📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
সরস্বতী সূক্তম্ (ঋগ্বেদ)
Sarasvati Suktam (rigveda)
Saraswati Suktam Vedic Bengali
-(ঋ.বে.6.61)
ই॒যম্॑দদাদ্রভ॒সমৃ॑ণ॒চ্যুত॒-ন্দিবো᳚দাসং-বঁদ্র্য॒শ্বায॑ দা॒শুষে᳚ ।
যা শশ্ব᳚ন্তমাচ॒খশদা᳚ব॒স-ম্প॒ণি-ন্তা তে᳚ দা॒ত্রাণি॑ তবি॒ষা স॑রস্বতি ॥ 1 ॥
ই॒যং শুষ্মে᳚ভির্বিস॒খা ই॑বারুজ॒ত্সানু॑ গিরী॒ণা-ন্ত॑বি॒ষেভি॑রূ॒র্মিভিঃ॑ ।
পা॒রা॒ব॒ত॒ঘ্নীমব॑সে সুবৃ॒ক্তিভি॑স্সর॑স্বতী॒ মা বি॑বাসেম ধী॒তিভিঃ॑ ॥ 2 ॥
সর॑স্বতি দেব॒নিদো॒ নি ব॑র্​হয প্র॒জাং-বিঁশ্ব॑স্য॒ বৃস॑যস্য মা॒যিনঃ॑ ।
উ॒ত ক্ষি॒তিভ্যো॒-ঽবনী᳚রবিন্দো বি॒ষমে᳚ভ্যো অস্রবো বাজিনীবতি ॥ 3 ॥
প্রণো᳚ দে॒বী সর॑স্বতী॒ বাজে᳚ভির্বা॒জিনী᳚বতী ।
ধী॒নাম॑বি॒ত্র্য॑বতু ॥ 4 ॥
যস্ত্বা᳚ দেবি সরস্বত্যুপব্রূ॒তে ধনে᳚ হি॒তে ।
ইন্দ্র॒-ন্ন বৃ॑ত্র॒তূর্যে᳚ ॥ 5 ॥
ত্ব-ন্দে᳚বি সরস্ব॒ত্যবা॒ বাজে᳚ষু বাজিনি ।
রদা᳚ পূ॒ষেব॑ ন-স্স॒নিম্ ॥ 6 ॥
উ॒ত স্যা ন॒-স্সর॑স্বতী ঘো॒রা হির᳚ণ্যবর্তনিঃ ।
বৃ॒ত্র॒ঘ্নী ব॑ষ্টি সুষ্টু॒তিম্ ॥ 7 ॥
যস্যা᳚ অন॒ন্তো অহ্রু॑তস্ত্বে॒ষশ্চ॑রি॒ষ্ণুর᳚র্ণ॒বঃ ।
অম॒শ্চর॑তি॒ রোরু॑বত্ ॥ 8 ॥
সা নো॒ বিশ্বা॒ অতি॒ দ্বিষ॒-স্স্বসৄ᳚র॒ন্যা ঋ॒তাব॑রী ।
অত॒ন্নহে᳚ব॒ সূর্যঃ॑ ॥ 9 ॥
উ॒ত নঃ॑ প্রি॒যা প্রি॒যাসু॑ স॒প্তস্ব॑সা॒ সুজু॑ষ্টা ।
সর॑স্বতী॒ স্তোম্যা᳚ ভূত্ ॥ 10 ॥
আ॒প॒প্রুষী॒ পার্থি॑বান্যু॒রু রজো᳚ অ॒ন্তরি॑ক্ষম্ ।
সর॑স্বতী নি॒দস্পা᳚তু ॥ 11 ॥
ত্রি॒ষ॒ধস্থা᳚ স॒প্তধা᳚তুঃ॒ পঞ্চ॑ জা॒তা ব॒র্ধয᳚ন্তী ।
বাজে᳚বাজে॒ হব্যা᳚ ভূত্ ॥ 12 ॥
প্র যা ম॑হি॒ম্না ম॒হিনা᳚সু॒ চেকি॑তে দ্যু॒ম্নেভি॑র॒ন্যা অ॒পসা᳚ম॒পস্ত॑মা ।
রথ॑ ইব বৃহ॒তী বি॒ভ্বনে᳚ কৃ॒তোপ॒স্তুত্যা᳚ চিকি॒তুষা॒ সর॑স্বতী ॥ 13 ॥
সর॑স্বত্য॒ভি নো᳚ নেষি॒ বস্যো॒ মাপ॑ স্ফরীঃ॒ পয॑সা॒ মা ন॒ আ ধ॑ক্ ।
জু॒ষস্ব॑ ন-স্স॒খ্যা বে॒শ্যা᳚ চ॒ মা ত্ব-ত্ক্ষেত্রা॒ণ্যর॑ণানি গন্ম ॥ 14 ॥
–(ঋ.বে.7.95)
প্র ক্ষোদ॑সা॒ ধায॑সা সস্র এ॒ষা সর॑স্বতী ধ॒রুণ॒মায॑সী॒ পূঃ ।
প্র॒বাব॑ধানা র॒থ্যে᳚ব যাতি॒ বিশ্বা᳚ অ॒পো ম॑হি॒না সিন্ধু॑র॒ন্যাঃ ॥ 15 ॥
একা᳚চেত॒ত্সর॑স্বতী ন॒দীনাং॒ শুচি᳚র্য॒তী গি॒রিভ্য॒ আ স॑মু॒দ্রাত্ ।
রা॒যশ্চেত᳚ন্তী॒ ভুব॑নস্য॒ ভূরে᳚র্ঘৃ॒ত-ম্পযো᳚ দুদুহে॒ নাহু॑ষায ॥ 16 ॥
স বা᳚বৃধে॒ নর্যো॒ যোষ॑ণাসু॒ বৃষা॒ শিশু᳚র্বৃষ॒ভো য॒জ্ঞিযা᳚সু ।
স বা॒জিন᳚-ম্ম॒ঘব॑দ্ভ্যো দধাতি॒ বি সা॒তযে᳚ ত॒ন্ব᳚-ম্মামৃজীত ॥ 17 ॥
উ॒ত স্যা ন॒-স্সর॑স্বতী জুষা॒ণোপ॑ শ্রবত্সু॒ভগা᳚ য॒জ্ঞে অ॒স্মিন্ন্ ।
মি॒তজ্ঞু॑ভির্নম॒স্যৈ᳚রিযা॒না রা॒যা যু॒জা চি॒দুত্ত॑রা॒ সখি॑ভ্যঃ ॥ 18 ॥
ই॒মা জুহ্বা᳚না যু॒ষ্মদা নমো᳚ভিঃ॒ প্রতি॒ স্তোমং᳚ সরস্বতি জুষস্ব ।
তব॒ শর্ম᳚ন্প্রি॒যত॑মে॒ দধা᳚না॒ উপ॑ স্থেযাম শর॒ণ-ন্ন বৃ॒ক্ষম্ ॥ 19 ॥
অ॒যমু॑ তে সরস্বতি॒ বসি॑ষ্ঠো॒ দ্বারা᳚বৃ॒তস্য॑ সুভগে॒ ব্যা᳚বঃ ।
বর্ধ॑ শুভ্রে স্তুব॒তে রা᳚সি॒ বাজা॑ন্যূ॒য-ম্পা᳚ত স্ব॒স্তিভি॒-স্সদা᳚ নঃ ॥ 20 ॥
(ঋ.বে.7.96)
বৃ॒হদু॑ গাযিষে॒ বচো᳚-ঽসু॒র্যা᳚ ন॒দীনা᳚ম্ ।
সর॑স্বতী॒মিন্ম॑হযা সুবৃ॒ক্তিভি॒স্স্তোমৈ᳚র্বসিষ্ঠ॒ রোদ॑সী ॥ 21 ॥
উ॒ভে যত্তে᳚ মহি॒না শু॑ভ্রে॒ অন্ধ॑সী অধিক্ষি॒যন্তি॑ পূ॒রবঃ॑ ।
সা নো᳚ বোধ্যবি॒ত্রী ম॒রুত্স॑খা॒ চোদ॒ রাধো᳚ ম॒ঘোনা᳚ম্ ॥ 22 ॥
ভ॒দ্রমিদ্ভ॒দ্রা কৃ॑ণব॒ত্সর॑স্ব॒ত্যক॑বারী চেততি বা॒জিনী᳚বতী ।
গৃ॒ণা॒না জ॑মদগ্নি॒বত্স্তু॑বা॒না চ॑ বসিষ্ঠ॒বত্ ॥ 23 ॥
জ॒নী॒যন্তো॒ ন্বগ্র॑বঃ পুত্রী॒যন্তঃ॑ সু॒দান॑বঃ ।
সর॑স্বন্তং হবামহে ॥ 24 ॥
যে তে᳚ সরস্ব ঊ॒র্মযো॒ মধু॑মন্তো ঘৃত॒শ্চুতঃ॑ ।
তেভি᳚র্নো-ঽবি॒তা ভ॒ব ॥ 25 ॥
পী॒পি॒বাংসং॒ সর॑স্বত॒-স্স্তনং॒-যোঁ বি॒শ্বদ॑র্​শতঃ ।
ভ॒ক্ষী॒মহি॑ প্র॒জামিষম্᳚ ॥ 26 ॥
(ঋ.বে.2.41.16)
অম্বি॑তমে॒ নদী᳚তমে॒ দেবি॑তমে॒ সর॑স্বতি ।
অ॒প্র॒শ॒স্তা ই॑ব স্মসি॒ প্রশ॑স্তিমম্ব নস্কৃধি ॥ 27 ॥
ত্বে বিশ্বা᳚ সরস্বতি শ্রি॒তাযূং᳚ষি দে॒ব্যাম্ ।
শু॒নহো᳚ত্রেষু মত্স্ব প্র॒জা-ন্দে᳚বি দিদিড্ঢি নঃ ॥ 28 ॥
ই॒মা ব্রহ্ম॑ সরস্বতি জু॒ষস্ব॑ বাজিনীবতি ।
যা তে॒ মন্ম॑ গৃত্সম॒দা ঋ॑তাবরি প্রি॒যা দে॒বেষু॒ জুহ্ব॑তি ॥ 29 ॥
(ঋ.বে.1.3.10)
পা॒ব॒কা ন॒-স্সর॑স্বতী॒ বাজে᳚ভির্বা॒জিনী᳚বতী ।
য॒জ্ঞং-বঁ॑ষ্টু ধি॒যাব॑সুঃ ॥ 30 ॥
চো॒দ॒যি॒ত্রী সূ॒নৃতা᳚না॒-ঞ্চেত᳚ন্তী সুমতী॒নাম্ ।
য॒জ্ঞ-ন্দ॑ধে॒ সর॑স্বতী ॥ 31 ॥
ম॒হো অর্ণ॒-স্সর॑স্বতী॒ প্র চে᳚তযতি কে॒তুনা᳚ ।
ধিযো॒ বিশ্বা॒ বি রা᳚জতি ॥ 32 ॥
(ঋ.বে.10.17.7)
সর॑স্বতী-ন্দেব॒যন্তো᳚ হবন্তে॒ সর॑স্বতীমধ্ব॒রে তা॒যমা᳚নে ।
সর॑স্বতীং সু॒কৃতো᳚ অহ্বযন্ত॒ সর॑স্বতী দা॒শুষে॒ বার্য᳚-ন্দাত্ ॥ 33 ॥
সর॑স্বতি॒ যা স॒রথং᳚-যঁ॒যাথ॑ স্ব॒ধাভি॑র্দেবি পি॒তৃভি॒র্মদ᳚ন্তী ।
আ॒সদ্যা॒স্মিন্ব॒র্​হিষি॑ মাদযস্বানমী॒বা ইষ॒ আ ধে᳚হ্য॒স্মে ॥ 34 ॥
সর॑স্বতীং॒-যাঁ-ম্পি॒তরো॒ হব᳚ন্তে দক্ষি॒ণা য॒জ্ঞম॑ভি॒নক্ষ॑মাণাঃ ।
স॒হ॒স্রা॒র্ঘমি॒লো অত্র॑ ভা॒গং রা॒যস্পোষং॒-যঁজ॑মানেষু ধেহি ॥ 35 ॥
(ঋ.বে.5.43.11)
আ নো᳚ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ᳚ন্তু য॒জ্ঞম্ ।
হব᳚-ন্দে॒বী জু॑জুষা॒ণা ঘৃ॒তাচী᳚ শ॒গ্মা-ন্নো॒ বাচ॑মুশ॒তী শৃ॑ণোতু ॥ 36 ॥
(ঋ.বে.2.32.4)
রা॒কাম॒হং সু॒হবাং᳚ সুষ্টু॒তী হু॑বে শৃ॒ণোতু॑ ন-স্সু॒ভগা॒ বোধ॑তু॒ ত্মনা᳚ ।
সীব্য॒ত্বপঃ॑ সূ॒চ্যাচ্ছি॑দ্যমানযা॒ দদা᳚তু বী॒রং শ॒তদা᳚যমু॒ক্থ্যম্᳚ ॥ 37 ॥
যাস্তে᳚ রাকে সুম॒তযঃ॑ সু॒পেশ॑সো॒ যাভি॒র্দদা᳚সি দা॒শুষে॒ বসূ᳚নি ।
তাভি᳚র্নো অ॒দ্য সু॒মনা᳚ উ॒পাগ॑হি সহস্রপো॒ষং সু॑ভগে॒ ররা᳚ণা ॥ 38 ॥
সিনী᳚বালি॒ পৃথু॑ষ্টুকে॒ যা দে॒বানা॒মসি॒ স্বসা᳚ ।
জু॒ষস্ব॑ হ॒ব্যমাহু॑ত-ম্প্র॒জা-ন্দে᳚বি দিদিড্ঢি নঃ ॥ 39 ॥
যা সু॑বা॒হু-স্স্ব᳚ঙ্গু॒রি-স্সু॒ষূমা᳚ বহু॒সূব॑রী ।
তস্যৈ᳚ বি॒শ্পত্ন্যৈ᳚ হ॒বি-স্সি॑নীবা॒ল্যৈ জু॑হোতন ॥ 40 ॥
যা গু॒ঙ্গূর্যা সি॑নীবা॒লী যা রা॒কা যা সর॑স্বতী ।
ই॒ন্দ্রা॒ণীম॑হ্ব ঊ॒তযে᳚ বরুণা॒নীং স্ব॒স্তযে᳚ ॥ 41 ॥
ওঁ শান্তি॒-শ্শান্তি॒-শ্শান্তিঃ॑ ॥
Roman (IAST) Transliteration
-(ṛ.ve.6.61)
i॒yam̭dadādrabha॒samṛ̭ṇa॒cyuta॒-ndivo᳚dāsaṃ-va~drya॒śvāya̭ dā॒śuṣe᳚ |
yā śaśva᳚ntamāca॒khaśadā᳚va॒sa-mpa॒ṇi-ntā te᳚ dā॒trāṇi̭ tavi॒ṣā sa̭rasvati || 1 ||
i॒yaṃ śuṣme᳚bhirbisa॒khā i̭vāruja॒tsānṷ girī॒ṇā-nta̭vi॒ṣebhi̭rū॒rmibhiḥ̭ |
pā॒rā॒va॒ta॒ghnīmava̭se suvṛ॒ktibhi̭ssara̭svatī॒ mā vi̭vāsema dhī॒tibhiḥ̭ || 2 ||
sara̭svati deva॒nido॒ ni ba̭r​haya pra॒jāṃ-vi~śva̭sya॒ bṛsa̭yasya mā॒yinaḥ̭ |
u॒ta kṣi॒tibhyo॒-'vanī᳚ravindo vi॒ṣame᳚bhyo asravo vājinīvati || 3 ||
praṇo᳚ de॒vī sara̭svatī॒ vāje᳚bhirvā॒jinī᳚vatī |
dhī॒nāma̭vi॒trya̭vatu || 4 ||
yastvā᳚ devi sarasvatyupabrū॒te dhane᳚ hi॒te |
indra॒-nna vṛ̭tra॒tūrye᳚ || 5 ||
tva-nde᳚vi sarasva॒tyavā॒ vāje᳚ṣu vājini |
radā᳚ pū॒ṣeva̭ na-ssa॒nim || 6 ||
u॒ta syā na॒-ssara̭svatī gho॒rā hira᳚ṇyavartaniḥ |
vṛ॒tra॒ghnī va̭ṣṭi suṣṭu॒tim || 7 ||
yasyā᳚ ana॒nto ahrṷtastve॒ṣaśca̭ri॒ṣṇura᳚rṇa॒vaḥ |
ama॒ścara̭ti॒ rorṷvat || 8 ||
sā no॒ viśvā॒ ati॒ dviṣa॒-ssvasṝ᳚ra॒nyā ṛ॒tāva̭rī |
ata॒nnahe᳚va॒ sūryaḥ̭ || 9 ||
u॒ta naḥ̭ pri॒yā pri॒yāsṷ sa॒ptasva̭sā॒ sujṷṣṭā |
sara̭svatī॒ stomyā᳚ bhūt || 10 ||
ā॒pa॒pruṣī॒ pārthi̭vānyu॒ru rajo᳚ a॒ntari̭kṣam |
sara̭svatī ni॒daspā᳚tu || 11 ||
tri॒ṣa॒dhasthā᳚ sa॒ptadhā᳚tuḥ॒ pañca̭ jā॒tā va॒rdhaya᳚ntī |
vāje᳚vāje॒ havyā᳚ bhūt || 12 ||
pra yā ma̭hi॒mnā ma॒hinā᳚su॒ ceki̭te dyu॒mnebhi̭ra॒nyā a॒pasā᳚ma॒pasta̭mā |
ratha̭ iva bṛha॒tī vi॒bhvane᳚ kṛ॒topa॒stutyā᳚ ciki॒tuṣā॒ sara̭svatī || 13 ||
sara̭svatya॒bhi no᳚ neṣi॒ vasyo॒ māpa̭ spharīḥ॒ paya̭sā॒ mā na॒ ā dha̭k |
ju॒ṣasva̭ na-ssa॒khyā ve॒śyā᳚ ca॒ mā tva-tkṣetrā॒ṇyara̭ṇāni ganma || 14 ||
–(ṛ.ve.7.95)
pra kṣoda̭sā॒ dhāya̭sā sasra e॒ṣā sara̭svatī dha॒ruṇa॒māya̭sī॒ pūḥ |
pra॒bāba̭dhānā ra॒thye᳚va yāti॒ viśvā᳚ a॒po ma̭hi॒nā sindhṷra॒nyāḥ || 15 ||
ekā᳚ceta॒tsara̭svatī na॒dīnāṃ॒ śuci᳚rya॒tī gi॒ribhya॒ ā sa̭mu॒drāt |
rā॒yaśceta᳚ntī॒ bhuva̭nasya॒ bhūre᳚rghṛ॒ta-mpayo᳚ duduhe॒ nāhṷṣāya || 16 ||
sa vā᳚vṛdhe॒ naryo॒ yoṣa̭ṇāsu॒ vṛṣā॒ śiśu᳚rvṛṣa॒bho ya॒jñiyā᳚su |
sa vā॒jina᳚-mma॒ghava̭dbhyo dadhāti॒ vi sā॒taye᳚ ta॒nva᳚-mmāmṛjīta || 17 ||
u॒ta syā na॒-ssara̭svatī juṣā॒ṇopa̭ śravatsu॒bhagā᳚ ya॒jñe a॒sminn |
mi॒tajñṷbhirnama॒syai᳚riyā॒nā rā॒yā yu॒jā ci॒dutta̭rā॒ sakhi̭bhyaḥ || 18 ||
i॒mā juhvā᳚nā yu॒ṣmadā namo᳚bhiḥ॒ prati॒ stomaṃ᳚ sarasvati juṣasva |
tava॒ śarma᳚npri॒yata̭me॒ dadhā᳚nā॒ upa̭ stheyāma śara॒ṇa-nna vṛ॒kṣam || 19 ||
a॒yamṷ te sarasvati॒ vasi̭ṣṭho॒ dvārā᳚vṛ॒tasya̭ subhage॒ vyā᳚vaḥ |
vardha̭ śubhre stuva॒te rā᳚si॒ vājā̭nyū॒ya-mpā᳚ta sva॒stibhi॒-ssadā᳚ naḥ || 20 ||
(ṛ.ve.7.96)
bṛ॒hadṷ gāyiṣe॒ vaco᳚-'su॒ryā᳚ na॒dīnā᳚m |
sara̭svatī॒minma̭hayā suvṛ॒ktibhi॒sstomai᳚rvasiṣṭha॒ roda̭sī || 21 ||
u॒bhe yatte᳚ mahi॒nā śṷbhre॒ andha̭sī adhikṣi॒yanti̭ pū॒ravaḥ̭ |
sā no᳚ bodhyavi॒trī ma॒rutsa̭khā॒ coda॒ rādho᳚ ma॒ghonā᳚m || 22 ||
bha॒dramidbha॒drā kṛ̭ṇava॒tsara̭sva॒tyaka̭vārī cetati vā॒jinī᳚vatī |
gṛ॒ṇā॒nā ja̭madagni॒vatstṷvā॒nā ca̭ vasiṣṭha॒vat || 23 ||
ja॒nī॒yanto॒ nvagra̭vaḥ putrī॒yantaḥ̭ su॒dāna̭vaḥ |
sara̭svantaṃ havāmahe || 24 ||
ye te᳚ sarasva ū॒rmayo॒ madhṷmanto ghṛta॒ścutaḥ̭ |
tebhi᳚rno-'vi॒tā bha॒va || 25 ||
pī॒pi॒vāṃsaṃ॒ sara̭svata॒-sstanaṃ॒-yo~ vi॒śvada̭r​śataḥ |
bha॒kṣī॒mahi̭ pra॒jāmiṣam᳚ || 26 ||
(ṛ.ve.2.41.16)
ambi̭tame॒ nadī᳚tame॒ devi̭tame॒ sara̭svati |
a॒pra॒śa॒stā i̭va smasi॒ praśa̭stimamba naskṛdhi || 27 ||
tve viśvā᳚ sarasvati śri॒tāyūṃ᳚ṣi de॒vyām |
śu॒naho᳚treṣu matsva pra॒jā-nde᳚vi didiḍḍhi naḥ || 28 ||
i॒mā brahma̭ sarasvati ju॒ṣasva̭ vājinīvati |
yā te॒ manma̭ gṛtsama॒dā ṛ̭tāvari pri॒yā de॒veṣu॒ juhva̭ti || 29 ||
(ṛ.ve.1.3.10)
pā॒va॒kā na॒-ssara̭svatī॒ vāje᳚bhirvā॒jinī᳚vatī |
ya॒jñaṃ-va~̭ṣṭu dhi॒yāva̭suḥ || 30 ||
co॒da॒yi॒trī sū॒nṛtā᳚nā॒-ñceta᳚ntī sumatī॒nām |
ya॒jña-nda̭dhe॒ sara̭svatī || 31 ||
ma॒ho arṇa॒-ssara̭svatī॒ pra ce᳚tayati ke॒tunā᳚ |
dhiyo॒ viśvā॒ vi rā᳚jati || 32 ||
(ṛ.ve.10.17.7)
sara̭svatī-ndeva॒yanto᳚ havante॒ sara̭svatīmadhva॒re tā॒yamā᳚ne |
sara̭svatīṃ su॒kṛto᳚ ahvayanta॒ sara̭svatī dā॒śuṣe॒ vārya᳚-ndāt || 33 ||
sara̭svati॒ yā sa॒rathaṃ᳚-ya~॒yātha̭ sva॒dhābhi̭rdevi pi॒tṛbhi॒rmada᳚ntī |
ā॒sadyā॒sminba॒r​hiṣi̭ mādayasvānamī॒vā iṣa॒ ā dhe᳚hya॒sme || 34 ||
sara̭svatīṃ॒-yā~-mpi॒taro॒ hava᳚nte dakṣi॒ṇā ya॒jñama̭bhi॒nakṣa̭māṇāḥ |
sa॒ha॒srā॒rghami॒lo atra̭ bhā॒gaṃ rā॒yaspoṣaṃ॒-ya~ja̭māneṣu dhehi || 35 ||
(ṛ.ve.5.43.11)
ā no᳚ di॒vo bṛ̭ha॒taḥ parva̭tā॒dā sara̭svatī yaja॒tā ga᳚ntu ya॒jñam |
hava᳚-nde॒vī jṷjuṣā॒ṇā ghṛ॒tācī᳚ śa॒gmā-nno॒ vāca̭muśa॒tī śṛ̭ṇotu || 36 ||
(ṛ.ve.2.32.4)
rā॒kāma॒haṃ su॒havāṃ᳚ suṣṭu॒tī hṷve śṛ॒ṇotṷ na-ssu॒bhagā॒ bodha̭tu॒ tmanā᳚ |
sīvya॒tvapaḥ̭ sū॒cyācchi̭dyamānayā॒ dadā᳚tu vī॒raṃ śa॒tadā᳚yamu॒kthyam᳚ || 37 ||
yāste᳚ rāke suma॒tayaḥ̭ su॒peśa̭so॒ yābhi॒rdadā᳚si dā॒śuṣe॒ vasū᳚ni |
tābhi᳚rno a॒dya su॒manā᳚ u॒pāga̭hi sahasrapo॒ṣaṃ sṷbhage॒ rarā᳚ṇā || 38 ||
sinī᳚vāli॒ pṛthṷṣṭuke॒ yā de॒vānā॒masi॒ svasā᳚ |
ju॒ṣasva̭ ha॒vyamāhṷta-mpra॒jā-nde᳚vi didiḍḍhi naḥ || 39 ||
yā sṷbā॒hu-ssva᳚ṅgu॒ri-ssu॒ṣūmā᳚ bahu॒sūva̭rī |
tasyai᳚ vi॒śpatnyai᳚ ha॒vi-ssi̭nīvā॒lyai jṷhotana || 40 ||
yā gu॒ṅgūryā si̭nīvā॒lī yā rā॒kā yā sara̭svatī |
i॒ndrā॒ṇīma̭hva ū॒taye᳚ varuṇā॒nīṃ sva॒staye᳚ || 41 ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever