Mundaka Upanishad - Tritiya Mundaka, Dvitiya Kandah

ॐ

মুণ্ডক উপনিষদ্ - তৃতীয মুণ্ডক, দ্বিতীয কাণ্ডঃ

Upanishad Bengali

॥ তৃতীযমুণ্ডকে দ্বিতীযঃ খণ্ডঃ ॥

স বেদৈত-ত্পরম-ম্ব্রহ্ম ধাম

যত্র বিশ্ব-ন্নিহিত-ম্ভাতি শুভ্রম্ ।

উপাসতে পুরুষং-যেঁ হ্যকামাস্তে

শুক্রমেতদতিবর্তন্তি ধীরাঃ ॥ 1॥

কামান্ যঃ কামযতে মন্যমানঃ

স কামভির্জাযতে তত্র তত্র ।

পর্যাপ্তকামস্য কৃতাত্মনস্তু

ইহৈব সর্বে প্রবিলীযন্তি কামাঃ ॥ 2॥

নাযমাত্মা প্রবচনেন লভ্যো

ন মেধযা ন বহুনা শ্রুতেন ।

যমেবৈষ বৃণুতে তেন লভ্য-

স্তস্যৈষ আত্মা বিবৃণুতে তনূং স্বাম্ ॥ 3॥

নাযমাত্মা বলহীনেন লভ্যো

ন চ প্রমাদা-ত্তপসো বাপ্যলিঙ্গাত্ ।

এতৈরুপাযৈর্যততে যস্তু বিদ্বাং-

স্তস্যৈষ আত্মা বিশতে ব্রহ্মধাম ॥ 4॥

সম্প্রাপ্যৈনমৃষযো জ্ঞানতৃপ্তাঃ

কৃতাত্মানো বীতরাগাঃ প্রশান্তাঃ

তে সর্বগং সর্বতঃ প্রাপ্য ধীরা

যুক্তাত্মান-স্সর্বমেবাবিশন্তি ॥ 5॥

বেদান্তবিজ্ঞানসুনিশ্চিতার্থাঃ

সন্ন্যাসযোগাদ্ যতয-শ্শুদ্ধসত্ত্বাঃ ।

তে ব্রহ্মলোকেষু পরান্তকালে

পরামৃতাঃ পরিমুচ্যন্তি সর্বে ॥ 6॥

গতাঃ কলাঃ পঞ্চদশ প্রতিষ্ঠা

দেবাশ্চ সর্বে প্রতিদেবতাসু ।

কর্মাণি বিজ্ঞানমযশ্চ আত্মা

পরে-ঽব্যযে সর্বে একীভবন্তি ॥ 7॥

যথা নদ্য-স্স্যন্দমানা-স্সমুদ্রে-ঽ

স্ত-ঙ্গচ্ছন্তি নামরূপে বিহায ।

তথা বিদ্বা-ন্নামরূপাদ্বিমুক্তঃ

পরাত্পর-ম্পুরুষমুপৈতি দিব্যম্ ॥ 8॥

স যো হ বৈ ত-ত্পরম-ম্ব্রহ্ম বেদ

ব্রহ্মৈব ভবতি নাস্যাব্রহ্মবিত্কুলে ভবতি ।

তরতি শোক-ন্তরতি পাপ্মান-ঙ্গুহাগ্রন্থিভ্যো

বিমুক্তো-ঽমৃতো ভবতি ॥ 9॥

তদেতদৃচা-ঽভ্যুক্তম্ ।

ক্রিযাবন্ত-শ্শ্রোত্রিযা ব্রহ্মনিষ্ঠাঃ

স্বয-ঞ্জুহ্বত একর্ষিং শ্রদ্ধযন্তঃ ।

তেষামেবৈতা-ম্ব্রহ্মবিদ্যাং-বঁদেত

শিরোব্রতং-বিঁধিবদ্ যৈস্তু চীর্ণম্ ॥ 10॥

তদেত-থ্সত্যমৃষিরঙ্গিরাঃ

পুরোবাচ নৈতদচীর্ণব্রতো-ঽধীতে ।

নমঃ পরমৃষিভ্যো নমঃ পরমৃষিভ্যঃ ॥ 11॥

॥ ইতি মুণ্ডকোপনিষদি তৃতীযমুণ্ডকে দ্বিতীযঃ খণ্ডঃ ॥

॥ ইত্যথর্ববেদীয মুণ্ডকোপনিষত্সমাপ্তা ॥

ও-ম্ভ॒দ্র-ঙ্কর্ণে॑ভি-শ্শৃণু॒যাম॑ দেবাঃ । ভ॒দ্র-ম্প॑শ্যেমা॒ক্ষভি॒-র্যজ॑ত্রাঃ । স্থি॒রৈরঙ্গৈ᳚স্তুষ্টু॒বাগ্ং স॑স্ত॒নূভিঃ॑ । ব্যশে॑ম দে॒বহি॑তং॒-যঁদাযুঃ॑ । স্ব॒স্তি ন॒ ইন্দ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্যো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑-র্দধাতু ॥

ওঁ শান্তি॒-শ্শান্তি॒-শ্শান্তিঃ॑ ॥

॥ ওঁ শান্তি-শ্শান্তি-শ্শান্তিঃ ॥

Roman (IAST) Transliteration

|| tṛtīyamuṇḍake dvitīyaḥ khaṇḍaḥ ||

sa vedaita-tparama-mbrahma dhāma

yatra viśva-nnihita-mbhāti śubhram |

upāsate puruṣaṃ-ye~ hyakāmāste

śukrametadativartanti dhīrāḥ || 1||

kāmān yaḥ kāmayate manyamānaḥ

sa kāmabhirjāyate tatra tatra |

paryāptakāmasya kṛtātmanastu

ihaiva sarve pravilīyanti kāmāḥ || 2||

nāyamātmā pravacanena labhyo

na medhayā na bahunā śrutena |

yamevaiṣa vṛṇute tena labhya-

stasyaiṣa ātmā vivṛṇute tanūṃ svām || 3||

nāyamātmā balahīnena labhyo

na ca pramādā-ttapaso vāpyaliṅgāt |

etairupāyairyatate yastu vidvāṃ-

stasyaiṣa ātmā viśate brahmadhāma || 4||

samprāpyainamṛṣayo jñānatṛptāḥ

kṛtātmāno vītarāgāḥ praśāntāḥ

te sarvagaṃ sarvataḥ prāpya dhīrā

yuktātmāna-ssarvamevāviśanti || 5||

vedāntavijñānasuniścitārthāḥ

sannyāsayogād yataya-śśuddhasattvāḥ |

te brahmalokeṣu parāntakāle

parāmṛtāḥ parimucyanti sarve || 6||

gatāḥ kalāḥ pañcadaśa pratiṣṭhā

devāśca sarve pratidevatāsu |

karmāṇi vijñānamayaśca ātmā

pare-'vyaye sarve ekībhavanti || 7||

yathā nadya-ssyandamānā-ssamudre-'

sta-ṅgacchanti nāmarūpe vihāya |

tathā vidvā-nnāmarūpādvimuktaḥ

parātpara-mpuruṣamupaiti divyam || 8||

sa yo ha vai ta-tparama-mbrahma veda

brahmaiva bhavati nāsyābrahmavitkule bhavati |

tarati śoka-ntarati pāpmāna-ṅguhāgranthibhyo

vimukto-'mṛto bhavati || 9||

tadetadṛcā-'bhyuktam |

kriyāvanta-śśrotriyā brahmaniṣṭhāḥ

svaya-ñjuhvata ekarṣiṃ śraddhayantaḥ |

teṣāmevaitā-mbrahmavidyāṃ-va~deta

śirovrataṃ-vi~dhivad yaistu cīrṇam || 10||

tadeta-thsatyamṛṣiraṅgirāḥ

purovāca naitadacīrṇavrato-'dhīte |

namaḥ paramṛṣibhyo namaḥ paramṛṣibhyaḥ || 11||

|| iti muṇḍakopaniṣadi tṛtīyamuṇḍake dvitīyaḥ khaṇḍaḥ ||

|| ityatharvavedīya muṇḍakopaniṣatsamāptā ||

o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒-ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭-rdadhātu ||

oṃ śānti॒-śśānti॒-śśāntiḥ̭ ||

|| oṃ śānti-śśānti-śśāntiḥ ||