📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
নারাযণ কবচম্
Narayana Kavacham
Vishnu Kavacham Bengali
ন্যাসঃ
অঙ্গন্যাসঃ
ওঁ ওঁ পাদযোঃ নমঃ ।
ওঁ নং জানুনোঃ নমঃ ।
ওঁ মোং ঊর্বোঃ নমঃ ।
ওঁ নাং উদরে নমঃ ।
ওঁ রাং হৃদি নমঃ ।
ওঁ যং উরসি নমঃ ।
ওঁ ণাং মুখে নমঃ ।
ওঁ যং শিরসি নমঃ ।
করন্যাসঃ
ওঁ ওঁ দক্ষিণতর্জন্যাং নমঃ ।
ওঁ নং দক্ষিণমধ্যমাযাং নমঃ ।
ওঁ মোং দক্ষিণানামিকাযাং নমঃ ।
ওঁ ভং দক্ষিণকনিষ্ঠিকাযাং নমঃ ।
ওঁ গং বামকনিষ্ঠিকাযাং নমঃ ।
ওঁ বং বামানিকাযাং নমঃ ।
ওঁ তেং বামমধ্যমাযাং নমঃ ।
ওঁ বাং বামতর্জন্যাং নমঃ ।
ওঁ সুং দক্ষিণাঙ্গুষ্ঠোর্ধ্বপর্বণি নমঃ ।
ওঁ দেং দক্ষিণাঙ্গুষ্ঠাধঃ পর্বণি নমঃ ।
ওঁ বাং বামাঙ্গুষ্ঠোর্ধ্বপর্বণি নমঃ ।
ওঁ যং বামাঙ্গুষ্ঠাধঃ পর্বণি নমঃ ।
বিষ্ণুষডক্ষরন্যাসঃ
ওঁ ওঁ হৃদযে নমঃ ।
ওঁ বিং মূর্ধ্নৈ নমঃ ।
ওঁ ষং ভ্রুর্বোর্মধ্যে নমঃ ।
ওঁ ণং শিখাযাং নমঃ ।
ওঁ বেং নেত্রযোঃ নমঃ ।
ওঁ নং সর্বসন্ধিষু নমঃ ।
ওঁ মঃ প্রাচ্যাং অস্ত্রায ফট্ ।
ওঁ মঃ আগ্নেয্যাং অস্ত্রায ফট্ ।
ওঁ মঃ দক্ষিণস্যাং অস্ত্রায ফট্ ।
ওঁ মঃ নৈঋত্যে অস্ত্রায ফট্ ।
ওঁ মঃ প্রতীচ্যাং অস্ত্রায ফট্ ।
ওঁ মঃ বাযব্যে অস্ত্রায ফট্ ।
ওঁ মঃ উদীচ্যাং অস্ত্রায ফট্ ।
ওঁ মঃ ঐশান্যাং অস্ত্রায ফট্ ।
ওঁ মঃ ঊর্ধ্বাযাং অস্ত্রায ফট্ ।
ওঁ মঃ অধরাযাং অস্ত্রায ফট্ ।
শ্রী হরিঃ
অথ শ্রীনারাযণকবচ
রাজোবাচ
যযা গুপ্তঃ সহস্রাক্ষঃ সবাহান্ রিপুসৈনিকান্ ।
ক্রীডন্নিব বিনির্জিত্য ত্রিলোক্যা বুভুজে শ্রিযম্ ॥ 1 ॥
ভগবংস্তন্মমাখ্যাহি বর্ম নারাযণাত্মকম্ ।
যথাঽঽততাযিনঃ শত্রূন্ যেন গুপ্তোঽজযন্মৃধে ॥ 2 ॥
শ্রী শুক উবাচ
বৃতঃ পুরোহিতস্ত্বাষ্ট্রো মহেন্দ্রাযানুপৃচ্ছতে ।
নারাযণাখ্যং বর্মাহ তদিহৈকমনাঃ শৃণু ॥ 3 ॥
শ্রীবিশ্বরূপ উবাচ
ধৌতাঙ্ঘ্রিপাণিরাচম্য সপবিত্র উদঙ্মুখঃ ।
কৃতস্বাঙ্গকরন্যাসো মন্ত্রাভ্যাং বাগ্যতঃ শুচিঃ ॥ 4 ॥
নারাযণমযং বর্ম সন্নহ্যেদ্ভয আগতে ।
দৈবভূতাত্মকর্মভ্যো নারাযণমযঃ পুমান্ ॥ 5 ॥
পাদযোর্জানুনোরূর্বোরুদরে হৃদ্যথোরসি ।
মুখে শিরস্যানুপূর্ব্যাদোঙ্কারাদীনি বিন্যসেত্ ॥ 6 ॥
ওঁ নমো নারাযণাযেতি বিপর্যযমথাপি বা ।
করন্যাসং ততঃ কুর্যাদ্দ্বাদশাক্ষরবিদ্যযা ॥ 7 ॥
প্রণবাদিযকারান্তমঙ্গুল্যঙ্গুষ্ঠপর্বসু ।
ন্যসেদ্ধৃদয ওঙ্কারং বিকারমনু মূর্ধনি ॥ 8 ॥
ষকারং তু ভ্রুবোর্মধ্যে ণকারং শিখযা ন্যসেত্ ।
বেকারং নেত্রযোর্যুঞ্জ্যান্নকারং সর্বসন্ধিষু ॥ 9 ॥
মকারমস্ত্রমুদ্দিশ্য মন্ত্রমূর্তির্ভবেদ্বুধঃ ।
সবিসর্গং ফডন্তং তত্সর্বদিক্ষু বিনির্দিশেত্ ॥ 10 ॥
ওঁ বিষ্ণবে নমঃ ॥
ইত্যাত্মানং পরং ধ্যাযেদ্ধ্যেযং ষট্ছক্তিভির্যুতম্ ।
বিদ্যাতেজস্তপোমূর্তিমিমং মন্ত্রমুদাহরেত্ ॥ 11 ॥
ওঁ হরির্বিদধ্যান্মম সর্বরক্ষাং
ন্যস্তাঙ্ঘ্রিপদ্মঃ পতগেন্দ্র পৃষ্ঠে ।
দরারিচর্মাসিগদেষুচাপ-
-পাশান্দধানোঽষ্টগুণোঽষ্টবাহুঃ ॥ 12 ॥
জলেষু মাং রক্ষতু মত্স্যমূর্তি-
-র্যাদোগণেভ্যো বরুণস্য পাশাত্ ।
স্থলেষু মাযাবটুবামনোঽব্যা-
-ত্ত্রিবিক্রমঃ খেঽবতু বিশ্বরূপঃ ॥ 13 ॥
দুর্গেষ্বটব্যাজিমুখাদিষু প্রভুঃ
পাযান্নৃসিংহোঽসুরযূথপারিঃ ।
বিমুঞ্চতো যস্য মহাট্টহাসং
দিশো বিনেদুর্ন্যপতংশ্চ গর্ভাঃ ॥ 14 ॥
রক্ষত্বসৌ মাধ্বনি যজ্ঞকল্পঃ
স্বদংষ্ট্রযোন্নীতধরো বরাহঃ ।
রামোঽদ্রিকূটেষ্বথ বিপ্রবাসে
সলক্ষ্মণোঽব্যাদ্ভরতাগ্রজোঽস্মান্ ॥ 15 ॥
মামুগ্রধর্মাদখিলাত্প্রমাদা-
-ন্নারাযণঃ পাতু নরশ্চ হাসাত্ ।
দত্তস্ত্বযোগাদথ যোগনাথঃ
পাযাদ্গুণেশঃ কপিলঃ কর্মবন্ধাত্ ॥ 16 ॥
সনত্কুমারোঽবতু কামদেবা-
-দ্ধযাননো মাং পথি দেবহেলনাত্ ।
দেবর্ষিবর্যঃ পুরুষার্চনান্তরা-
-ত্কূর্মো হরির্মাং নিরযাদশেষাত্ ॥ 17 ॥
ধন্বন্তরির্ভগবান্পাত্বপথ্যা-
-দ্দ্বন্দ্বাদ্ভযাদৃষভো নির্জিতাত্মা ।
যজ্ঞশ্চ লোকাদবতাজ্জনান্তা-
-দ্বলো গণাত্ক্রোধবশাদহীন্দ্রঃ ॥ 18 ॥
দ্বৈপাযনো ভগবানপ্রবোধা-
-দ্বুদ্ধস্তু পাষণ্ডগণাত্প্রমাদাত্ ।
কল্কিঃ কলেঃ কালমলাত্প্রপাতু
ধর্মাবনাযোরুকৃতাবতারঃ ॥ 19 ॥
মাং কেশবো গদযা প্রাতরব্যা-
-দ্গোবিন্দ আসঙ্গবমাত্তবেণুঃ ।
নারাযণঃ প্রাহ্ণ উদাত্তশক্তি-
-র্মধ্যন্দিনে বিষ্ণুররীন্দ্রপাণিঃ ॥ 20 ॥
দেবোঽপরাহ্ণে মধুহোগ্রধন্বা
সাযং ত্রিধামাবতু মাধবো মাম্ ।
দোষে হৃষীকেশ উতার্ধরাত্রে
নিশীথ একোঽবতু পদ্মনাভঃ ॥ 21 ॥
শ্রীবত্সধামা¶রাত্র ঈশঃ
প্রত্যুষ ঈশোঽসিধরো জনার্দনঃ ।
দামোদরোঽব্যাদনুসন্ধ্যং প্রভাতে
বিশ্বেশ্বরো ভগবান্কালমূর্তিঃ ॥ 22 ॥
চক্রং যুগান্তানলতিগ্মনেমি
ভ্রমত্সমন্তাদ্ভগবত্প্রযুক্তম্ ।
দন্দগ্ধি দন্দগ্ধ্যরিসৈন্যমাশু
কক্ষং যথা বাতসখো হুতাশঃ ॥ 23 ॥
গদেঽশনিস্পর্শনবিস্ফুলিঙ্গে
নিষ্পিণ্ঢি নিষ্পিণ্ঢ্যজিতপ্রিযাসি ।
কূষ্মাণ্ডবৈনাযকযক্ষরক্ষো
ভূতগ্রহাংশ্চূর্ণয চূর্ণযারীন্ ॥ 24 ॥
ত্বং যাতুধানপ্রমথপ্রেতমাতৃ-
-পিশাচবিপ্রগ্রহঘোরদৃষ্টীন্ ।
দরেন্দ্র বিদ্রাবয কৃষ্ণপূরিতো
ভীমস্বনোঽরের্হৃদযানি কম্পযন্ ॥ 25 ॥
ত্বং তিগ্মধারাসিবরারিসৈন্য-
-মীশপ্রযুক্তো মম ছিন্ধি ছিন্ধি ।
চক্ষূংষি চর্মন্ শতচন্দ্র ছাদয
দ্বিষামঘোনাং হর পাপচক্ষুষাম্ ॥ 26 ॥
যন্নো ভযং গ্রহেভ্যোঽভূত্কেতুভ্যো নৃভ্য এব চ ।
সরীসৃপেভ্যো দংষ্ট্রিভ্যো ভূতেভ্যোঽঘেভ্য এব চ ॥ 27 ॥
সর্বাণ্যেতানি ভগবন্নামরূপাস্ত্রকীর্তনাত্ ।
প্রযান্তু সঙ্ক্ষযং সদ্যো যে নঃ শ্রেযঃপ্রতীপকাঃ ॥ 28 ॥
গরুডো ভগবান্ স্তোত্রস্তোমশ্ছন্দোমযঃ প্রভুঃ ।
রক্ষত্বশেষকৃচ্ছ্রেভ্যো বিষ্বক্সেনঃ স্বনামভিঃ ॥ 29 ॥
সর্বাপদ্ভ্যো হরের্নামরূপযানাযুধানি নঃ ।
বুদ্ধীন্দ্রিযমনঃপ্রাণান্পান্তু পার্ষদভূষণাঃ ॥ 30 ॥
যথা হি ভগবানেব বস্তুতঃ সদসচ্চ যত্ ।
সত্যেনানেন নঃ সর্বে যান্তু নাশমুপদ্রবাঃ ॥ 31 ॥
যথৈকাত্ম্যানুভাবানাং বিকল্পরহিতঃ স্বযম্ ।
ভূষণাযুধলিঙ্গাখ্যা ধত্তে শক্তীঃ স্বমাযযা ॥ 32 ॥
তেনৈব সত্যমানেন সর্বজ্ঞো ভগবান্ হরিঃ ।
পাতু সর্বৈঃ স্বরূপৈর্নঃ সদা সর্বত্র সর্বগঃ ॥ 33 ॥
বিদিক্ষু দিক্ষূর্ধ্বমধঃ সমন্তা-
-দন্তর্বহির্ভগবান্নারসিংহঃ ।
প্রহাপযঁল্লোকভযং স্বনেন
স্বতেজসা গ্রস্তসমস্ততেজাঃ ॥ 34 ॥
মঘবন্নিদমাখ্যাতং বর্ম নারাযণাত্মকম্ ।
বিজেষ্যস্যঞ্জসা যেন দংশিতোঽসুরযূথপান্ ॥ 35 ॥
এতদ্ধারযমাণস্তু যং যং পশ্যতি চক্ষুষা ।
পদা বা সংস্পৃশেত্সদ্যঃ সাধ্বসাত্স বিমুচ্যতে ॥ 36 ॥
ন কুতশ্চিদ্ভযং তস্য বিদ্যাং ধারযতো ভবেত্ ।
রাজদস্যুগ্রহাদিভ্যো ব্যাধ্যাদিভ্যশ্চ কর্হিচিত্ ॥ 37 ॥
ইমাং বিদ্যাং পুরা কশ্চিত্কৌশিকো ধারযন্ দ্বিজঃ ।
যোগধারণযা স্বাঙ্গং জহৌ স মরুধন্বনি ॥ 38 ॥
তস্যোপরি বিমানেন গন্ধর্বপতিরেকদা ।
যযৌ চিত্ররথঃ স্ত্রীভির্বৃতো যত্র দ্বিজক্ষযঃ ॥ 39 ॥
গগনান্ন্যপতত্সদ্যঃ সবিমানো হ্যবাক্ছিরাঃ ।
স বালখিল্যবচনাদস্থীন্যাদায বিস্মিতঃ ।
প্রাপ্য প্রাচ্যাং সরস্বত্যাং স্নাত্বা ধাম স্বমন্বগাত্ ॥ 40 ॥
শ্রী শুক উবাচ
য ইদং শৃণুযাত্কালে যো ধারযতি চাদৃতঃ ।
তং নমস্যন্তি ভূতানি মুচ্যতে সর্বতো ভযাত্ ॥ 41 ॥
এতাং বিদ্যামধিগতো বিশ্বরূপাচ্ছতক্রতুঃ ।
ত্রৈলোক্যলক্ষ্মীং বুভুজে বিনির্জিত্য মৃধেঽসুরান্ ॥ 42 ॥
ইতি শ্রীমদ্ভাগবতে মহাপুরাণে ষষ্ঠস্কন্ধে নারাযণবর্মোপদেশো নামাষ্টমোঽধ্যাযঃ ।
Roman (IAST) Transliteration
nyāsaḥ
aṅganyāsaḥ
oṃ oṃ pādayoḥ namaḥ |
oṃ naṃ jānunoḥ namaḥ |
oṃ moṃ ūrvoḥ namaḥ |
oṃ nāṃ udare namaḥ |
oṃ rāṃ hṛdi namaḥ |
oṃ yaṃ urasi namaḥ |
oṃ ṇāṃ mukhe namaḥ |
oṃ yaṃ śirasi namaḥ |
karanyāsaḥ
oṃ oṃ dakṣiṇatarjanyāṃ namaḥ |
oṃ naṃ dakṣiṇamadhyamāyāṃ namaḥ |
oṃ moṃ dakṣiṇānāmikāyāṃ namaḥ |
oṃ bhaṃ dakṣiṇakaniṣṭhikāyāṃ namaḥ |
oṃ gaṃ vāmakaniṣṭhikāyāṃ namaḥ |
oṃ vaṃ vāmānikāyāṃ namaḥ |
oṃ teṃ vāmamadhyamāyāṃ namaḥ |
oṃ vāṃ vāmatarjanyāṃ namaḥ |
oṃ suṃ dakṣiṇāṅguṣṭhordhvaparvaṇi namaḥ |
oṃ deṃ dakṣiṇāṅguṣṭhādhaḥ parvaṇi namaḥ |
oṃ vāṃ vāmāṅguṣṭhordhvaparvaṇi namaḥ |
oṃ yaṃ vāmāṅguṣṭhādhaḥ parvaṇi namaḥ |
viṣṇuṣaḍakṣaranyāsaḥ
oṃ oṃ hṛdaye namaḥ |
oṃ viṃ mūrdhnai namaḥ |
oṃ ṣaṃ bhrurvormadhye namaḥ |
oṃ ṇaṃ śikhāyāṃ namaḥ |
oṃ veṃ netrayoḥ namaḥ |
oṃ naṃ sarvasandhiṣu namaḥ |
oṃ maḥ prācyāṃ astrāya phaṭ |
oṃ maḥ āgneyyāṃ astrāya phaṭ |
oṃ maḥ dakṣiṇasyāṃ astrāya phaṭ |
oṃ maḥ naiṛtye astrāya phaṭ |
oṃ maḥ pratīcyāṃ astrāya phaṭ |
oṃ maḥ vāyavye astrāya phaṭ |
oṃ maḥ udīcyāṃ astrāya phaṭ |
oṃ maḥ aiśānyāṃ astrāya phaṭ |
oṃ maḥ ūrdhvāyāṃ astrāya phaṭ |
oṃ maḥ adharāyāṃ astrāya phaṭ |
śrī hariḥ
atha śrīnārāyaṇakavaca
rājovāca
yayā guptaḥ sahasrākṣaḥ savāhān ripusainikān |
krīḍanniva vinirjitya trilokyā bubhuje śriyam || 1 ||
bhagavaṃstanmamākhyāhi varma nārāyaṇātmakam |
yathā''tatāyinaḥ śatrūn yena gupto'jayanmṛdhe || 2 ||
śrī śuka uvāca
vṛtaḥ purohitastvāṣṭro mahendrāyānupṛcchate |
nārāyaṇākhyaṃ varmāha tadihaikamanāḥ śṛṇu || 3 ||
śrīviśvarūpa uvāca
dhautāṅghripāṇirācamya sapavitra udaṅmukhaḥ |
kṛtasvāṅgakaranyāso mantrābhyāṃ vāgyataḥ śuciḥ || 4 ||
nārāyaṇamayaṃ varma sannahyedbhaya āgate |
daivabhūtātmakarmabhyo nārāyaṇamayaḥ pumān || 5 ||
pādayorjānunorūrvorudare hṛdyathorasi |
mukhe śirasyānupūrvyādoṅkārādīni vinyaset || 6 ||
oṃ namo nārāyaṇāyeti viparyayamathāpi vā |
karanyāsaṃ tataḥ kuryāddvādaśākṣaravidyayā || 7 ||
praṇavādiyakārāntamaṅgulyaṅguṣṭhaparvasu |
nyaseddhṛdaya oṅkāraṃ vikāramanu mūrdhani || 8 ||
ṣakāraṃ tu bhruvormadhye ṇakāraṃ śikhayā nyaset |
vekāraṃ netrayoryuñjyānnakāraṃ sarvasandhiṣu || 9 ||
makāramastramuddiśya mantramūrtirbhavedbudhaḥ |
savisargaṃ phaḍantaṃ tatsarvadikṣu vinirdiśet || 10 ||
oṃ viṣṇave namaḥ ||
ityātmānaṃ paraṃ dhyāyeddhyeyaṃ ṣaṭchaktibhiryutam |
vidyātejastapomūrtimimaṃ mantramudāharet || 11 ||
oṃ harirvidadhyānmama sarvarakṣāṃ
nyastāṅghripadmaḥ patagendra pṛṣṭhe |
darāricarmāsigadeṣucāpa-
-pāśāndadhāno'ṣṭaguṇo'ṣṭabāhuḥ || 12 ||
jaleṣu māṃ rakṣatu matsyamūrti-
-ryādogaṇebhyo varuṇasya pāśāt |
sthaleṣu māyāvaṭuvāmano'vyā-
-ttrivikramaḥ khe'vatu viśvarūpaḥ || 13 ||
durgeṣvaṭavyājimukhādiṣu prabhuḥ
pāyānnṛsiṃho'surayūthapāriḥ |
vimuñcato yasya mahāṭṭahāsaṃ
diśo vinedurnyapataṃśca garbhāḥ || 14 ||
rakṣatvasau mādhvani yajñakalpaḥ
svadaṃṣṭrayonnītadharo varāhaḥ |
rāmo'drikūṭeṣvatha vipravāse
salakṣmaṇo'vyādbharatāgrajo'smān || 15 ||
māmugradharmādakhilātpramādā-
-nnārāyaṇaḥ pātu naraśca hāsāt |
dattastvayogādatha yoganāthaḥ
pāyādguṇeśaḥ kapilaḥ karmabandhāt || 16 ||
sanatkumāro'vatu kāmadevā-
-ddhayānano māṃ pathi devahelanāt |
devarṣivaryaḥ puruṣārcanāntarā-
-tkūrmo harirmāṃ nirayādaśeṣāt || 17 ||
dhanvantarirbhagavānpātvapathyā-
-ddvandvādbhayādṛṣabho nirjitātmā |
yajñaśca lokādavatājjanāntā-
-dbalo gaṇātkrodhavaśādahīndraḥ || 18 ||
dvaipāyano bhagavānaprabodhā-
-dbuddhastu pāṣaṇḍagaṇātpramādāt |
kalkiḥ kaleḥ kālamalātprapātu
dharmāvanāyorukṛtāvatāraḥ || 19 ||
māṃ keśavo gadayā prātaravyā-
-dgovinda āsaṅgavamāttaveṇuḥ |
nārāyaṇaḥ prāhṇa udāttaśakti-
-rmadhyandine viṣṇurarīndrapāṇiḥ || 20 ||
devo'parāhṇe madhuhogradhanvā
sāyaṃ tridhāmāvatu mādhavo mām |
doṣe hṛṣīkeśa utārdharātre
niśītha eko'vatu padmanābhaḥ || 21 ||
śrīvatsadhāmā¶rātra īśaḥ
pratyuṣa īśo'sidharo janārdanaḥ |
dāmodaro'vyādanusandhyaṃ prabhāte
viśveśvaro bhagavānkālamūrtiḥ || 22 ||
cakraṃ yugāntānalatigmanemi
bhramatsamantādbhagavatprayuktam |
dandagdhi dandagdhyarisainyamāśu
kakṣaṃ yathā vātasakho hutāśaḥ || 23 ||
gade'śanisparśanavisphuliṅge
niṣpiṇḍhi niṣpiṇḍhyajitapriyāsi |
kūṣmāṇḍavaināyakayakṣarakṣo
bhūtagrahāṃścūrṇaya cūrṇayārīn || 24 ||
tvaṃ yātudhānapramathapretamātṛ-
-piśācavipragrahaghoradṛṣṭīn |
darendra vidrāvaya kṛṣṇapūrito
bhīmasvano'rerhṛdayāni kampayan || 25 ||
tvaṃ tigmadhārāsivarārisainya-
-mīśaprayukto mama chindhi chindhi |
cakṣūṃṣi carman śatacandra chādaya
dviṣāmaghonāṃ hara pāpacakṣuṣām || 26 ||
yanno bhayaṃ grahebhyo'bhūtketubhyo nṛbhya eva ca |
sarīsṛpebhyo daṃṣṭribhyo bhūtebhyo'ghebhya eva ca || 27 ||
sarvāṇyetāni bhagavannāmarūpāstrakīrtanāt |
prayāntu saṅkṣayaṃ sadyo ye naḥ śreyaḥpratīpakāḥ || 28 ||
garuḍo bhagavān stotrastomaśchandomayaḥ prabhuḥ |
rakṣatvaśeṣakṛcchrebhyo viṣvaksenaḥ svanāmabhiḥ || 29 ||
sarvāpadbhyo harernāmarūpayānāyudhāni naḥ |
buddhīndriyamanaḥprāṇānpāntu pārṣadabhūṣaṇāḥ || 30 ||
yathā hi bhagavāneva vastutaḥ sadasacca yat |
satyenānena naḥ sarve yāntu nāśamupadravāḥ || 31 ||
yathaikātmyānubhāvānāṃ vikalparahitaḥ svayam |
bhūṣaṇāyudhaliṅgākhyā dhatte śaktīḥ svamāyayā || 32 ||
tenaiva satyamānena sarvajño bhagavān hariḥ |
pātu sarvaiḥ svarūpairnaḥ sadā sarvatra sarvagaḥ || 33 ||
vidikṣu dikṣūrdhvamadhaḥ samantā-
-dantarbahirbhagavānnārasiṃhaḥ |
prahāpaya~llokabhayaṃ svanena
svatejasā grastasamastatejāḥ || 34 ||
maghavannidamākhyātaṃ varma nārāyaṇātmakam |
vijeṣyasyañjasā yena daṃśito'surayūthapān || 35 ||
etaddhārayamāṇastu yaṃ yaṃ paśyati cakṣuṣā |
padā vā saṃspṛśetsadyaḥ sādhvasātsa vimucyate || 36 ||
na kutaścidbhayaṃ tasya vidyāṃ dhārayato bhavet |
rājadasyugrahādibhyo vyādhyādibhyaśca karhicit || 37 ||
imāṃ vidyāṃ purā kaścitkauśiko dhārayan dvijaḥ |
yogadhāraṇayā svāṅgaṃ jahau sa marudhanvani || 38 ||
tasyopari vimānena gandharvapatirekadā |
yayau citrarathaḥ strībhirvṛto yatra dvijakṣayaḥ || 39 ||
gaganānnyapatatsadyaḥ savimāno hyavākchirāḥ |
sa vālakhilyavacanādasthīnyādāya vismitaḥ |
prāpya prācyāṃ sarasvatyāṃ snātvā dhāma svamanvagāt || 40 ||
śrī śuka uvāca
ya idaṃ śṛṇuyātkāle yo dhārayati cādṛtaḥ |
taṃ namasyanti bhūtāni mucyate sarvato bhayāt || 41 ||
etāṃ vidyāmadhigato viśvarūpācchatakratuḥ |
trailokyalakṣmīṃ bubhuje vinirjitya mṛdhe'surān || 42 ||
iti śrīmadbhāgavate mahāpurāṇe ṣaṣṭhaskandhe nārāyaṇavarmopadeśo nāmāṣṭamo'dhyāyaḥ |
InfoLyter.in — Sacred Vedic Knowledge Portal · Free forever