Shri Durga Sapta Shloki

ॐ

শ্রী দুর্গা সপ্ত শ্লোকী

Durga Adi Shankaracharya Bengali

শিব উবাচ ।

দেবী ত্বং ভক্তসুলভে সর্বকার্যবিধাযিনি ।

কলৌ হি কার্যসিদ্ধ্যর্থমুপাযং ব্রূহি যত্নতঃ ॥

দেব্যুবাচ ।

শৃণু দেব প্রবক্ষ্যামি কলৌ সর্বেষ্টসাধনম্ ।

মযা তবৈব স্নেহেনাপ্যম্বাস্তুতিঃ প্রকাশ্যতে ॥

অস্য শ্রী দুর্গা সপ্তশ্লোকী স্তোত্রমন্ত্রস্য নারাযণ ঋষিঃ, অনুষ্টুপ্ ছন্দঃ, শ্রী মহাকালী মহালক্ষ্মী মহাসরস্বত্যো দেবতাঃ, শ্রী দুর্গা প্রীত্যর্থং সপ্তশ্লোকী দুর্গাপাঠে বিনিযোগঃ ।

জ্ঞানিনামপি চেতাংসি দেবী ভগবতী হি সা ।

বলাদাকৃষ্য মোহায মহামাযা প্রযচ্ছতি ॥ 1 ॥

দুর্গে স্মৃতা হরসি ভীতিমশেষজন্তোঃ

স্বস্থৈঃ স্মৃতা মতিমতীব শুভাং দদাসি ।

দারিদ্র্যদুঃখ ভযহারিণি কা ত্বদন্যা

সর্বোপকারকরণায সদার্দ্র চিত্তা ॥ 2 ॥

সর্বমঙ্গলমাঙ্গল্যে শিবে সর্বার্থসাধিকে ।

শরণ্যে ত্র্যম্বকে গৌরী নারাযণি নমোঽস্তু তে ॥ 3 ॥

শরণাগতদীনার্তপরিত্রাণপরাযণে ।

সর্বস্যার্তিহরে দেবি নারাযণি নমোঽস্তু তে ॥ 4 ॥

সর্বস্বরূপে সর্বেশে সর্বশক্তিসমন্বিতে ।

ভযেভ্যস্ত্রাহি নো দেবি দুর্গে দেবি নমোঽস্তু তে ॥ 5 ॥

রোগানশেষানপহংসি তুষ্টা-

রুষ্টা তু কামান্ সকলানভীষ্টান্ ।

ত্বামাশ্রিতানাং ন বিপন্নরাণাং

ত্বামাশ্রিতা হ্যাশ্রযতাং প্রযান্তি ॥ 6 ॥

সর্ববাধাপ্রশমনং ত্রৈলোক্যস্যাখিলেশ্বরি ।

এবমেব ত্বযা কার্যমস্মদ্বৈরি বিনাশনম্ ॥ 7 ॥

ইতি শ্রী দুর্গা সপ্তশ্লোকী ।

Roman (IAST) Transliteration

śiva uvāca |

devī tvaṃ bhaktasulabhe sarvakāryavidhāyini |

kalau hi kāryasiddhyarthamupāyaṃ brūhi yatnataḥ ||

devyuvāca |

śṛṇu deva pravakṣyāmi kalau sarveṣṭasādhanam |

mayā tavaiva snehenāpyambāstutiḥ prakāśyate ||

asya śrī durgā saptaślokī stotramantrasya nārāyaṇa ṛṣiḥ, anuṣṭup chandaḥ, śrī mahākālī mahālakṣmī mahāsarasvatyo devatāḥ, śrī durgā prītyarthaṃ saptaślokī durgāpāṭhe viniyogaḥ |

jñānināmapi cetāṃsi devī bhagavatī hi sā |

balādākṛṣya mohāya mahāmāyā prayacchati || 1 ||

durge smṛtā harasi bhītimaśeṣajantoḥ

svasthaiḥ smṛtā matimatīva śubhāṃ dadāsi |

dāridryaduḥkha bhayahāriṇi kā tvadanyā

sarvopakārakaraṇāya sadārdra cittā || 2 ||

sarvamaṅgalamāṅgalye śive sarvārthasādhike |

śaraṇye tryambake gaurī nārāyaṇi namo'stu te || 3 ||

śaraṇāgatadīnārtaparitrāṇaparāyaṇe |

sarvasyārtihare devi nārāyaṇi namo'stu te || 4 ||

sarvasvarūpe sarveśe sarvaśaktisamanvite |

bhayebhyastrāhi no devi durge devi namo'stu te || 5 ||

rogānaśeṣānapahaṃsi tuṣṭā-

ruṣṭā tu kāmān sakalānabhīṣṭān |

tvāmāśritānāṃ na vipannarāṇāṃ

tvāmāśritā hyāśrayatāṃ prayānti || 6 ||

sarvabādhāpraśamanaṃ trailokyasyākhileśvari |

evameva tvayā kāryamasmadvairi vināśanam || 7 ||

iti śrī durgā saptaślokī |