Kaliya Krita Krishna Stotram

ॐ

কালিয কৃতা কৃষ্ণ স্তॊত্রম্

Krishna Stotram Vyasa Bengali

ব্যাস উবাচ ।

ইত্যুক্তে তাভিরাশ্বাস্য ক্লান্তদেহোঽপি পন্নগঃ ।

প্রসীদ দেবদেবেতি প্রাহ বাক্যং শনৈঃ শনৈঃ ॥ 43 ॥

কালীয উবাচ ।

তবাষ্টগুণমৈশ্বর্যং নাথ স্বাভবিকং পরম্ ।

নিরস্তাতিশযং যস্য তস্য স্তোষ্যামি কিন্বহম্ ॥ 44 ॥

ত্বং পরস্ত্বং পরস্যাঽদ্যঃ পরং ত্বং তত্পরাত্মকম্ ।

পরস্মাত্পরমো যস্ত্বং তস্য স্তোষ্যামি কিং ন্বহম্ ॥ 45 ॥

যথাঽহং ভবতা সৃষ্টো জাত্যা রূপেণ চেশ্বরঃ ।

স্বভাবেন চ সংযুক্তস্তথেদং চেষ্টিতং মযা ॥ 46 ॥

যদ্যন্যথা প্রবর্তেয দেবদেব ততো মযি ।

ন্যায্যো দণ্ডনিপাতস্তে তবৈব বচনং যথা ॥ 47 ॥

তথাঽপি যং জগত্স্বামী দণ্ডং পাতিতবান্মযি ।

স সোঢোঽযং বরো দণ্ডস্ত্বত্তো নান্যোঽস্তু মে বরঃ ॥ 48 ॥

হতবীর্যো হতবিষো দমিতোঽহং ত্বযাঽচ্যুত ।

জীবিতং দীযতামেকমাজ্ঞাপয করোমি কিম্ ॥ 49 ॥

ইতি ব্রহ্মপুরাণে পঞ্চাশীত্যধিকশততমাধ্যাযান্তর্গতং

কালিযকৃতং শ্রীকৃষ্ণস্তোত্রং সমাপ্তম্ ।

ব্রহ্মপুরাণ . অধ্যায 185/43-49 . ।

Roman (IAST) Transliteration

vyāsa uvāca |

ityukte tābhirāśvāsya klāntadeho'pi pannagaḥ |

prasīda devadeveti prāha vākyaṃ śanaiḥ śanaiḥ || 43 ||

kālīya uvāca |

tavāṣṭaguṇamaiśvaryaṃ nātha svābhavikaṃ param |

nirastātiśayaṃ yasya tasya stoṣyāmi kinvaham || 44 ||

tvaṃ parastvaṃ parasyā'dyaḥ paraṃ tvaṃ tatparātmakam |

parasmātparamo yastvaṃ tasya stoṣyāmi kiṃ nvaham || 45 ||

yathā'haṃ bhavatā sṛṣṭo jātyā rūpeṇa ceśvaraḥ |

svabhāvena ca saṃyuktastathedaṃ ceṣṭitaṃ mayā || 46 ||

yadyanyathā pravarteya devadeva tato mayi |

nyāyyo daṇḍanipātaste tavaiva vacanaṃ yathā || 47 ||

tathā'pi yaṃ jagatsvāmī daṇḍaṃ pātitavānmayi |

sa soḍho'yaṃ varo daṇḍastvatto nānyo'stu me varaḥ || 48 ||

hatavīryo hataviṣo damito'haṃ tvayā'cyuta |

jīvitaṃ dīyatāmekamājñāpaya karomi kim || 49 ||

iti brahmapurāṇe pañcāśītyadhikaśatatamādhyāyāntargataṃ

kāliyakṛtaṃ śrīkṛṣṇastotraṃ samāptam |

brahmapurāṇa . adhyāya 185/43-49 . |