Narayaniyam Dashaka 4 - Yogabhyasah Tatha Yogasiddhih

ॐ

নারাযণীযং দশক 4 - যোগাভ্যাসঃ তথা যোগসিদ্ধিঃ

Vishnu Bengali

কল্যতাং মম কুরুষ্ব তাবতীং কল্যতে ভবদুপাসনং যযা ।

স্পষ্টমষ্টবিধযোগচর্যযা পুষ্টযাশু তব তুষ্টিমাপ্নুযাম্ ॥1॥

ব্রহ্মচর্যদৃঢতাদিভির্যমৈরাপ্লবাদিনিযমৈশ্চ পাবিতাঃ ।

কুর্মহে দৃঢমমী সুখাসনং পঙ্কজাদ্যমপি বা ভবত্পরাঃ ॥2॥

তারমন্তরনুচিন্ত্য সন্ততং প্রাণবাযুমভিযম্য নির্মলাঃ ।

ইন্দ্রিযাণি বিষযাদথাপহৃত্যাস্মহে ভবদুপাসনোন্মুখাঃ ॥3॥

অস্ফুটে বপুষি তে প্রযত্নতো ধারযেম ধিষণাং মুহুর্মুহুঃ ।

তেন ভক্তিরসমন্তরার্দ্রতামুদ্বহেম ভবদঙ্ঘ্রিচিন্তকা ॥4॥

বিস্ফুটাবযবভেদসুন্দরং ত্বদ্বপুঃ সুচিরশীলনাবশাত্ ।

অশ্রমং মনসি চিন্তযামহে ধ্যানযোগনিরতাস্ত্বদাশ্রযাঃ ॥5॥

ধ্যাযতাং সকলমূর্তিমীদৃশীমুন্মিষন্মধুরতাহৃতাত্মনাম্ ।

সান্দ্রমোদরসরূপমান্তরং ব্রহ্ম রূপমযি তেঽবভাসতে ॥6॥

তত্সমাস্বদনরূপিণীং স্থিতিং ত্বত্সমাধিমযি বিশ্বনাযক ।

আশ্রিতাঃ পুনরতঃ পরিচ্যুতাবারভেমহি চ ধারণাদিকম্ ॥7॥

ইত্থমভ্যসননির্ভরোল্লসত্ত্বত্পরাত্মসুখকল্পিতোত্সবাঃ ।

মুক্তভক্তকুলমৌলিতাং গতাঃ সঞ্চরেম শুকনারদাদিবত্ ॥8॥

ত্বত্সমাধিবিজযে তু যঃ পুনর্মঙ্ক্ষু মোক্ষরসিকঃ ক্রমেণ বা ।

যোগবশ্যমনিলং ষডাশ্রযৈরুন্নযত্যজ সুষুম্নযা শনৈঃ ॥9॥

লিঙ্গদেহমপি সন্ত্যজন্নথো লীযতে ত্বযি পরে নিরাগ্রহঃ ।

ঊর্ধ্বলোককুতুকী তু মূর্ধতঃ সার্ধমেব করণৈর্নিরীযতে ॥10॥

অগ্নিবাসরবলর্ক্ষপক্ষগৈরুত্তরাযণজুষা চ দৈবতৈঃ ।

প্রাপিতো রবিপদং ভবত্পরো মোদবান্ ধ্রুবপদান্তমীযতে ॥11॥

আস্থিতোঽথ মহরালযে যদা শেষবক্ত্রদহনোষ্মণার্দ্যতে ।

ঈযতে ভবদুপাশ্রযস্তদা বেধসঃ পদমতঃ পুরৈব বা ॥12॥

তত্র বা তব পদেঽথবা বসন্ প্রাকৃতপ্রলয এতি মুক্ততাম্ ।

স্বেচ্ছযা খলু পুরা বিমুচ্যতে সংবিভিদ্য জগদণ্ডমোজসা ॥13॥

তস্য চ ক্ষিতিপযোমহোঽনিলদ্যোমহত্প্রকৃতিসপ্তকাবৃতীঃ ।

তত্তদাত্মকতযা বিশন্ সুখী যাতি তে পদমনাবৃতং বিভো ॥14॥

অর্চিরাদিগতিমীদৃশীং ব্রজন্ বিচ্যুতিং ন ভজতে জগত্পতে ।

সচ্চিদাত্মক ভবত্ গুণোদযানুচ্চরন্তমনিলেশ পাহি মাম্ ॥15॥

Roman (IAST) Transliteration

kalyatāṃ mama kuruṣva tāvatīṃ kalyate bhavadupāsanaṃ yayā |

spaṣṭamaṣṭavidhayogacaryayā puṣṭayāśu tava tuṣṭimāpnuyām ||1||

brahmacaryadṛḍhatādibhiryamairāplavādiniyamaiśca pāvitāḥ |

kurmahe dṛḍhamamī sukhāsanaṃ paṅkajādyamapi vā bhavatparāḥ ||2||

tāramantaranucintya santataṃ prāṇavāyumabhiyamya nirmalāḥ |

indriyāṇi viṣayādathāpahṛtyāsmahe bhavadupāsanonmukhāḥ ||3||

asphuṭe vapuṣi te prayatnato dhārayema dhiṣaṇāṃ muhurmuhuḥ |

tena bhaktirasamantarārdratāmudvahema bhavadaṅghricintakā ||4||

visphuṭāvayavabhedasundaraṃ tvadvapuḥ suciraśīlanāvaśāt |

aśramaṃ manasi cintayāmahe dhyānayoganiratāstvadāśrayāḥ ||5||

dhyāyatāṃ sakalamūrtimīdṛśīmunmiṣanmadhuratāhṛtātmanām |

sāndramodarasarūpamāntaraṃ brahma rūpamayi te'vabhāsate ||6||

tatsamāsvadanarūpiṇīṃ sthitiṃ tvatsamādhimayi viśvanāyaka |

āśritāḥ punarataḥ paricyutāvārabhemahi ca dhāraṇādikam ||7||

itthamabhyasananirbharollasattvatparātmasukhakalpitotsavāḥ |

muktabhaktakulamaulitāṃ gatāḥ sañcarema śukanāradādivat ||8||

tvatsamādhivijaye tu yaḥ punarmaṅkṣu mokṣarasikaḥ krameṇa vā |

yogavaśyamanilaṃ ṣaḍāśrayairunnayatyaja suṣumnayā śanaiḥ ||9||

liṅgadehamapi santyajannatho līyate tvayi pare nirāgrahaḥ |

ūrdhvalokakutukī tu mūrdhataḥ sārdhameva karaṇairnirīyate ||10||

agnivāsaravalarkṣapakṣagairuttarāyaṇajuṣā ca daivataiḥ |

prāpito ravipadaṃ bhavatparo modavān dhruvapadāntamīyate ||11||

āsthito'tha maharālaye yadā śeṣavaktradahanoṣmaṇārdyate |

īyate bhavadupāśrayastadā vedhasaḥ padamataḥ puraiva vā ||12||

tatra vā tava pade'thavā vasan prākṛtapralaya eti muktatām |

svecchayā khalu purā vimucyate saṃvibhidya jagadaṇḍamojasā ||13||

tasya ca kṣitipayomaho'niladyomahatprakṛtisaptakāvṛtīḥ |

tattadātmakatayā viśan sukhī yāti te padamanāvṛtaṃ vibho ||14||

arcirādigatimīdṛśīṃ vrajan vicyutiṃ na bhajate jagatpate |

saccidātmaka bhavat guṇodayānuccarantamanileśa pāhi mām ||15||