Chanakya Niti - Panchadasho'dhyayah

ॐ

চাণক্য নীতি - পঞ্চদশোঽধ্যাযঃ

Bengali

যস্য চিত্তং দ্রবীভূতং কৃপযা সর্বজন্তুষু ।

তস্য জ্ঞানেন মোক্ষেণ কিং জটাভস্মলেপনৈঃ ॥ 01 ॥

একমপ্যক্ষরং যস্তু গুরুঃ শিষ্যং প্রবোধযেত্ ।

পৃথিব্যাং নাস্তি তদ্দ্রব্যং যদ্দত্ত্বা সোঽনৃণী ভবেত্ ॥ 02 ॥

খলানাং কণ্টকানাং চ দ্বিবিধৈব প্রতিক্রিযা ।

উপানন্মুখভঙ্গো বা দূরতো বা বিসর্জনম্ ॥ 02 ॥

কুচৈলিনং দন্তমলোপধারিণং

বহ্বাশিনং নিষ্ঠুরভাষিণং চ ।

সূর্যোদযে চাস্তমিতে শযানং

বিমুঞ্চতি শ্রীর্যদি চক্রপাণিঃ ॥ 04 ॥

ত্যজন্তি মিত্রাণি ধনৈর্বিহীনং

পুত্রাশ্চ দারাশ্চ সুহৃজ্জনাশ্চ ।

তমর্থবন্তং পুনরাশ্রযন্তি

অর্থো হি লোকে মনুষ্যস্য বন্ধুঃ ॥ 05 ॥

অন্যাযোপার্জিতং দ্রব্যং দশ বর্ষাণি তিষ্ঠতি ।

প্রাপ্তে চৈকাদশে বর্ষে সমূলং তদ্বিনশ্যতি ॥ 06 ॥

অযুক্তং স্বামিনো যুক্তং যুক্তং নীচস্য দূষণম্ ।

অমৃতং রাহবে মৃত্যুর্বিষং শঙ্করভূষণম্ ॥ 07 ॥

তদ্ভোজনং যদ্দ্বিজভুক্তশেষং

তত্সৌহৃদং যত্ক্রিযতে পরস্মিন্ ।

সা প্রাজ্ঞতা যা ন করোতি পাপং

দম্ভং বিনা যঃ ক্রিযতে স ধর্মঃ ॥ 08 ॥

মণির্লুণ্ঠতি পাদাগ্রে কাচঃ শিরসি ধার্যতে ।

ক্রযবিক্রযবেলাযাং কাচঃ কাচো মণির্মণিঃ ॥ 09 ॥

অনন্তশাস্ত্রং বহুলাশ্চ বিদ্যাঃ

স্বল্পশ্চ কালো বহুবিঘ্নতা চ ।

যত্সারভূতং তদুপাসনীযাং

হংসো যথা ক্ষীরমিবাম্বুমধ্যাত্ ॥ 10 ॥

দূরাগতং পথি শ্রান্তং বৃথা চ গৃহমাগতম্ ।

অনর্চযিত্বা যো ভুঙ্ক্তে স বৈ চাণ্ডাল উচ্যতে ॥ 11 ॥

পঠন্তি চতুরো বেদান্ধর্মশাস্ত্রাণ্যনেকশঃ ।

আত্মানং নৈব জানন্তি দর্বী পাকরসং যথা ॥ 12 ॥

ধন্যা দ্বিজমযী নৌকা বিপরীতা ভবার্ণবে ।

তরন্ত্যধোগতাঃ সর্বে উপরিষ্ঠাঃ পতন্ত্যধঃ ॥ 13 ॥

অযমমৃতনিধানং নাযকোঽপ্যোষধীনাম্

অমৃতমযশরীরঃ কান্তিযুক্তোঽপি চন্দ্রঃ ।

ভবতিবিগতরশ্মির্মণ্ডলং প্রাপ্য ভানোঃ

পরসদননিবিষ্টঃ কো লঘুত্বং ন যাতি ॥ 14 ॥

অলিরযং নলিনীদলমধ্যগঃ

কমলিনীমকরন্দমদালসঃ ।

বিধিবশাত্পরদেশমুপাগতঃ

কুটজপুষ্পরসং বহু মন্যতে ॥ 15 ॥

পীতঃ ক্রুদ্ধেন তাতশ্চরণতলহতো বল্লভো যেন রোষা

দাবাল্যাদ্বিপ্রবর্যৈঃ স্ববদনবিবরে ধার্যতে বৈরিণী মে ।

গেহং মে ছেদযন্তি প্রতিদিবসমুমাকান্তপূজানিমিত্তং

তস্মাত্খিন্না সদাহং দ্বিজকুলনিলযং নাথ যুক্তং ত্যজামি ॥ 16 ॥

বন্ধনানি খলু সন্তি বহূনি

প্রেমরজ্জুকৃতবন্ধনমন্যত্ ।

দারুভেদনিপুণোঽপি ষডঙ্ঘ্রি-

র্নিষ্ক্রিযো ভবতি পঙ্কজকোশেঃ ॥ 17 ॥

ছিন্নোঽপি চন্দন তরুর্ন জহাতি গন্ধং

বৃদ্ধোঽপি বারণপতি-র্নজহাতি লীলাম্ ।

হন্ত্রার্পিতো মধুরতাং ন জহাতি চেক্ষুঃ

ক্ষীণোঽপি ন ত্যজতি শিলগুণান্ কুলীনঃ ॥ 18 ॥

Roman (IAST) Transliteration

yasya cittaṃ dravībhūtaṃ kṛpayā sarvajantuṣu |

tasya jñānena mokṣeṇa kiṃ jaṭābhasmalepanaiḥ || 01 ||

ekamapyakṣaraṃ yastu guruḥ śiṣyaṃ prabodhayet |

pṛthivyāṃ nāsti taddravyaṃ yaddattvā so'nṛṇī bhavet || 02 ||

khalānāṃ kaṇṭakānāṃ ca dvividhaiva pratikriyā |

upānanmukhabhaṅgo vā dūrato vā visarjanam || 02 ||

kucailinaṃ dantamalopadhāriṇaṃ

bahvāśinaṃ niṣṭhurabhāṣiṇaṃ ca |

sūryodaye cāstamite śayānaṃ

vimuñcati śrīryadi cakrapāṇiḥ || 04 ||

tyajanti mitrāṇi dhanairvihīnaṃ

putrāśca dārāśca suhṛjjanāśca |

tamarthavantaṃ punarāśrayanti

artho hi loke manuṣyasya bandhuḥ || 05 ||

anyāyopārjitaṃ dravyaṃ daśa varṣāṇi tiṣṭhati |

prāpte caikādaśe varṣe samūlaṃ tadvinaśyati || 06 ||

ayuktaṃ svāmino yuktaṃ yuktaṃ nīcasya dūṣaṇam |

amṛtaṃ rāhave mṛtyurviṣaṃ śaṅkarabhūṣaṇam || 07 ||

tadbhojanaṃ yaddvijabhuktaśeṣaṃ

tatsauhṛdaṃ yatkriyate parasmin |

sā prājñatā yā na karoti pāpaṃ

dambhaṃ vinā yaḥ kriyate sa dharmaḥ || 08 ||

maṇirluṇṭhati pādāgre kācaḥ śirasi dhāryate |

krayavikrayavelāyāṃ kācaḥ kāco maṇirmaṇiḥ || 09 ||

anantaśāstraṃ bahulāśca vidyāḥ

svalpaśca kālo bahuvighnatā ca |

yatsārabhūtaṃ tadupāsanīyāṃ

haṃso yathā kṣīramivāmbumadhyāt || 10 ||

dūrāgataṃ pathi śrāntaṃ vṛthā ca gṛhamāgatam |

anarcayitvā yo bhuṅkte sa vai cāṇḍāla ucyate || 11 ||

paṭhanti caturo vedāndharmaśāstrāṇyanekaśaḥ |

ātmānaṃ naiva jānanti darvī pākarasaṃ yathā || 12 ||

dhanyā dvijamayī naukā viparītā bhavārṇave |

tarantyadhogatāḥ sarve upariṣṭhāḥ patantyadhaḥ || 13 ||

ayamamṛtanidhānaṃ nāyako'pyoṣadhīnām

amṛtamayaśarīraḥ kāntiyukto'pi candraḥ |

bhavativigataraśmirmaṇḍalaṃ prāpya bhānoḥ

parasadananiviṣṭaḥ ko laghutvaṃ na yāti || 14 ||

alirayaṃ nalinīdalamadhyagaḥ

kamalinīmakarandamadālasaḥ |

vidhivaśātparadeśamupāgataḥ

kuṭajapuṣparasaṃ bahu manyate || 15 ||

pītaḥ kruddhena tātaścaraṇatalahato vallabho yena roṣā

dābālyādvipravaryaiḥ svavadanavivare dhāryate vairiṇī me |

gehaṃ me chedayanti pratidivasamumākāntapūjānimittaṃ

tasmātkhinnā sadāhaṃ dvijakulanilayaṃ nātha yuktaṃ tyajāmi || 16 ||

bandhanāni khalu santi bahūni

premarajjukṛtabandhanamanyat |

dārubhedanipuṇo'pi ṣaḍaṅghri-

rniṣkriyo bhavati paṅkajakośeḥ || 17 ||

chinno'pi candana tarurna jahāti gandhaṃ

vṛddho'pi vāraṇapati-rnajahāti līlām |

hantrārpito madhuratāṃ na jahāti cekṣuḥ

kṣīṇo'pi na tyajati śilaguṇān kulīnaḥ || 18 ||