📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী বটুক ভৈরব কবচং
Shri Batuka Bhairava Kavacham
Shiva Kavacham Bengali
শ্রীভৈরব উবাচ ।
দেবেশি দেহরক্ষার্থং কারণং কথ্যতাং ধ্রুবম্ ।
ম্রিযন্তে সাধকা যেন বিনা শ্মশানভূমিষু ॥
রণেষু চাতিঘোরেষু মহাবাযুজলেষু চ ।
শৃঙ্গিমকরবজ্রেষু জ্বরাদিব্যাধিবহ্নিষু ॥
শ্রীদেব্যুবাচ ।
কথযামি শৃণু প্রাজ্ঞ বটোস্তু কবচং শুভম্ ।
গোপনীযং প্রযত্নেন মাতৃজারোপমং যথা ॥
তস্য ধ্যানং ত্রিধা প্রোক্তং সাত্ত্বিকাদিপ্রভেদতঃ ।
সাত্ত্বিকং রাজসং চৈব তামসং দেব তত্ শৃণু ॥
ধ্যানম্ –
বন্দে বালং স্ফটিকসদৃশং কুণ্ডলোদ্ভাসিবক্ত্রং
দিব্যাকল্পৈর্নবমণিমযৈঃ কিঙ্কিণীনূপুরাদ্যৈঃ ।
দীপ্তাকারং বিশদবদনং সুপ্রসন্নং ত্রিনেত্রং
হস্তাব্জাভ্যাং বটুকমনিশং শূলখড্গৌদধানম্ ॥ 1 ॥
উদ্যদ্ভাস্করসন্নিভং ত্রিনযনং রক্তাঙ্গরাগস্রজং
স্মেরাস্যং বরদং কপালমভযং শূলং দধানং করৈঃ ।
নীলগ্রীবমুদারভূষণশতং শীতাংশুচূডোজ্জ্বলং
বন্ধূকারুণবাসসং ভযহরং দেবং সদা ভাবযে ॥ 2 ॥
ধ্যাযেন্নীলাদ্রিকান্তং শশিশকলধরং মুণ্ডমালং মহেশং
দিগ্বস্ত্রং পিঙ্গকেশং ডমরুমথ সৃণিং খড্গশূলাভযানি ।
নাগং ঘণ্টাং কপালং করসরসিরুহৈর্বিভ্রতং ভীমদংষ্ট্রং
সর্পাকল্পং ত্রিনেত্রং মণিমযবিলসত্কিঙ্কিণী নূপুরাঢ্যম্ ॥ 3 ॥
অস্য বটুকভৈরবকবচস্য মহাকাল ঋষিরনুষ্টুপ্ছন্দঃ শ্রীবটুকভৈরবো দেবতা বং বীজং হ্রীং শক্তিরাপদুদ্ধারণাযেতি কীলকং মম সর্বাভীষ্টসিদ্ধ্যর্থে বিনিযোগঃ ।
কবচম্ –
ওঁ শিরো মে ভৈরবঃ পাতু ললাটং ভীষণস্তথা ।
1
নেত্রে চ ভূতহননঃ সারমেযানুগো ভ্রুবৌ ॥ 1
ভূতনাথশ্চ মে কর্ণৌ কপোলৌ প্রেতবাহনঃ ।
2
নাসাপুটৌ তথোষ্ঠৌ চ ভস্মাঙ্গঃ সর্বভূষণঃ ॥ 2
ভীষণাস্যো মমাস্যং চ শক্তিহস্তো গলং মম ।
3
স্কন্ধৌ দৈত্যরিপুঃ পাতু বাহূ অতুলবিক্রমঃ ॥ 3
পাণী কপালী মে পাতু মুণ্ডমালাধরো হৃদম্ ।
4
বক্ষঃস্থলং তথা শান্তঃ কামচারী স্তনং মম ॥ 4
উদরং চ স মে তুষ্টঃ ক্ষেত্রেশঃ পার্শ্বতস্তথা ।
5
ক্ষেত্রপালঃ পৃষ্ঠদেশং ক্ষেত্রাখ্যো নাভিতস্তথা ॥ 5
কটিং পাপৌঘনাশশ্চ বটুকো লিঙ্গদেশকম্ ।
6
গুদং রক্ষাকরঃ পাতু ঊরূ রক্ষাকরঃ সদা ॥ 6
জানূ চ ঘুর্ঘুরারাবো জঙ্ঘে রক্ষতু রক্তপঃ ।
7
গুল্ফৌ চ পাদুকাসিদ্ধঃ পাদপৃষ্ঠং সুরেশ্বরঃ ॥ 7
আপাদমস্তকং চৈব আপদুদ্ধারণস্তথা ।
8
সহস্রারে মহাপদ্মে কর্পূরধবলো গুরুঃ ॥ 8
পাতু মাং বটুকো দেবো ভৈরবঃ সর্বকর্মসু ।
9
পূর্ব স্যামসিতাঙ্গো মে দিশি রক্ষতু সর্বদা ॥ 9
আগ্নেয্যাং চ রুরুঃ পাতু দক্ষিণে চণ্ডভৈরবঃ ।
10
নৈরৃত্যাং ক্রোধনঃ পাতু মামুন্মত্তস্তু পশ্চিমে ॥ 10
বাযব্যাং মে কপালী চ নিত্যং পাযাত্ সুরেশ্বরঃ ।
11
ভীষণো ভৈরবঃ পাতূত্তরস্যাং দিশি সর্বদা ॥ 11
সংহারভৈরবঃ পাতু দিশ্যৈশান্যাং মহেশ্বরঃ ।
12
ঊর্ধ্বে পাতু বিধাতা বৈ পাতালে নন্দিকো বিভুঃ ॥ 12
সদ্যোজাতস্তু মাং পাযাত্ সর্বতো দেবসেবিতঃ ।
13
বামদেবোঽবতু প্রীতো রণে ঘোরে তথাবতু ॥ 13
জলে তত্পুরুষঃ পাতু স্থলে পাতু গুরুঃ সদা ।
14
ডাকিনীপুত্রকঃ পাতু দারাংস্তু লাকিনীসুতঃ ॥ 14
পাতু সাকলকো ভ্রাতৄন্ শ্রিযং মে সততং গিরঃ ।
15
লাকিনীপুত্রকঃ পাতু পশূনশ্বানজাংস্তথা ॥ 15
মহাকালোঽবতু চ্ছত্রং সৈন্যং বৈ কালভৈরবঃ ।
16
রাজ্যং রাজ্যশ্রিযং পাযাত্ ভৈরবো ভীতিহারকঃ ॥ 16
রক্ষাহীনন্তু যত্ স্থানং বর্জিতং কবচেন চ ।
17
তত্ সর্বং রক্ষ মে দেব ত্বং যতঃ সর্বরক্ষকঃ ॥ 17
এতত্ কবচমীশান তব স্নেহাত্ প্রকাশিতম্ ।
18
নাখ্যেযং নরলোকেষু সারভূতং চ সুশ্রিযম্ ॥ 18
যস্মৈ কস্মৈ ন দাতব্যং কবচেশং সুদুর্লভম্ ।
19
ন দেযং পরশিষ্যেভ্যঃ কৃপণেভ্যশ্চ শঙ্কর ॥ 19
যো দদাতি নিষিদ্ধেভ্যঃ স বৈ ভ্রষ্টো ভবেদ্ধ্রুবম্ ।
20
অনেন কবচেশেন রক্ষাং কৃত্বা দ্বিজোত্তমঃ ॥ 20
বিচরন্ যত্র কুত্রাপি বিঘ্নৌঘৈঃ প্রাপ্যতে ন সঃ ।
21
মন্ত্রেণ ম্রিযতে যোগী কবচং যন্ন রক্ষিতঃ ॥ 21
তস্মাত্ সর্বপ্রযত্নেন দুর্লভং পাপচেতসাম্ ।
22
ভূর্জে রম্ভাত্বচে বাপি লিখিত্বা বিধিবত্ প্রভো ॥ 22
ধারযেত্ পাঠযেদ্বাপি সম্পঠেদ্বাপি নিত্যশঃ ।
23
সম্প্রাপ্নোতি প্রভাবং বৈ কবচস্যাস্য বর্ণিতম্ ॥ 23
নমো ভৈরবদেবায সারভূতায বৈ নমঃ ।
24
নমস্ত্রৈলোক্যনাথায নাথনাথায বৈ নমঃ ॥ 24
ইতি বিশ্বসারোদ্ধারতন্ত্রে আপদুদ্ধারকল্পে ভৈরবভৈরবীসংবাদে বটুকভৈরবকবচং সমাপ্তম্ ॥
Roman (IAST) Transliteration
śrībhairava uvāca |
deveśi deharakṣārthaṃ kāraṇaṃ kathyatāṃ dhruvam |
mriyante sādhakā yena vinā śmaśānabhūmiṣu ||
raṇeṣu cātighoreṣu mahāvāyujaleṣu ca |
śṛṅgimakaravajreṣu jvarādivyādhivahniṣu ||
śrīdevyuvāca |
kathayāmi śṛṇu prājña baṭostu kavacaṃ śubham |
gopanīyaṃ prayatnena mātṛjāropamaṃ yathā ||
tasya dhyānaṃ tridhā proktaṃ sāttvikādiprabhedataḥ |
sāttvikaṃ rājasaṃ caiva tāmasaṃ deva tat śṛṇu ||
dhyānam –
vande bālaṃ sphaṭikasadṛśaṃ kuṇḍalodbhāsivaktraṃ
divyākalpairnavamaṇimayaiḥ kiṅkiṇīnūpurādyaiḥ |
dīptākāraṃ viśadavadanaṃ suprasannaṃ trinetraṃ
hastābjābhyāṃ baṭukamaniśaṃ śūlakhaḍgaudadhānam || 1 ||
udyadbhāskarasannibhaṃ trinayanaṃ raktāṅgarāgasrajaṃ
smerāsyaṃ varadaṃ kapālamabhayaṃ śūlaṃ dadhānaṃ karaiḥ |
nīlagrīvamudārabhūṣaṇaśataṃ śītāṃśucūḍojjvalaṃ
bandhūkāruṇavāsasaṃ bhayaharaṃ devaṃ sadā bhāvaye || 2 ||
dhyāyennīlādrikāntaṃ śaśiśakaladharaṃ muṇḍamālaṃ maheśaṃ
digvastraṃ piṅgakeśaṃ ḍamarumatha sṛṇiṃ khaḍgaśūlābhayāni |
nāgaṃ ghaṇṭāṃ kapālaṃ karasarasiruhairvibhrataṃ bhīmadaṃṣṭraṃ
sarpākalpaṃ trinetraṃ maṇimayavilasatkiṅkiṇī nūpurāḍhyam || 3 ||
asya vaṭukabhairavakavacasya mahākāla ṛṣiranuṣṭupchandaḥ śrīvaṭukabhairavo devatā baṃ bījaṃ hrīṃ śaktirāpaduddhāraṇāyeti kīlakaṃ mama sarvābhīṣṭasiddhyarthe viniyogaḥ |
kavacam –
oṃ śiro me bhairavaḥ pātu lalāṭaṃ bhīṣaṇastathā |
netre ca bhūtahananaḥ sārameyānugo bhruvau || 1
bhūtanāthaśca me karṇau kapolau pretavāhanaḥ |
nāsāpuṭau tathoṣṭhau ca bhasmāṅgaḥ sarvabhūṣaṇaḥ || 2
bhīṣaṇāsyo mamāsyaṃ ca śaktihasto galaṃ mama |
skandhau daityaripuḥ pātu bāhū atulavikramaḥ || 3
pāṇī kapālī me pātu muṇḍamālādharo hṛdam |
vakṣaḥsthalaṃ tathā śāntaḥ kāmacārī stanaṃ mama || 4
udaraṃ ca sa me tuṣṭaḥ kṣetreśaḥ pārśvatastathā |
kṣetrapālaḥ pṛṣṭhadeśaṃ kṣetrākhyo nābhitastathā || 5
kaṭiṃ pāpaughanāśaśca baṭuko liṅgadeśakam |
gudaṃ rakṣākaraḥ pātu ūrū rakṣākaraḥ sadā || 6
jānū ca ghurghurārāvo jaṅghe rakṣatu raktapaḥ |
gulphau ca pādukāsiddhaḥ pādapṛṣṭhaṃ sureśvaraḥ || 7
āpādamastakaṃ caiva āpaduddhāraṇastathā |
sahasrāre mahāpadme karpūradhavalo guruḥ || 8
pātu māṃ vaṭuko devo bhairavaḥ sarvakarmasu |
pūrva syāmasitāṅgo me diśi rakṣatu sarvadā || 9
āgneyyāṃ ca ruruḥ pātu dakṣiṇe caṇḍabhairavaḥ |
nairṛtyāṃ krodhanaḥ pātu māmunmattastu paścime || 10
vāyavyāṃ me kapālī ca nityaṃ pāyāt sureśvaraḥ |
bhīṣaṇo bhairavaḥ pātūttarasyāṃ diśi sarvadā || 11
saṃhārabhairavaḥ pātu diśyaiśānyāṃ maheśvaraḥ |
ūrdhve pātu vidhātā vai pātāle nandiko vibhuḥ || 12
sadyojātastu māṃ pāyāt sarvato devasevitaḥ |
vāmadevo'vatu prīto raṇe ghore tathāvatu || 13
jale tatpuruṣaḥ pātu sthale pātu guruḥ sadā |
ḍākinīputrakaḥ pātu dārāṃstu lākinīsutaḥ || 14
pātu sākalako bhrātṝn śriyaṃ me satataṃ giraḥ |
lākinīputrakaḥ pātu paśūnaśvānajāṃstathā || 15
mahākālo'vatu cchatraṃ sainyaṃ vai kālabhairavaḥ |
rājyaṃ rājyaśriyaṃ pāyāt bhairavo bhītihārakaḥ || 16
rakṣāhīnantu yat sthānaṃ varjitaṃ kavacena ca |
tat sarvaṃ rakṣa me deva tvaṃ yataḥ sarvarakṣakaḥ || 17
etat kavacamīśāna tava snehāt prakāśitam |
nākhyeyaṃ naralokeṣu sārabhūtaṃ ca suśriyam || 18
yasmai kasmai na dātavyaṃ kavaceśaṃ sudurlabham |
na deyaṃ paraśiṣyebhyaḥ kṛpaṇebhyaśca śaṅkara || 19
yo dadāti niṣiddhebhyaḥ sa vai bhraṣṭo bhaveddhruvam |
anena kavaceśena rakṣāṃ kṛtvā dvijottamaḥ || 20
vicaran yatra kutrāpi vighnaughaiḥ prāpyate na saḥ |
mantreṇa mriyate yogī kavacaṃ yanna rakṣitaḥ || 21
tasmāt sarvaprayatnena durlabhaṃ pāpacetasām |
bhūrje rambhātvace vāpi likhitvā vidhivat prabho || 22
dhārayet pāṭhayedvāpi sampaṭhedvāpi nityaśaḥ |
samprāpnoti prabhāvaṃ vai kavacasyāsya varṇitam || 23
namo bhairavadevāya sārabhūtāya vai namaḥ |
namastrailokyanāthāya nāthanāthāya vai namaḥ || 24
iti viśvasāroddhāratantre āpaduddhārakalpe bhairavabhairavīsaṃvāde vaṭukabhairavakavacaṃ samāptam ||
InfoLyter.in — Sacred Vedic Knowledge Portal · Free forever