Chanakya Niti - Ekadasho'dhyayah

ॐ

চাণক্য নীতি - একাদশোঽধ্যাযঃ

Bengali

দাতৃত্বং প্রিযবক্তৃত্বং ধীরত্বমুচিতজ্ঞতা ।

অভ্যাসেন ন লভ্যন্তে চত্বারঃ সহজা গুণাঃ ॥ 01 ॥

আত্মবর্গং পরিত্যজ্য পরবর্গং সমাশ্রযেত্ ।

স্বযমেব লযং যাতি যথা রাজান্যধর্মতঃ ॥ 02 ॥

হস্তী স্থূলতনুঃ স চাঙ্কুশবশঃ কিং হস্তিমাত্রোঽঙ্কুশো

দীপে প্রজ্বলিতে প্রণশ্যতি তমঃ কিং দীপমাত্রং তমঃ ।

বজ্রেণাপি হতাঃ পতন্তি গিরযঃ কিং বজ্রমাত্রং নগা-

স্তেজো যস্য বিরাজতে স বলবান্স্থূলেষু কঃ প্রত্যযঃ ॥ 03 ॥

কলৌ দশসহস্রাণি হরিস্ত্যজতি মেদিনীম্ ।

তদর্ধং জাহ্নবীতোযং তদর্ধং গ্রামদেবতাঃ ॥ 04 ॥

গৃহাসক্তস্য নো বিদ্যা নো দযা মাংসভোজিনঃ ।

দ্রব্যলুব্ধস্য নো সত্যং স্ত্রৈণস্য ন পবিত্রতা ॥ 05 ॥

ন দুর্জনঃ সাধুদশামুপৈতি

বহুপ্রকারৈরপি শিক্ষ্যমাণঃ ।

আমূলসিক্তঃ পযসা ঘৃতেন

ন নিম্ববৃক্ষো মধুরত্বমেতি ॥ 06 ॥

অন্তর্গতমলো দুষ্টস্তীর্থস্নানশতৈরপি ।

ন শুধ্যতি যথা ভাণ্ডং সুরাযা দাহিতং চ সত্ ॥ 07 ॥

ন বেত্তি যো যস্য গুণপ্রকর্ষং

স তং সদা নিন্দতি নাত্র চিত্রম্ ।

যথা কিরাতী করিকুম্ভলব্ধাং

মুক্তাং পরিত্যজ্য বিভর্তি গুঞ্জাম্ ॥ 08 ॥

যে তু সংবত্সরং পূর্ণং নিত্যং মৌনেন ভুঞ্জতে ।

যুগকোটিসহস্রং তৈঃ স্বর্গলোকে মহীযতে ॥ 09 ॥

কামক্রোধৌ তথা লোভং স্বাদুশ‍ঋঙ্গারকৌতুকে ।

অতিনিদ্রাতিসেবে চ বিদ্যার্থী হ্যষ্ট বর্জযেত্ ॥ 10 ॥

অকৃষ্টফলমূলেন বনবাসরতঃ সদা ।

কুরুতেঽহরহঃ শ্রাদ্ধমৃষির্বিপ্রঃ স উচ্যতে ॥ 11 ॥

একাহারেণ সন্তুষ্টঃ ষট্কর্মনিরতঃ সদা ।

ঋতুকালাভিগামী চ স বিপ্রো দ্বিজ উচ্যতে ॥ 12 ॥

লৌকিকে কর্মণি রতঃ পশূনাং পরিপালকঃ ।

বাণিজ্যকৃষিকর্মা যঃ স বিপ্রো বৈশ্য উচ্যতে ॥ 13 ॥

লাক্ষাদিতৈলনীলীনাং কৌসুম্ভমধুসর্পিষাম্ ।

বিক্রেতা মদ্যমাংসানাং স বিপ্রঃ শূদ্র উচ্যতে ॥ 14 ॥

পরকার্যবিহন্তা চ দাম্ভিকঃ স্বার্থসাধকঃ ।

ছলী দ্বেষী মৃদুঃ ক্রূরো বিপ্রো মার্জার উচ্যতে ॥ 15 ॥

বাপীকূপতডাগানামারামসুরবেশ্মনাম্ ।

উচ্ছেদনে নিরাশঙ্কঃ স বিপ্রো ম্লেচ্ছ উচ্যতে ॥ 16 ॥

দেবদ্রব্যং গুরুদ্রব্যং পরদারাভিমর্শনম্ ।

নির্বাহঃ সর্বভূতেষু বিপ্রশ্চাণ্ডাল উচ্যতে ॥ 17 ॥

দেযং ভোজ্যধনং ধনং সুকৃতিভির্নো সঞ্চযস্তস্য বৈ

শ্রীকর্ণস্য বলেশ্চ বিক্রমপতেরদ্যাপি কীর্তিঃ স্থিতা ।

অস্মাকং মধুদানভোগরহিতং নাথং চিরাত্সঞ্চিতং

নির্বাণাদিতি নৈজপাদযুগলং ধর্ষন্ত্যহো মক্ষিকাঃ ॥ 18 ॥

Roman (IAST) Transliteration

dātṛtvaṃ priyavaktṛtvaṃ dhīratvamucitajñatā |

abhyāsena na labhyante catvāraḥ sahajā guṇāḥ || 01 ||

ātmavargaṃ parityajya paravargaṃ samāśrayet |

svayameva layaṃ yāti yathā rājānyadharmataḥ || 02 ||

hastī sthūlatanuḥ sa cāṅkuśavaśaḥ kiṃ hastimātro'ṅkuśo

dīpe prajvalite praṇaśyati tamaḥ kiṃ dīpamātraṃ tamaḥ |

vajreṇāpi hatāḥ patanti girayaḥ kiṃ vajramātraṃ nagā-

stejo yasya virājate sa balavānsthūleṣu kaḥ pratyayaḥ || 03 ||

kalau daśasahasrāṇi haristyajati medinīm |

tadardhaṃ jāhnavītoyaṃ tadardhaṃ grāmadevatāḥ || 04 ||

gṛhāsaktasya no vidyā no dayā māṃsabhojinaḥ |

dravyalubdhasya no satyaṃ straiṇasya na pavitratā || 05 ||

na durjanaḥ sādhudaśāmupaiti

bahuprakārairapi śikṣyamāṇaḥ |

āmūlasiktaḥ payasā ghṛtena

na nimbavṛkṣo madhuratvameti || 06 ||

antargatamalo duṣṭastīrthasnānaśatairapi |

na śudhyati yathā bhāṇḍaṃ surāyā dāhitaṃ ca sat || 07 ||

na vetti yo yasya guṇaprakarṣaṃ

sa taṃ sadā nindati nātra citram |

yathā kirātī karikumbhalabdhāṃ

muktāṃ parityajya bibharti guñjām || 08 ||

ye tu saṃvatsaraṃ pūrṇaṃ nityaṃ maunena bhuñjate |

yugakoṭisahasraṃ taiḥ svargaloke mahīyate || 09 ||

kāmakrodhau tathā lobhaṃ svāduśa‍ṛṅgārakautuke |

atinidrātiseve ca vidyārthī hyaṣṭa varjayet || 10 ||

akṛṣṭaphalamūlena vanavāsarataḥ sadā |

kurute'harahaḥ śrāddhamṛṣirvipraḥ sa ucyate || 11 ||

ekāhāreṇa santuṣṭaḥ ṣaṭkarmanirataḥ sadā |

ṛtukālābhigāmī ca sa vipro dvija ucyate || 12 ||

laukike karmaṇi rataḥ paśūnāṃ paripālakaḥ |

vāṇijyakṛṣikarmā yaḥ sa vipro vaiśya ucyate || 13 ||

lākṣāditailanīlīnāṃ kausumbhamadhusarpiṣām |

vikretā madyamāṃsānāṃ sa vipraḥ śūdra ucyate || 14 ||

parakāryavihantā ca dāmbhikaḥ svārthasādhakaḥ |

chalī dveṣī mṛduḥ krūro vipro mārjāra ucyate || 15 ||

vāpīkūpataḍāgānāmārāmasuraveśmanām |

ucchedane nirāśaṅkaḥ sa vipro mleccha ucyate || 16 ||

devadravyaṃ gurudravyaṃ paradārābhimarśanam |

nirvāhaḥ sarvabhūteṣu vipraścāṇḍāla ucyate || 17 ||

deyaṃ bhojyadhanaṃ dhanaṃ sukṛtibhirno sañcayastasya vai

śrīkarṇasya baleśca vikramapateradyāpi kīrtiḥ sthitā |

asmākaṃ madhudānabhogarahitaṃ nāthaṃ cirātsañcitaṃ

nirvāṇāditi naijapādayugalaṃ dharṣantyaho makṣikāḥ || 18 ||