Narayana Ashtakshari Stuti

ॐ

নারাযণ অষ্টাক্ষরী স্তুতি

Vishnu Bengali

ওঁ নমঃ প্রণবার্থার্থ স্থূলসূক্ষ্ম ক্ষরাক্ষর

ব্যক্তাব্যক্ত কলাতীত ওঙ্কারায নমো নমঃ ॥ 1 ॥

নমো দেবাদিদেবায দেহসঞ্চারহেতবে

দৈত্যসঙ্ঘবিনাশায নকারায নমো নমঃ ॥ 2 ॥

মোহনং বিশ্বরূপং চ শিষ্টাচারসুপোষিতম্

মোহবিধ্বংসকং বন্দে মোকারায নমো নমঃ ॥ 3 ॥

নারাযণায নব্যায নরসিংহায নামিনে

নাদায নাদিনে তুভ্যং নাকারায নমো নমঃ ॥ 4 ॥

রামচন্দ্রং রঘুপতিং পিত্রাজ্ঞাপরিপালকম্

কৌসল্যাতনযং বন্দে রাকারায নমো নমঃ ॥ 5 ॥

যজ্ঞায যজ্ঞগম্যায যজ্ঞরক্ষাকরায চ

যজ্ঞাঙ্গরূপিণে তুভ্যং যকারায নমো নমঃ ॥ 6 ॥

ণাকারং লোকবিখ্যাতং নানাজন্মফলপ্রদম্

নানাভীষ্টপ্রদং বন্দে ণাকারায নমো নমঃ ॥ 7 ॥

যজ্ঞকর্ত্রে যজ্ঞভর্ত্রে যজ্ঞরূপায তে নমঃ

সুজ্ঞানগোচরাযাঽস্তু যকারায নমো নমঃ ॥ 8 ॥

ইতি শ্রী নারাযণ অষ্টাক্ষরী স্তুতিঃ ।

Roman (IAST) Transliteration

oṃ namaḥ praṇavārthārtha sthūlasūkṣma kṣarākṣara

vyaktāvyakta kalātīta oṅkārāya namo namaḥ || 1 ||

namo devādidevāya dehasañcārahetave

daityasaṅghavināśāya nakārāya namo namaḥ || 2 ||

mohanaṃ viśvarūpaṃ ca śiṣṭācārasupoṣitam

mohavidhvaṃsakaṃ vande mokārāya namo namaḥ || 3 ||

nārāyaṇāya navyāya narasiṃhāya nāmine

nādāya nādine tubhyaṃ nākārāya namo namaḥ || 4 ||

rāmacandraṃ raghupatiṃ pitrājñāparipālakam

kausalyātanayaṃ vande rākārāya namo namaḥ || 5 ||

yajñāya yajñagamyāya yajñarakṣākarāya ca

yajñāṅgarūpiṇe tubhyaṃ yakārāya namo namaḥ || 6 ||

ṇākāraṃ lokavikhyātaṃ nānājanmaphalapradam

nānābhīṣṭapradaṃ vande ṇākārāya namo namaḥ || 7 ||

yajñakartre yajñabhartre yajñarūpāya te namaḥ

sujñānagocarāyā'stu yakārāya namo namaḥ || 8 ||

iti śrī nārāyaṇa aṣṭākṣarī stutiḥ |