📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ঋণ বিমোচন গণপতি স্তোত্রম্
Rina Vimochana Ganapati Stotram
Ganesha Stotram Bengali
স্মরামি দেবদেবেশং বক্রতুণ্ডং মহাবলম্ ।
ষডক্ষরং কৃপাসিন্ধুং নমামি ঋণমুক্তযে ॥ 1 ॥
একাক্ষরং হ্যেকদন্তং একং ব্রহ্ম সনাতনম্ ।
একমেবাদ্বিতীযং চ নমামি ঋণমুক্তযে ॥ 2 ॥
মহাগণপতিং দেবং মহাসত্ত্বং মহাবলম্ ।
মহাবিঘ্নহরং শম্ভোঃ নমামি ঋণমুক্তযে ॥ 3 ॥
কৃষ্ণাম্বরং কৃষ্ণবর্ণং কৃষ্ণগন্ধানুলেপনম্ ।
কৃষ্ণসর্পোপবীতং চ নমামি ঋণমুক্তযে ॥ 4 ॥
রক্তাম্বরং রক্তবর্ণং রক্তগন্ধানুলেপনম্ ।
রক্তপুষ্পপ্রিযং দেবং নমামি ঋণমুক্তযে ॥ 5 ॥
পীতাম্বরং পীতবর্ণং পীতগন্ধানুলেপনম্ ।
পীতপুষ্পপ্রিযং দেবং নমামি ঋণমুক্তযে ॥ 6 ॥
ধূম্রাম্বরং ধূম্রবর্ণং ধূম্রগন্ধানুলেপনম্ ।
হোমধূমপ্রিযং দেবং নমামি ঋণমুক্তযে ॥ 7 ॥
ফালনেত্রং ফালচন্দ্রং পাশাঙ্কুশধরং বিভুম্ ।
চামরালঙ্কৃতং দেবং নমামি ঋণমুক্তযে ॥ 8 ॥
ইদং ত্বৃণহরং স্তোত্রং সন্ধ্যাযাং যঃ পঠেন্নরঃ ।
ষণ্মাসাভ্যন্তরেণৈব ঋণমুক্তো ভবিষ্যতি ॥ 9 ॥
ইতি ঋণবিমোচন মহাগণপতি স্তোত্রম্ ।
Roman (IAST) Transliteration
smarāmi devadeveśaṃ vakratuṇḍaṃ mahābalam |
ṣaḍakṣaraṃ kṛpāsindhuṃ namāmi ṛṇamuktaye || 1 ||
ekākṣaraṃ hyekadantaṃ ekaṃ brahma sanātanam |
ekamevādvitīyaṃ ca namāmi ṛṇamuktaye || 2 ||
mahāgaṇapatiṃ devaṃ mahāsattvaṃ mahābalam |
mahāvighnaharaṃ śambhoḥ namāmi ṛṇamuktaye || 3 ||
kṛṣṇāmbaraṃ kṛṣṇavarṇaṃ kṛṣṇagandhānulepanam |
kṛṣṇasarpopavītaṃ ca namāmi ṛṇamuktaye || 4 ||
raktāmbaraṃ raktavarṇaṃ raktagandhānulepanam |
raktapuṣpapriyaṃ devaṃ namāmi ṛṇamuktaye || 5 ||
pītāmbaraṃ pītavarṇaṃ pītagandhānulepanam |
pītapuṣpapriyaṃ devaṃ namāmi ṛṇamuktaye || 6 ||
dhūmrāmbaraṃ dhūmravarṇaṃ dhūmragandhānulepanam |
homadhūmapriyaṃ devaṃ namāmi ṛṇamuktaye || 7 ||
phālanetraṃ phālacandraṃ pāśāṅkuśadharaṃ vibhum |
cāmarālaṅkṛtaṃ devaṃ namāmi ṛṇamuktaye || 8 ||
idaṃ tvṛṇaharaṃ stotraṃ sandhyāyāṃ yaḥ paṭhennaraḥ |
ṣaṇmāsābhyantareṇaiva ṛṇamukto bhaviṣyati || 9 ||
iti ṛṇavimocana mahāgaṇapati stotram |
InfoLyter.in — Sacred Vedic Knowledge Portal · Free forever