Narayaniyam Dashaka 64 - Govindapattabhishekam

ॐ

নারাযণীযং দশক 64 - গোবিন্দপট্টাভিষেকম্

Vishnu Bengali

আলোক্য শৈলোদ্ধরণাদিরূপং প্রভাবমুচ্চৈস্তব গোপলোকাঃ ।

বিশ্বেশ্বরং ত্বামভিমত্য বিশ্বে নন্দং ভবজ্জাতকমন্বপৃচ্ছন্ ॥1॥

গর্গোদিতো নির্গদিতো নিজায বর্গায তাতেন তব প্রভাবঃ ।

পূর্বাধিকস্ত্বয্যনুরাগ এষামৈধিষ্ট তাবত্ বহুমানভারঃ ॥2॥

ততোঽবমানোদিততত্ত্ববোধঃ সুরাধিরাজঃ সহ দিব্যগব্যা।

উপেত্য তুষ্টাব স নষ্টগর্বঃ স্পৃষ্ট্বা পদাব্জং মণিমৌলিনা তে ॥3॥

স্নেহস্নুতৈস্ত্বাং সুরভিঃ পযোভির্গোবিন্দনামাঙ্কিতমভ্যষিঞ্চত্ ।

ঐরাবতোপাহৃতদিব্যগঙ্গাপাথোভিরিন্দ্রোঽপি চ জাতহর্ষঃ ॥4॥

জগত্ত্রযেশে ত্বযি গোকুলেশে তথাঽভিষিক্তে সতি গোপবাটঃ ।

নাকেঽপি বৈকুণ্ঠপদেঽপ্যলভ্যাং শ্রিযং প্রপেদে ভবতঃ প্রভাবাত্ ॥5॥

কদাচিদন্তর্যমুনং প্রভাতে স্নাযন্ পিতা বারুণপূরুষেণ ।

নীতস্তমানেতুমগাঃ পুরীং ত্বং তাং বারুণীং কারণমর্ত্যরূপঃ ॥6॥

সসম্ভ্রমং তেন জলাধিপেন প্রপূজিতস্ত্বং প্রতিগৃহ্য তাতম্ ।

উপাগতস্তত্ক্ষণমাত্মগেহং পিতাঽবদত্তচ্চরিতং নিজেভ্যঃ ॥7॥

হরিং বিনিশ্চিত্য ভবন্তমেতান্ ভবত্পদালোকনবদ্ধতৃষ্ণান্ ॥

নিরীক্ষ্য বিষ্ণো পরমং পদং তদ্দুরাপমন্যৈস্ত্বমদীদৃশস্তান্ ॥8॥

স্ফুরত্পরানন্দরসপ্রবাহপ্রপূর্ণকৈবল্যমহাপযোধৌ ।

চিরং নিমগ্নাঃ খলু গোপসঙ্ঘাস্ত্বযৈব ভূমন্ পুনরুদ্ধৃতাস্তে ॥9॥

করবদরবদেবং দেব কুত্রাবতারে

নিজপদমনবাপ্যং দর্শিতং ভক্তিভাজাম্ ।

তদিহ পশুপরূপী ত্বং হি সাক্ষাত্ পরাত্মা

পবনপুরনিবাসিন্ পাহি মামামযেভ্যঃ ॥10॥

Roman (IAST) Transliteration

ālokya śailoddharaṇādirūpaṃ prabhāvamuccaistava gopalokāḥ |

viśveśvaraṃ tvāmabhimatya viśve nandaṃ bhavajjātakamanvapṛcchan ||1||

gargodito nirgadito nijāya vargāya tātena tava prabhāvaḥ |

pūrvādhikastvayyanurāga eṣāmaidhiṣṭa tāvat bahumānabhāraḥ ||2||

tato'vamānoditatattvabodhaḥ surādhirājaḥ saha divyagavyā|

upetya tuṣṭāva sa naṣṭagarvaḥ spṛṣṭvā padābjaṃ maṇimaulinā te ||3||

snehasnutaistvāṃ surabhiḥ payobhirgovindanāmāṅkitamabhyaṣiñcat |

airāvatopāhṛtadivyagaṅgāpāthobhirindro'pi ca jātaharṣaḥ ||4||

jagattrayeśe tvayi gokuleśe tathā'bhiṣikte sati gopavāṭaḥ |

nāke'pi vaikuṇṭhapade'pyalabhyāṃ śriyaṃ prapede bhavataḥ prabhāvāt ||5||

kadācidantaryamunaṃ prabhāte snāyan pitā vāruṇapūruṣeṇa |

nītastamānetumagāḥ purīṃ tvaṃ tāṃ vāruṇīṃ kāraṇamartyarūpaḥ ||6||

sasambhramaṃ tena jalādhipena prapūjitastvaṃ pratigṛhya tātam |

upāgatastatkṣaṇamātmagehaṃ pitā'vadattaccaritaṃ nijebhyaḥ ||7||

hariṃ viniścitya bhavantametān bhavatpadālokanabaddhatṛṣṇān ||

nirīkṣya viṣṇo paramaṃ padaṃ taddurāpamanyaistvamadīdṛśastān ||8||

sphuratparānandarasapravāhaprapūrṇakaivalyamahāpayodhau |

ciraṃ nimagnāḥ khalu gopasaṅghāstvayaiva bhūman punaruddhṛtāste ||9||

karabadaravadevaṃ deva kutrāvatāre

nijapadamanavāpyaṃ darśitaṃ bhaktibhājām |

tadiha paśuparūpī tvaṃ hi sākṣāt parātmā

pavanapuranivāsin pāhi māmāmayebhyaḥ ||10||