Kena Upanishad - Dvitiyah Khandah

ॐ

কেন উপনিষদ্ - দ্বিতীযঃ খণ্ডঃ

Upanishad Bengali

যদি মন্যসে সুবেদেতি দহরমেবাপি

নূন-ন্ত্বং-বেঁত্থ ব্রহ্মণো রূপম্ ।

যদস্য ত্বং-যঁদস্য দেবেষ্বথ নু

মীমাম্স্যমেব তে মন্যে বিদিতম্ ॥ 1॥

নাহ-ম্মন্যে সুবেদেতি নো ন বেদেতি বেদ চ ।

যো নস্তদ্বেদ তদ্বেদ নো ন বেদেতি বেদ চ ॥ 2॥

যস্যামত-ন্তস্য মত-ম্মতং-যঁস্য ন বেদ সঃ ।

অবিজ্ঞাতং-বিঁজানতাং-বিঁজ্ঞাতমবিজানতাম্ ॥ 3॥

প্রতিবোধবিদিত-ম্মতমমৃতত্বং হি বিন্দতে ।

আত্মনা বিন্দতে বীর্যং-বিঁদ্যযা বিন্দতে-ঽমৃতম্ ॥ 4॥

ইহ চেদবেদীদথ সত্যমস্তি

ন চেদিহাবেদীন্মহতী বিনষ্টিঃ ।

ভূতেষু ভূতেষু বিচিত্য ধীরাঃ

প্রেত্যাস্মাল্লোকাদমৃতা ভবন্তি ॥ 5॥

॥ ইতি কেনোপনিষদি দ্বিতীযঃ খণ্ডঃ ॥

Roman (IAST) Transliteration

yadi manyase suvedeti daharamevāpi

nūna-ntvaṃ-ve~ttha brahmaṇo rūpam |

yadasya tvaṃ-ya~dasya deveṣvatha nu

mīmāmsyameva te manye viditam || 1||

nāha-mmanye suvedeti no na vedeti veda ca |

yo nastadveda tadveda no na vedeti veda ca || 2||

yasyāmata-ntasya mata-mmataṃ-ya~sya na veda saḥ |

avijñātaṃ-vi~jānatāṃ-vi~jñātamavijānatām || 3||

pratibodhavidita-mmatamamṛtatvaṃ hi vindate |

ātmanā vindate vīryaṃ-vi~dyayā vindate-'mṛtam || 4||

iha cedavedīdatha satyamasti

na cedihāvedīnmahatī vinaṣṭiḥ |

bhūteṣu bhūteṣu vicitya dhīrāḥ

pretyāsmāllokādamṛtā bhavanti || 5||

|| iti kenopaniṣadi dvitīyaḥ khaṇḍaḥ ||