Shri Dattatreya Sahasra Nama Stotram

ॐ

শ্রী দত্তাত্রেয সহস্র নাম স্তোত্রম্

Dattatreya Stotram Bengali

মুনযঃ ঊচুঃ

নিখিলাগমতত্ত্বজ্ঞ ব্রহ্মধ্যানপরাযণ ।

বদাস্মাকং মুক্ত্যুপাযং সূত সর্বোপকারকম্ ॥ 1 ॥

সর্বদেবেষু কো দেবঃ সদ্যো মোক্ষপ্রদো ভবেত্ ।

কো মনুর্বা ভবেত্তস্য সদ্যঃ প্রীতিকরো ধ্রুবম্ ॥ 2 ॥

সূত উবাচ ।

নিগমাগমতত্ত্বজ্ঞো হ্যবধূতশ্চিদম্বরঃ ।

ভক্তবাত্সল্যপ্রবণো দত্ত এব হি কেবলঃ ॥ 3 ॥

সদা প্রসন্নবদনো ভক্তচিন্তৈকতত্পরঃ ।

তস্য নামান্যনন্তানি বর্তন্তেঽথাপ্যদঃ পরম্ ॥ 4 ॥

দত্তস্য নামসাহস্রং তস্য প্রীতিবিবর্ধনম্ ।

যস্ত্বিদং পঠতে নিত্যং দত্তাত্রেযৈকমানসঃ ॥ 5 ॥

মুচ্যতে সর্বপাপেভ্যঃ স সদ্যো নাত্র সংশযঃ ।

অন্তে তদ্ধাম সংযাতি পুনরাবৃত্তিদুর্লভম্ ॥ 6 ॥

অস্য শ্রীমদ্দত্তাত্রেযসহস্রনামস্তোত্রমন্ত্রস্য অবধূত ঋষিঃ, অনুষ্টুপ্ ছন্দঃ, দিগম্বরো দেবতা, ওঁ বীজং, হ্রীং শক্তিঃ, ক্রৌং কীলকং, শ্রীদত্তাত্রেযপ্রীত্যর্থে জপে বিনিযোগঃ ।

অথ ধ্যানম্

দিগম্বরং ভস্মবিলেপিতাঙ্গং

বোধাত্মকং মুক্তিকরং প্রসন্নম্ ।

নির্মানসং শ্যামতনুং ভজেঽহং

দত্তাত্রেযং ব্রহ্মসমাধিযুক্তম্ ॥

অথ স্তোত্রম্

দত্তাত্রেযো মহাযোগী যোগেশশ্চামরপ্রভুঃ ।

মুনির্দিগম্বরো বালো মাযামুক্তো মদাপহঃ ॥ 1 ॥

অবধূতো মহানাথঃ শঙ্করোঽমরবল্লভঃ ।

মহাদেবশ্চাদিদেবঃ পুরাণপ্রভুরীশ্বরঃ ॥ 2 ॥

সত্ত্বকৃত্সত্ত্বভৃদ্ভাবঃ সত্ত্বাত্মা সত্ত্বসাগরঃ ।

সত্ত্ববিত্সত্ত্বসাক্ষী চ সত্ত্বসাধ্যোঽমরাধিপঃ ॥ 3 ॥

ভূতকৃদ্ভূতভৃচ্চৈব ভূতাত্মা ভূতসম্ভবঃ ।

ভূতভাবো ভবো ভূতবিত্তথা ভূতকারণঃ ॥ 4 ॥

ভূতসাক্ষী প্রভূতিশ্চ ভূতানাং পরমা গতিঃ ।

ভূতসঙ্গবিহীনাত্মা ভূতাত্মা ভূতশঙ্করঃ ॥ 5 ॥

ভূতনাথো মহানাথ আদিনাথো মহেশ্বরঃ ।

সর্বভূতনিবাসাত্মা ভূতসন্তাপনাশনঃ ॥ 6 ॥

সর্বাত্মা সর্বভৃত্সর্বঃ সর্বজ্ঞঃ সর্বনির্ণযঃ ।

সর্বসাক্ষী বৃহদ্ভানুঃ সর্ববিত্ সর্বমঙ্গলঃ ॥ 7 ॥

শান্তঃ সত্যঃ সমঃ পূর্ণো একাকী কমলাপতিঃ ।

রামো রামপ্রিযশ্চৈব বিরামো রামকারণঃ ॥ 8 ॥

শুদ্ধাত্মা পাবনোঽনন্তঃ প্রতীতঃ পরমার্থভৃত্ ।

হংসসাক্ষী বিভুশ্চৈব প্রভুঃ প্রলয ইত্যপি ॥ 9 ॥

সিদ্ধাত্মা পরমাত্মা চ সিদ্ধানাং পরমা গতিঃ ।

সিদ্ধিসিদ্ধস্তথা সাধ্যঃ সাধনো হ্যুত্তমস্তথা ॥ 10 ॥

সুলক্ষণঃ সুমেধাবী বিদ্যাবান্বিগতান্তরঃ ।

বিজ্বরশ্চ মহাবাহুর্বহুলানন্দবর্ধনঃ ॥ 11 ॥

অব্যক্তপুরুষঃ প্রাজ্ঞঃ পরজ্ঞঃ পরমার্থদৃক্ ।

পরাপরবিনির্মুক্তো যুক্তস্তত্ত্বপ্রকাশবান্ ॥ 12 ॥

দযাবান্ ভগবান্ ভাবী ভাবাত্মা ভাবকারণঃ ।

ভবসন্তাপনাশশ্চ পুষ্পবান্ পণ্ডিতো বুধঃ ॥ 13 ॥

প্রত্যক্ষবস্তুর্বিশ্বাত্মা প্রত্যগ্ব্রহ্ম সনাতনঃ ।

প্রমাণবিগতশ্চৈব প্রত্যাহারনিযোজকঃ ॥ 14 ॥

প্রণবঃ প্রণবাতীতঃ প্রমুখঃ প্রলযাত্মকঃ ।

মৃত্যুঞ্জযো বিবিক্তাত্মা শঙ্করাত্মা পরো বপুঃ ॥ 15 ॥

পরমস্তনুবিজ্ঞেযঃ পরমাত্মনি সংস্থিতঃ ।

প্রবোধকলনাধারঃ প্রভাবপ্রবরোত্তমঃ ॥ 16 ॥

চিদম্বরশ্চিদ্বিলাসশ্চিদাকাশশ্চিদুত্তমঃ ।

চিত্তচৈতন্যচিত্তাত্মা দেবানাং পরমা গতিঃ ॥ 17 ॥

অচেত্যশ্চেতনাধারশ্চেতনাচিত্তবিক্রমঃ ।

চিত্তাত্মা চেতনারূপো লসত্পঙ্কজলোচনঃ ॥ 18 ॥

পরং ব্রহ্ম পরং জ্যোতিঃ পরং ধাম পরন্তপঃ ।

পরং সূত্রং পরং তন্ত্রং পবিত্রঃ পরমোহবান্ ॥ 19 ॥

ক্ষেত্রজ্ঞঃ ক্ষেত্রগঃ ক্ষেত্রঃ ক্ষেত্রাধারঃ পুরঞ্জনঃ ।

ক্ষেত্রশূন্যো লোকসাক্ষী ক্ষেত্রবান্ বহুনাযকঃ ॥ 20 ॥

যোগেন্দ্রো যোগপূজ্যশ্চ যোগ্য আত্মবিদাং শুচিঃ ।

যোগমাযাধরঃ স্থাণুরচলঃ কমলাপতিঃ ॥ 21 ॥

যোগেশো যোগনির্মাতা যোগজ্ঞানপ্রকাশনঃ ।

যোগপালো লোকপালঃ সংসারতমনাশনঃ ॥ 22 ॥

গুহ্যো গুহ্যতমো গুপ্তো মুক্তো যুক্তঃ সনাতনঃ ।

গহনো গগনাকারো গম্ভীরো গণনাযকঃ ॥ 23 ॥

গোবিন্দো গোপতির্গোপ্তা গোভাগো ভাবসংস্থিতঃ ।

গোসাক্ষী গোতমারিশ্চ গান্ধারো গগনাকৃতিঃ ॥ 24 ॥

যোগযুক্তো ভোগযুক্তঃ শঙ্কামুক্তসমাধিমান্ ।

সহজঃ সকলেশানঃ কার্তবীর্যবরপ্রদঃ ॥ 25 ॥

সরজো বিরজো পুংসো পাবনঃ পাপনাশনঃ ।

পরাবরবিনির্মুক্তঃ পরং‍জ্যোতিঃ পুরাতনঃ ॥ 26 ॥

নানাজ্যোতিরনেকাত্মা স্বযং‍জ্যোতিঃ সদাশিবঃ ।

দিব্যজ্যোতির্মযশ্চৈব সত্যবিজ্ঞানভাস্করঃ ॥ 27 ॥

নিত্যশুদ্ধঃ পরঃ পূর্ণঃ প্রকাশঃ প্রকটোদ্ভবঃ ।

প্রমাদবিগতশ্চৈব পরেশঃ পরবিক্রমঃ ॥ 28 ॥

যোগী যোগো যোগপশ্চ যোগাভ্যাসপ্রকাশনঃ ।

যোক্তা মোক্তা বিধাতা চ ত্রাতা পাতা নিরাযুধঃ ॥ 29 ॥

নিত্যমুক্তো নিত্যযুক্তঃ সত্যঃ সত্যপরাক্রমঃ ।

সত্ত্বশুদ্ধিকরঃ সত্ত্বস্তথা সত্ত্বভৃতাং গতিঃ ॥ 30 ॥

শ্রীধরঃ শ্রীবপুঃ শ্রীমান্ শ্রীনিবাসোঽমরার্চিতঃ ।

শ্রীনিধিঃ শ্রীপতিঃ শ্রেষ্ঠঃ শ্রেযস্কশ্চরমাশ্রযঃ ॥ 31 ॥

ত্যাগী ত্যাগার্থসম্পন্নস্ত্যাগাত্মা ত্যাগবিগ্রহঃ ।

ত্যাগলক্ষণসিদ্ধাত্মা ত্যাগজ্ঞস্ত্যাগকারণঃ ॥ 32 ॥

ভোগো ভোক্তা তথা ভোগ্যো ভোগসাধনকারণঃ ।

ভোগী ভোগার্থসম্পন্নো ভোগজ্ঞানপ্রকাশনঃ ॥ 33 ॥

কেবলঃ কেশবঃ কৃষ্ণঃ কংবাসাঃ কমলালযঃ ।

কমলাসনপূজ্যশ্চ হরিরজ্ঞানখণ্ডনঃ ॥ 34 ॥

মহাত্মা মহদাদিশ্চ মহেশোত্তমবন্দিতঃ ।

মনোবুদ্ধিবিহীনাত্মা মানাত্মা মানবাধিপঃ ॥ 35 ॥

ভুবনেশো বিভূতিশ্চ ধৃতির্মেধা স্মৃতির্দযা ।

দুঃখদাবানলো বুদ্ধঃ প্রবুদ্ধঃ পরমেশ্বরঃ ॥ 36 ॥

কামহা ক্রোধহা চৈব দম্ভদর্পমদাপহঃ ।

অজ্ঞানতিমিরারিশ্চ ভবারির্ভুবনেশ্বরঃ ॥ 37 ॥

রূপকৃদ্রূপভৃদ্রূপী রূপাত্মা রূপকারণঃ ।

রূপজ্ঞো রূপসাক্ষী চ নামরূপো গুণান্তকঃ ॥ 38 ॥

অপ্রমেযঃ প্রমেযশ্চ প্রমাণং প্রণবাশ্রযঃ ।

প্রমাণরহিতোঽচিন্ত্যশ্চেতনাবিগতোঽজরঃ ॥ 39 ॥

অক্ষরোঽক্ষরমুক্তশ্চ বিজ্বরো জ্বরনাশনঃ ।

বিশিষ্টো বিত্তশাস্ত্রী চ দৃষ্টো দৃষ্টান্তবর্জিতঃ ॥ 40 ॥

গুণেশো গুণকাযশ্চ গুণাত্মা গুণভাবনঃ ।

অনন্তগুণসম্পন্নো গুণগর্ভো গুণাধিপঃ ॥ 41 ॥

গণেশো গুণনাথশ্চ গুণাত্মা গণভাবনঃ ।

গণবন্ধুর্বিবেকাত্মা গুণযুক্তঃ পরাক্রমী ॥ 42 ॥

অতর্ক্যঃ ক্রতুরগ্নিশ্চ কৃতজ্ঞঃ সফলাশ্রযঃ ।

যজ্ঞশ্চ যজ্ঞফলদো যজ্ঞ ইজ্যোঽমরোত্তমঃ ॥ 43 ॥

হিরণ্যগর্ভঃ শ্রীগর্ভঃ খগর্ভঃ কুণপেশ্বরঃ ।

মাযাগর্ভো লোকগর্ভঃ স্বযম্ভূর্ভুবনান্তকঃ ॥ 44 ॥

নিষ্পাপো নিবিডো নন্দী বোধী বোধসমাশ্রযঃ ।

বোধাত্মা বোধনাত্মা চ ভেদবৈতণ্ডখণ্ডনঃ ॥ 45 ॥

স্বাভাব্যো ভাবনির্মুক্তো ব্যক্তোঽব্যক্তসমাশ্রযঃ ।

নিত্যতৃপ্তো নিরাভাসো নির্বাণঃ শরণঃ সুহৃত্ ॥ 46 ॥

গুহ্যেশো গুণগম্ভীরো গুণদোষনিবারণঃ ।

গুণসঙ্গবিহীনশ্চ যোগারের্দর্পনাশনঃ ॥ 47 ॥

আনন্দঃ পরমানন্দঃ স্বানন্দসুখবর্ধনঃ ।

সত্যানন্দশ্চিদানন্দঃ সর্বানন্দপরাযণঃ ॥ 48 ॥

সদ্রূপঃ সহজঃ সত্যঃ স্বানন্দঃ সুমনোহরঃ ।

সর্বঃ সর্বান্তরশ্চৈব পূর্বাত্পূর্বতরস্তথা ॥ 49 ॥

খমযঃ খপরঃ খাদিঃ খং‍ব্রহ্ম খতনুঃ খগঃ ।

খবাসাঃ খবিহীনশ্চ খনিধিঃ খপরাশ্রযঃ ॥ 50 ॥

অনন্তশ্চাদিরূপশ্চ সূর্যমণ্ডলমধ্যগঃ ।

অমোঘঃ পরমামোঘঃ পরোক্ষঃ পরদঃ কবিঃ ॥ 51 ॥

বিশ্বচক্ষুর্বিশ্বসাক্ষী বিশ্ববাহুর্ধনেশ্বরঃ ।

ধনঞ্জযো মহাতেজাস্তেজিষ্ঠস্তৈজসঃ সুখী ॥ 52 ॥

জ্যোতির্জ্যোতির্মযো জেতা জ্যোতিষাং জ্যোতিরাত্মকঃ ।

জ্যোতিষামপি জ্যোতিশ্চ জনকো জনমোহনঃ ॥ 53 ॥

জিতেন্দ্রিযো জিতক্রোধো জিতাত্মা জিতমানসঃ ।

জিতসঙ্গো জিতপ্রাণো জিতসংসারবাসনঃ ॥ 54 ॥

নির্বাসনো নিরালম্বো নির্যোগক্ষেমবর্জিতঃ ।

নিরীহো নিরহঙ্কারো নিরাশীর্নিরুপাধিকঃ ॥ 55 ॥

নিত্যবোধো বিবিক্তাত্মা বিশুদ্ধোত্তমগৌরবঃ ।

বিদ্যার্থী পরমার্থী চ শ্রদ্ধার্থী সাধনাত্মকঃ ॥ 56 ॥

প্রত্যাহারী নিরাহারী সর্বাহারপরাযণঃ ।

নিত্যশুদ্ধো নিরাকাঙ্ক্ষী পারাযণপরাযণঃ ॥ 57 ॥

অণোরণুতরঃ সূক্ষ্মঃ স্থূলঃ স্থূলতরস্তথা ।

একস্তথাঽনেকরূপো বিশ্বরূপঃ সনাতনঃ ॥ 58 ॥

নৈকরূপো বিরূপাত্মা নৈকবোধমযস্তথা ।

নৈকনামমযশ্চৈব নৈকবিদ্যাবিবর্ধনঃ ॥ 59 ॥

একশ্চৈকান্তিকশ্চৈব নানাভাববিবর্জিতঃ ।

একাক্ষরস্তথা বীজঃ পূর্ণবিম্বঃ সনাতনঃ ॥ 60 ॥

মন্ত্রবীর্যো মন্ত্রবীজঃ শাস্ত্রবীর্যো জগত্পতিঃ ।

নানাবীর্যধরশ্চৈব শক্রেশঃ পৃথিবীপতিঃ ॥ 61 ॥

প্রাণেশঃ প্রাণদঃ প্রাণঃ প্রাণাযামপরাযণঃ ।

প্রাণপঞ্চকনির্মুক্তঃ কোশপঞ্চকবর্জিতঃ ॥ 62 ॥

নিশ্চলো নিষ্কলোঽসঙ্গো নিষ্প্রপঞ্চো নিরামযঃ ।

নিরাধারো নিরাকারো নির্বিকারো নিরঞ্জনঃ ॥ 63 ॥

নিষ্প্রতীতো নিরাভাসো নিরাসক্তো নিরাকুলঃ ।

নিষ্ঠাসর্বগতশ্চৈব নিরারম্ভো নিরাশ্রযঃ ॥ 64 ॥

নিরন্তরঃ সর্বগোপ্তা শান্তো দান্তো মহামুনিঃ । [সত্ত্ব]

নিঃশব্দঃ সুকৃতঃ স্বস্থঃ সত্যবাদী সুরেশ্বরঃ ॥ 65 ॥

জ্ঞানদো জ্ঞানবিজ্ঞানী জ্ঞানাত্মাঽঽনন্দপূরিতঃ ।

জ্ঞানযজ্ঞবিদাং দক্ষো জ্ঞানাগ্নির্জ্বলনো বুধঃ ॥ 66 ॥

দযাবান্ ভবরোগারিশ্চিকিত্সাচরমাগতিঃ ।

চন্দ্রমণ্ডলমধ্যস্থশ্চন্দ্রকোটিসুশীতলঃ ॥ 67 ॥

যন্ত্রকৃত্পরমো যন্ত্রী যন্ত্রারূঢাপরাজিতঃ ।

যন্ত্রবিদ্যন্ত্রবাসশ্চ যন্ত্রাধারো ধরাধরঃ ॥ 68 ॥

তত্ত্বজ্ঞস্তত্ত্বভূতাত্মা মহত্তত্ত্বপ্রকাশনঃ ।

তত্ত্বসঙ্খ্যানযোগজ্ঞঃ সাঙ্খ্যশাস্ত্রপ্রবর্তকঃ ॥ 69 ॥

অনন্তবিক্রমো দেবো মাধবশ্চ ধনেশ্বরঃ ।

সাধুঃ সাধুবরিষ্ঠাত্মা সাবধানোঽমরোত্তমঃ ॥ 70 ॥

নিঃসঙ্কল্পো নিরাধারো দুর্ধরো হ্যাত্মবিত্পতিঃ ।

আরোগ্যসুখদশ্চৈব প্রবরো বাসবস্তথা ॥ 71 ॥

পরেশঃ পরমোদারঃ প্রত্যক্চৈতন্যদুর্গমঃ ।

দুরাধর্ষো দুরাবাসো দূরত্বপরিনাশনঃ ॥ 72 ॥

বেদবিদ্বেদকৃদ্বেদো বেদাত্মা বিমলাশযঃ ।

বিবিক্তসেবী চ সংসারশ্রমনাশনস্তথা ॥ 73 ॥

ব্রহ্মযোনির্বৃহদ্যোনির্বিশ্বযোনির্বিদেহবান্ ।

বিশালাক্ষো বিশ্বনাথো হাটকাঙ্গদভূষণঃ ॥ 74 ॥

অবাধ্যো জগদারাধ্যো জগদার্জবপালনঃ ।

জনবান্ ধনবান্ ধর্মী ধর্মগো ধর্মবর্ধনঃ ॥ 75 ॥

অমৃতঃ শাশ্বতঃ সাধ্যঃ সিদ্ধিদঃ সুমনোহরঃ ।

খলুব্রহ্মখলুস্থানো মুনীনাং পরমা গতিঃ ॥ 76 ॥

উপদ্রষ্টা তথা শ্রেষ্ঠঃ শুচিভূতো হ্যনামযঃ ।

বেদসিদ্ধান্তবেদ্যশ্চ মানসাহ্লাদবর্ধনঃ ॥ 77 ॥

দেহাদন্যো গুণাদন্যো লোকাদন্যো বিবেকবিত্ ।

দুষ্টস্বপ্নহরশ্চৈব গুরুর্গুরুবরোত্তমঃ ॥ 78 ॥

কর্মী কর্মবিনির্মুক্তঃ সন্ন্যাসী সাধকেশ্বরঃ ।

সর্বভাববিহীনশ্চ তৃষ্ণাসঙ্গনিবারকঃ ॥ 79 ॥

ত্যাগী ত্যাগবপুস্ত্যাগস্ত্যাগদানবিবর্জিতঃ ।

ত্যাগকারণত্যাগাত্মা সদ্গুরুঃ সুখদাযকঃ ॥ 80 ॥

দক্ষো দক্ষাদিবন্দ্যশ্চ জ্ঞানবাদপ্রবর্তকঃ ।

শব্দব্রহ্মমযাত্মা চ শব্দব্রহ্মপ্রকাশবান্ ॥ 81 ॥

গ্রসিষ্ণুঃ প্রভবিষ্ণুশ্চ সহিষ্ণুর্বিগতান্তরঃ ।

বিদ্বত্তমো মহাবন্দ্যো বিশালোত্তমবাঙ্মুনিঃ ॥ 82 ॥

ব্রহ্মবিদ্ব্রহ্মভাবশ্চ ব্রহ্মর্ষির্ব্রাহ্মণপ্রিযঃ ।

ব্রহ্ম ব্রহ্মপ্রকাশাত্মা ব্রহ্মবিদ্যাপ্রকাশনঃ ॥ 83 ॥

অত্রিবংশপ্রভূতাত্মা তাপসোত্তমবন্দিতঃ ।

আত্মবাসী বিধেযাত্মা হ্যত্রিবংশবিবর্ধনঃ ॥ 84 ॥

প্রবর্তনো নিবৃত্তাত্মা প্রলযোদকসন্নিভঃ ।

নারাযণো মহাগর্ভো ভার্গবপ্রিযকৃত্তমঃ ॥ 85 ॥

সঙ্কল্পদুঃখদলনঃ সংসারতমনাশনঃ ।

ত্রিবিক্রমস্ত্রিধাকারস্ত্রিমূর্তিস্ত্রিগুণাত্মকঃ ॥ 86 ॥

ভেদত্রযহরশ্চৈব তাপত্রযনিবারকঃ ।

দোষত্রযবিভেদী চ সংশযার্ণবখণ্ডনঃ ॥ 87 ॥

অসংশযস্ত্বসম্মূঢো হ্যবাদী রাজবন্দিতঃ ।

রাজযোগী মহাযোগী স্বভাবগলিতস্তথা ॥ 88 ॥

পুণ্যশ্লোকঃ পবিত্রাঙ্ঘ্রির্ধ্যানযোগপরাযণঃ ।

ধ্যানস্থো ধ্যানগম্যশ্চ বিধেযাত্মা পুরাতনঃ ॥ 89 ॥

অবিজ্ঞেযো হ্যন্তরাত্মা মুখ্যবিম্বসনাতনঃ ।

জীবসঞ্জীবনো জীবশ্চিদ্বিলাসশ্চিদাশ্রযঃ ॥ 90 ॥

মহেন্দ্রোঽমরমান্যশ্চ যোগেন্দ্রো যোগবিত্তমঃ ।

যোগধর্মস্তথা যোগস্তত্ত্বস্তত্ত্ববিনিশ্চযঃ ॥ 91 ॥

নৈকবাহুরনন্তাত্মা নৈকনামপরাক্রমঃ ।

নৈকাক্ষী নৈকপাদশ্চ নাথনাথোত্তমোত্তমঃ ॥ 92 ॥

সহস্রশীর্ষা পুরুষঃ সহস্রাক্ষঃ সহস্রপাত্ ।

সহস্ররূপদৃক্ চৈব সহস্রারমযোদ্ধবঃ ॥ 93 ॥

ত্রিপাদপুরুষশ্চৈব ত্রিপাদূর্ধ্বস্তথৈব চ ।

ত্র্যম্বকশ্চ মহাবীর্যো যোগবীর্যবিশারদঃ ॥ 94 ॥

বিজযী বিনযী জেতা বীতরাগী বিরাজিতঃ ।

রুদ্রো রৌদ্রো মহাভীমঃ প্রাজ্ঞমুখ্যঃ সদাশুচিঃ ॥ 95 ॥

অন্তর্জ্যোতিরনন্তাত্মা প্রত্যগাত্মা নিরন্তরঃ ।

অরূপশ্চাত্মরূপশ্চ সর্বভাববিনির্বৃতঃ ॥ 96 ॥

অন্তঃশূন্যো বহিঃশূন্যঃ শূন্যাত্মা শূন্যভাবনঃ ।

অন্তঃপূর্ণো বহিঃপূর্ণঃ পূর্ণাত্মা পূর্ণভাবনঃ ॥ 97 ॥

অন্তস্ত্যাগী বহিস্ত্যাগী ত্যাগাত্মা সর্বযোগবান্ ।

অন্তর্যোগী বহির্যোগী সর্বযোগপরাযণঃ ॥ 98 ॥

অন্তর্ভোগী বহির্ভোগী সর্বভোগবিদুত্তমঃ ।

অন্তর্নিষ্ঠো বহির্নিষ্ঠঃ সর্বনিষ্ঠামযস্তথা ॥ 99 ॥

বাহ্যান্তরবিমুক্তশ্চ বাহ্যান্তরবিবর্জিতঃ ।

শান্তঃ শুদ্ধো বিশুদ্ধশ্চ নির্বাণঃ প্রকৃতেঃ পরঃ ॥ 100 ॥

অকালঃ কালনেমী চ কালকালো জনেশ্বরঃ ।

কালাত্মা কালকর্তা চ কালজ্ঞঃ কালনাশনঃ ॥ 101 ॥

কৈবল্যপদদাতা চ কৈবল্যসুখদাযকঃ ।

কৈবল্যকলনাধারো নির্ভরো হর্ষবর্ধনঃ ॥ 102 ॥

হৃদযস্থো হৃষীকেশো গোবিন্দো গর্ভবর্জিতঃ ।

সকলাগমপূজ্যশ্চ নিগমো নিগমাশ্রযঃ ॥ 103 ॥

পরাশক্তিঃ পরাকীর্তিঃ পরাবৃত্তির্নিধিস্মৃতিঃ ।

পরবিদ্যা পরাক্ষান্তির্বিভক্তির্যুক্তসদ্গতিঃ ॥ 104 ॥

স্বপ্রকাশঃ প্রকাশাত্মা পরসংবেদনাত্মকঃ ।

স্বসেব্যঃ স্ববিদাং স্বাত্মা স্বসংবেদ্যোঽনঘঃ ক্ষমী ॥ 105 ॥

স্বানুসন্ধানশীলাত্মা স্বানুসন্ধানগোচরঃ ।

স্বানুসন্ধানশূন্যাত্মা স্বানুসন্ধানকাশ্রযঃ ॥ 106 ॥

স্ববোধদর্পণোঽভঙ্গঃ কন্দর্পকুলনাশনঃ ।

ব্রহ্মচারী ব্রহ্মবেত্তা ব্রাহ্মণো ব্রহ্মবিত্তমঃ ॥ 107 ॥

তত্ত্ববোধঃ সুধাবর্ষঃ পাবনঃ পাপপাবকঃ ।

ব্রহ্মসূত্রবিধেযাত্মা ব্রহ্মসূত্রার্থনির্ণযঃ ॥ 108 ॥

আত্যন্তিকো মহাকল্পঃ সঙ্কল্পাবর্তনাশনঃ ।

আধিব্যাধিহরশ্চৈব সংশযার্ণবশোষকঃ ॥ 109 ॥

তত্ত্বাত্মজ্ঞানসন্দেশো মহানুভবভাবিতঃ ।

আত্মানুভবসম্পন্নঃ স্বানুভাবসুখাশ্রযঃ ॥ 110 ॥

অচিন্ত্যশ্চ বৃহদ্ভানুঃ প্রমদোত্কর্ষনাশনঃ ।

অনিকেত প্রশান্তাত্মা শূন্যাবাসো জগদ্বপুঃ ॥ 111 ॥

চিদ্গতিশ্চিন্মযশ্চক্রী মাযাচক্রপ্রবর্তকঃ ।

সর্ববর্ণবিদারম্ভী সর্বারম্ভপরাযণঃ ॥ 112 ॥

পুরাণঃ প্রবরো দাতা সুন্দরঃ কনকাঙ্গদী ।

অনসূযাত্মজো দত্তঃ সর্বজ্ঞঃ সর্বকামদঃ ॥ 113 ॥

কামজিত্ কামপালশ্চ কামী কামপ্রদাগমঃ ।

কামবান্ কামপোষশ্চ সর্বকামনিবর্তকঃ ॥ 114 ॥

সর্বকর্মফলোত্পত্তিঃ সর্বকামফলপ্রদঃ ।

সর্বকর্মফলৈঃ পূজ্যঃ সর্বকর্মফলাশ্রযঃ ॥ 115 ॥

বিশ্বকর্মা কৃতাত্মা চ কৃতজ্ঞঃ সর্বসাক্ষিকঃ ।

সর্বারম্ভপরিত্যাগী জডোন্মত্তপিশাচবান্ ॥ 116 ॥

ভিক্ষুর্ভৈক্ষাকরশ্চৈব ভৈক্ষাহারী নিরাশ্রমী ।

অকূলশ্চানুকূলশ্চ বিকলো হ্যকলস্তথা ॥ 117 ॥

জটিলো বনচারী চ দণ্ডী মুণ্ডী চ গণ্ডবান্ ।

দেহধর্মবিহীনাত্মা হ্যেকাকী সঙ্গবর্জিতঃ ॥ 118 ॥

আশ্রম্যনাশ্রমারম্ভোঽনাচারী কর্মবর্জিতঃ ।

অসন্দেহী চ সন্দেহী ন কিঞ্চিন্ন চ কিঞ্চনঃ ॥ 119 ॥

নৃদেহী দেহশূন্যশ্চ নাভাবী ভাবনির্গতঃ ।

নাব্রহ্মা চ পরব্রহ্ম স্বযমেব নিরাকুলঃ ॥ 120 ॥

অনঘশ্চাগুরুশ্চৈব নাথনাথোত্তমো গুরুঃ ।

দ্বিভুজঃ প্রাকৃতশ্চৈব জনকশ্চ পিতামহঃ ॥ 121 ॥

অনাত্মা ন চ নানাত্মা নীতির্নীতিমতাং বরঃ ।

সহজঃ সদৃশঃ সিদ্ধশ্চৈকশ্চিন্মাত্র এব চ ॥ 122 ॥

ন কর্তাপি চ কর্তা চ ভোক্তা ভোগবিবর্জিতঃ ।

তুরীযস্তুরীযাতীতঃ স্বচ্ছঃ সর্বমযস্তথা ॥ 123 ॥

সর্বাধিষ্ঠানরূপশ্চ সর্বধ্যেযবিবর্জিতঃ ।

সর্বলোকনিবাসাত্মা সকলোত্তমবন্দিতঃ ॥ 124 ॥

দেহভৃদ্দেহকৃচ্চৈব দেহাত্মা দেহভাবনঃ ।

দেহী দেহবিভক্তশ্চ দেহভাবপ্রকাশনঃ ॥ 125 ॥

লযস্থো লযবিচ্চৈব লযাভাবশ্চ বোধবান্ ।

লযাতীতো লযস্যান্তো লযভাবনিবারণঃ ॥ 126 ॥

বিমুখঃ প্রমুখশ্চৈব প্রত্যঙ্মুখবদাচরী ।

বিশ্বভুগ্বিশ্বধৃগ্বিশ্বো বিশ্বক্ষেমকরস্তথা ॥ 127 ॥

অবিক্ষিপ্তোঽপ্রমাদী চ পরর্ধিঃ পরমার্থদৃক্ ।

স্বানুভাববিহীনশ্চ স্বানুভাবপ্রকাশনঃ ॥ 128 ॥

নিরিন্দ্রিযশ্চ নির্বুদ্ধির্নিরাভাসো নিরাকৃতঃ ।

নিরহঙ্কাররূপাত্মা নির্বপুঃ সকলাশ্রযঃ ॥ 129 ॥

শোকদুঃখহরশ্চৈব ভোগমোক্ষফলপ্রদঃ ।

সুপ্রসন্নস্তথা সূক্ষ্মঃ শব্দব্রহ্মার্থসঙ্গ্রহঃ ॥ 130 ॥

আগমাপাযশূন্যশ্চ স্থানদশ্চ সতাঙ্গতিঃ ।

অকৃতঃ সুকৃতশ্চৈব কৃতকর্মা বিনির্বৃতঃ ॥ 131 ॥

ভেদত্রযহরশ্চৈব দেহত্রযবিনির্গতঃ ।

সর্বকামমযশ্চৈব সর্বকামনিবর্তকঃ ॥ 132 ॥

সিদ্ধেশ্বরোঽজরঃ পঞ্চবাণদর্পহুতাশনঃ ।

চতুরক্ষরবীজাত্মা স্বভূশ্চিত্কীর্তিভূষণঃ ॥ 133 ॥

অগাধবুদ্ধিরক্ষুব্ধশ্চন্দ্রসূর্যাগ্নিলোচনঃ ।

যমদংষ্ট্রোঽতিসংহর্তা পরমানন্দসাগরঃ ॥ 134 ॥

লীলাবিশ্বম্ভরো ভানুর্ভৈরবো ভীমলোচনঃ ।

ব্রহ্মচর্মাম্বরঃ কালস্ত্বচলশ্চলনান্তকঃ ॥ 135 ॥

আদিদেবো জগদ্যোনির্বাসবারিবিমর্দনঃ ।

বিকর্মকর্মকর্মজ্ঞো অনন্যগমকোঽগমঃ ॥ 136 ॥

অবদ্ধকর্মশূন্যশ্চ কামরাগকুলক্ষযঃ ।

যোগান্ধকারমথনঃ পদ্মজন্মাদিবন্দিতঃ ॥ 137 ॥

ভক্তকামোঽগ্রজশ্চক্রী ভাবনির্ভাবভাবকঃ ।

ভেদান্তকো মহানগ্র্যো নিগূহো গোচরান্তকঃ ॥ 138 ॥

কালাগ্নিশমনঃ শঙ্খচক্রপদ্মগদাধরঃ ।

দীপ্তো দীনপতিঃ শাস্তা স্বচ্ছন্দো মুক্তিদাযকঃ ॥ 139 ॥

ব্যোমধর্মাম্বরো ভেত্তা ভস্মধারী ধরাধরঃ ।

ধর্মগুপ্তোঽন্বযাত্মা চ ব্যতিরেকার্থনির্ণযঃ ॥ 140 ॥

একানেকগুণাভাসাভাসনির্ভাসবর্জিতঃ ।

ভাবাভাবস্বভাবাত্মা ভাবাভাববিভাববিত্ ॥ 141 ॥

যোগিহৃদযবিশ্রামোঽনন্তবিদ্যাবিবর্ধনঃ ।

বিঘ্নান্তকস্ত্রিকালজ্ঞস্তত্ত্বাত্মা জ্ঞানসাগরঃ ॥ 142 ॥

ইতীদং দত্তসাহস্রং সাযং প্রাতঃ পঠেত্তু যঃ ।

স ইহামুত্র লভতে নির্বাণং পরমং সুখম্ ॥ 143 ॥

গুরুবারে দত্তভক্তো ভক্তিভাবসমন্বিতঃ ।

পঠেত্ সদৈব যো হ্যেতত্ স লভেচ্চিন্তিতং ধ্রুবম্ ॥ 144 ॥

ইতি শ্রীমদ্দত্তাত্রেযপুরাণে শ্রী দত্তাত্রেয সহস্রনাম স্তোত্রম্ ।

Roman (IAST) Transliteration

munayaḥ ūcuḥ

nikhilāgamatattvajña brahmadhyānaparāyaṇa |

vadāsmākaṃ muktyupāyaṃ sūta sarvopakārakam || 1 ||

sarvadeveṣu ko devaḥ sadyo mokṣaprado bhavet |

ko manurvā bhavettasya sadyaḥ prītikaro dhruvam || 2 ||

sūta uvāca |

nigamāgamatattvajño hyavadhūtaścidambaraḥ |

bhaktavātsalyapravaṇo datta eva hi kevalaḥ || 3 ||

sadā prasannavadano bhaktacintaikatatparaḥ |

tasya nāmānyanantāni vartante'thāpyadaḥ param || 4 ||

dattasya nāmasāhasraṃ tasya prītivivardhanam |

yastvidaṃ paṭhate nityaṃ dattātreyaikamānasaḥ || 5 ||

mucyate sarvapāpebhyaḥ sa sadyo nātra saṃśayaḥ |

ante taddhāma saṃyāti punarāvṛttidurlabham || 6 ||

asya śrīmaddattātreyasahasranāmastotramantrasya avadhūta ṛṣiḥ, anuṣṭup chandaḥ, digambaro devatā, oṃ bījaṃ, hrīṃ śaktiḥ, krauṃ kīlakaṃ, śrīdattātreyaprītyarthe jape viniyogaḥ |

atha dhyānam

digambaraṃ bhasmavilepitāṅgaṃ

bodhātmakaṃ muktikaraṃ prasannam |

nirmānasaṃ śyāmatanuṃ bhaje'haṃ

dattātreyaṃ brahmasamādhiyuktam ||

atha stotram

dattātreyo mahāyogī yogeśaścāmaraprabhuḥ |

munirdigambaro bālo māyāmukto madāpahaḥ || 1 ||

avadhūto mahānāthaḥ śaṅkaro'maravallabhaḥ |

mahādevaścādidevaḥ purāṇaprabhurīśvaraḥ || 2 ||

sattvakṛtsattvabhṛdbhāvaḥ sattvātmā sattvasāgaraḥ |

sattvavitsattvasākṣī ca sattvasādhyo'marādhipaḥ || 3 ||

bhūtakṛdbhūtabhṛccaiva bhūtātmā bhūtasambhavaḥ |

bhūtabhāvo bhavo bhūtavittathā bhūtakāraṇaḥ || 4 ||

bhūtasākṣī prabhūtiśca bhūtānāṃ paramā gatiḥ |

bhūtasaṅgavihīnātmā bhūtātmā bhūtaśaṅkaraḥ || 5 ||

bhūtanātho mahānātha ādinātho maheśvaraḥ |

sarvabhūtanivāsātmā bhūtasantāpanāśanaḥ || 6 ||

sarvātmā sarvabhṛtsarvaḥ sarvajñaḥ sarvanirṇayaḥ |

sarvasākṣī bṛhadbhānuḥ sarvavit sarvamaṅgalaḥ || 7 ||

śāntaḥ satyaḥ samaḥ pūrṇo ekākī kamalāpatiḥ |

rāmo rāmapriyaścaiva virāmo rāmakāraṇaḥ || 8 ||

śuddhātmā pāvano'nantaḥ pratītaḥ paramārthabhṛt |

haṃsasākṣī vibhuścaiva prabhuḥ pralaya ityapi || 9 ||

siddhātmā paramātmā ca siddhānāṃ paramā gatiḥ |

siddhisiddhastathā sādhyaḥ sādhano hyuttamastathā || 10 ||

sulakṣaṇaḥ sumedhāvī vidyāvānvigatāntaraḥ |

vijvaraśca mahābāhurbahulānandavardhanaḥ || 11 ||

avyaktapuruṣaḥ prājñaḥ parajñaḥ paramārthadṛk |

parāparavinirmukto yuktastattvaprakāśavān || 12 ||

dayāvān bhagavān bhāvī bhāvātmā bhāvakāraṇaḥ |

bhavasantāpanāśaśca puṣpavān paṇḍito budhaḥ || 13 ||

pratyakṣavasturviśvātmā pratyagbrahma sanātanaḥ |

pramāṇavigataścaiva pratyāhāraniyojakaḥ || 14 ||

praṇavaḥ praṇavātītaḥ pramukhaḥ pralayātmakaḥ |

mṛtyuñjayo viviktātmā śaṅkarātmā paro vapuḥ || 15 ||

paramastanuvijñeyaḥ paramātmani saṃsthitaḥ |

prabodhakalanādhāraḥ prabhāvapravarottamaḥ || 16 ||

cidambaraścidvilāsaścidākāśaściduttamaḥ |

cittacaitanyacittātmā devānāṃ paramā gatiḥ || 17 ||

acetyaścetanādhāraścetanācittavikramaḥ |

cittātmā cetanārūpo lasatpaṅkajalocanaḥ || 18 ||

paraṃ brahma paraṃ jyotiḥ paraṃ dhāma parantapaḥ |

paraṃ sūtraṃ paraṃ tantraṃ pavitraḥ paramohavān || 19 ||

kṣetrajñaḥ kṣetragaḥ kṣetraḥ kṣetrādhāraḥ purañjanaḥ |

kṣetraśūnyo lokasākṣī kṣetravān bahunāyakaḥ || 20 ||

yogendro yogapūjyaśca yogya ātmavidāṃ śuciḥ |

yogamāyādharaḥ sthāṇuracalaḥ kamalāpatiḥ || 21 ||

yogeśo yoganirmātā yogajñānaprakāśanaḥ |

yogapālo lokapālaḥ saṃsāratamanāśanaḥ || 22 ||

guhyo guhyatamo gupto mukto yuktaḥ sanātanaḥ |

gahano gaganākāro gambhīro gaṇanāyakaḥ || 23 ||

govindo gopatirgoptā gobhāgo bhāvasaṃsthitaḥ |

gosākṣī gotamāriśca gāndhāro gaganākṛtiḥ || 24 ||

yogayukto bhogayuktaḥ śaṅkāmuktasamādhimān |

sahajaḥ sakaleśānaḥ kārtavīryavarapradaḥ || 25 ||

sarajo virajo puṃso pāvanaḥ pāpanāśanaḥ |

parāvaravinirmuktaḥ paraṃ‍jyotiḥ purātanaḥ || 26 ||

nānājyotiranekātmā svayaṃ‍jyotiḥ sadāśivaḥ |

divyajyotirmayaścaiva satyavijñānabhāskaraḥ || 27 ||

nityaśuddhaḥ paraḥ pūrṇaḥ prakāśaḥ prakaṭodbhavaḥ |

pramādavigataścaiva pareśaḥ paravikramaḥ || 28 ||

yogī yogo yogapaśca yogābhyāsaprakāśanaḥ |

yoktā moktā vidhātā ca trātā pātā nirāyudhaḥ || 29 ||

nityamukto nityayuktaḥ satyaḥ satyaparākramaḥ |

sattvaśuddhikaraḥ sattvastathā sattvabhṛtāṃ gatiḥ || 30 ||

śrīdharaḥ śrīvapuḥ śrīmān śrīnivāso'marārcitaḥ |

śrīnidhiḥ śrīpatiḥ śreṣṭhaḥ śreyaskaścaramāśrayaḥ || 31 ||

tyāgī tyāgārthasampannastyāgātmā tyāgavigrahaḥ |

tyāgalakṣaṇasiddhātmā tyāgajñastyāgakāraṇaḥ || 32 ||

bhogo bhoktā tathā bhogyo bhogasādhanakāraṇaḥ |

bhogī bhogārthasampanno bhogajñānaprakāśanaḥ || 33 ||

kevalaḥ keśavaḥ kṛṣṇaḥ kaṃvāsāḥ kamalālayaḥ |

kamalāsanapūjyaśca harirajñānakhaṇḍanaḥ || 34 ||

mahātmā mahadādiśca maheśottamavanditaḥ |

manobuddhivihīnātmā mānātmā mānavādhipaḥ || 35 ||

bhuvaneśo vibhūtiśca dhṛtirmedhā smṛtirdayā |

duḥkhadāvānalo buddhaḥ prabuddhaḥ parameśvaraḥ || 36 ||

kāmahā krodhahā caiva dambhadarpamadāpahaḥ |

ajñānatimirāriśca bhavārirbhuvaneśvaraḥ || 37 ||

rūpakṛdrūpabhṛdrūpī rūpātmā rūpakāraṇaḥ |

rūpajño rūpasākṣī ca nāmarūpo guṇāntakaḥ || 38 ||

aprameyaḥ prameyaśca pramāṇaṃ praṇavāśrayaḥ |

pramāṇarahito'cintyaścetanāvigato'jaraḥ || 39 ||

akṣaro'kṣaramuktaśca vijvaro jvaranāśanaḥ |

viśiṣṭo vittaśāstrī ca dṛṣṭo dṛṣṭāntavarjitaḥ || 40 ||

guṇeśo guṇakāyaśca guṇātmā guṇabhāvanaḥ |

anantaguṇasampanno guṇagarbho guṇādhipaḥ || 41 ||

gaṇeśo guṇanāthaśca guṇātmā gaṇabhāvanaḥ |

gaṇabandhurvivekātmā guṇayuktaḥ parākramī || 42 ||

atarkyaḥ kraturagniśca kṛtajñaḥ saphalāśrayaḥ |

yajñaśca yajñaphalado yajña ijyo'marottamaḥ || 43 ||

hiraṇyagarbhaḥ śrīgarbhaḥ khagarbhaḥ kuṇapeśvaraḥ |

māyāgarbho lokagarbhaḥ svayambhūrbhuvanāntakaḥ || 44 ||

niṣpāpo nibiḍo nandī bodhī bodhasamāśrayaḥ |

bodhātmā bodhanātmā ca bhedavaitaṇḍakhaṇḍanaḥ || 45 ||

svābhāvyo bhāvanirmukto vyakto'vyaktasamāśrayaḥ |

nityatṛpto nirābhāso nirvāṇaḥ śaraṇaḥ suhṛt || 46 ||

guhyeśo guṇagambhīro guṇadoṣanivāraṇaḥ |

guṇasaṅgavihīnaśca yogārerdarpanāśanaḥ || 47 ||

ānandaḥ paramānandaḥ svānandasukhavardhanaḥ |

satyānandaścidānandaḥ sarvānandaparāyaṇaḥ || 48 ||

sadrūpaḥ sahajaḥ satyaḥ svānandaḥ sumanoharaḥ |

sarvaḥ sarvāntaraścaiva pūrvātpūrvatarastathā || 49 ||

khamayaḥ khaparaḥ khādiḥ khaṃ‍brahma khatanuḥ khagaḥ |

khavāsāḥ khavihīnaśca khanidhiḥ khaparāśrayaḥ || 50 ||

anantaścādirūpaśca sūryamaṇḍalamadhyagaḥ |

amoghaḥ paramāmoghaḥ parokṣaḥ paradaḥ kaviḥ || 51 ||

viśvacakṣurviśvasākṣī viśvabāhurdhaneśvaraḥ |

dhanañjayo mahātejāstejiṣṭhastaijasaḥ sukhī || 52 ||

jyotirjyotirmayo jetā jyotiṣāṃ jyotirātmakaḥ |

jyotiṣāmapi jyotiśca janako janamohanaḥ || 53 ||

jitendriyo jitakrodho jitātmā jitamānasaḥ |

jitasaṅgo jitaprāṇo jitasaṃsāravāsanaḥ || 54 ||

nirvāsano nirālambo niryogakṣemavarjitaḥ |

nirīho nirahaṅkāro nirāśīrnirupādhikaḥ || 55 ||

nityabodho viviktātmā viśuddhottamagauravaḥ |

vidyārthī paramārthī ca śraddhārthī sādhanātmakaḥ || 56 ||

pratyāhārī nirāhārī sarvāhāraparāyaṇaḥ |

nityaśuddho nirākāṅkṣī pārāyaṇaparāyaṇaḥ || 57 ||

aṇoraṇutaraḥ sūkṣmaḥ sthūlaḥ sthūlatarastathā |

ekastathā'nekarūpo viśvarūpaḥ sanātanaḥ || 58 ||

naikarūpo virūpātmā naikabodhamayastathā |

naikanāmamayaścaiva naikavidyāvivardhanaḥ || 59 ||

ekaścaikāntikaścaiva nānābhāvavivarjitaḥ |

ekākṣarastathā bījaḥ pūrṇabimbaḥ sanātanaḥ || 60 ||

mantravīryo mantrabījaḥ śāstravīryo jagatpatiḥ |

nānāvīryadharaścaiva śakreśaḥ pṛthivīpatiḥ || 61 ||

prāṇeśaḥ prāṇadaḥ prāṇaḥ prāṇāyāmaparāyaṇaḥ |

prāṇapañcakanirmuktaḥ kośapañcakavarjitaḥ || 62 ||

niścalo niṣkalo'saṅgo niṣprapañco nirāmayaḥ |

nirādhāro nirākāro nirvikāro nirañjanaḥ || 63 ||

niṣpratīto nirābhāso nirāsakto nirākulaḥ |

niṣṭhāsarvagataścaiva nirārambho nirāśrayaḥ || 64 ||

nirantaraḥ sarvagoptā śānto dānto mahāmuniḥ | [sattva]

niḥśabdaḥ sukṛtaḥ svasthaḥ satyavādī sureśvaraḥ || 65 ||

jñānado jñānavijñānī jñānātmā''nandapūritaḥ |

jñānayajñavidāṃ dakṣo jñānāgnirjvalano budhaḥ || 66 ||

dayāvān bhavarogāriścikitsācaramāgatiḥ |

candramaṇḍalamadhyasthaścandrakoṭisuśītalaḥ || 67 ||

yantrakṛtparamo yantrī yantrārūḍhāparājitaḥ |

yantravidyantravāsaśca yantrādhāro dharādharaḥ || 68 ||

tattvajñastattvabhūtātmā mahattattvaprakāśanaḥ |

tattvasaṅkhyānayogajñaḥ sāṅkhyaśāstrapravartakaḥ || 69 ||

anantavikramo devo mādhavaśca dhaneśvaraḥ |

sādhuḥ sādhuvariṣṭhātmā sāvadhāno'marottamaḥ || 70 ||

niḥsaṅkalpo nirādhāro durdharo hyātmavitpatiḥ |

ārogyasukhadaścaiva pravaro vāsavastathā || 71 ||

pareśaḥ paramodāraḥ pratyakcaitanyadurgamaḥ |

durādharṣo durāvāso dūratvaparināśanaḥ || 72 ||

vedavidvedakṛdvedo vedātmā vimalāśayaḥ |

viviktasevī ca saṃsāraśramanāśanastathā || 73 ||

brahmayonirbṛhadyonirviśvayonirvidehavān |

viśālākṣo viśvanātho hāṭakāṅgadabhūṣaṇaḥ || 74 ||

abādhyo jagadārādhyo jagadārjavapālanaḥ |

janavān dhanavān dharmī dharmago dharmavardhanaḥ || 75 ||

amṛtaḥ śāśvataḥ sādhyaḥ siddhidaḥ sumanoharaḥ |

khalubrahmakhalusthāno munīnāṃ paramā gatiḥ || 76 ||

upadraṣṭā tathā śreṣṭhaḥ śucibhūto hyanāmayaḥ |

vedasiddhāntavedyaśca mānasāhlādavardhanaḥ || 77 ||

dehādanyo guṇādanyo lokādanyo vivekavit |

duṣṭasvapnaharaścaiva gururguruvarottamaḥ || 78 ||

karmī karmavinirmuktaḥ sannyāsī sādhakeśvaraḥ |

sarvabhāvavihīnaśca tṛṣṇāsaṅganivārakaḥ || 79 ||

tyāgī tyāgavapustyāgastyāgadānavivarjitaḥ |

tyāgakāraṇatyāgātmā sadguruḥ sukhadāyakaḥ || 80 ||

dakṣo dakṣādivandyaśca jñānavādapravartakaḥ |

śabdabrahmamayātmā ca śabdabrahmaprakāśavān || 81 ||

grasiṣṇuḥ prabhaviṣṇuśca sahiṣṇurvigatāntaraḥ |

vidvattamo mahāvandyo viśālottamavāṅmuniḥ || 82 ||

brahmavidbrahmabhāvaśca brahmarṣirbrāhmaṇapriyaḥ |

brahma brahmaprakāśātmā brahmavidyāprakāśanaḥ || 83 ||

atrivaṃśaprabhūtātmā tāpasottamavanditaḥ |

ātmavāsī vidheyātmā hyatrivaṃśavivardhanaḥ || 84 ||

pravartano nivṛttātmā pralayodakasannibhaḥ |

nārāyaṇo mahāgarbho bhārgavapriyakṛttamaḥ || 85 ||

saṅkalpaduḥkhadalanaḥ saṃsāratamanāśanaḥ |

trivikramastridhākārastrimūrtistriguṇātmakaḥ || 86 ||

bhedatrayaharaścaiva tāpatrayanivārakaḥ |

doṣatrayavibhedī ca saṃśayārṇavakhaṇḍanaḥ || 87 ||

asaṃśayastvasammūḍho hyavādī rājavanditaḥ |

rājayogī mahāyogī svabhāvagalitastathā || 88 ||

puṇyaślokaḥ pavitrāṅghrirdhyānayogaparāyaṇaḥ |

dhyānastho dhyānagamyaśca vidheyātmā purātanaḥ || 89 ||

avijñeyo hyantarātmā mukhyabimbasanātanaḥ |

jīvasañjīvano jīvaścidvilāsaścidāśrayaḥ || 90 ||

mahendro'maramānyaśca yogendro yogavittamaḥ |

yogadharmastathā yogastattvastattvaviniścayaḥ || 91 ||

naikabāhuranantātmā naikanāmaparākramaḥ |

naikākṣī naikapādaśca nāthanāthottamottamaḥ || 92 ||

sahasraśīrṣā puruṣaḥ sahasrākṣaḥ sahasrapāt |

sahasrarūpadṛk caiva sahasrāramayoddhavaḥ || 93 ||

tripādapuruṣaścaiva tripādūrdhvastathaiva ca |

tryambakaśca mahāvīryo yogavīryaviśāradaḥ || 94 ||

vijayī vinayī jetā vītarāgī virājitaḥ |

rudro raudro mahābhīmaḥ prājñamukhyaḥ sadāśuciḥ || 95 ||

antarjyotiranantātmā pratyagātmā nirantaraḥ |

arūpaścātmarūpaśca sarvabhāvavinirvṛtaḥ || 96 ||

antaḥśūnyo bahiḥśūnyaḥ śūnyātmā śūnyabhāvanaḥ |

antaḥpūrṇo bahiḥpūrṇaḥ pūrṇātmā pūrṇabhāvanaḥ || 97 ||

antastyāgī bahistyāgī tyāgātmā sarvayogavān |

antaryogī bahiryogī sarvayogaparāyaṇaḥ || 98 ||

antarbhogī bahirbhogī sarvabhogaviduttamaḥ |

antarniṣṭho bahirniṣṭhaḥ sarvaniṣṭhāmayastathā || 99 ||

bāhyāntaravimuktaśca bāhyāntaravivarjitaḥ |

śāntaḥ śuddho viśuddhaśca nirvāṇaḥ prakṛteḥ paraḥ || 100 ||

akālaḥ kālanemī ca kālakālo janeśvaraḥ |

kālātmā kālakartā ca kālajñaḥ kālanāśanaḥ || 101 ||

kaivalyapadadātā ca kaivalyasukhadāyakaḥ |

kaivalyakalanādhāro nirbharo harṣavardhanaḥ || 102 ||

hṛdayastho hṛṣīkeśo govindo garbhavarjitaḥ |

sakalāgamapūjyaśca nigamo nigamāśrayaḥ || 103 ||

parāśaktiḥ parākīrtiḥ parāvṛttirnidhismṛtiḥ |

paravidyā parākṣāntirvibhaktiryuktasadgatiḥ || 104 ||

svaprakāśaḥ prakāśātmā parasaṃvedanātmakaḥ |

svasevyaḥ svavidāṃ svātmā svasaṃvedyo'naghaḥ kṣamī || 105 ||

svānusandhānaśīlātmā svānusandhānagocaraḥ |

svānusandhānaśūnyātmā svānusandhānakāśrayaḥ || 106 ||

svabodhadarpaṇo'bhaṅgaḥ kandarpakulanāśanaḥ |

brahmacārī brahmavettā brāhmaṇo brahmavittamaḥ || 107 ||

tattvabodhaḥ sudhāvarṣaḥ pāvanaḥ pāpapāvakaḥ |

brahmasūtravidheyātmā brahmasūtrārthanirṇayaḥ || 108 ||

ātyantiko mahākalpaḥ saṅkalpāvartanāśanaḥ |

ādhivyādhiharaścaiva saṃśayārṇavaśoṣakaḥ || 109 ||

tattvātmajñānasandeśo mahānubhavabhāvitaḥ |

ātmānubhavasampannaḥ svānubhāvasukhāśrayaḥ || 110 ||

acintyaśca bṛhadbhānuḥ pramadotkarṣanāśanaḥ |

aniketa praśāntātmā śūnyāvāso jagadvapuḥ || 111 ||

cidgatiścinmayaścakrī māyācakrapravartakaḥ |

sarvavarṇavidārambhī sarvārambhaparāyaṇaḥ || 112 ||

purāṇaḥ pravaro dātā sundaraḥ kanakāṅgadī |

anasūyātmajo dattaḥ sarvajñaḥ sarvakāmadaḥ || 113 ||

kāmajit kāmapālaśca kāmī kāmapradāgamaḥ |

kāmavān kāmapoṣaśca sarvakāmanivartakaḥ || 114 ||

sarvakarmaphalotpattiḥ sarvakāmaphalapradaḥ |

sarvakarmaphalaiḥ pūjyaḥ sarvakarmaphalāśrayaḥ || 115 ||

viśvakarmā kṛtātmā ca kṛtajñaḥ sarvasākṣikaḥ |

sarvārambhaparityāgī jaḍonmattapiśācavān || 116 ||

bhikṣurbhaikṣākaraścaiva bhaikṣāhārī nirāśramī |

akūlaścānukūlaśca vikalo hyakalastathā || 117 ||

jaṭilo vanacārī ca daṇḍī muṇḍī ca gaṇḍavān |

dehadharmavihīnātmā hyekākī saṅgavarjitaḥ || 118 ||

āśramyanāśramārambho'nācārī karmavarjitaḥ |

asandehī ca sandehī na kiñcinna ca kiñcanaḥ || 119 ||

nṛdehī dehaśūnyaśca nābhāvī bhāvanirgataḥ |

nābrahmā ca parabrahma svayameva nirākulaḥ || 120 ||

anaghaścāguruścaiva nāthanāthottamo guruḥ |

dvibhujaḥ prākṛtaścaiva janakaśca pitāmahaḥ || 121 ||

anātmā na ca nānātmā nītirnītimatāṃ varaḥ |

sahajaḥ sadṛśaḥ siddhaścaikaścinmātra eva ca || 122 ||

na kartāpi ca kartā ca bhoktā bhogavivarjitaḥ |

turīyasturīyātītaḥ svacchaḥ sarvamayastathā || 123 ||

sarvādhiṣṭhānarūpaśca sarvadhyeyavivarjitaḥ |

sarvalokanivāsātmā sakalottamavanditaḥ || 124 ||

dehabhṛddehakṛccaiva dehātmā dehabhāvanaḥ |

dehī dehavibhaktaśca dehabhāvaprakāśanaḥ || 125 ||

layastho layaviccaiva layābhāvaśca bodhavān |

layātīto layasyānto layabhāvanivāraṇaḥ || 126 ||

vimukhaḥ pramukhaścaiva pratyaṅmukhavadācarī |

viśvabhugviśvadhṛgviśvo viśvakṣemakarastathā || 127 ||

avikṣipto'pramādī ca parardhiḥ paramārthadṛk |

svānubhāvavihīnaśca svānubhāvaprakāśanaḥ || 128 ||

nirindriyaśca nirbuddhirnirābhāso nirākṛtaḥ |

nirahaṅkārarūpātmā nirvapuḥ sakalāśrayaḥ || 129 ||

śokaduḥkhaharaścaiva bhogamokṣaphalapradaḥ |

suprasannastathā sūkṣmaḥ śabdabrahmārthasaṅgrahaḥ || 130 ||

āgamāpāyaśūnyaśca sthānadaśca satāṅgatiḥ |

akṛtaḥ sukṛtaścaiva kṛtakarmā vinirvṛtaḥ || 131 ||

bhedatrayaharaścaiva dehatrayavinirgataḥ |

sarvakāmamayaścaiva sarvakāmanivartakaḥ || 132 ||

siddheśvaro'jaraḥ pañcabāṇadarpahutāśanaḥ |

caturakṣarabījātmā svabhūścitkīrtibhūṣaṇaḥ || 133 ||

agādhabuddhirakṣubdhaścandrasūryāgnilocanaḥ |

yamadaṃṣṭro'tisaṃhartā paramānandasāgaraḥ || 134 ||

līlāviśvambharo bhānurbhairavo bhīmalocanaḥ |

brahmacarmāmbaraḥ kālastvacalaścalanāntakaḥ || 135 ||

ādidevo jagadyonirvāsavārivimardanaḥ |

vikarmakarmakarmajño ananyagamako'gamaḥ || 136 ||

abaddhakarmaśūnyaśca kāmarāgakulakṣayaḥ |

yogāndhakāramathanaḥ padmajanmādivanditaḥ || 137 ||

bhaktakāmo'grajaścakrī bhāvanirbhāvabhāvakaḥ |

bhedāntako mahānagryo nigūho gocarāntakaḥ || 138 ||

kālāgniśamanaḥ śaṅkhacakrapadmagadādharaḥ |

dīpto dīnapatiḥ śāstā svacchando muktidāyakaḥ || 139 ||

vyomadharmāmbaro bhettā bhasmadhārī dharādharaḥ |

dharmagupto'nvayātmā ca vyatirekārthanirṇayaḥ || 140 ||

ekānekaguṇābhāsābhāsanirbhāsavarjitaḥ |

bhāvābhāvasvabhāvātmā bhāvābhāvavibhāvavit || 141 ||

yogihṛdayaviśrāmo'nantavidyāvivardhanaḥ |

vighnāntakastrikālajñastattvātmā jñānasāgaraḥ || 142 ||

itīdaṃ dattasāhasraṃ sāyaṃ prātaḥ paṭhettu yaḥ |

sa ihāmutra labhate nirvāṇaṃ paramaṃ sukham || 143 ||

guruvāre dattabhakto bhaktibhāvasamanvitaḥ |

paṭhet sadaiva yo hyetat sa labheccintitaṃ dhruvam || 144 ||

iti śrīmaddattātreyapurāṇe śrī dattātreya sahasranāma stotram |