Durga Kavacham (brahmanda Puranam)

ॐ

দুর্গা কবচম্ (ব্রহ্মাণ্ড পুরাণম্)

Durga Kavacham Bengali

নারাযণ উবাচ ।

ওঁ দুর্গেতি চতুর্থ্যন্তঃ স্বাহান্তো মে শিরোঽবতু ।

মন্ত্রঃ ষডক্ষরোঽযং চ ভক্তানাং কল্পপাদপঃ ॥ 1 ॥

বিচারো নাস্তি বেদেষু গ্রহণেঽস্য মনোর্মুনে ।

মন্ত্রগ্রহণমাত্রেণ বিষ্ণুতুল্যো ভবেন্নরঃ ॥ 2 ॥

মম বক্ত্রং সদা পাতু ওঁ দুর্গাযৈ নমোঽন্ততঃ ।

ওঁ দুর্গে রক্ষযতি চ কণ্ঠং পাতু সদা মম ॥ 3 ॥

ওঁ হ্রীং শ্রীমিতি মন্ত্রোঽযং স্কন্ধং পাতু নিরন্তরম্ ।

হ্রীং শ্রীং ক্লীমিতি পৃষ্ঠং চ পাতু মে সর্বতঃ সদা ॥ 4 ॥

হ্রীং মে বক্ষঃস্থলং পাতু হস্তং শ্রীমিতি সন্ততম্ ।

শ্রীং হ্রীং ক্লীং পাতু সর্বাঙ্গং স্বপ্নে জাগরণে তথা ॥ 5 ॥

প্রাচ্যাং মাং প্রকৃতিঃ পাতুঃ পাতু বহ্নৌ চ চণ্ডিকা ।

দক্ষিণে ভদ্রকালী চ নৈরৃত্যাং চ মহেশ্বরী ॥ 6 ॥

বারুণ্যাং পাতু বারাহী বাযব্যাং সর্বমঙ্গলা ।

উত্তরে বৈষ্ণবী পাতু তথৈশান্যাং শিবপ্রিযা ॥ 7 ॥

জলে স্থলে চান্তরিক্ষে পাতু মাং জগদম্বিকা ।

ইতি তে কথিতং বত্স কবচং চ সুদুর্লভম্ ॥ 8 ॥

যস্মৈ কস্মৈ ন দাতব্যং প্রবক্তব্যং ন কস্যচিত্ ।

গুরুমভ্যর্চ্য বিধিবদ্বস্ত্রালঙ্কারচন্দনৈঃ ।

কবচং ধারযেদ্যস্তু সোঽপি বিষ্ণুর্ন সংশযঃ ॥ 9 ॥

ইতি শ্রীব্রহ্মবৈবর্তে মহাপুরাণে প্রকৃতিখণ্ডে নারদনারাযণসংবাদে দুর্গোপাখ্যানে সপ্তষষ্টিতমোঽধ্যাযে ব্রহ্মাণ্ডমোহনং নাম শ্রী দুর্গা কবচম্ ।

Roman (IAST) Transliteration

nārāyaṇa uvāca |

oṃ durgeti caturthyantaḥ svāhānto me śiro'vatu |

mantraḥ ṣaḍakṣaro'yaṃ ca bhaktānāṃ kalpapādapaḥ || 1 ||

vicāro nāsti vedeṣu grahaṇe'sya manormune |

mantragrahaṇamātreṇa viṣṇutulyo bhavennaraḥ || 2 ||

mama vaktraṃ sadā pātu oṃ durgāyai namo'ntataḥ |

oṃ durge rakṣayati ca kaṇṭhaṃ pātu sadā mama || 3 ||

oṃ hrīṃ śrīmiti mantro'yaṃ skandhaṃ pātu nirantaram |

hrīṃ śrīṃ klīmiti pṛṣṭhaṃ ca pātu me sarvataḥ sadā || 4 ||

hrīṃ me vakṣaḥsthalaṃ pātu hastaṃ śrīmiti santatam |

śrīṃ hrīṃ klīṃ pātu sarvāṅgaṃ svapne jāgaraṇe tathā || 5 ||

prācyāṃ māṃ prakṛtiḥ pātuḥ pātu vahnau ca caṇḍikā |

dakṣiṇe bhadrakālī ca nairṛtyāṃ ca maheśvarī || 6 ||

vāruṇyāṃ pātu vārāhī vāyavyāṃ sarvamaṅgalā |

uttare vaiṣṇavī pātu tathaiśānyāṃ śivapriyā || 7 ||

jale sthale cāntarikṣe pātu māṃ jagadambikā |

iti te kathitaṃ vatsa kavacaṃ ca sudurlabham || 8 ||

yasmai kasmai na dātavyaṃ pravaktavyaṃ na kasyacit |

gurumabhyarcya vidhivadvastrālaṅkāracandanaiḥ |

kavacaṃ dhārayedyastu so'pi viṣṇurna saṃśayaḥ || 9 ||

iti śrībrahmavaivarte mahāpurāṇe prakṛtikhaṇḍe nāradanārāyaṇasaṃvāde durgopākhyāne saptaṣaṣṭitamo'dhyāye brahmāṇḍamohanaṃ nāma śrī durgā kavacam |