদ্যাদ্যে তে নমো নমঃ ।

সৃষ্ট্যাদিকারণাকারবিততে দোষবর্জিতে ॥ 136 ॥

জগল্লক্ষ্মীর্জগন্মাতর্বিষ্ণুপত্নি নমোঽস্তু তে ।

নবকোটিমহাশক্তিসমুপাস্যপদাম্বুজে ॥ 137 ॥

কনত্সৌবর্ণরত্নাঢ্য সর্বাভরণভূষিতে ।

অনন্তানিত্যমহিষীপ্রপঞ্চেশ্বরনাযকি ॥ 138 ॥

অত্যুচ্ছ্রিতপদান্তস্থে পরমব্যোমনাযকি ।

নাকপৃষ্ঠগতারাধ্যে বিষ্ণুলোকবিলাসিনি ॥ 139 ॥

বৈকুণ্ঠরাজমহিষি শ্রীরঙ্গনগরাশ্রিতে ।

রঙ্গনাযকি ভূপুত্রি কৃষ্ণে বরদবল্লভে ॥ 140 ॥

কোটিব্রহ্মাদিসংসেব্যে কোটিরুদ্রাদিকীর্তিতে ।

মাতুলুঙ্গমযং খেটং সৌবর্ণচষকং তথা ॥ 141 ॥

পদ্মদ্বযং পূর্ণকুম্ভং কীরঞ্চ বরদাভযে ।

পাশমঙ্কুশকং শঙ্খং চক্রং শূলং কৃপাণিকাম্ ॥ 142 ॥

ধনুর্বাণৌ চাক্ষমালাং চিন্মুদ্রামপি বিভ্রতী ।

অষ্টাদশভুজে লক্ষ্মীর্মহাষ্টাদশপীঠগে ॥ 143 ॥

ভূমিনীলাদিসংসেব্যে স্বামিচিত্তানুবর্তিনি ।

পদ্মে পদ্মালযে পদ্মি পূর্ণকুম্ভাভিষেচিতে ॥ 144 ॥

ইন্দিরেন্দিন্দিরাভাক্ষি ক্ষীরসাগরকন্যকে ।

ভার্গবি ত্বং স্বতন্ত্রেচ্ছা বশীকৃতজগত্পতিঃ ॥ 145 ॥

মঙ্গলং মঙ্গলানাং ত্বং দেবতানাং চ দেবতা ।

ত্বমুত্তমোত্তমানাং চ ত্বং শ্রেযঃ পরমামৃতম্ ॥ 146 ॥

ধনধান্যাভিবৃদ্ধিশ্চ সার্বভৌমসুখোচ্ছ্রযা ।

আন্দোলিকাদিসৌভাগ্যং মত্তেভাদিমহোদযঃ ॥ 147 ॥

পুত্রপৌত্রাভিবৃদ্ধিশ্চ বিদ্যাভোগবলাদিকম্ ।

আযুরারোগ্যসম্পত্তিরষ্টৈশ্বর্যং ত্বমেব হি ॥ 148 ॥

পরমেশবিভূতিশ্চ সূক্ষ্মাত্সূক্ষ্মতরাগতিঃ ।

সদযাপাঙ্গসন্দত্তব্রহ্মেন্দ্রাদিপদস্থিতিঃ ॥ 149 ॥

অব্যাহতমহাভাগ্যং ত্বমেবাক্ষোভ্যবিক্রমঃ ।

সমন্বযশ্চ বেদানামবিরোধস্ত্বমেব হি ॥ 150 ॥

নিঃশ্রেযসপদপ্রাপ্তিসাধনং ফলমেব চ ।

শ্রীমন্ত্ররাজরাজ্ঞী চ শ্রীবিদ্যা ক্ষেমকারিণী ॥ 151 ॥

শ্রীম্বীজজপসন্তুষ্টা ঐং হ্রীং শ্রীং বীজপালিকা ।

প্রপত্তিমার্গসুলভা বিষ্ণুপ্রথমকিঙ্করী ॥ 152 ॥

ক্লীঙ্কারার্থসবিত্রী চ সৌমঙ্গল্যাধিদেবতা ।

শ্রীষোডশাক্ষরীবিদ্যা শ্রীযন্ত্রপুরবাসিনী ॥ 153 ॥

সর্বমঙ্গলমাঙ্গল্যে শিবে সর্বার্থসাধিকে ।

শরণ্যে ত্র্যম্বকে গৌরী নারাযণি নমোঽস্তু তে ॥ 154 ॥

পুনঃ পুনর্নমস্তেঽস্তু সাষ্টাঙ্গমযুতং পুনঃ ।

সনত্কুমার উবাচ-

এবং স্তুতা মহালক্ষ্মীর্ব্রহ্মরুদ্রাদিভিস্সুরৈঃ ।

নমদ্ভিরার্তৈর্দীনৈশ্চ নিস্স্বত্বৈর্ভোগবর্জিতৈঃ ॥ 1 ॥

জ্যেষ্ঠা জুষ্টৈশ্চ নিশ্শ্রীকৈস্সংসারাত্স্বপরাযণৈঃ ।

বিষ্ণুপত্নী দদৌ তেষাং দর্শনং দৃষ্টিতর্পণম্ ॥ 2 ॥

শরত্পূর্ণেন্দুকোট্যাভধবলাপাঙ্গবীক্ষণৈঃ ।

সর্বান্সত্ত্বসমাবিষ্টান্ চক্রে হৃষ্টা বরং দদৌ ॥ 3 ॥

মহালক্ষ্মীরুবাচ-

নাম্নাং সাষ্টসহস্রং মে প্রমাদাদ্বাপি যস্সকৃত্ ।

কীর্তযেত্তত্কুলে সত্যং বসাম্যাচন্দ্রতারকম্ ॥ 4 ॥

কিং পুনর্নিযমাজ্জপ্তুর্মদেকশরণস্য চ ।

মাতৃবত্সানুকম্পাহং পোষকী স্যামহর্নিশম্ ॥ 5 ॥

মন্নাম স্তবতাং লোকে দুর্লভং নাস্তি চিন্তিতম্ ।

মত্প্রসাদেন সর্বেঽপি স্বস্বেষ্টার্থমবাপ্স্যথ ॥ 6 ॥

লুপ্তবৈষ্ণবধর্মস্য মদ্ব্রতেষ্ববকীর্ণিনঃ ।

ভক্তিপ্রপত্তিহীনস্য বন্দ্যো নাম্নাং স্তবোঽপি মে ॥ 7 ॥

তস্মাদবশ্যং তৈর্দোষৈর্বিহীনঃ পাপবর্জিতঃ ।

জপেত্সাষ্টসহস্রং মে নাম্নাং প্রত্যহমাদরাত্ ॥ 8 ॥

সাক্ষাদলক্ষ্মীপুত্রোঽপি দুর্ভাগ্যোঽপ্যলসোঽপি বা ।

অপ্রযত্নোঽপি মূঢোঽপি বিকলঃ পতিতোঽপি চ ॥ 9 ॥

অবশ্যং প্রাপ্নুযাদ্ভাগ্যং মত্প্রসাদেন কেবলম্ ।

স্পৃহেযমচিরাদ্দেবা বরদানায জাপিনঃ ।

দদামি সর্বমিষ্টার্থং লক্ষ্মীতি স্মরতাং ধ্রুবম্ ॥ 10 ॥

সনত্কুমার উবাচ-

ইত্যুক্ত্বাঽন্তর্দধে লক্ষ্মীর্বৈষ্ণবী ভগবত্কলা ।

ইষ্টাপূর্তং চ সুকৃতং ভাগধেযং চ চিন্তিতম্ ॥ 11 ॥

স্বং স্বং স্থানং চ ভোগং চ বিজযং লেভিরে সুরাঃ ।

তদেতত্ প্রবদাম্যদ্য লক্ষ্মীনামসহস্রকম্ ।

যোগিনঃ পঠত ক্ষিপ্রং চিন্তিতার্থানবাপ্স্যথ ॥ 12 ॥

গার্গ্য উবাচ-

সনত্কুমারোযোগীন্দ্র ইত্যুক্ত্বা স দযানিধিঃ ।

অনুগৃহ্য যযৌ ক্ষিপ্রং তাংশ্চ দ্বাদশযোগিনঃ ॥ 13 ॥

তস্মাদেতদ্রহস্যং চ গোপ্যং জপ্যং প্রযত্নতঃ ।

অষ্টম্যাং চ চতুর্দশ্যাং নবম্যাং ভৃগুবাসরে ॥ 14 ॥

পৌর্ণমাস্যামমাযাং চ পর্বকালে বিশেষতঃ ।

জপেদ্বা নিত্যকার্যেষু সর্বান্কামানবাপ্নুযাত্ ॥ 15 ॥

ইতি শ্রীস্কন্দপুরাণে সনত্কুমারসংহিতাযাং লক্ষ্মীসহস্রনামস্তোত্রং সম্পূর্ণম্ ॥

Roman (IAST) Transliteration

nāmnāṃ sāṣṭasahasrañca brūhi gārgya mahāmate |

mahālakṣmyā mahādevyā bhuktimuktyarthasiddhaye || 1 ||

gārgya uvāca

sanatkumāramāsīnaṃ dvādaśādityasannibham |

apṛcchanyogino bhaktyā yogināmarthasiddhaye || 2 ||

sarvalaukikakarmabhyo vimuktānāṃ hitāya vai |

bhuktimuktipradaṃ japyamanubrūhi dayānidhe || 3 ||

sanatkumāra bhagavansarvajño'si viśeṣataḥ |

āstikyasiddhaye nṝṇāṃ kṣipradharmārthasādhanam || 4 ||

khidyanti mānavāssarve dhanābhāvena kevalam |

siddhyanti dhanino'nyasya naiva dharmārthakāmanāḥ || 5 ||

dāridryadhvaṃsinī nāma kena vidyā prakīrtitā |

kena vā brahmavidyā'pi kena mṛtyuvināśinī || 6 ||

sarvāsāṃ sārabhūtaikā vidyānāṃ kena kīrtitā |

pratyakṣasiddhidā brahman tāmācakṣva dayānidhe || 7 ||

sanatkumāra uvāca

sādhu pṛṣṭaṃ mahābhāgāssarvalokahitaiṣiṇaḥ |

mahatāmeṣa dharmaśca nānyeṣāmiti me matiḥ || 8 ||

brahmaviṣṇumahādevamahendrādimahātmabhiḥ |

samproktaṃ kathayāmyadya lakṣmīnāmasahasrakam || 9 ||

yasyoccāraṇamātreṇa dāridryānmucyate naraḥ |

kiṃ punastajjapājjāpī sarveṣṭārthānavāpnuyāt || 10 ||

asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |

dhyānam

padmanābhapriyāṃ devīṃ padmākṣīṃ padmavāsinīm |

padmavaktrāṃ padmahastāṃ vande padmāmaharniśam || 1 ||

pūrṇenduvadanāṃ divyaratnābharaṇabhūṣitām |

varadābhayahastāḍhyāṃ dhyāyeccandrasahodarīm || 2 ||

icchārūpāṃ bhagavatassaccidānandarūpiṇīm |

sarvajñāṃ sarvajananīṃ viṣṇuvakṣassthalālayām |

dayālumaniśaṃ dhyāyetsukhasiddhisvarūpiṇīm || 3 ||

stotram

nityāgatānantanityā nandinī janarañjanī |

nityaprakāśinī caiva svaprakāśasvarūpiṇī || 1 ||

mahālakṣmīrmahākālī mahākanyā sarasvatī |

bhogavaibhavasandhātrī bhaktānugrahakāriṇī || 2 ||

īśāvāsyā mahāmāyā mahādevī maheśvarī |

hṛllekhā paramā śaktirmātṛkābījarūpiṇī || 3 ||

nityānandā nityabodhā nādinī janamodinī |

satyapratyayanī caiva svaprakāśātmarūpiṇī || 4 ||

tripurā bhairavī vidyā haṃsā vāgīśvarī śivā |

vāgdevī ca mahārātriḥ kālarātristrilocanā || 5 ||

bhadrakālī karālī ca mahākālī tilottamā |

kālī karālavaktrāntā kāmākṣī kāmadā śubhā || 6 ||

caṇḍikā caṇḍarūpeśā cāmuṇḍā cakradhāriṇī |

trailokyajayinī devī trailokyavijayottamā || 7 ||

siddhalakṣmīḥ kriyālakṣmīrmokṣalakṣmīḥ prasādinī |

umā bhagavatī durgā cāndrī dākṣāyaṇī śivā || 8 ||

pratyaṅgirā dharāvelā lokamātā haripriyā |

pārvatī paramā devī brahmavidyāpradāyinī || 9 ||

arūpā bahurūpā ca virūpā viśvarūpiṇī |

pañcabhūtātmikā vāṇī pañcabhūtātmikā parā || 10 ||

kālī mā pañcikā vāgmī haviḥpratyadhidevatā |

devamātā sureśānā devagarbhā'mbikā dhṛtiḥ || 11 ||

saṅkhyā jātiḥ kriyāśaktiḥ prakṛtirmohinī mahī |

yajñavidyā mahāvidyā guhyavidyā vibhāvarī || 12 ||

jyotiṣmatī mahāmātā sarvamantraphalapradā |

dāridryadhvaṃsinī devī hṛdayagranthibhedinī || 13 ||

sahasrādityasaṅkāśā candrikā candrarūpiṇī |

gāyatrī somasambhūtissāvitrī praṇavātmikā || 14 ||

śāṅkarī vaiṣṇavī brāhmī sarvadevanamaskṛtā |

sevyadurgā kuberākṣī karavīranivāsinī || 15 ||

jayā ca vijayā caiva jayantī cā'parājitā |

kubjikā kālikā śāstrī vīṇāpustakadhāriṇī || 16 ||

sarvajñaśaktiśśrīśaktirbrahmaviṣṇuśivātmikā |

iḍāpiṅgalikāmadhyamṛṇālītanturūpiṇī || 17 ||

yajñeśānī prathā dīkṣā dakṣiṇā sarvamohinī |

aṣṭāṅgayoginī devī nirbījadhyānagocarā || 18 ||

sarvatīrthasthitā śuddhā sarvaparvatavāsinī |

vedaśāstraprabhā devī ṣaḍaṅgādipadakramā || 19 ||

śivā dhātrī śubhānandā yajñakarmasvarūpiṇī |

vratinī menakā devī brahmāṇī brahmacāriṇī || 20 ||

ekākṣaraparā tārā bhavabandhavināśinī |

viśvambharā dharādhārā nirādhārā'dhikasvarā || 21 ||

rākā kuhūramāvāsyā pūrṇimā'numatirdyutiḥ |

sinīvālī śivā'vaśyā vaiśvadevī piśaṅgilā || 22 ||

pippalā ca viśālākṣī rakṣoghnī vṛṣṭikāriṇī |

duṣṭavidrāviṇī devī sarvopadravanāśinī || 23 ||

śāradā śarasandhānā sarvaśastrasvarūpiṇī |

yuddhamadhyasthitā devī sarvabhūtaprabhañjanī || 24 ||

ayuddhā yuddharūpā ca śāntā śāntisvarūpiṇī |

gaṅgā sarasvatīveṇīyamunānarmadāpagā || 25 ||

samudravasanāvāsā brahmāṇḍaśroṇimekhalā |

pañcavaktrā daśabhujā śuddhasphaṭikasannibhā || 26 ||

raktā kṛṣṇā sitā pītā sarvavarṇā nirīśvarī |

kālikā cakrikā devī satyā tu vaṭukāsthitā || 27 ||

taruṇī vāruṇī nārī jyeṣṭhādevī sureśvarī |

viśvambharādharā kartrī galārgalavibhañjanī || 28 ||

sandhyārātrirdivājyotsnā kalākāṣṭhā nimeṣikā |

urvī kātyāyanī śubhrā saṃsārārṇavatāriṇī || 29 ||

kapilā kīlikā'śokā mallikānavamallikā | [ mallikānavamālikā ]

devikā nandikā śāntā bhañjikā bhayabhañjikā || 30 ||

kauśikī vaidikī devī saurī rūpādhikā'tibhā |

digvastrā navavastrā ca kanyakā kamalodbhavā || 31 ||

śrīssaumyalakṣaṇā'tītadurgā sūtraprabodhikā |

śraddhā medhā kṛtiḥ prajñā dhāraṇā kāntireva ca || 32 ||

śrutiḥ smṛtirdhṛtirdhanyā bhūtiriṣṭirmanīṣiṇī |

viraktirvyāpinī māyā sarvamāyāprabhañjanī || 33 ||

māhendrī mantriṇī siṃhī cendrajālasvarūpiṇī |

avasthātrayanirmuktā guṇatrayavivarjitā || 34 ||

īṣaṇātrayanirmuktā sarvarogavivarjitā |

yogidhyānāntagamyā ca yogadhyānaparāyaṇā || 35 ||

trayīśikhā viśeṣajñā vedāntajñānarūpiṇī |

bhāratī kamalā bhāṣā padmā padmavatī kṛtiḥ || 36 ||

gautamī gomatī gaurī īśānā haṃsavāhinī |

nārāyaṇī prabhādhārā jāhnavī śaṅkarātmajā || 37 ||

citraghaṇṭā sunandā śrīrmānavī manusambhavā |

stambhinī kṣobhiṇī mārī bhrāmiṇī śatrumāriṇī || 38 ||

mohinī dveṣiṇī vīrā aghorā rudrarūpiṇī |

rudraikādaśinī puṇyā kalyāṇī lābhakāriṇī || 39 ||

devadurgā mahādurgā svapnadurgā'ṣṭabhairavī |

sūryacandrāgnirūpā ca grahanakṣatrarūpiṇī || 40 ||

bindunādakalātītā bindunādakalātmikā |

daśavāyujayākārā kalāṣoḍaśasaṃyutā || 41 ||

kāśyapī kamalādevī nādacakranivāsinī |

mṛḍādhārā sthirā guhyā devikā cakrarūpiṇī || 42 ||

avidyā śārvarī bhuñjā jambhāsuranibarhiṇī |

śrīkāyā śrīkalā śubhrā karmanirmūlakāriṇī || 43 ||

ādilakṣmīrguṇādhārā pañcabrahmātmikā parā |

śrutirbrahmamukhāvāsā sarvasampattirūpiṇī || 44 ||

mṛtasañjīvanī maitrī kāminī kāmavarjitā |

nirvāṇamārgadā devī haṃsinī kāśikā kṣamā || 45 ||

saparyā guṇinī bhinnā nirguṇā khaṇḍitāśubhā |

svāminī vedinī śakyā śāmbarī cakradhāriṇī || 46 ||

daṇḍinī muṇḍinī vyāghrī śikhinī somasaṃhatiḥ |

cintāmaṇiścidānandā pañcabāṇaprabodhinī || 47 ||

bāṇaśreṇissahasrākṣī sahasrabhujapādukā |

sandhyāvalistrisandhyākhyā brahmāṇḍamaṇibhūṣaṇā || 48 ||

vāsavī vāruṇīsenā kulikā mantrarañjanī |

jitaprāṇasvarūpā ca kāntā kāmyavarapradā || 49 ||

mantrabrāhmaṇavidyārthā nādarūpā haviṣmatī |

ātharvaṇiḥ śrutiḥ śūnyā kalpanāvarjitā satī || 50 ||

sattājātiḥ pramā'meyā'pramitiḥ prāṇadā gatiḥ |

avarṇā pañcavarṇā ca sarvadā bhuvaneśvarī || 51 ||

trailokyamohinī vidyā sarvabhartrī kṣarā'kṣarā |

hiraṇyavarṇā hariṇī sarvopadravanāśinī || 52 ||

kaivalyapadavīrekhā sūryamaṇḍalasaṃsthitā |

somamaṇḍalamadhyasthā vahnimaṇḍalasaṃsthitā || 53 ||

vāyumaṇḍalamadhyasthā vyomamaṇḍalasaṃsthitā |

cakrikā cakramadhyasthā cakramārgapravartinī || 54 ||

kokilākulacakreśā pakṣatiḥ paṅktipāvanī |

sarvasiddhāntamārgasthā ṣaḍvarṇāvaravarjitā || 55 ||

śararudraharā hantrī sarvasaṃhārakāriṇī |

puruṣā pauruṣī tuṣṭissarvatantraprasūtikā || 56 ||

ardhanārīśvarī devī sarvavidyāpradāyinī |

bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]

vyomakeśākhilaprāṇā pañcakośavilakṣaṇā |

pañcakośātmikā pratyakpañcabrahmātmikā śivā || 58 ||

jagajjarājanitrī ca pañcakarmaprasūtikā |

vāgdevyābharaṇākārā sarvakāmyasthitāsthitiḥ || 59 ||

aṣṭādaśacatuṣṣaṣṭhipīṭhikā vidyayā yutā |

kālikākarṣaṇaśyāmā yakṣiṇī kinnareśvarī || 60 ||

ketakī mallikā'śokā vārāhī dharaṇī dhruvā |

nārasiṃhī mahogrāsyā bhaktānāmārtināśinī || 61 ||

antarbalā sthirā lakṣmīrjarāmaraṇanāśinī |

śrīrañjitā mahākāyā somasūryāgnilocanā || 62 ||

aditirdevamātā ca aṣṭaputrā'ṣṭayoginī |

aṣṭaprakṛtiraṣṭāṣṭavibhrājadvikṛtākṛtiḥ || 63 ||

durbhikṣadhvaṃsinī devī sītā satyā ca rukmiṇī |

khyātijā bhārgavī devī devayonistapasvinī || 64 ||

śākambharī mahāśoṇā garuḍoparisaṃsthitā |

siṃhagā vyāghragā devī vāyugā ca mahādrigā || 65 ||

akārādikṣakārāntā sarvavidyādhidevatā |

mantravyākhyānanipuṇā jyotiśśāstraikalocanā || 66 ||

iḍāpiṅgalikāmadhyāsuṣumnā granthibhedinī |

kālacakrāśrayopetā kālacakrasvarūpiṇī || 67 ||

vaiśāradī matiśśreṣṭhā variṣṭhā sarvadīpikā |

vaināyakī varārohā śroṇivelā bahirvaliḥ || 68 ||

jambhinī jṛmbhiṇī jambhakāriṇī gaṇakārikā |

śaraṇī cakrikā'nantā sarvavyādhicikitsakī || 69 ||

devakī devasaṅkāśā vāridhiḥ karuṇākarā |

śarvarī sarvasampannā sarvapāpaprabhañjanī || 70 ||

ekamātrā dvimātrā ca trimātrā ca tathā'parā |

ardhamātrā parā sūkṣmā sūkṣmārthā'rthaparā'parā || 71 ||

ekavīrā viśeṣākhyā ṣaṣṭhīdevī manasvinī |

naiṣkarmyā niṣkalālokā jñānakarmādhikā guṇā || 72 ||

sabandhvānandasandohā vyomākārā'nirūpitā |

gadyapadyātmikā vāṇī sarvālaṅkārasaṃyutā || 73 ||

sādhubandhapadanyāsā sarvauko ghaṭikāvaliḥ |

ṣaṭkarmā karkaśākārā sarvakarmavivarjitā || 74 ||

ādityavarṇā cāparṇā kāminī vararūpiṇī |

brahmāṇī brahmasantānā vedavāgīśvarī śivā || 75 ||

purāṇanyāyamīmāṃsādharmaśāstrāgamaśrutā |

sadyovedavatī sarvā haṃsī vidyādhidevatā || 76 ||

viśveśvarī jagaddhātrī viśvanirmāṇakāriṇī |

vaidikī vedarūpā ca kālikā kālarūpiṇī || 77 ||

nārāyaṇī mahādevī sarvatattvapravartinī |

hiraṇyavarṇarūpā ca hiraṇyapadasambhavā || 78 ||

kaivalyapadavī puṇyā kaivalyajñānalakṣitā |

brahmasampattirūpā ca brahmasampattikāriṇī || 79 ||

vāruṇī vāruṇārādhyā sarvakarmapravartinī |

ekākṣaraparā''yuktā sarvadāridryabhañjinī || 80 ||

pāśāṅkuśānvitā divyā vīṇāvyākhyākṣasūtrabhṛt |

ekamūrtistrayīmūrtirmadhukaiṭabhabhañjinī || 81 ||

sāṅkhyā sāṅkhyavatī jvālā jvalantī kāmarūpiṇī |

jāgratī sarvasampattissuṣuptā sveṣṭadāyinī || 82 ||

kapālinī mahādaṃṣṭrā bhrukuṭī kuṭilānanā |

sarvāvāsā suvāsā ca bṛhatyaṣṭiśca śakvarī || 83 ||

chandogaṇapratiṣṭhā ca kalmāṣī karuṇātmikā |

cakṣuṣmatī mahāghoṣā khaḍgacarmadharā'śaniḥ || 84 ||

śilpavaicitryavidyotā sarvatobhadravāsinī |

acintyalakṣaṇākārā sūtrabhāṣyanibandhanā || 85 ||

sarvavedārthasampattissarvaśāstrārthamātṛkā |

akārādikṣakārāntasarvavarṇakṛtasthalā || 86 ||

sarvalakṣmīssadānandā sāravidyā sadāśivā |

sarvajñā sarvaśaktiśca khecarīrūpagocchritā || 87 ||

aṇimādiguṇopetā parā kāṣṭhā parā gatiḥ |

haṃsayuktavimānasthā haṃsārūḍhā śaśiprabhā || 88 ||

bhavānī vāsanāśaktirākṛtisthākhilā'khilā |

tantraheturvicitrāṅgī vyomagaṅgāvinodinī || 89 ||

varṣā ca vārṣikā caiva ṛgyajussāmarūpiṇī |

mahānadīnadīpuṇyā'gaṇyapuṇyaguṇakriyā || 90 ||

samādhigatalabhyārthā śrotavyā svapriyā ghṛṇā |

nāmākṣaraparā devī upasarganakhāñcitā || 91 ||

nipātorudvayījaṅghā mātṛkā mantrarūpiṇī |

āsīnā ca śayānā ca tiṣṭhantī dhāvanādhikā || 92 ||

lakṣyalakṣaṇayogāḍhyā tādrūpyagaṇanākṛtiḥ |

saikarūpā naikarūpā sendurūpā tadākṛtiḥ || 93 ||

samāsataddhitākārā vibhaktivacanātmikā |

svāhākārā svadhākārā śrīpatyardhāṅganandinī || 94 ||

gambhīrā gahanā guhyā yoniliṅgārdhadhāriṇī |

śeṣavāsukisaṃsevyā capalā varavarṇinī || 95 ||

kāruṇyākārasampattiḥ kīlakṛnmantrakīlikā |

śaktibījātmikā sarvamantreṣṭākṣayakāmanā || 96 ||

āgneyī pārthivā āpyā vāyavyā vyomaketanā |

satyajñānātmikā''nandā brāhmī brahma sanātanī || 97 ||

avidyāvāsanā māyāprakṛtissarvamohinī |

śaktirdhāraṇaśaktiśca cidacicchaktiyoginī || 98 ||

vaktrāruṇā mahāmāyā marīcirmadamardinī |

virāṭ svāhā svadhā śuddhā nīrūpāstissubhaktigā || 99 ||

nirūpitādvayīvidyā nityānityasvarūpiṇī |

vairājamārgasañcārā sarvasatpathadarśinī || 100 ||

jālandharī mṛḍānī ca bhavānī bhavabhañjanī |

traikālikajñānatantustrikālajñānadāyinī || 101 ||

nādātītā smṛtiḥ prajñā dhātrīrūpā tripuṣkarā |

parājitāvidhānajñā viśeṣitaguṇātmikā || 102 ||

hiraṇyakeśinī hemabrahmasūtravicakṣaṇā |

asaṅkhyeyaparārdhāntasvaravyañjanavaikharī || 103 ||

madhujihvā madhumatī madhumāsodayā madhuḥ |

mādhavī ca mahābhāgā meghagambhīranisvanā || 104 ||

brahmaviṣṇumaheśādijñātavyārthaviśeṣagā |

nābhau vahniśikhākārā lalāṭe candrasannibhā || 105 ||

bhrūmadhye bhāskarākārā sarvatārākṛtirhṛdi |

kṛttikādibharaṇyantanakṣatreṣṭyārcitodayā || 106 ||

grahavidyātmikā jyotirjyotirvinmatijīvikā |

brahmāṇḍagarbhiṇī bālā saptāvaraṇadevatā || 107 ||

vairājottamasāmrājyā kumārakuśalodayā |

bagalā bhramarāmbā ca śivadūtī śivātmikā || 108 ||

meruvindhyādisaṃsthānā kāśmīrapuravāsinī |

yoganidrā mahānidrā vinidrā rākṣasāśritā || 109 ||

suvarṇadā mahāgaṅgā pañcākhyā pañcasaṃhatiḥ |

suprajātā suvīrā ca supoṣā supatiśśivā || 110 ||

sugṛhā raktabījāntā hatakandarpajīvikā |

samudravyomamadhyasthā samabindusamāśrayā || 111 ||

saubhāgyarasajīvātussārāsāravivekadṛk |

trivalyādisupuṣṭāṅgā bhāratī bharatāśritā || 112 ||

nādabrahmamayīvidyā jñānabrahmamayīparā |

brahmanāḍī niruktiśca brahmakaivalyasādhanam || 113 ||

kālikeyamahodāravīryavikramarūpiṇī |

vaḍavāgniśikhāvaktrā mahākavalatarpaṇā || 114 ||

mahābhūtā mahādarpā mahāsārā mahākratuḥ |

pañjabhūtamahāgrāsā pañcabhūtādhidevatā || 115 ||

sarvapramāṇā sampattissarvarogapratikriyā |

brahmāṇḍāntarbahirvyāptā viṣṇuvakṣovibhūṣiṇī || 116 ||

śāṅkarī vidhivaktrasthā pravarā varahetukī |

hemamālā śikhāmālā triśikhā pañcalocanā || 117 || [ pañcamocanā ]

sarvāgamasadācāramaryādā yātubhañjanī |

puṇyaślokaprabandhāḍhyā sarvāntaryāmirūpiṇī || 118 ||

sāmagānasamārādhyā śrotrakarṇarasāyanam |

jīvalokaikajīvāturbhadrodāravilokanā || 119 ||

taṭitkoṭilasatkāntistaruṇī harisundarī |

mīnanetrā ca sendrākṣī viśālākṣī sumaṅgalā || 120 ||

sarvamaṅgalasampannā sākṣānmaṅgaladevatā |

dehahṛddīpikā dīptirjihvapāpapraṇāśinī || 121 ||

ardhacandrollasaddaṃṣṭrā yajñavāṭīvilāsinī |

mahādurgā mahotsāhā mahādevabalodayā || 122 ||

ḍākinīḍyā śākinīḍyā sākinīḍyā samastajuṭ |

niraṅkuśā nākivandyā ṣaḍādhārādhidevatā || 123 ||

bhuvanajñāniniśśreṇī bhuvanākāravallarī |

śāśvatī śāśvatākārā lokānugrahakāriṇī || 124 ||

sārasī mānasī haṃsī haṃsalokapradāyinī |

cinmudrālaṅkṛtakarā koṭisūryasamaprabhā || 125 ||

sukhaprāṇiśirorekhā sadadṛṣṭapradāyinī |

sarvasāṅkaryadoṣaghnī grahopadravanāśinī || 126 ||

kṣudrajantubhayaghnī ca viṣarogādibhañjanī |

sadāśāntā sadāśuddhā gṛhacchidranivāriṇī || 127 ||

kalidoṣapraśamanī kolāhalapurasthitā |

gaurī lākṣaṇikī mukhyā jaghanyākṛtivarjitā || 128 ||

māyā vidyā mūlabhūtā vāsavī viṣṇucetanā |

vādinī vasurūpā ca vasuratnaparicchadā || 129 ||

chāndasī candrahṛdayā mantrasvacchandabhairavī |

vanamālā vaijayantī pañcadivyāyudhātmikā || 130 ||

pītāmbaramayī cañcatkaustubhā harikāminī |

nityā tathyā ramā rāmā ramaṇī mṛtyubhañjanī || 131 ||

jyeṣṭhā kāṣṭhā dhaniṣṭhāntā śarāṅgī nirguṇapriyā |

maitreyā mitravindā ca śeṣyaśeṣakalāśayā || 132 ||

vārāṇasīvāsalabhyā cāryāvartajanastutā | [ vārāṇasīvāsaratā ]

jagadutpattisaṃsthānasaṃhāratrayakāraṇam || 133 ||

tvamamba viṣṇusarvasvaṃ namaste'stu maheśvari |

namaste sarvalokānāṃ jananyai puṇyamūrtaye || 134 ||

siddhalakṣmīrmahākāli mahalakṣmi namo'stu te |

sadyojātādipañcāgnirūpā pañcakapañcakam || 135 ||

yantralakṣmīrbhavatyādirādyādye te namo namaḥ |

sṛṣṭyādikāraṇākāravitate doṣavarjite || 136 ||

jagallakṣmīrjaganmātarviṣṇupatni namo'stu te |

navakoṭimahāśaktisamupāsyapadāmbuje || 137 ||

kanatsauvarṇaratnāḍhya sarvābharaṇabhūṣite |

anantānityamahiṣīprapañceśvaranāyaki || 138 ||

atyucchritapadāntasthe paramavyomanāyaki |

nākapṛṣṭhagatārādhye viṣṇulokavilāsini || 139 ||

vaikuṇṭharājamahiṣi śrīraṅganagarāśrite |

raṅganāyaki bhūputri kṛṣṇe varadavallabhe || 140 ||

koṭibrahmādisaṃsevye koṭirudrādikīrtite |

mātuluṅgamayaṃ kheṭaṃ sauvarṇacaṣakaṃ tathā || 141 ||

padmadvayaṃ pūrṇakumbhaṃ kīrañca varadābhaye |

pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||

dhanurbāṇau cākṣamālāṃ cinmudrāmapi bibhratī |

aṣṭādaśabhuje lakṣmīrmahāṣṭādaśapīṭhage || 143 ||

bhūminīlādisaṃsevye svāmicittānuvartini |

padme padmālaye padmi pūrṇakumbhābhiṣecite || 144 ||

indirendindirābhākṣi kṣīrasāgarakanyake |

bhārgavi tvaṃ svatantrecchā vaśīkṛtajagatpatiḥ || 145 ||

maṅgalaṃ maṅgalānāṃ tvaṃ devatānāṃ ca devatā |

tvamuttamottamānāṃ ca tvaṃ śreyaḥ paramāmṛtam || 146 ||

dhanadhānyābhivṛddhiśca sārvabhaumasukhocchrayā |

āndolikādisaubhāgyaṃ mattebhādimahodayaḥ || 147 ||

putrapautrābhivṛddhiśca vidyābhogabalādikam |

āyurārogyasampattiraṣṭaiśvaryaṃ tvameva hi || 148 ||

parameśavibhūtiśca sūkṣmātsūkṣmatarāgatiḥ |

sadayāpāṅgasandattabrahmendrādipadasthitiḥ || 149 ||

avyāhatamahābhāgyaṃ tvamevākṣobhyavikramaḥ |

samanvayaśca vedānāmavirodhastvameva hi || 150 ||

niḥśreyasapadaprāptisādhanaṃ phalameva ca |

śrīmantrarājarājñī ca śrīvidyā kṣemakāriṇī || 151 ||

śrīmbījajapasantuṣṭā aiṃ hrīṃ śrīṃ bījapālikā |

prapattimārgasulabhā viṣṇuprathamakiṅkarī || 152 ||

klīṅkārārthasavitrī ca saumaṅgalyādhidevatā |

śrīṣoḍaśākṣarīvidyā śrīyantrapuravāsinī || 153 ||

sarvamaṅgalamāṅgalye śive sarvārthasādhike |

śaraṇye tryambake gaurī nārāyaṇi namo'stu te || 154 ||

punaḥ punarnamaste'stu sāṣṭāṅgamayutaṃ punaḥ |

sanatkumāra uvāca-

evaṃ stutā mahālakṣmīrbrahmarudrādibhissuraiḥ |

namadbhirārtairdīnaiśca nissvatvairbhogavarjitaiḥ || 1 ||

jyeṣṭhā juṣṭaiśca niśśrīkaissaṃsārātsvaparāyaṇaiḥ |

viṣṇupatnī dadau teṣāṃ darśanaṃ dṛṣṭitarpaṇam || 2 ||

śaratpūrṇendukoṭyābhadhavalāpāṅgavīkṣaṇaiḥ |

sarvānsattvasamāviṣṭān cakre hṛṣṭā varaṃ dadau || 3 ||

mahālakṣmīruvāca-

nāmnāṃ sāṣṭasahasraṃ me pramādādvāpi yassakṛt |

kīrtayettatkule satyaṃ vasāmyācandratārakam || 4 ||

kiṃ punarniyamājjapturmadekaśaraṇasya ca |

mātṛvatsānukampāhaṃ poṣakī syāmaharniśam || 5 ||

mannāma stavatāṃ loke durlabhaṃ nāsti cintitam |

matprasādena sarve'pi svasveṣṭārthamavāpsyatha || 6 ||

luptavaiṣṇavadharmasya madvrateṣvavakīrṇinaḥ |

bhaktiprapattihīnasya vandyo nāmnāṃ stavo'pi me || 7 ||

tasmādavaśyaṃ tairdoṣairvihīnaḥ pāpavarjitaḥ |

japetsāṣṭasahasraṃ me nāmnāṃ pratyahamādarāt || 8 ||

sākṣādalakṣmīputro'pi durbhāgyo'pyalaso'pi vā |

aprayatno'pi mūḍho'pi vikalaḥ patito'pi ca || 9 ||

avaśyaṃ prāpnuyādbhāgyaṃ matprasādena kevalam |

spṛheyamacirāddevā varadānāya jāpinaḥ |

dadāmi sarvamiṣṭārthaṃ lakṣmīti smaratāṃ dhruvam || 10 ||

sanatkumāra uvāca-

ityuktvā'ntardadhe lakṣmīrvaiṣṇavī bhagavatkalā |

iṣṭāpūrtaṃ ca sukṛtaṃ bhāgadheyaṃ ca cintitam || 11 ||

svaṃ svaṃ sthānaṃ ca bhogaṃ ca vijayaṃ lebhire surāḥ |

tadetat pravadāmyadya lakṣmīnāmasahasrakam |

yoginaḥ paṭhata kṣipraṃ cintitārthānavāpsyatha || 12 ||

gārgya uvāca-

sanatkumāroyogīndra ityuktvā sa dayānidhiḥ |

anugṛhya yayau kṣipraṃ tāṃśca dvādaśayoginaḥ || 13 ||

tasmādetadrahasyaṃ ca gopyaṃ japyaṃ prayatnataḥ |

aṣṭamyāṃ ca caturdaśyāṃ navamyāṃ bhṛguvāsare || 14 ||

paurṇamāsyāmamāyāṃ ca parvakāle viśeṣataḥ |

japedvā nityakāryeṣu sarvānkāmānavāpnuyāt || 15 ||

iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||