Shrimadbhagavadgita Parayana - Dhyanashlokah

ॐ

শ্রীমদ্ভগবদ্গীতা পারাযণ - ধ্যানশ্লোকাঃ

Gita Vyasa Bengali

ওঁ শ্রী পরমাত্মনে নমঃ

অথ গীতা ধ্যান শ্লোকাঃ

ওঁ পার্থায প্রতিবোধিতাং ভগবতা নারাযণেন স্বযং

ব্যাসেন গ্রথিতাং পুরাণমুনিনা মধ্যে মহাভারতম্ ।

অদ্বৈতামৃতবর্ষিণীং ভগবতীং অষ্টাদশাধ্যাযিনীং

অম্ব ত্বাং অনুসন্দধামি ভগবদ্গীতে ভবদ্বেষিণীম্ ॥

নমোঽস্তুতে ব্যাস বিশালবুদ্ধে ফুল্লারবিন্দাযতপত্রনেত্র ।

যেন ত্বযা ভারত তৈলপূর্ণঃ প্রজ্বালিতো জ্ঞানমযঃ প্রদীপঃ॥

প্রপন্নপারিজাতায তোত্রবেত্রৈকপাণযে ।

জ্ঞানমুদ্রায কৃষ্ণায গীতামৃতদুহে নমঃ ॥

বসুদেবসুতং দেবং কংসচাণূরমর্দনম্ ।

দেবকীপরমানন্দং কৃষ্ণং বন্দে জগদ্গুরুম্ ॥

ভীষ্মদ্রোণতটা জযদ্রথজলা গান্ধারনীলোত্পলা

শল্যগ্রাহবতী কৃপেণ বহনী কর্ণেন বেলাকুলা ।

অশ্বত্থামবিকর্ণঘোরমকরা দুর্যোধনাবর্তিনী

সোত্তীর্ণা খলু পাণ্ডবৈ রণনদী কৈবর্তকঃ কেশবঃ ॥

পারাশর্যবচঃ সরোজমমলং গীতার্থগন্ধোত্কটং

নানাখ্যানককেসরং হরিকথা সম্বোধনাবোধিতম্ ।

লোকে সজ্জনষট্পদৈরহরহঃ পেপীযমানং মুদা

ভূযাদ্ভারতপঙ্কজং কলিমলং প্রধ্বংসিনঃ শ্রেযসে ॥

মূকং করোতি বাচালং পঙ্গুং লঙ্ঘযতে গিরিম্ ।

যত্কৃপা তমহং বন্দে পরমানন্দমাধবম্ ॥

শান্তাকারং ভুজগশযনং পদ্মনাভং সুরেশং

বিশ্বাধারং গগনসদৃশং মেঘবর্ণং শুভাঙ্গম্ ।

লক্ষ্মীকান্তং কমলনযনং যোগিহৃদ্ধ্যানগম্যং

বন্দে বিষ্ণুং ভবভযহরং সর্ব লোকৈকনাথম্ ॥

যং ব্রহ্মাবরুণেন্দ্ররুদ্রমরুতঃ স্তুন্বন্তি দিব্যৈঃ স্তবৈঃ

বেদৈঃ সাঙ্গপদক্রমোপনিষদৈঃ গাযন্তি যং সামগাঃ ।

ধ্যানাবস্থিত তদ্গতেন মনসা পশ্যন্তি যং যোগিনঃ

যস্যান্তং ন বিদুস্সুরাসুরগণাঃ দেবায তস্মৈ নমঃ ॥

নারাযণং নমস্কৃত্য নরঞ্চৈব নরোত্তমম্ ।

দেবীং সরস্বতীং ব্যাসং ততো জযমুদীরযেত্ ॥

সচ্চিদানন্দরূপায কৃষ্ণাযাক্লিষ্টকারিণে ।

নমো বেদান্তবেদ্যায গুরবে বুদ্ধিসাক্ষিণে॥

সর্বোপনিষদো গাবঃ দোগ্ধা গোপালনন্দনঃ ।

পার্থো বত্সঃ সুধীর্ভোক্তা দুগ্ধং গীতামৃতং মহত্ ॥

গীতাশাস্ত্রমিদং পুণ্যং যঃ পঠেত্ প্রযতঃ পুমান্ ।

বিষ্ণোঃ পদমবাপ্নোতি ভযশোকাদি বর্জিতঃ ॥

একং শাস্ত্রং দেবকীপুত্রগীতং একো দেবো দেবকীপুত্র এব ।

একো মন্ত্রস্তস্য নামানি যানি কর্মাপ্যেকং তস্য দেবস্য সেবা ॥

॥ ওঁ শ্রী কৃষ্ণায পরমাত্মনে নমঃ ॥

Roman (IAST) Transliteration

oṃ śrī paramātmane namaḥ

atha gītā dhyāna ślokāḥ

oṃ pārthāya pratibodhitāṃ bhagavatā nārāyaṇena svayaṃ

vyāsena grathitāṃ purāṇamuninā madhye mahābhāratam |

advaitāmṛtavarṣiṇīṃ bhagavatīṃ aṣṭādaśādhyāyinīṃ

amba tvāṃ anusandadhāmi bhagavadgīte bhavadveṣiṇīm ||

namo'stute vyāsa viśālabuddhe phullāravindāyatapatranetra |

yena tvayā bhārata tailapūrṇaḥ prajvālito jñānamayaḥ pradīpaḥ||

prapannapārijātāya totravetraikapāṇaye |

jñānamudrāya kṛṣṇāya gītāmṛtaduhe namaḥ ||

vasudevasutaṃ devaṃ kaṃsacāṇūramardanam |

devakīparamānandaṃ kṛṣṇaṃ vande jagadgurum ||

bhīṣmadroṇataṭā jayadrathajalā gāndhāranīlotpalā

śalyagrāhavatī kṛpeṇa vahanī karṇena velākulā |

aśvatthāmavikarṇaghoramakarā duryodhanāvartinī

sottīrṇā khalu pāṇḍavai raṇanadī kaivartakaḥ keśavaḥ ||

pārāśaryavacaḥ sarojamamalaṃ gītārthagandhotkaṭaṃ

nānākhyānakakesaraṃ harikathā sambodhanābodhitam |

loke sajjanaṣaṭpadairaharahaḥ pepīyamānaṃ mudā

bhūyādbhāratapaṅkajaṃ kalimalaṃ pradhvaṃsinaḥ śreyase ||

mūkaṃ karoti vācālaṃ paṅguṃ laṅghayate girim |

yatkṛpā tamahaṃ vande paramānandamādhavam ||

śāntākāraṃ bhujagaśayanaṃ padmanābhaṃ sureśaṃ

viśvādhāraṃ gaganasadṛśaṃ meghavarṇaṃ śubhāṅgam |

lakṣmīkāntaṃ kamalanayanaṃ yogihṛddhyānagamyaṃ

vande viṣṇuṃ bhavabhayaharaṃ sarva lokaikanātham ||

yaṃ brahmāvaruṇendrarudramarutaḥ stunvanti divyaiḥ stavaiḥ

vedaiḥ sāṅgapadakramopaniṣadaiḥ gāyanti yaṃ sāmagāḥ |

dhyānāvasthita tadgatena manasā paśyanti yaṃ yoginaḥ

yasyāntaṃ na vidussurāsuragaṇāḥ devāya tasmai namaḥ ||

nārāyaṇaṃ namaskṛtya narañcaiva narottamam |

devīṃ sarasvatīṃ vyāsaṃ tato jayamudīrayet ||

saccidānandarūpāya kṛṣṇāyākliṣṭakāriṇe |

namo vedāntavedyāya gurave buddhisākṣiṇe||

sarvopaniṣado gāvaḥ dogdhā gopālanandanaḥ |

pārtho vatsaḥ sudhīrbhoktā dugdhaṃ gītāmṛtaṃ mahat ||

gītāśāstramidaṃ puṇyaṃ yaḥ paṭhet prayataḥ pumān |

viṣṇoḥ padamavāpnoti bhayaśokādi varjitaḥ ||

ekaṃ śāstraṃ devakīputragītaṃ eko devo devakīputra eva |

eko mantrastasya nāmāni yāni karmāpyekaṃ tasya devasya sevā ||

|| oṃ śrī kṛṣṇāya paramātmane namaḥ ||