📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী কৃষ্ণ সহস্র নাম স্তোত্রম্
Shri Krishna Sahasra Nama Stotram
Krishna Stotram Bengali
ওঁ অস্য শ্রীকৃষ্ণসহস্রনামস্তোত্রমন্ত্রস্য পরাশর ঋষিঃ, অনুষ্টুপ্ ছন্দঃ, শ্রীকৃষ্ণঃ পরমাত্মা দেবতা, শ্রীকৃষ্ণেতি বীজম্, শ্রীবল্লভেতি শক্তিঃ, শার্ঙ্গীতি কীলকং, শ্রীকৃষ্ণপ্রীত্যর্থে জপে বিনিযোগঃ ॥
ন্যাসঃ
পরাশরায ঋষযে নমঃ ইতি শিরসি,
অনুষ্টুপ্ ছন্দসে নমঃ ইতি মুখে,
গোপালকৃষ্ণদেবতাযৈ নমঃ ইতি হৃদযে,
শ্রীকৃষ্ণায বীজায নমঃ ইতি গুহ্যে,
শ্রীবল্লভায শক্ত্যৈ নমঃ ইতি পাদযোঃ,
শার্ঙ্গধরায কীলকায নমঃ ইতি সর্বাঙ্গে ॥
করন্যাসঃ
শ্রীকৃষ্ণ ইত্যারভ্য শূরবংশৈকধীরিত্যন্তানি অঙ্গুষ্ঠাভ্যাং নমঃ ।
শৌরিরিত্যারভ্য স্বভাসোদ্ভাসিতব্রজ ইত্যন্তানি তর্জনীভ্যাং নমঃ ।
কৃতাত্মবিদ্যাবিন্যাস ইত্যারভ্য প্রস্থানশকটারূঢ ইতি মধ্যমাভ্যাং নমঃ,
বৃন্দাবনকৃতালয ইত্যারভ্য মধুরাজনবীক্ষিত ইত্যনামিকাভ্যাং নমঃ,
রজকপ্রতিঘাতক ইত্যারভ্য দ্বারকাপুরকল্পন ইতি কনিষ্ঠিকাভ্যাং নমঃ
দ্বারকানিলয ইত্যারভ্য পরাশর ইতি করতলকরপৃষ্ঠাভ্যাং নমঃ,
এবং হৃদযাদিন্যাসঃ ॥
ধ্যানম্
কেষাঞ্চিত্প্রেমপুংসাং বিগলিতমনসাং বাললীলাবিলাসং
কেষাং গোপাললীলাঙ্কিতরসিকতনুর্বেণুবাদ্যেন দেবম্ ।
কেষাং বামাসমাজে জনিতমনসিজো দৈত্যদর্পাপহৈবং
জ্ঞাত্বা ভিন্নাভিলাষং স জযতি জগতামীশ্বরস্তাদৃশোঽভূত্ ॥ 1 ॥
ক্ষীরাব্ধৌ কৃতসংস্তবস্সুরগণৈর্ব্রহ্মাদিভিঃ পণ্ডিতৈঃ
প্রোদ্ভূতো বসুদেবসদ্মনি মুদা চিক্রীড যো গোকুলে ।
কংসধ্বংসকৃতে জগাম মধুরাং সারামসদ্বারকাং
গোপালোঽখিলগোপিকাজনসখঃ পাযাদপাযাত্ স নঃ ॥ 2 ॥
ফুল্লেন্দীবরকান্তিমিন্দুবদনং বর্হাবতংসপ্রিযং
শ্রীবত্সাঙ্কমুদারকৌস্তুভধরং পীতাম্বরং সুন্দরম্ ।
গোপীনাং নযনোত্পলার্চিততনুং গোগোপসঙ্ঘাবৃতং
গোবিন্দং কলবেণুবাদনরতং দিব্যাঙ্গভূষং ভজে ॥ 3 ॥
ওম্ ।
কৃষ্ণঃ শ্রীবল্লভঃ শার্ঙ্গী বিষ্বক্সেনঃ স্বসিদ্ধিদঃ ।
ক্ষীরোদধামা ব্যূহেশঃ শেষশাযী জগন্মযঃ ॥ 1 ॥
ভক্তিগম্যস্ত্রযীমূর্তির্ভারার্তবসুধাস্তুতঃ ।
দেবদেবো দযাসিন্ধুর্দেবদেবশিখামণিঃ ॥ 2 ॥
সুখভাবস্সুখাধারো মুকুন্দো মুদিতাশযঃ ।
অবিক্রিযঃ ক্রিযামূর্তিরধ্যাত্মস্বস্বরূপবান্ ॥ 3 ॥
শিষ্টাভিলক্ষ্যো ভূতাত্মা ধর্মত্রাণার্থচেষ্টিতঃ ।
অন্তর্যামী কলারূপঃ কালাবযবসাক্ষিকঃ ॥ 4 ॥
বসুধাযাসহরণো নারদপ্রেরণোন্মুখঃ ।
প্রভূষ্ণুর্নারদোদ্গীতো লোকরক্ষাপরাযণঃ ॥ 5 ॥
রৌহিণেযকৃতানন্দো যোগজ্ঞাননিযোজকঃ ।
মহাগুহান্তর্নিক্ষিপ্তঃ পুরাণবপুরাত্মবান্ ॥ 6 ॥
শূরবংশৈকধীশ্শৌরিঃ কংসশঙ্কাবিষাদকৃত্ ।
বসুদেবোল্লসচ্ছক্তির্দেবক্যষ্টমগর্ভগঃ ॥ 7 ॥
বসুদেবসুতঃ শ্রীমান্দেবকীনন্দনো হরিঃ ।
আশ্চর্যবালঃ শ্রীবত্সলক্ষ্মবক্ষাশ্চতুর্ভুজঃ ॥ 8 ॥
স্বভাবোত্কৃষ্টসদ্ভাবঃ কৃষ্ণাষ্টম্যন্তসম্ভবঃ ।
প্রাজাপত্যর্ক্ষসম্ভূতো নিশীথসমযোদিতঃ ॥ 9 ॥
শঙ্খচক্রগদাপদ্মপাণিঃ পদ্মনিভেক্ষণঃ ।
কিরীটী কৌস্তুভোরস্কঃ স্ফুরন্মকরকুণ্ডলঃ ॥ 10 ॥
পীতবাসা ঘনশ্যামঃ কুঞ্চিতাঞ্চিতকুন্তলঃ ।
সুব্যক্তব্যক্তাভরণঃ সূতিকাগৃহভূষণঃ ॥ 11 ॥
কারাগারান্ধকারঘ্নঃ পিতৃপ্রাগ্জন্মসূচকঃ ।
বসুদেবস্তুতঃ স্তোত্রং তাপত্রযনিবারণঃ ॥ 12 ॥
নিরবদ্যঃ ক্রিযামূর্তির্ন্যাযবাক্যনিযোজকঃ ।
অদৃষ্টচেষ্টঃ কূটস্থো ধৃতলৌকিকবিগ্রহঃ ॥ 13 ॥
মহর্ষিমানসোল্লাসো মহীমঙ্গলদাযকঃ ।
সন্তোষিতসুরব্রাতঃ সাধুচিত্তপ্রসাদকঃ ॥ 14 ॥
জনকোপাযনির্দেষ্টা দেবকীনযনোত্সবঃ ।
পিতৃপাণিপরিষ্কারো মোহিতাগাররক্ষকঃ ॥ 15 ॥
স্বশক্ত্যুদ্ধাটিতাশেষকপাটঃ পিতৃবাহকঃ ।
শেষোরগফণাচ্ছত্রশ্শেষোক্তাখ্যাসহস্রকঃ ॥ 16 ॥
যমুনাপূরবিধ্বংসী স্বভাসোদ্ভাসিতব্রজঃ ।
কৃতাত্মবিদ্যাবিন্যাসো যোগমাযাগ্রসম্ভবঃ ॥ 17 ॥
দুর্গানিবেদিতোদ্ভাবো যশোদাতল্পশাযকঃ ।
নন্দগোপোত্সবস্ফূর্তির্ব্রজানন্দকরোদযঃ ॥ 18 ॥
সুজাতজাতকর্ম শ্রীর্গোপীভদ্রোক্তিনির্বৃতঃ ।
অলীকনিদ্রোপগমঃ পূতনাস্তনপীডনঃ ॥ 19 ॥
স্তন্যাত্তপূতনাপ্রাণঃ পূতনাক্রোশকারকঃ ।
বিন্যস্তরক্ষাগোধূলির্যশোদাকরলালিতঃ ॥ 20 ॥
নন্দাঘ্রাতশিরোমধ্যঃ পূতনাসুগতিপ্রদঃ ।
বালঃ পর্যঙ্কনিদ্রালুর্মুখার্পিতপদাঙ্গুলিঃ ॥ 21 ॥
অঞ্জনস্নিগ্ধনযনঃ পর্যাযাঙ্কুরিতস্মিতঃ ।
লীলাক্ষস্তরলালোকশ্শকটাসুরভঞ্জনঃ ॥ 22 ॥
দ্বিজোদিতস্বস্ত্যযনো মন্ত্রপূতজলাপ্লুতঃ ।
যশোদোত্সঙ্গপর্যঙ্কো যশোদামুখবীক্ষকঃ ॥ 23 ॥
যশোদাস্তন্যমুদিতস্তৃণাবর্তাদিদুস্সহঃ ।
তৃণাবর্তাসুরধ্বংসী মাতৃবিস্মযকারকঃ ॥ 24 ॥
প্রশস্তনামকরণো জানুচঙ্ক্রমণোত্সুকঃ ।
ব্যালম্বিচূলিকারত্নো ঘোষগোপপ্রহর্ষণঃ ॥ 25 ॥
স্বমুখপ্রতিবিম্বার্থী গ্রীবাব্যাঘ্রনখোজ্জ্বলঃ ।
পঙ্কানুলেপরুচিরো মাংসলোরুকটীতটঃ ॥ 26 ॥
ঘৃষ্টজানুকরদ্বন্দ্বঃ প্রতিবিম্বানুকারকৃত্ ।
অব্যক্তবর্ণবাগ্বৃত্তিঃ স্মিতলক্ষ্যরদোদ্গমঃ ॥ 27 ॥
ধাত্রীকরসমালম্বী প্রস্খলচ্চিত্রচঙ্ক্রমঃ ।
অনুরূপবযস্যাঢ্যশ্চারুকৌমারচাপলঃ ॥ 28 ॥
বত্সপুচ্ছসমাকৃষ্টো বত্সপুচ্ছবিকর্ষণঃ ।
বিস্মারিতান্যব্যাপারো গোপগোপীমুদাবহঃ ॥ 29 ॥
অকালবত্সনির্মোক্তা ব্রজব্যাক্রোশসুস্মিতঃ ।
নবনীতমহাচোরো দারকাহারদাযকঃ ॥ 30 ॥
পীঠোলূখলসোপানঃ ক্ষীরভাণ্ডবিভেদনঃ ।
শিক্যভাণ্ডসমাকর্ষী ধ্বান্তাগারপ্রবেশকৃত্ ॥ 31 ॥
ভূষারত্নপ্রকাশাঢ্যো গোপ্যুপালম্ভভর্ত্সিতঃ ।
পরাগধূসরাকারো মৃদ্ভক্ষণকৃতেক্ষণঃ ॥ 32 ॥
বালোক্তমৃত্কথারম্ভো মিত্রান্তর্গূঢবিগ্রহঃ ।
কৃতসন্ত্রাসলোলাক্ষো জননীপ্রত্যযাবহঃ ॥ 33॥
মাতৃদৃশ্যাত্তবদনো বক্ত্রলক্ষ্যচরাচরঃ ।
যশোদালালিতস্বাত্মা স্বযং স্বাচ্ছন্দ্যমোহনঃ ॥ 34 ॥
সবিত্রীস্নেহসংশ্লিষ্টঃ সবিত্রীস্তনলোলুপঃ ।
নবনীতার্থনাপ্রহ্বো নবনীতমহাশনঃ ॥ 35 ॥
মৃষাকোপপ্রকম্পোষ্ঠো গোষ্ঠাঙ্গণবিলোকনঃ ।
দধিমন্থঘটীভেত্তা কিঙ্কিণীক্বাণসূচিতঃ ॥ 36 ॥
হৈযঙ্গবীনরসিকো মৃষাশ্রুশ্চৌর্যশঙ্কিতঃ ।
জননীশ্রমবিজ্ঞাতা দামবন্ধনিযন্ত্রিতঃ ॥ 37 ॥
দামাকল্পশ্চলাপাঙ্গো গাঢোলূখলবন্ধনঃ ।
আকৃষ্টোলূখলোঽনন্তঃ কুবেরসুতশাপবিত্ ॥ । 38 ॥
নারদোক্তিপরামর্শী যমলার্জুনভঞ্জনঃ ।
ধনদাত্মজসঙ্ঘুষ্টো নন্দমোচিতবন্ধনঃ ॥ 39 ॥
বালকোদ্গীতনিরতো বাহুক্ষেপোদিতপ্রিযঃ ।
আত্মজ্ঞো মিত্রবশগো গোপীগীতগুণোদযঃ ॥ 40 ॥
প্রস্থানশকটারূঢো বৃন্দাবনকৃতালযঃ ।
গোবত্সপালনৈকাগ্রো নানাক্রীডাপরিচ্ছদঃ ॥ 41 ॥
ক্ষেপণীক্ষেপণপ্রীতো বেণুবাদ্যবিশারদঃ ।
বৃষবত্সানুকরণো বৃষধ্বানবিডম্বনঃ ॥ 42 ॥
নিযুদ্ধলীলাসংহৃষ্টঃ কূজানুকৃতকোকিলঃ ।
উপাত্তহংসগমনস্সর্বজন্তুরুতানুকৃত্ ॥ 43 ॥
ভৃঙ্গানুকারী দধ্যন্নচোরো বত্সপুরস্সরঃ ।
বলী বকাসুরগ্রাহী বকতালুপ্রদাহকঃ ॥ 44 ॥
ভীতগোপার্ভকাহূতো বকচঞ্চুবিদারণঃ ।
বকাসুরারির্গোপালো বালো বালাদ্ভুতাবহঃ ॥ 45 ॥
বলভদ্রসমাশ্লিষ্টঃ কৃতক্রীডানিলাযনঃ ।
ক্রীডাসেতুনিধানজ্ঞঃ প্লবঙ্গোত্প্লবনোঽদ্ভুতঃ ॥ 46 ॥
কন্দুকক্রীডনো লুপ্তনন্দাদিভববেদনঃ ।
সুমনোঽলঙ্কৃতশিরাঃ স্বাদুস্নিগ্ধান্নশিক্যভৃত্ ॥ 47 ॥
গুঞ্জাপ্রালম্বনচ্ছন্নঃ পিঞ্ছৈরলকবেষকৃত্ ।
বন্যাশনপ্রিযঃ শৃঙ্গরবাকারিতবত্সকঃ ॥ 48 ॥
মনোজ্ঞপল্লবোত্তংসপুষ্পস্বেচ্ছাত্তষট্পদঃ ।
মঞ্জুশিঞ্জিতমঞ্জীরচরণঃ করকঙ্কণঃ ॥ 49 ॥
অন্যোন্যশাসনঃ ক্রীডাপটুঃ পরমকৈতবঃ ।
প্রতিধ্বানপ্রমুদিতঃ শাখাচতুরচঙ্ক্রমঃ ॥ 50 ॥
অঘদানবসংহর্তা ব্রজবিঘ্নবিনাশনঃ ।
ব্রজসঞ্জীবনঃ শ্রেযোনিধির্দানবমুক্তিদঃ ॥ 51 ॥
কালিন্দীপুলিনাসীনস্সহভুক্তব্রজার্ভকঃ ।
কক্ষাজঠরবিন্যস্তবেণুর্বল্লবচেষ্টিতঃ ॥ 52 ॥
ভুজসন্ধ্যন্তরন্যস্তশৃঙ্গবেত্রঃ শুচিস্মিতঃ ।
বামপাণিস্থদধ্যন্নকবলঃ কলভাষণঃ ॥ 53 ॥
অঙ্গুল্যন্তরবিন্যস্তফলঃ পরমপাবনঃ ।
অদৃশ্যতর্ণকান্বেষী বল্লবার্ভকভীতিহা ॥ 54 ॥
অদৃষ্টবত্সপব্রাতো ব্রহ্মবিজ্ঞাতবৈভবঃ ।
গোবত্সবত্সপান্বেষী বিরাট্-পুরুষবিগ্রহঃ ॥ 55 ॥
স্বসঙ্কল্পানুরূপার্থো বত্সবত্সপরূপধৃক্ ।
যথাবত্সক্রিযারূপো যথাস্থাননিবেশনঃ ॥ 56 ॥
যথাব্রজার্ভকাকারো গোগোপীস্তন্যপস্সুখী ।
চিরাদ্বলোহিতো দান্তো ব্রহ্মবিজ্ঞাতবৈভবঃ ॥ 57 ॥
বিচিত্রশক্তির্ব্যালীনসৃষ্টগোবত্সবত্সপঃ ।
ব্রহ্মত্রপাকরো ধাতৃস্তুতস্সর্বার্থসাধকঃ ॥ 58 ॥
ব্রহ্ম ব্রহ্মমযোঽব্যক্তস্তেজোরূপস্সুখাত্মকঃ ।
নিরুক্তং ব্যাকৃতির্ব্যক্তো নিরালম্বনভাবনঃ ॥ 59 ॥
প্রভবিষ্ণুরতন্ত্রীকো দেবপক্ষার্থরূপধৃক্ ।
অকামস্সর্ববেদাদিরণীযস্থূলরূপবান্ ॥ 60 ॥
ব্যাপী ব্যাপ্যঃ কৃপাকর্তা বিচিত্রাচারসম্মতঃ ।
ছন্দোমযঃ প্রধানাত্মা মূর্তামূর্তিদ্বযাকৃতিঃ ॥ 61 ॥
অনেকমূর্তিরক্রোধঃ পরঃ প্রকৃতিরক্রমঃ ।
সকলাবরণোপেতস্সর্বদেবো মহেশ্বরঃ ॥ 62 ॥
মহাপ্রভাবনঃ পূর্ববত্সবত্সপদর্শকঃ ।
কৃষ্ণযাদবগোপালো গোপালোকনহর্ষিতঃ ॥ 63 ॥
স্মিতেক্ষাহর্ষিতব্রহ্মা ভক্তবত্সলবাক্প্রিযঃ ।
ব্রহ্মানন্দাশ্রুধৌতাঙ্ঘ্রির্লীলাবৈচিত্র্যকোবিদঃ ॥ 64 ॥
বলভদ্রৈকহৃদযো নামাকারিতগোকুলঃ ।
গোপালবালকো ভব্যো রজ্জুযজ্ঞোপবীতবান্ ॥ 65 ॥
বৃক্ষচ্ছাযাহতাশান্তির্গোপোত্সঙ্গোপবর্হণঃ ।
গোপসংবাহিতপদো গোপব্যজনবীজিতঃ ॥ 66।
গোপগানসুখোন্নিদ্রঃ শ্রীদামার্জিতসৌহৃদঃ ।
সুনন্দসুহৃদেকাত্মা সুবলপ্রাণরঞ্জনঃ ॥ 67 ॥
তালীবনকৃতক্রীডো বলপাতিতধেনুকঃ ।
গোপীসৌভাগ্যসম্ভাব্যো গোধূলিচ্ছুরিতালকঃ ॥ 68 ॥
গোপীবিরহসন্তপ্তো গোপিকাকৃতমজ্জনঃ ।
প্রলম্ববাহুরুত্ফুল্লপুণ্ডরীকাবতংসকঃ ॥ 69 ॥
বিলাসললিতস্মেরগর্ভলীলাবলোকনঃ ।
স্রগ্ভূষণানুলেপাঢ্যো জনন্যুপহৃতান্নভুক্ ॥ 70 ॥
বরশয্যাশযো রাধাপ্রেমসল্লাপনির্বৃতঃ ।
যমুনাতটসঞ্চারী বিষার্তব্রজহর্ষদঃ ॥ 71 ॥
কালিযক্রোধজনকঃ বৃদ্ধাহিকুলবেষ্টিতঃ ।
কালিযাহিফণারঙ্গনটঃ কালিযমর্দনঃ ॥ 72 ॥
নাগপত্নীস্তুতিপ্রীতো নানাবেষসমৃদ্ধিকৃত্ ।
অবিষ্বক্তদৃগাত্মেশঃ স্বদৃগাত্মস্তুতিপ্রিযঃ ॥ 73 ॥
সর্বেশ্বরস্সর্বগুণঃ প্রসিদ্ধস্সর্বসাত্বতঃ ।
অকুণ্ঠধামা চন্দ্রার্কদৃষ্টিরাকাশনির্মলঃ ॥ 74 ॥
অনির্দেশ্যগতির্নাগবনিতাপতিভৈক্ষদঃ ।
স্বাঙ্ঘ্রিমুদ্রাঙ্কনাগেন্দ্রমূর্ধা কালিযসংস্তুতঃ ॥ 75 ॥
অভযো বিশ্বতশ্চক্ষুঃ স্তুতোত্তমগুণঃ প্রভুঃ ।
অহমাত্মা মরুত্প্রাণঃ পরমাত্মা দ্যুশীর্ষবান্ ॥ 76 ॥
নাগোপাযনহৃষ্টাত্মা হ্রদোত্সারিতকালিযঃ ।
বলভদ্রসুখালাপো গোপালিঙ্গননির্বৃতঃ ॥ 77 ॥
দাবাগ্নিভীতগোপালগোপ্তা দাবাগ্নিনাশনঃ ।
নযনাচ্ছাদনক্রীডালম্পটো নৃপচেষ্টিতঃ ॥ 78 ॥
কাকপক্ষধরস্সৌম্যো বলবাহককেলিমান্ ।
বলঘাতিতদুর্ধর্ষপ্রলম্বো বলবত্সলঃ ॥ 79 ॥
মুঞ্জাটব্যগ্নিশমনঃ প্রাবৃট্কালবিনোদবান্ ।
শিলান্যস্তান্নভৃদ্দৈত্যসংহর্তা শাদ্বলাসনঃ ॥ 80 ॥
সদাপ্তগোপিকোদ্গীতঃ কর্ণিকারাবতংসকঃ ।
নটবেষধরঃ পদ্মমালাঙ্কো গোপিকাবৃতঃ ॥ 81 ॥
গোপীমনোহরাপাঙ্গো বেণুবাদনতত্পরঃ ।
বিন্যস্তবদনাম্ভোজশ্চারুশব্দকৃতাননঃ ॥ 82 ॥
বিম্বাধরার্পিতোদারবেণুর্বিশ্ববিমোহনঃ ।
ব্রজসংবর্ণিতশ্রাব্যবেণুনাদঃ শ্রুতিপ্রিযঃ ॥ 83 ॥
গোগোপগোপীজন্মেপ্সুর্ব্রহ্মেন্দ্রাদ্যভিবন্দিতঃ ।
গীতস্নুতিসরিত্পূরো নাদনর্তিতবর্হিণঃ ॥ 84 ॥
রাগপল্লবিতস্থাণুর্গীতানমিতপাদপঃ ।
বিস্মারিততৃণগ্রাসমৃগো মৃগবিলোভিতঃ ॥ 85 ॥
ব্যাঘ্রাদিহিংস্রসহজবৈরহর্তা সুগাযনঃ ।
গাঢোদীরিতগোবৃন্দপ্রেমোত্কর্ণিততর্ণকঃ ॥ 86 ॥
নিষ্পন্দযানব্রহ্মাদিবীক্ষিতো বিশ্ববন্দিতঃ ।
শাখোত্কর্ণশকুন্তৌঘশ্ছত্রাযিতবলাহকঃ ॥ 87 ॥
প্রসন্নঃ পরমানন্দশ্চিত্রাযিতচরাচরঃ ।
গোপিকামদনো গোপীকুচকুঙ্কুমমুদ্রিতঃ ॥ 88 ॥
গোপিকন্যাজলক্রীডাহৃষ্টো গোপ্যংশুকাপহৃত্ ।
স্কন্ধারোপিতগোপস্ত্রীবাসাঃ কুন্দনিভস্মিতঃ ॥ 89 ॥
গোপীনেত্রোত্পলশশী গোপিকাযাচিতাংশুকঃ ।
গোপীনমস্ক্রিযাদেষ্টা গোপ্যেককরবন্দিতঃ ॥ 90 ॥
গোপ্যঞ্জলিবিশেষার্থী গোপক্রীডাবিলোভিতঃ ।
শান্তবাসস্ফুরদ্গোপীকৃতাঞ্জলিরঘাপহঃ ॥ 91 ॥
গোপীকেলিবিলাসার্থী গোপীসম্পূর্ণকামদঃ ।
গোপস্ত্রীবস্ত্রদো গোপীচিত্তচোরঃ কুতূহলী ॥ 92 ॥
বৃন্দাবনপ্রিযো গোপবন্ধুর্যজ্বান্নযাচিতা ।
যজ্ঞেশো যজ্ঞভাবজ্ঞো যজ্ঞপত্ন্যভিবাঞ্ছিতঃ ॥ 93 ॥
মুনিপত্নীবিতীর্ণান্নতৃপ্তো মুনিবধূপ্রিযঃ ।
দ্বিজপত্ন্যভিভাবজ্ঞো দ্বিজপত্নীবরপ্রদঃ ॥ 94 ॥
প্রতিরুদ্ধসতীমোক্ষপ্রদো দ্বিজবিমোহিতা ।
মুনিজ্ঞানপ্রদো যজ্বস্তুতো বাসবযাগবিত্ ॥ 95 ॥
পিতৃপ্রোক্তক্রিযারূপশক্রযাগনিবারণঃ ।
শক্রাঽমর্ষকরশ্শক্রবৃষ্টিপ্রশমনোন্মুখঃ ॥ 96 ॥
গোবর্ধনধরো গোপগোবৃন্দত্রাণতত্পরঃ ।
গোবর্ধনগিরিচ্ছত্রচণ্ডদণ্ডভুজার্গলঃ ॥ 97 ॥
সপ্তাহবিধৃতাদ্রীন্দ্রো মেঘবাহনগর্বহা ।
ভুজাগ্রোপরিবিন্যস্তক্ষ্মাধরক্ষ্মাভৃদচ্যুতঃ ॥ 98 ॥
স্বস্থানস্থাপিতগিরির্গোপীদধ্যক্ষতার্চিতঃ ।
সুমনস্সুমনোবৃষ্টিহৃষ্টো বাসববন্দিতঃ ॥ 99 ॥
কামধেনুপযঃপূরাভিষিক্তস্সুরভিস্তুতঃ ।
ধরাঙ্ঘ্রিরোষধীরোমা ধর্মগোপ্তা মনোমযঃ ॥ 100 ॥
জ্ঞানযজ্ঞপ্রিযশ্শাস্ত্রনেত্রস্সর্বার্থসারথিঃ ।
ঐরাবতকরানীতবিযদ্গঙ্গাপ্লুতো বিভুঃ ॥ 101 ॥
ব্রহ্মাভিষিক্তো গোগোপ্তা সর্বলোকশুভঙ্করঃ ।
সর্ববেদমযো মগ্ননন্দান্বেষিপিতৃপ্রিযঃ ॥ 102 ॥
বরুণোদীরিতাত্মেক্ষাকৌতুকো বরুণার্চিতঃ ।
বরুণানীতজনকো গোপজ্ঞাতাত্মবৈভবঃ ॥ 103 ॥
স্বর্লোকালোকসংহৃষ্টগোপবর্গত্রিবর্গদঃ ।
ব্রহ্মহৃদ্গোপিতো গোপদ্রষ্টা ব্রহ্মপদপ্রদঃ ॥ 104 ॥
শরচ্চন্দ্রবিহারোত্কঃ শ্রীপতির্বশকো ক্ষমঃ ।
ভযাপহো ভর্তৃরুদ্ধগোপিকাধ্যানগোচরঃ ॥ 105 ॥
গোপিকানযনাস্বাদ্যো গোপীনর্মোক্তিনির্বৃতঃ ।
গোপিকামানহরণো গোপিকাশতযূথপঃ ॥ 106 ॥
বৈজযন্তীস্রগাকল্পো গোপিকামানবর্ধনঃ ।
গোপকান্তাসুনির্দেষ্টা কান্তো মন্মথমন্মথঃ ॥ 107 ॥
স্বাত্মাস্যদত্ততাম্বূলঃ ফলিতোত্কৃষ্টযৌবনঃ ।
বল্লবীস্তনসক্তাক্ষো বল্লবীপ্রেমচালিতঃ ॥ 108 ॥
গোপীচেলাঞ্চলাসীনো গোপীনেত্রাব্জষট্পদঃ ।
রাসক্রীডাসমাসক্তো গোপীমণ্ডলমণ্ডনঃ ॥ 109 ॥
গোপীহেমমণিশ্রেণিমধ্যেন্দ্রমণিরুজ্জ্বলঃ ।
বিদ্যাধরেন্দুশাপঘ্নশ্শঙ্খচূডশিরোহরঃ ॥ 110 ॥
শঙ্খচূডশিরোরত্নসম্প্রীণিতবলোঽনঘঃ ।
অরিষ্টারিষ্টকৃদ্দুষ্টকেশিদৈত্যনিষূদনঃ ॥ 111 ॥
সরসস্সস্মিতমুখস্সুস্থিরো বিরহাকুলঃ ।
সঙ্কর্ষণার্পিতপ্রীতিরক্রূরধ্যানগোচরঃ ॥ 112 ॥
অক্রূরসংস্তুতো গূঢো গুণবৃত্যুপলক্ষিতঃ ।
প্রমাণগম্যস্তন্মাত্রাঽবযবী বুদ্ধিতত্পরঃ ॥ 113 ॥
সর্বপ্রমাণপ্রমধীস্সর্বপ্রত্যযসাধকঃ ।
পুরুষশ্চ প্রধানাত্মা বিপর্যাসবিলোচনঃ ॥ 114 ॥
মধুরাজনসংবীক্ষ্যো রজকপ্রতিঘাতকঃ ।
বিচিত্রাম্বরসংবীতো মালাকারবরপ্রদঃ ॥ 115 ॥
কুব্জাবক্রত্বনির্মোক্তা কুব্জাযৌবনদাযকঃ ।
কুব্জাঙ্গরাগসুরভিঃ কংসকোদণ্ডখণ্ডনঃ ॥ 116 ॥
ধীরঃ কুবলযাপীডমর্দনঃ কংসভীতিকৃত্ ।
দন্তিদন্তাযুধো রঙ্গত্রাসকো মল্লযুদ্ধবিত্ ॥ 117 ॥
চাণূরহন্তা কংসারির্দেবকীহর্ষদাযকঃ ।
বসুদেবপদানম্রঃ পিতৃবন্ধবিমোচনঃ ॥ 118 ॥
উর্বীভযাপহো ভূপ উগ্রসেনাধিপত্যদঃ ।
আজ্ঞাস্থিতশচীনাথস্সুধর্মানযনক্ষমঃ ॥ 119 ॥
আদ্যো দ্বিজাতিসত্কর্তা শিষ্টাচারপ্রদর্শকঃ ।
সান্দীপনিকৃতাভ্যস্তবিদ্যাভ্যাসৈকধীস্সুধীঃ ॥ 120 ॥
গুর্বভীষ্টক্রিযাদক্ষঃ পশ্চিমোদধিপূজিতঃ ।
হতপঞ্চজনপ্রাপ্তপাঞ্চজন্যো যমার্চিতঃ ॥ 121 ॥
ধর্মরাজজযানীতগুরুপুত্র উরুক্রমঃ ।
গুরুপুত্রপ্রদশ্শাস্তা মধুরাজসভাসদঃ ॥ 122 ॥
জামদগ্ন্যসমভ্যর্চ্যো গোমন্তগিরিসঞ্চরঃ ।
গোমন্তদাবশমনো গরুডানীতভূষণঃ ॥ 123 ॥
চক্রাদ্যাযুধসংশোভী জরাসন্ধমদাপহঃ ।
সৃগালাবনিপালঘ্নস্সৃগালাত্মজরাজ্যদঃ ॥ 124 ॥
বিধ্বস্তকালযবনো মুচুকুন্দবরপ্রদঃ ।
আজ্ঞাপিতমহাম্ভোধির্দ্বারকাপুরকল্পনঃ ॥ 125 ॥
দ্বারকানিলযো রুক্মিমানহন্তা যদূদ্বহঃ ।
রুচিরো রুক্মিণীজানিঃ প্রদ্যুম্নজনকঃ প্রভুঃ ॥ 126 ॥
অপাকৃতত্রিলোকার্তিরনিরুদ্ধপিতামহঃ ।
অনিরুদ্ধপদান্বেষী চক্রী গরুডবাহনঃ ॥ 127 ॥
বাণাসুরপুরীরোদ্ধা রক্ষাজ্বলনযন্ত্রজিত্ ।
ধূতপ্রমথসংরম্ভো জিতমাহেশ্বরজ্বরঃ ॥ 128 ॥
ষট্চক্রশক্তিনির্জেতা ভূতবেতালমোহকৃত্ ।
শম্ভুত্রিশূলজিচ্ছম্ভুজৃম্ভণশ্শম্ভুসংস্তুতঃ ॥ 129 ॥
ইন্দ্রিযাত্মেন্দুহৃদযস্সর্বযোগেশ্বরেশ্বরঃ ।
হিরণ্যগর্ভহৃদযো মোহাবর্তনিবর্তনঃ ॥ 130 ॥
আত্মজ্ঞাননিধির্মেধা কোশস্তন্মাত্ররূপবান্ ।
ইন্দ্রোঽগ্নিবদনঃ কালনাভস্সর্বাগমাধ্বগঃ ॥ 131 ॥
তুরীযসর্বধীসাক্ষী দ্বন্দ্বারামাত্মদূরগঃ ।
অজ্ঞাতপারো বশ্যশ্রীরব্যাকৃতবিহারবান্ ॥ 132 ॥
আত্মপ্রদীপো বিজ্ঞানমাত্রাত্মা শ্রীনিকেতনঃ ।
বাণবাহুবনচ্ছেত্তা মহেন্দ্রপ্রীতিবর্ধনঃ ॥ 133 ॥
অনিরুদ্ধনিরোধজ্ঞো জলেশাহৃতগোকুলঃ ।
জলেশবিজযী বীরস্সত্রাজিদ্রত্নযাচকঃ ॥ 134 ॥
প্রসেনান্বেষণোদ্যুক্তো জাম্ববদ্ধৃতরত্নদঃ ।
জিতর্ক্ষরাজতনযাহর্তা জাম্ববতীপ্রিযঃ ॥ 135 ॥
সত্যভামাপ্রিযঃ কামশ্শতধন্বশিরোহরঃ ।
কালিন্দীপতিরক্রূরবন্ধুরক্রূররত্নদঃ ॥ 136 ॥
কৈকেযীরমণো ভদ্রাভর্তা নাগ্নজিতীধবঃ ।
মাদ্রীমনোহরশ্শৈব্যাপ্রাণবন্ধুরুরুক্রমঃ ॥ 137 ॥
সুশীলাদযিতো মিত্রবিন্দানেত্রমহোত্সবঃ ।
লক্ষ্মণাবল্লভো রুদ্ধপ্রাগ্জ্যোতিষমহাপুরঃ ॥ 138 ॥
সুরপাশাবৃতিচ্ছেদী মুরারিঃ ক্রূরযুদ্ধবিত্ ।
হযগ্রীবশিরোহর্তা সর্বাত্মা সর্বদর্শনঃ ॥ 139 ॥
নরকাসুরবিচ্ছেত্তা নরকাত্মজরাজ্যদঃ।
পৃথ্বীস্তুতঃ প্রকাশাত্মা হৃদ্যো যজ্ঞফলপ্রদঃ ॥ 140 ॥
গুণগ্রাহী গুণদ্রষ্টা গূঢস্বাত্মা বিভূতিমান্ ।
কবির্জগদুপদ্রষ্টা পরমাক্ষরবিগ্রহঃ ॥ 141 ॥
প্রপন্নপালনো মালী মহদ্ব্রহ্মবিবর্ধনঃ ।
বাচ্যবাচকশক্ত্যর্থস্সর্বব্যাকৃতসিদ্ধিদঃ ॥ 142 ॥
স্বযম্প্রভুরনির্বেদ্যস্স্বপ্রকাশশ্চিরন্তনঃ ।
নাদাত্মা মন্ত্রকোটীশো নানাবাদনিরোধকঃ ॥ 143 ॥
কন্দর্পকোটিলাবণ্যঃ পরার্থৈকপ্রযোজকঃ ।
অমরীকৃতদেবৌঘঃ কন্যকাবন্ধমোচনঃ ॥ 144 ॥
ষোডশস্ত্রীসহস্রেশঃ কান্তঃ কান্তামনোভবঃ ।
ক্রীডারত্নাচলাহর্তা বরুণচ্ছত্রশোভিতঃ ॥ 145 ॥
শক্রাভিবন্দিতশ্শক্রজননীকুণ্ডলপ্রদঃ ।
অদিতিপ্রস্তুতস্তোত্রো ব্রাহ্মণোদ্ঘুষ্টচেষ্টনঃ ॥ 146 ॥
পুরাণস্সংযমী জন্মালিপ্তঃ ষড্বিংশকোঽর্থদঃ ।
যশস্যনীতিরাদ্যন্তরহিতস্সত্কথাপ্রিযঃ ॥ 147 ॥
ব্রহ্মবোধঃ পরানন্দঃ পারিজাতাপহারকঃ ।
পৌণ্ড্রকপ্রাণহরণঃ কাশিরাজনিষূদনঃ ॥ 148 ॥
কৃত্যাগর্বপ্রশমনো বিচক্রবধদীক্ষিতঃ ।
কংসবিধ্বংসনস্সাম্বজনকো ডিম্ভকার্দনঃ ॥ 149 ॥
মুনির্গোপ্তা পিতৃবরপ্রদস্সবনদীক্ষিতঃ ।
রথী সারথ্যনির্দেষ্টা ফাল্গুনঃ ফাল্গুনিপ্রিযঃ ॥ 150 ॥
সপ্তাব্ধিস্তম্ভনোদ্ভাতো হরিস্সপ্তাব্ধিভেদনঃ ।
আত্মপ্রকাশঃ পূর্ণশ্রীরাদিনারাযণেক্ষিতঃ ॥ 151 ॥
বিপ্রপুত্রপ্রদশ্চৈব সর্বমাতৃসুতপ্রদঃ ।
পার্থবিস্মযকৃত্পার্থপ্রণবার্থপ্রবোধনঃ ॥ 152 ॥
কৈলাসযাত্রাসুমুখো বদর্যাশ্রমভূষণঃ ।
ঘণ্টাকর্ণক্রিযামৌঢ্যাত্তোষিতো ভক্তবত্সলঃ ॥ 153 ॥
মুনিবৃন্দাদিভির্ধ্যেযো ঘণ্টাকর্ণবরপ্রদঃ ।
তপশ্চর্যাপরশ্চীরবাসাঃ পিঙ্গজটাধরঃ ॥ 154 ॥
প্রত্যক্ষীকৃতভূতেশশ্শিবস্তোতা শিবস্তুতঃ ।
কৃষ্ণাস্বযংবরালোককৌতুকী সর্বসম্মতঃ ॥ 155 ॥
বলসংরম্ভশমনো বলদর্শিতপাণ্ডবঃ ।
যতিবেষার্জুনাভীষ্টদাযী সর্বাত্মগোচরঃ ॥ 156 ॥
সুভদ্রাফাল্গুনোদ্বাহকর্তা প্রীণিতফাল্গুনঃ ।
খাণ্ডবপ্রীণিতার্চিষ্মান্মযদানবমোচনঃ ॥ 157 ॥
সুলভো রাজসূযার্হযুধিষ্ঠিরনিযোজকঃ ।
ভীমার্দিতজরাসন্ধো মাগধাত্মজরাজ্যদঃ ॥ 158 ॥
রাজবন্ধননির্মোক্তা রাজসূযাগ্রপূজনঃ ।
চৈদ্যাদ্যসহনো ভীষ্মস্তুতস্সাত্বতপূর্বজঃ ॥ 159 ॥
সর্বাত্মার্থসমাহর্তা মন্দরাচলধারকঃ ।
যজ্ঞাবতারঃ প্রহ্লাদপ্রতিজ্ঞাপ্রতিপালকঃ ॥ 160 ॥
বলিযজ্ঞসভাধ্বংসী দৃপ্তক্ষত্রকুলান্তকঃ ।
দশগ্রীবান্তকো জেতা রেবতীপ্রেমবল্লভঃ ॥ 161 ॥
সর্বাবতারাধিষ্ঠাতা বেদবাহ্যবিমোহনঃ ।
কলিদোষনিরাকর্তা দশনামা দৃঢব্রতঃ ॥ 162 ॥
অমেযাত্মা জগত্স্বামী বাগ্মী চৈদ্যশিরোহরঃ ।
দ্রৌপদীরচিতস্তোত্রঃ কেশবঃ পুরুষোত্তমঃ ॥ 163 ॥
নারাযণো মধুপতির্মাধবো দোষবর্জিতঃ ।
গোবিন্দঃ পুণ্ডরীকাক্ষো বিষ্ণুশ্চ মধুসূদনঃ ॥ 164 ॥
ত্রিবিক্রমস্ত্রিলোকেশো বামনঃ শ্রীধরঃ পুমান্ ।
হৃষীকেশো বাসুদেবঃ পদ্মনাভো মহাহ্রদঃ ॥ 165 ॥
দামোদরশ্চতুর্ব্যূহঃ পাঞ্চালীমানরক্ষণঃ ।
সাল্বঘ্নস্সমরশ্লাঘী দন্তবক্ত্রনিবর্হণঃ ॥ 166 ॥
দামোদরপ্রিযসখা পৃথুকাস্বাদনপ্রিযঃ ॥
ঘৃণী দামোদরঃ শ্রীদো গোপীপুনরবেক্ষকঃ ॥ 167 ॥
গোপিকামুক্তিদো যোগী দুর্বাসস্তৃপ্তিকারকঃ ।
অবিজ্ঞাতব্রজাকীর্ণপাণ্ডবালোকনো জযী ॥ 168 ॥
পার্থসারথ্যনিরতঃ প্রাজ্ঞঃ পাণ্ডবদূত্যকৃত্ ।
বিদুরাতিথ্যসন্তুষ্টঃ কুন্তীসন্তোষদাযকঃ ॥ 169 ॥
সুযোধনতিরস্কর্তা দুর্যোধনবিকারবিত্ ।
বিদুরাভিষ্ঠুতো নিত্যো বার্ষ্ণেযো মঙ্গলাত্মকঃ ॥ 170 ॥
পঞ্চবিংশতিতত্ত্বেশশ্চতুর্বিংশতিদেহভাক্ ।
সর্বানুগ্রাহকস্সর্বদাশার্হসততার্চিতঃ ॥ 171 ॥
অচিন্ত্যো মধুরালাপস্সাধুদর্শী দুরাসদঃ ।
মনুষ্যধর্মানুগতঃ কৌরবেন্দ্রক্ষযেক্ষিতা ॥ 172 ॥
উপেন্দ্রো দানবারাতিরুরুগীতো মহাদ্যুতিঃ ।
ব্রহ্মণ্যদেবঃ শ্রুতিমান্ গোব্রাহ্মণহিতাশযঃ ॥ 173 ॥
বরশীলশ্শিবারম্ভস্সুবিজ্ঞানবিমূর্তিমান্ ।
স্বভাবশুদ্ধস্সন্মিত্রস্সুশরণ্যস্সুলক্ষণঃ ॥ 174 ॥
ধৃতরাষ্ট্রগতৌদৃষ্টিপ্রদঃ কর্ণবিভেদনঃ ।
প্রতোদধৃগ্বিশ্বরূপবিস্মারিতধনঞ্জযঃ ॥ 175 ॥
সামগানপ্রিযো ধর্মধেনুর্বর্ণোত্তমোঽব্যযঃ ।
চতুর্যুগক্রিযাকর্তা বিশ্বরূপপ্রদর্শকঃ ॥ 176 ॥
ব্রহ্মবোধপরিত্রাতপার্থো ভীষ্মার্থচক্রভৃত্ ।
অর্জুনাযাসবিধ্বংসী কালদংষ্ট্রাবিভূষণঃ ॥ 177 ॥
সুজাতানন্তমহিমা স্বপ্নব্যাপারিতার্জুনঃ ।
অকালসন্ধ্যাঘটনশ্চক্রান্তরিতভাস্করঃ ॥ 178 ॥
দুষ্টপ্রমথনঃ পার্থপ্রতিজ্ঞাপরিপালকঃ ।
সিন্ধুরাজশিরঃপাতস্থানবক্তা বিবেকদৃক্ ॥ 179 ॥
সুভদ্রাশোকহরণো দ্রোণোত্সেকাদিবিস্মিতঃ ।
পার্থমন্যুনিরাকর্তা পাণ্ডবোত্সবদাযকঃ ॥ 180 ॥
অঙ্গুষ্ঠাক্রান্তকৌন্তেযরথশ্শক্তোঽহিশীর্ষজিত্ ।
কালকোপপ্রশমনো ভীমসেনজযপ্রদঃ ॥ 181 ॥
অশ্বত্থামবধাযাসত্রাতপাণ্ডুসুতঃ কৃতী ।
ইষীকাস্ত্রপ্রশমনো দ্রৌণিরক্ষাবিচক্ষণঃ ॥ 182 ॥
পার্থাপহারিতদ্রৌণিচূডামণিরভঙ্গুরঃ ।
ধৃতরাষ্ট্রপরামৃষ্টভীমপ্রতিকৃতিস্মযঃ ॥ 183 ॥
ভীষ্মবুদ্ধিপ্রদশ্শান্তশ্শরচ্চন্দ্রনিভাননঃ ।
গদাগ্রজন্মা পাঞ্চালীপ্রতিজ্ঞাপরিপালকঃ ॥ 184 ॥
গান্ধারীকোপদৃগ্গুপ্তধর্মসূনুরনামযঃ ।
প্রপন্নার্তিভযচ্ছেত্তা ভীষ্মশল্যব্যধাবহঃ ॥ 185 ॥
শান্তশ্শান্তনবোদীর্ণসর্বধর্মসমাহিতঃ ।
স্মারিতব্রহ্মবিদ্যার্থপ্রীতপার্থো মহাস্ত্রবিত্ ॥ 186 ॥
প্রসাদপরমোদারো গাঙ্গেযসুগতিপ্রদঃ ।
বিপক্ষপক্ষক্ষযকৃত্পরীক্ষিত্প্রাণরক্ষণঃ ॥ 187 ॥
জগদ্গুরুর্ধর্মসূনোর্বাজিমেধপ্রবর্তকঃ ।
বিহিতার্থাপ্তসত্কারো মাসকাত্পরিবর্তদঃ ॥ 188 ॥
উত্তঙ্কহর্ষদাত্মীযদিব্যরূপপ্রদর্শকঃ ।
জনকাবগতস্বোক্তভারতস্সর্বভাবনঃ ॥ 189 ॥
অসোঢযাদবোদ্রেকো বিহিতাপ্তাদিপূজনঃ ॥
সমুদ্রস্থাপিতাশ্চর্যমুসলো বৃষ্ণিবাহকঃ ॥ 190 ॥
মুনিশাপাযুধঃ পদ্মাসনাদিত্রিদশার্থিতঃ ।
বৃষ্টিপ্রত্যবহারোত্কস্স্বধামগমনোত্সুকঃ ॥ 191 ॥
প্রভাসালোকনোদ্যুক্তো নানাবিধনিমিত্তকৃত্ ।
সর্বযাদবসংসেব্যস্সর্বোত্কৃষ্টপরিচ্ছদঃ ॥ 192 ॥
বেলাকাননসঞ্চারী বেলানিলহৃতশ্রমঃ ।
কালাত্মা যাদবোঽনন্তস্স্তুতিসন্তুষ্টমানসঃ ॥ 193 ॥
দ্বিজালোকনসন্তুষ্টঃ পুণ্যতীর্থমহোত্সবঃ ।
সত্কারাহ্লাদিতাশেষভূসুরস্সুরবল্লভঃ ॥ 194 ॥
পুণ্যতীর্থাপ্লুতঃ পুণ্যঃ পুণ্যদস্তীর্থপাবনঃ ।
বিপ্রসাত্কৃতগোকোটিশ্শতকোটিসুবর্ণদঃ ॥ 195 ॥
স্বমাযামোহিতাঽশেষবৃষ্ণিবীরো বিশেষবিত্ ।
জলজাযুধনির্দেষ্টা স্বাত্মাবেশিতযাদবঃ ॥ 196 ॥
দেবতাভীষ্টবরদঃ কৃতকৃত্যঃ প্রসন্নধীঃ ।
স্থিরশেষাযুতবলস্সহস্রফণিবীক্ষণঃ ॥ 197 ॥
ব্রহ্মবৃক্ষবরচ্ছাযাসীনঃ পদ্মাসনস্থিতঃ ।
প্রত্যগাত্মা স্বভাবার্থঃ প্রণিধানপরাযণঃ ॥ 198 ॥
ব্যাধেষুবিদ্ধপূজ্যাঙ্ঘ্রির্নিষাদভযমোচনঃ ।
পুলিন্দস্তুতিসন্তুষ্টঃ পুলিন্দসুগতিপ্রদঃ ॥ 199 ॥
দারুকার্পিতপার্থাদিকরণীযোক্তিরীশিতা ।
দিব্যদুন্দুভিসংযুক্তঃ পুষ্পবৃষ্টিপ্রপূজিতঃ ॥ 200 ॥
পুরাণঃ পরমেশানঃ পূর্ণভূমা পরিষ্টুতঃ ।
পতিরাদ্যঃ পরং ব্রহ্ম পরমাত্মা পরাত্পরঃ ॥ 201 ॥
শ্রীপরমাত্মা পরাত্পরঃ ওঁ নমঃ ইতি ।
ফলশ্রুতিঃ –
ইদং সহস্রং কৃষ্ণস্য নাম্নাং সর্বার্থদাযকম্ ।
অনন্তরূপী ভগবান্ ব্যাখ্যাতাদৌ স্বযম্ভুবে ॥ 202 ॥
তেন প্রোক্তং বসিষ্ঠায ততো লব্ধ্বা পরাশরঃ ।
ব্যাসায তেন সম্প্রোক্তং শুকো ব্যাসাদবাপ্তবান্ ॥ 203 ॥
তচ্ছিষ্যৈর্বহুভির্ভূমৌ খ্যাপিতং দ্বাপরে যুগে ।
কৃষ্ণাজ্ঞযা হরিহরঃ কলৌ প্রখ্যাপযদ্বিভুঃ ॥ 204 ॥
ইদং পঠতি ভক্ত্যা যঃ শৃণোতি চ সমাহিতঃ ।
স্বসিদ্ধ্যৈ প্রার্থযন্ত্যেনং তীর্থক্ষেত্রাদিদেবতাঃ ॥ 205 ॥
প্রাযশ্চিত্তান্যশেষাণি নালং যানি ব্যপোহিতুম্ ।
তানি পাপানি নশ্যন্তি সকৃদস্য প্রশংসনাত্ ॥ 206 ॥
ঋণত্রযবিমুক্তস্য শ্রৌতস্মার্তানুবর্তিনঃ ।
ঋষেস্ত্রিমূর্তিরূপস্য ফলং বিন্দেদিদং পঠন্ ॥ 207 ॥
ইদং নামসহস্রং যঃ পঠত্যেতচ্ছৃণোতি চ ।
শিবলিঙ্গসহস্রস্য স প্রতিষ্ঠাফলং লভেত্ ॥ 208 ॥
ইদং কিরীটী সঞ্জপ্য জযী পাশুপতাস্ত্রভাক্ ।
কৃষ্ণস্য প্রাণভূতস্সন্ কৃষ্ণং সারথিমাপ্তবান্ ॥ 209 ॥
দ্রৌপদ্যা দমযন্ত্যা চ সাবিত্র্যা চ সুশীলযা ।
দুরিতানি জিতান্যেতজ্জপাদাপ্তং চ বাঞ্ছিতম্ ॥ 210 ॥
কিমিদং বহুনা শংসন্মানবো মোদনির্ভরঃ ।
ব্রহ্মানন্দমবাপ্যান্তে কৃষ্ণসাযূজ্যমাপ্নুযাত্ ॥ 211 ॥
Roman (IAST) Transliteration
oṃ asya śrīkṛṣṇasahasranāmastotramantrasya parāśara ṛṣiḥ, anuṣṭup chandaḥ, śrīkṛṣṇaḥ paramātmā devatā, śrīkṛṣṇeti bījam, śrīvallabheti śaktiḥ, śārṅgīti kīlakaṃ, śrīkṛṣṇaprītyarthe jape viniyogaḥ ||
nyāsaḥ
parāśarāya ṛṣaye namaḥ iti śirasi,
anuṣṭup chandase namaḥ iti mukhe,
gopālakṛṣṇadevatāyai namaḥ iti hṛdaye,
śrīkṛṣṇāya bījāya namaḥ iti guhye,
śrīvallabhāya śaktyai namaḥ iti pādayoḥ,
śārṅgadharāya kīlakāya namaḥ iti sarvāṅge ||
karanyāsaḥ
śrīkṛṣṇa ityārabhya śūravaṃśaikadhīrityantāni aṅguṣṭhābhyāṃ namaḥ |
śaurirityārabhya svabhāsodbhāsitavraja ityantāni tarjanībhyāṃ namaḥ |
kṛtātmavidyāvinyāsa ityārabhya prasthānaśakaṭārūḍha iti madhyamābhyāṃ namaḥ,
bṛndāvanakṛtālaya ityārabhya madhurājanavīkṣita ityanāmikābhyāṃ namaḥ,
rajakapratighātaka ityārabhya dvārakāpurakalpana iti kaniṣṭhikābhyāṃ namaḥ
dvārakānilaya ityārabhya parāśara iti karatalakarapṛṣṭhābhyāṃ namaḥ,
evaṃ hṛdayādinyāsaḥ ||
dhyānam
keṣāñcitpremapuṃsāṃ vigalitamanasāṃ bālalīlāvilāsaṃ
keṣāṃ gopālalīlāṅkitarasikatanurveṇuvādyena devam |
keṣāṃ vāmāsamāje janitamanasijo daityadarpāpahaivaṃ
jñātvā bhinnābhilāṣaṃ sa jayati jagatāmīśvarastādṛśo'bhūt || 1 ||
kṣīrābdhau kṛtasaṃstavassuragaṇairbrahmādibhiḥ paṇḍitaiḥ
prodbhūto vasudevasadmani mudā cikrīḍa yo gokule |
kaṃsadhvaṃsakṛte jagāma madhurāṃ sārāmasadvārakāṃ
gopālo'khilagopikājanasakhaḥ pāyādapāyāt sa naḥ || 2 ||
phullendīvarakāntiminduvadanaṃ barhāvataṃsapriyaṃ
śrīvatsāṅkamudārakaustubhadharaṃ pītāmbaraṃ sundaram |
gopīnāṃ nayanotpalārcitatanuṃ gogopasaṅghāvṛtaṃ
govindaṃ kalaveṇuvādanarataṃ divyāṅgabhūṣaṃ bhaje || 3 ||
om |
kṛṣṇaḥ śrīvallabhaḥ śārṅgī viṣvaksenaḥ svasiddhidaḥ |
kṣīrodadhāmā vyūheśaḥ śeṣaśāyī jaganmayaḥ || 1 ||
bhaktigamyastrayīmūrtirbhārārtavasudhāstutaḥ |
devadevo dayāsindhurdevadevaśikhāmaṇiḥ || 2 ||
sukhabhāvassukhādhāro mukundo muditāśayaḥ |
avikriyaḥ kriyāmūrtiradhyātmasvasvarūpavān || 3 ||
śiṣṭābhilakṣyo bhūtātmā dharmatrāṇārthaceṣṭitaḥ |
antaryāmī kalārūpaḥ kālāvayavasākṣikaḥ || 4 ||
vasudhāyāsaharaṇo nāradapreraṇonmukhaḥ |
prabhūṣṇurnāradodgīto lokarakṣāparāyaṇaḥ || 5 ||
rauhiṇeyakṛtānando yogajñānaniyojakaḥ |
mahāguhāntarnikṣiptaḥ purāṇavapurātmavān || 6 ||
śūravaṃśaikadhīśśauriḥ kaṃsaśaṅkāviṣādakṛt |
vasudevollasacchaktirdevakyaṣṭamagarbhagaḥ || 7 ||
vasudevasutaḥ śrīmāndevakīnandano hariḥ |
āścaryabālaḥ śrīvatsalakṣmavakṣāścaturbhujaḥ || 8 ||
svabhāvotkṛṣṭasadbhāvaḥ kṛṣṇāṣṭamyantasambhavaḥ |
prājāpatyarkṣasambhūto niśīthasamayoditaḥ || 9 ||
śaṅkhacakragadāpadmapāṇiḥ padmanibhekṣaṇaḥ |
kirīṭī kaustubhoraskaḥ sphuranmakarakuṇḍalaḥ || 10 ||
pītavāsā ghanaśyāmaḥ kuñcitāñcitakuntalaḥ |
suvyaktavyaktābharaṇaḥ sūtikāgṛhabhūṣaṇaḥ || 11 ||
kārāgārāndhakāraghnaḥ pitṛprāgjanmasūcakaḥ |
vasudevastutaḥ stotraṃ tāpatrayanivāraṇaḥ || 12 ||
niravadyaḥ kriyāmūrtirnyāyavākyaniyojakaḥ |
adṛṣṭaceṣṭaḥ kūṭastho dhṛtalaukikavigrahaḥ || 13 ||
maharṣimānasollāso mahīmaṅgaladāyakaḥ |
santoṣitasuravrātaḥ sādhucittaprasādakaḥ || 14 ||
janakopāyanirdeṣṭā devakīnayanotsavaḥ |
pitṛpāṇipariṣkāro mohitāgārarakṣakaḥ || 15 ||
svaśaktyuddhāṭitāśeṣakapāṭaḥ pitṛvāhakaḥ |
śeṣoragaphaṇācchatraśśeṣoktākhyāsahasrakaḥ || 16 ||
yamunāpūravidhvaṃsī svabhāsodbhāsitavrajaḥ |
kṛtātmavidyāvinyāso yogamāyāgrasambhavaḥ || 17 ||
durgāniveditodbhāvo yaśodātalpaśāyakaḥ |
nandagopotsavasphūrtirvrajānandakarodayaḥ || 18 ||
sujātajātakarma śrīrgopībhadroktinirvṛtaḥ |
alīkanidropagamaḥ pūtanāstanapīḍanaḥ || 19 ||
stanyāttapūtanāprāṇaḥ pūtanākrośakārakaḥ |
vinyastarakṣāgodhūliryaśodākaralālitaḥ || 20 ||
nandāghrātaśiromadhyaḥ pūtanāsugatipradaḥ |
bālaḥ paryaṅkanidrālurmukhārpitapadāṅguliḥ || 21 ||
añjanasnigdhanayanaḥ paryāyāṅkuritasmitaḥ |
līlākṣastaralālokaśśakaṭāsurabhañjanaḥ || 22 ||
dvijoditasvastyayano mantrapūtajalāplutaḥ |
yaśodotsaṅgaparyaṅko yaśodāmukhavīkṣakaḥ || 23 ||
yaśodāstanyamuditastṛṇāvartādidussahaḥ |
tṛṇāvartāsuradhvaṃsī mātṛvismayakārakaḥ || 24 ||
praśastanāmakaraṇo jānucaṅkramaṇotsukaḥ |
vyālambicūlikāratno ghoṣagopapraharṣaṇaḥ || 25 ||
svamukhapratibimbārthī grīvāvyāghranakhojjvalaḥ |
paṅkānuleparuciro māṃsalorukaṭītaṭaḥ || 26 ||
ghṛṣṭajānukaradvandvaḥ pratibimbānukārakṛt |
avyaktavarṇavāgvṛttiḥ smitalakṣyaradodgamaḥ || 27 ||
dhātrīkarasamālambī praskhalaccitracaṅkramaḥ |
anurūpavayasyāḍhyaścārukaumāracāpalaḥ || 28 ||
vatsapucchasamākṛṣṭo vatsapucchavikarṣaṇaḥ |
vismāritānyavyāpāro gopagopīmudāvahaḥ || 29 ||
akālavatsanirmoktā vrajavyākrośasusmitaḥ |
navanītamahācoro dārakāhāradāyakaḥ || 30 ||
pīṭholūkhalasopānaḥ kṣīrabhāṇḍavibhedanaḥ |
śikyabhāṇḍasamākarṣī dhvāntāgārapraveśakṛt || 31 ||
bhūṣāratnaprakāśāḍhyo gopyupālambhabhartsitaḥ |
parāgadhūsarākāro mṛdbhakṣaṇakṛtekṣaṇaḥ || 32 ||
bāloktamṛtkathārambho mitrāntargūḍhavigrahaḥ |
kṛtasantrāsalolākṣo jananīpratyayāvahaḥ || 33||
mātṛdṛśyāttavadano vaktralakṣyacarācaraḥ |
yaśodālālitasvātmā svayaṃ svācchandyamohanaḥ || 34 ||
savitrīsnehasaṃśliṣṭaḥ savitrīstanalolupaḥ |
navanītārthanāprahvo navanītamahāśanaḥ || 35 ||
mṛṣākopaprakampoṣṭho goṣṭhāṅgaṇavilokanaḥ |
dadhimanthaghaṭībhettā kiṅkiṇīkvāṇasūcitaḥ || 36 ||
haiyaṅgavīnarasiko mṛṣāśruścauryaśaṅkitaḥ |
jananīśramavijñātā dāmabandhaniyantritaḥ || 37 ||
dāmākalpaścalāpāṅgo gāḍholūkhalabandhanaḥ |
ākṛṣṭolūkhalo'nantaḥ kuberasutaśāpavit || | 38 ||
nāradoktiparāmarśī yamalārjunabhañjanaḥ |
dhanadātmajasaṅghuṣṭo nandamocitabandhanaḥ || 39 ||
bālakodgītanirato bāhukṣepoditapriyaḥ |
ātmajño mitravaśago gopīgītaguṇodayaḥ || 40 ||
prasthānaśakaṭārūḍho bṛndāvanakṛtālayaḥ |
govatsapālanaikāgro nānākrīḍāparicchadaḥ || 41 ||
kṣepaṇīkṣepaṇaprīto veṇuvādyaviśāradaḥ |
vṛṣavatsānukaraṇo vṛṣadhvānaviḍambanaḥ || 42 ||
niyuddhalīlāsaṃhṛṣṭaḥ kūjānukṛtakokilaḥ |
upāttahaṃsagamanassarvajanturutānukṛt || 43 ||
bhṛṅgānukārī dadhyannacoro vatsapurassaraḥ |
balī bakāsuragrāhī bakatālupradāhakaḥ || 44 ||
bhītagopārbhakāhūto bakacañcuvidāraṇaḥ |
bakāsurārirgopālo bālo bālādbhutāvahaḥ || 45 ||
balabhadrasamāśliṣṭaḥ kṛtakrīḍānilāyanaḥ |
krīḍāsetunidhānajñaḥ plavaṅgotplavano'dbhutaḥ || 46 ||
kandukakrīḍano luptanandādibhavavedanaḥ |
sumano'laṅkṛtaśirāḥ svādusnigdhānnaśikyabhṛt || 47 ||
guñjāprālambanacchannaḥ piñchairalakaveṣakṛt |
vanyāśanapriyaḥ śṛṅgaravākāritavatsakaḥ || 48 ||
manojñapallavottaṃsapuṣpasvecchāttaṣaṭpadaḥ |
mañjuśiñjitamañjīracaraṇaḥ karakaṅkaṇaḥ || 49 ||
anyonyaśāsanaḥ krīḍāpaṭuḥ paramakaitavaḥ |
pratidhvānapramuditaḥ śākhācaturacaṅkramaḥ || 50 ||
aghadānavasaṃhartā vrajavighnavināśanaḥ |
vrajasañjīvanaḥ śreyonidhirdānavamuktidaḥ || 51 ||
kālindīpulināsīnassahabhuktavrajārbhakaḥ |
kakṣājaṭharavinyastaveṇurvallavaceṣṭitaḥ || 52 ||
bhujasandhyantaranyastaśṛṅgavetraḥ śucismitaḥ |
vāmapāṇisthadadhyannakabalaḥ kalabhāṣaṇaḥ || 53 ||
aṅgulyantaravinyastaphalaḥ paramapāvanaḥ |
adṛśyatarṇakānveṣī vallavārbhakabhītihā || 54 ||
adṛṣṭavatsapavrāto brahmavijñātavaibhavaḥ |
govatsavatsapānveṣī virāṭ-puruṣavigrahaḥ || 55 ||
svasaṅkalpānurūpārtho vatsavatsaparūpadhṛk |
yathāvatsakriyārūpo yathāsthānaniveśanaḥ || 56 ||
yathāvrajārbhakākāro gogopīstanyapassukhī |
cirādvalohito dānto brahmavijñātavaibhavaḥ || 57 ||
vicitraśaktirvyālīnasṛṣṭagovatsavatsapaḥ |
brahmatrapākaro dhātṛstutassarvārthasādhakaḥ || 58 ||
brahma brahmamayo'vyaktastejorūpassukhātmakaḥ |
niruktaṃ vyākṛtirvyakto nirālambanabhāvanaḥ || 59 ||
prabhaviṣṇuratantrīko devapakṣārtharūpadhṛk |
akāmassarvavedādiraṇīyasthūlarūpavān || 60 ||
vyāpī vyāpyaḥ kṛpākartā vicitrācārasammataḥ |
chandomayaḥ pradhānātmā mūrtāmūrtidvayākṛtiḥ || 61 ||
anekamūrtirakrodhaḥ paraḥ prakṛtirakramaḥ |
sakalāvaraṇopetassarvadevo maheśvaraḥ || 62 ||
mahāprabhāvanaḥ pūrvavatsavatsapadarśakaḥ |
kṛṣṇayādavagopālo gopālokanaharṣitaḥ || 63 ||
smitekṣāharṣitabrahmā bhaktavatsalavākpriyaḥ |
brahmānandāśrudhautāṅghrirlīlāvaicitryakovidaḥ || 64 ||
balabhadraikahṛdayo nāmākāritagokulaḥ |
gopālabālako bhavyo rajjuyajñopavītavān || 65 ||
vṛkṣacchāyāhatāśāntirgopotsaṅgopabarhaṇaḥ |
gopasaṃvāhitapado gopavyajanavījitaḥ || 66|
gopagānasukhonnidraḥ śrīdāmārjitasauhṛdaḥ |
sunandasuhṛdekātmā subalaprāṇarañjanaḥ || 67 ||
tālīvanakṛtakrīḍo balapātitadhenukaḥ |
gopīsaubhāgyasambhāvyo godhūlicchuritālakaḥ || 68 ||
gopīvirahasantapto gopikākṛtamajjanaḥ |
pralambabāhurutphullapuṇḍarīkāvataṃsakaḥ || 69 ||
vilāsalalitasmeragarbhalīlāvalokanaḥ |
sragbhūṣaṇānulepāḍhyo jananyupahṛtānnabhuk || 70 ||
varaśayyāśayo rādhāpremasallāpanirvṛtaḥ |
yamunātaṭasañcārī viṣārtavrajaharṣadaḥ || 71 ||
kāliyakrodhajanakaḥ vṛddhāhikulaveṣṭitaḥ |
kāliyāhiphaṇāraṅganaṭaḥ kāliyamardanaḥ || 72 ||
nāgapatnīstutiprīto nānāveṣasamṛddhikṛt |
aviṣvaktadṛgātmeśaḥ svadṛgātmastutipriyaḥ || 73 ||
sarveśvarassarvaguṇaḥ prasiddhassarvasātvataḥ |
akuṇṭhadhāmā candrārkadṛṣṭirākāśanirmalaḥ || 74 ||
anirdeśyagatirnāgavanitāpatibhaikṣadaḥ |
svāṅghrimudrāṅkanāgendramūrdhā kāliyasaṃstutaḥ || 75 ||
abhayo viśvataścakṣuḥ stutottamaguṇaḥ prabhuḥ |
ahamātmā marutprāṇaḥ paramātmā dyuśīrṣavān || 76 ||
nāgopāyanahṛṣṭātmā hradotsāritakāliyaḥ |
balabhadrasukhālāpo gopāliṅgananirvṛtaḥ || 77 ||
dāvāgnibhītagopālagoptā dāvāgnināśanaḥ |
nayanācchādanakrīḍālampaṭo nṛpaceṣṭitaḥ || 78 ||
kākapakṣadharassaumyo balavāhakakelimān |
balaghātitadurdharṣapralambo balavatsalaḥ || 79 ||
muñjāṭavyagniśamanaḥ prāvṛṭkālavinodavān |
śilānyastānnabhṛddaityasaṃhartā śādvalāsanaḥ || 80 ||
sadāptagopikodgītaḥ karṇikārāvataṃsakaḥ |
naṭaveṣadharaḥ padmamālāṅko gopikāvṛtaḥ || 81 ||
gopīmanoharāpāṅgo veṇuvādanatatparaḥ |
vinyastavadanāmbhojaścāruśabdakṛtānanaḥ || 82 ||
bimbādharārpitodāraveṇurviśvavimohanaḥ |
vrajasaṃvarṇitaśrāvyaveṇunādaḥ śrutipriyaḥ || 83 ||
gogopagopījanmepsurbrahmendrādyabhivanditaḥ |
gītasnutisaritpūro nādanartitabarhiṇaḥ || 84 ||
rāgapallavitasthāṇurgītānamitapādapaḥ |
vismāritatṛṇagrāsamṛgo mṛgavilobhitaḥ || 85 ||
vyāghrādihiṃsrasahajavairahartā sugāyanaḥ |
gāḍhodīritagobṛndapremotkarṇitatarṇakaḥ || 86 ||
niṣpandayānabrahmādivīkṣito viśvavanditaḥ |
śākhotkarṇaśakuntaughaśchatrāyitabalāhakaḥ || 87 ||
prasannaḥ paramānandaścitrāyitacarācaraḥ |
gopikāmadano gopīkucakuṅkumamudritaḥ || 88 ||
gopikanyājalakrīḍāhṛṣṭo gopyaṃśukāpahṛt |
skandhāropitagopastrīvāsāḥ kundanibhasmitaḥ || 89 ||
gopīnetrotpalaśaśī gopikāyācitāṃśukaḥ |
gopīnamaskriyādeṣṭā gopyekakaravanditaḥ || 90 ||
gopyañjaliviśeṣārthī gopakrīḍāvilobhitaḥ |
śāntavāsasphuradgopīkṛtāñjaliraghāpahaḥ || 91 ||
gopīkelivilāsārthī gopīsampūrṇakāmadaḥ |
gopastrīvastrado gopīcittacoraḥ kutūhalī || 92 ||
bṛndāvanapriyo gopabandhuryajvānnayācitā |
yajñeśo yajñabhāvajño yajñapatnyabhivāñchitaḥ || 93 ||
munipatnīvitīrṇānnatṛpto munivadhūpriyaḥ |
dvijapatnyabhibhāvajño dvijapatnīvarapradaḥ || 94 ||
pratiruddhasatīmokṣaprado dvijavimohitā |
munijñānaprado yajvastuto vāsavayāgavit || 95 ||
pitṛproktakriyārūpaśakrayāganivāraṇaḥ |
śakrā'marṣakaraśśakravṛṣṭipraśamanonmukhaḥ || 96 ||
govardhanadharo gopagobṛndatrāṇatatparaḥ |
govardhanagiricchatracaṇḍadaṇḍabhujārgalaḥ || 97 ||
saptāhavidhṛtādrīndro meghavāhanagarvahā |
bhujāgroparivinyastakṣmādharakṣmābhṛdacyutaḥ || 98 ||
svasthānasthāpitagirirgopīdadhyakṣatārcitaḥ |
sumanassumanovṛṣṭihṛṣṭo vāsavavanditaḥ || 99 ||
kāmadhenupayaḥpūrābhiṣiktassurabhistutaḥ |
dharāṅghriroṣadhīromā dharmagoptā manomayaḥ || 100 ||
jñānayajñapriyaśśāstranetrassarvārthasārathiḥ |
airāvatakarānītaviyadgaṅgāpluto vibhuḥ || 101 ||
brahmābhiṣikto gogoptā sarvalokaśubhaṅkaraḥ |
sarvavedamayo magnanandānveṣipitṛpriyaḥ || 102 ||
varuṇodīritātmekṣākautuko varuṇārcitaḥ |
varuṇānītajanako gopajñātātmavaibhavaḥ || 103 ||
svarlokālokasaṃhṛṣṭagopavargatrivargadaḥ |
brahmahṛdgopito gopadraṣṭā brahmapadapradaḥ || 104 ||
śaraccandravihārotkaḥ śrīpatirvaśako kṣamaḥ |
bhayāpaho bhartṛruddhagopikādhyānagocaraḥ || 105 ||
gopikānayanāsvādyo gopīnarmoktinirvṛtaḥ |
gopikāmānaharaṇo gopikāśatayūthapaḥ || 106 ||
vaijayantīsragākalpo gopikāmānavardhanaḥ |
gopakāntāsunirdeṣṭā kānto manmathamanmathaḥ || 107 ||
svātmāsyadattatāmbūlaḥ phalitotkṛṣṭayauvanaḥ |
vallavīstanasaktākṣo vallavīpremacālitaḥ || 108 ||
gopīcelāñcalāsīno gopīnetrābjaṣaṭpadaḥ |
rāsakrīḍāsamāsakto gopīmaṇḍalamaṇḍanaḥ || 109 ||
gopīhemamaṇiśreṇimadhyendramaṇirujjvalaḥ |
vidyādharenduśāpaghnaśśaṅkhacūḍaśiroharaḥ || 110 ||
śaṅkhacūḍaśiroratnasamprīṇitabalo'naghaḥ |
ariṣṭāriṣṭakṛdduṣṭakeśidaityaniṣūdanaḥ || 111 ||
sarasassasmitamukhassusthiro virahākulaḥ |
saṅkarṣaṇārpitaprītirakrūradhyānagocaraḥ || 112 ||
akrūrasaṃstuto gūḍho guṇavṛtyupalakṣitaḥ |
pramāṇagamyastanmātrā'vayavī buddhitatparaḥ || 113 ||
sarvapramāṇapramadhīssarvapratyayasādhakaḥ |
puruṣaśca pradhānātmā viparyāsavilocanaḥ || 114 ||
madhurājanasaṃvīkṣyo rajakapratighātakaḥ |
vicitrāmbarasaṃvīto mālākāravarapradaḥ || 115 ||
kubjāvakratvanirmoktā kubjāyauvanadāyakaḥ |
kubjāṅgarāgasurabhiḥ kaṃsakodaṇḍakhaṇḍanaḥ || 116 ||
dhīraḥ kuvalayāpīḍamardanaḥ kaṃsabhītikṛt |
dantidantāyudho raṅgatrāsako mallayuddhavit || 117 ||
cāṇūrahantā kaṃsārirdevakīharṣadāyakaḥ |
vasudevapadānamraḥ pitṛbandhavimocanaḥ || 118 ||
urvībhayāpaho bhūpa ugrasenādhipatyadaḥ |
ājñāsthitaśacīnāthassudharmānayanakṣamaḥ || 119 ||
ādyo dvijātisatkartā śiṣṭācārapradarśakaḥ |
sāndīpanikṛtābhyastavidyābhyāsaikadhīssudhīḥ || 120 ||
gurvabhīṣṭakriyādakṣaḥ paścimodadhipūjitaḥ |
hatapañcajanaprāptapāñcajanyo yamārcitaḥ || 121 ||
dharmarājajayānītaguruputra urukramaḥ |
guruputrapradaśśāstā madhurājasabhāsadaḥ || 122 ||
jāmadagnyasamabhyarcyo gomantagirisañcaraḥ |
gomantadāvaśamano garuḍānītabhūṣaṇaḥ || 123 ||
cakrādyāyudhasaṃśobhī jarāsandhamadāpahaḥ |
sṛgālāvanipālaghnassṛgālātmajarājyadaḥ || 124 ||
vidhvastakālayavano mucukundavarapradaḥ |
ājñāpitamahāmbhodhirdvārakāpurakalpanaḥ || 125 ||
dvārakānilayo rukmimānahantā yadūdvahaḥ |
ruciro rukmiṇījāniḥ pradyumnajanakaḥ prabhuḥ || 126 ||
apākṛtatrilokārtiraniruddhapitāmahaḥ |
aniruddhapadānveṣī cakrī garuḍavāhanaḥ || 127 ||
bāṇāsurapurīroddhā rakṣājvalanayantrajit |
dhūtapramathasaṃrambho jitamāheśvarajvaraḥ || 128 ||
ṣaṭcakraśaktinirjetā bhūtavetālamohakṛt |
śambhutriśūlajicchambhujṛmbhaṇaśśambhusaṃstutaḥ || 129 ||
indriyātmenduhṛdayassarvayogeśvareśvaraḥ |
hiraṇyagarbhahṛdayo mohāvartanivartanaḥ || 130 ||
ātmajñānanidhirmedhā kośastanmātrarūpavān |
indro'gnivadanaḥ kālanābhassarvāgamādhvagaḥ || 131 ||
turīyasarvadhīsākṣī dvandvārāmātmadūragaḥ |
ajñātapāro vaśyaśrīravyākṛtavihāravān || 132 ||
ātmapradīpo vijñānamātrātmā śrīniketanaḥ |
bāṇabāhuvanacchettā mahendraprītivardhanaḥ || 133 ||
aniruddhanirodhajño jaleśāhṛtagokulaḥ |
jaleśavijayī vīrassatrājidratnayācakaḥ || 134 ||
prasenānveṣaṇodyukto jāmbavaddhṛtaratnadaḥ |
jitarkṣarājatanayāhartā jāmbavatīpriyaḥ || 135 ||
satyabhāmāpriyaḥ kāmaśśatadhanvaśiroharaḥ |
kālindīpatirakrūrabandhurakrūraratnadaḥ || 136 ||
kaikeyīramaṇo bhadrābhartā nāgnajitīdhavaḥ |
mādrīmanoharaśśaibyāprāṇabandhururukramaḥ || 137 ||
suśīlādayito mitravindānetramahotsavaḥ |
lakṣmaṇāvallabho ruddhaprāgjyotiṣamahāpuraḥ || 138 ||
surapāśāvṛticchedī murāriḥ krūrayuddhavit |
hayagrīvaśirohartā sarvātmā sarvadarśanaḥ || 139 ||
narakāsuravicchettā narakātmajarājyadaḥ|
pṛthvīstutaḥ prakāśātmā hṛdyo yajñaphalapradaḥ || 140 ||
guṇagrāhī guṇadraṣṭā gūḍhasvātmā vibhūtimān |
kavirjagadupadraṣṭā paramākṣaravigrahaḥ || 141 ||
prapannapālano mālī mahadbrahmavivardhanaḥ |
vācyavācakaśaktyarthassarvavyākṛtasiddhidaḥ || 142 ||
svayamprabhuranirvedyassvaprakāśaścirantanaḥ |
nādātmā mantrakoṭīśo nānāvādanirodhakaḥ || 143 ||
kandarpakoṭilāvaṇyaḥ parārthaikaprayojakaḥ |
amarīkṛtadevaughaḥ kanyakābandhamocanaḥ || 144 ||
ṣoḍaśastrīsahasreśaḥ kāntaḥ kāntāmanobhavaḥ |
krīḍāratnācalāhartā varuṇacchatraśobhitaḥ || 145 ||
śakrābhivanditaśśakrajananīkuṇḍalapradaḥ |
aditiprastutastotro brāhmaṇodghuṣṭaceṣṭanaḥ || 146 ||
purāṇassaṃyamī janmāliptaḥ ṣaḍviṃśako'rthadaḥ |
yaśasyanītirādyantarahitassatkathāpriyaḥ || 147 ||
brahmabodhaḥ parānandaḥ pārijātāpahārakaḥ |
pauṇḍrakaprāṇaharaṇaḥ kāśirājaniṣūdanaḥ || 148 ||
kṛtyāgarvapraśamano vicakravadhadīkṣitaḥ |
kaṃsavidhvaṃsanassāmbajanako ḍimbhakārdanaḥ || 149 ||
munirgoptā pitṛvarapradassavanadīkṣitaḥ |
rathī sārathyanirdeṣṭā phālgunaḥ phālgunipriyaḥ || 150 ||
saptābdhistambhanodbhāto harissaptābdhibhedanaḥ |
ātmaprakāśaḥ pūrṇaśrīrādinārāyaṇekṣitaḥ || 151 ||
vipraputrapradaścaiva sarvamātṛsutapradaḥ |
pārthavismayakṛtpārthapraṇavārthaprabodhanaḥ || 152 ||
kailāsayātrāsumukho badaryāśramabhūṣaṇaḥ |
ghaṇṭākarṇakriyāmauḍhyāttoṣito bhaktavatsalaḥ || 153 ||
munibṛndādibhirdhyeyo ghaṇṭākarṇavarapradaḥ |
tapaścaryāparaścīravāsāḥ piṅgajaṭādharaḥ || 154 ||
pratyakṣīkṛtabhūteśaśśivastotā śivastutaḥ |
kṛṣṇāsvayaṃvarālokakautukī sarvasammataḥ || 155 ||
balasaṃrambhaśamano baladarśitapāṇḍavaḥ |
yativeṣārjunābhīṣṭadāyī sarvātmagocaraḥ || 156 ||
subhadrāphālgunodvāhakartā prīṇitaphālgunaḥ |
khāṇḍavaprīṇitārciṣmānmayadānavamocanaḥ || 157 ||
sulabho rājasūyārhayudhiṣṭhiraniyojakaḥ |
bhīmārditajarāsandho māgadhātmajarājyadaḥ || 158 ||
rājabandhananirmoktā rājasūyāgrapūjanaḥ |
caidyādyasahano bhīṣmastutassātvatapūrvajaḥ || 159 ||
sarvātmārthasamāhartā mandarācaladhārakaḥ |
yajñāvatāraḥ prahlādapratijñāpratipālakaḥ || 160 ||
baliyajñasabhādhvaṃsī dṛptakṣatrakulāntakaḥ |
daśagrīvāntako jetā revatīpremavallabhaḥ || 161 ||
sarvāvatārādhiṣṭhātā vedabāhyavimohanaḥ |
kalidoṣanirākartā daśanāmā dṛḍhavrataḥ || 162 ||
ameyātmā jagatsvāmī vāgmī caidyaśiroharaḥ |
draupadīracitastotraḥ keśavaḥ puruṣottamaḥ || 163 ||
nārāyaṇo madhupatirmādhavo doṣavarjitaḥ |
govindaḥ puṇḍarīkākṣo viṣṇuśca madhusūdanaḥ || 164 ||
trivikramastrilokeśo vāmanaḥ śrīdharaḥ pumān |
hṛṣīkeśo vāsudevaḥ padmanābho mahāhradaḥ || 165 ||
dāmodaraścaturvyūhaḥ pāñcālīmānarakṣaṇaḥ |
sālvaghnassamaraślāghī dantavaktranibarhaṇaḥ || 166 ||
dāmodarapriyasakhā pṛthukāsvādanapriyaḥ ||
ghṛṇī dāmodaraḥ śrīdo gopīpunaravekṣakaḥ || 167 ||
gopikāmuktido yogī durvāsastṛptikārakaḥ |
avijñātavrajākīrṇapāṇḍavālokano jayī || 168 ||
pārthasārathyanirataḥ prājñaḥ pāṇḍavadūtyakṛt |
vidurātithyasantuṣṭaḥ kuntīsantoṣadāyakaḥ || 169 ||
suyodhanatiraskartā duryodhanavikāravit |
vidurābhiṣṭhuto nityo vārṣṇeyo maṅgalātmakaḥ || 170 ||
pañcaviṃśatitattveśaścaturviṃśatidehabhāk |
sarvānugrāhakassarvadāśārhasatatārcitaḥ || 171 ||
acintyo madhurālāpassādhudarśī durāsadaḥ |
manuṣyadharmānugataḥ kauravendrakṣayekṣitā || 172 ||
upendro dānavārātirurugīto mahādyutiḥ |
brahmaṇyadevaḥ śrutimān gobrāhmaṇahitāśayaḥ || 173 ||
varaśīlaśśivārambhassuvijñānavimūrtimān |
svabhāvaśuddhassanmitrassuśaraṇyassulakṣaṇaḥ || 174 ||
dhṛtarāṣṭragataudṛṣṭipradaḥ karṇavibhedanaḥ |
pratodadhṛgviśvarūpavismāritadhanañjayaḥ || 175 ||
sāmagānapriyo dharmadhenurvarṇottamo'vyayaḥ |
caturyugakriyākartā viśvarūpapradarśakaḥ || 176 ||
brahmabodhaparitrātapārtho bhīṣmārthacakrabhṛt |
arjunāyāsavidhvaṃsī kāladaṃṣṭrāvibhūṣaṇaḥ || 177 ||
sujātānantamahimā svapnavyāpāritārjunaḥ |
akālasandhyāghaṭanaścakrāntaritabhāskaraḥ || 178 ||
duṣṭapramathanaḥ pārthapratijñāparipālakaḥ |
sindhurājaśiraḥpātasthānavaktā vivekadṛk || 179 ||
subhadrāśokaharaṇo droṇotsekādivismitaḥ |
pārthamanyunirākartā pāṇḍavotsavadāyakaḥ || 180 ||
aṅguṣṭhākrāntakaunteyarathaśśakto'hiśīrṣajit |
kālakopapraśamano bhīmasenajayapradaḥ || 181 ||
aśvatthāmavadhāyāsatrātapāṇḍusutaḥ kṛtī |
iṣīkāstrapraśamano drauṇirakṣāvicakṣaṇaḥ || 182 ||
pārthāpahāritadrauṇicūḍāmaṇirabhaṅguraḥ |
dhṛtarāṣṭraparāmṛṣṭabhīmapratikṛtismayaḥ || 183 ||
bhīṣmabuddhipradaśśāntaśśaraccandranibhānanaḥ |
gadāgrajanmā pāñcālīpratijñāparipālakaḥ || 184 ||
gāndhārīkopadṛgguptadharmasūnuranāmayaḥ |
prapannārtibhayacchettā bhīṣmaśalyavyadhāvahaḥ || 185 ||
śāntaśśāntanavodīrṇasarvadharmasamāhitaḥ |
smāritabrahmavidyārthaprītapārtho mahāstravit || 186 ||
prasādaparamodāro gāṅgeyasugatipradaḥ |
vipakṣapakṣakṣayakṛtparīkṣitprāṇarakṣaṇaḥ || 187 ||
jagadgururdharmasūnorvājimedhapravartakaḥ |
vihitārthāptasatkāro māsakātparivartadaḥ || 188 ||
uttaṅkaharṣadātmīyadivyarūpapradarśakaḥ |
janakāvagatasvoktabhāratassarvabhāvanaḥ || 189 ||
asoḍhayādavodreko vihitāptādipūjanaḥ ||
samudrasthāpitāścaryamusalo vṛṣṇivāhakaḥ || 190 ||
muniśāpāyudhaḥ padmāsanāditridaśārthitaḥ |
vṛṣṭipratyavahārotkassvadhāmagamanotsukaḥ || 191 ||
prabhāsālokanodyukto nānāvidhanimittakṛt |
sarvayādavasaṃsevyassarvotkṛṣṭaparicchadaḥ || 192 ||
velākānanasañcārī velānilahṛtaśramaḥ |
kālātmā yādavo'nantasstutisantuṣṭamānasaḥ || 193 ||
dvijālokanasantuṣṭaḥ puṇyatīrthamahotsavaḥ |
satkārāhlāditāśeṣabhūsurassuravallabhaḥ || 194 ||
puṇyatīrthāplutaḥ puṇyaḥ puṇyadastīrthapāvanaḥ |
viprasātkṛtagokoṭiśśatakoṭisuvarṇadaḥ || 195 ||
svamāyāmohitā'śeṣavṛṣṇivīro viśeṣavit |
jalajāyudhanirdeṣṭā svātmāveśitayādavaḥ || 196 ||
devatābhīṣṭavaradaḥ kṛtakṛtyaḥ prasannadhīḥ |
sthiraśeṣāyutabalassahasraphaṇivīkṣaṇaḥ || 197 ||
brahmavṛkṣavaracchāyāsīnaḥ padmāsanasthitaḥ |
pratyagātmā svabhāvārthaḥ praṇidhānaparāyaṇaḥ || 198 ||
vyādheṣuviddhapūjyāṅghrirniṣādabhayamocanaḥ |
pulindastutisantuṣṭaḥ pulindasugatipradaḥ || 199 ||
dārukārpitapārthādikaraṇīyoktirīśitā |
divyadundubhisaṃyuktaḥ puṣpavṛṣṭiprapūjitaḥ || 200 ||
purāṇaḥ parameśānaḥ pūrṇabhūmā pariṣṭutaḥ |
patirādyaḥ paraṃ brahma paramātmā parātparaḥ || 201 ||
śrīparamātmā parātparaḥ oṃ namaḥ iti |
phalaśrutiḥ –
idaṃ sahasraṃ kṛṣṇasya nāmnāṃ sarvārthadāyakam |
anantarūpī bhagavān vyākhyātādau svayambhuve || 202 ||
tena proktaṃ vasiṣṭhāya tato labdhvā parāśaraḥ |
vyāsāya tena samproktaṃ śuko vyāsādavāptavān || 203 ||
tacchiṣyairbahubhirbhūmau khyāpitaṃ dvāpare yuge |
kṛṣṇājñayā hariharaḥ kalau prakhyāpayadvibhuḥ || 204 ||
idaṃ paṭhati bhaktyā yaḥ śṛṇoti ca samāhitaḥ |
svasiddhyai prārthayantyenaṃ tīrthakṣetrādidevatāḥ || 205 ||
prāyaścittānyaśeṣāṇi nālaṃ yāni vyapohitum |
tāni pāpāni naśyanti sakṛdasya praśaṃsanāt || 206 ||
ṛṇatrayavimuktasya śrautasmārtānuvartinaḥ |
ṛṣestrimūrtirūpasya phalaṃ vindedidaṃ paṭhan || 207 ||
idaṃ nāmasahasraṃ yaḥ paṭhatyetacchṛṇoti ca |
śivaliṅgasahasrasya sa pratiṣṭhāphalaṃ labhet || 208 ||
idaṃ kirīṭī sañjapya jayī pāśupatāstrabhāk |
kṛṣṇasya prāṇabhūtassan kṛṣṇaṃ sārathimāptavān || 209 ||
draupadyā damayantyā ca sāvitryā ca suśīlayā |
duritāni jitānyetajjapādāptaṃ ca vāñchitam || 210 ||
kimidaṃ bahunā śaṃsanmānavo modanirbharaḥ |
brahmānandamavāpyānte kṛṣṇasāyūjyamāpnuyāt || 211 ||
InfoLyter.in — Sacred Vedic Knowledge Portal · Free forever