Adya Kalika Ashtottara Shata Namavalih

ॐ

আদ্য কালিকা অষ্টোত্তর শত নামাবলিঃ

Kali Ashtottara Sata Namavali Bengali

শ্রীসদাশিব উবাচ

শৃণু দেবি জগদ্বন্দ্যে স্তোত্রমেতদনুত্তমম্ ।

পঠনাচ্ছ্রবণাদ্যস্য সর্বসিদ্ধীশ্বরো ভবেত্ ॥ 1 ॥

অসৌভাগ্যপ্রশমনং সুখসম্পদ্বিবর্ধনম্ ।

অকালমৃত্যুহরণং সর্বাপদ্বিনিবারণম্ ॥ 2 ॥

শ্রীমদাদ্যাকালিকাযাঃ সুখসান্নিধ্যকারণম্ ।

স্তবস্যাস্য প্রসীদেন ত্রিপুরারিরহং প্রিযে ॥ 3 ॥

স্তোত্রস্যাস্য ঋষির্দেবি সদাশিব উদাহৃতঃ ।

ছন্দোঽনুষ্টুব্দেবতাদ্যা কালিকা পরিকীর্তিতা ।

ধর্মকামার্থমোক্ষেষু বিনিযোগঃ প্রকীর্তিতঃ ॥ 4 ॥

অথ স্তোত্রম্

হ্রীং কালী শ্রীং করালী চ ক্রীং কল্যাণী কলাবতী ।

কমলা কলিদর্পঘ্নী কপর্দীশকৃপান্বিতা ॥ 5 ॥

কালিকা কালমাতা চ কালানলসমদ্যুতিঃ ।

কপর্দিনী করালাস্যা করুণামৃতসাগরা ॥ 6 ॥

কৃপামযী কৃপাধারা কৃপাপারা কৃপাগমা ।

কৃশানুঃ কপিলা কৃষ্ণা কৃষ্ণানন্দবিবর্ধিনী ॥ 7 ॥

কালরাত্রিঃ কামরূপা কামপাশবিমোচিনী ।

কাদম্বিনী কলাধারা কলিকল্মষনাশিনী ॥ 8 ॥

কুমারীপূজনপ্রীতা কুমারীপূজকালযা ।

কুমারীভোজনানন্দা কুমারীরূপধারিণী ॥ 9 ॥

কদম্ববনসঞ্চারা কদম্ববনবাসিনী ।

কদম্বপুষ্পসন্তোষা কদম্বপুষ্পমালিনী ॥ 10 ॥

কিশোরী কলকণ্ঠা চ কলনাদনিনাদিনী ।

কাদম্বরীপানরতা তথা কাদম্বরীপ্রিযা ॥ 11 ॥

কপালপাত্রনিরতা কঙ্কালমাল্যধারিণী ।

কমলাসনসন্তুষ্টা কমলাসনবাসিনী ॥ 12 ॥

কমলালযমধ্যস্থা কমলামোদমোদিনী ।

কলহংসগতিঃ ক্লৈব্যনাশিনী কামরূপিণী ॥ 13 ॥

কামরূপকৃতাবাসা কামপীঠবিলাসিনী ।

কমনীযা কল্পলতা কমনীযবিভূষণা ॥ 14 ॥

কমনীযগুণারাধ্যা কোমলাঙ্গী কৃশোদরী ।

কারণামৃতসন্তোষা কারণানন্দসিদ্ধিদা ॥ 15 ॥

কারণানন্দজাপেষ্টা কারণার্চনহর্ষিতা ।

কারণার্ণবসম্মগ্না কারণব্রতপালিনী ॥ 16 ॥

কস্তূরীসৌরভামোদা কস্তূরীতিলকোজ্জ্বলা ।

কস্তূরীপূজনরতা কস্তূরীপূজকপ্রিযা ॥ 17 ॥

কস্তূরীদাহজননী কস্তূরীমৃগতোষিণী ।

কস্তূরীভোজনপ্রীতা কর্পূরামোদমোদিতা ॥ 18 ॥

কর্পূরমালাভরণা কর্পূরচন্দনোক্ষিতা ।

কর্পূরকারণাহ্লাদা কর্পূরামৃতপাযিনী ॥ 19 ॥

কর্পূরসাগরস্নাতা কর্পূরসাগরালযা ।

কূর্চবীজজপপ্রীতা কূর্চজাপপরাযণা ॥ 20 ॥

কুলীনা কৌলিকারাধ্যা কৌলিকপ্রিযকারিণী ।

কুলাচারা কৌতুকিনী কুলমার্গপ্রদর্শিনী ॥ 21 ॥

কাশীশ্বরী কষ্টহর্ত্রী কাশীশবরদাযিনী ।

কাশীশ্বরকৃতামোদা কাশীশ্বরমনোরমা ॥ 22 ॥

কলমঞ্জীরচরণা ক্বণত্কাঞ্চীবিভূষণা ।

কাঞ্চনাদ্রিকৃতাগারা কাঞ্চনাচলকৌমুদী ॥ 23 ॥

কামবীজজপানন্দা কামবীজস্বরূপিণী ।

কুমতিঘ্নী কুলীনার্তিনাশিনী কুলকামিনী ॥ 24 ॥

ক্রীং হ্রীং শ্রীং মন্ত্রবর্ণেন কালকণ্টকঘাতিনী ।

ইত্যাদ্যাকালিকাদেব্যাঃ শতনাম প্রকীর্তিতম্ ॥ 25 ॥

ককারকূটঘটিতং কালীরূপস্বরূপকম্ ।

পূজাকালে পঠেদ্যস্তু কালিকাকৃতমানসঃ ॥ 26 ॥

মন্ত্রসিদ্ধির্ভবেদাশু তস্য কালী প্রসীদতি ।

বুদ্ধিং বিদ্যাং চ লভতে গুরোরাদেশমাত্রতঃ ॥ 27 ॥

ধনবান্ কীর্তিমান্ ভূযাদ্দানশীলো দযান্বিতঃ ।

পুত্রপৌত্রসুখৈশ্বর্যৈর্মোদতে সাধকো ভুবি ॥ 28 ॥

ভৌমাবাস্যানিশাভাগে মপঞ্চকসমন্বিতঃ ।

পূজযিত্বা মহাকালীমাদ্যাং ত্রিভুবনেশ্বরীম্ ॥ 29 ॥

পঠিত্বা শতনামানি সাক্ষাত্কালীমযো ভবেত্ ।

নাসাধ্যং বিদ্যতে তস্য ত্রিষু লোকেষু কিঞ্চন ॥ 30 ॥

বিদ্যাযাং বাক্পতিঃ সাক্ষাত্ ধনে ধনপতির্ভবেত্ ।

সমুদ্র ইব গাম্ভীর্যে বলে চ পবনোপমঃ ॥ 31 ॥

তিগ্মাংশুরিব দুষ্প্রেক্ষ্যঃ শশিবচ্ছুভদর্শনঃ ।

রূপে মূর্তিধরঃ কামো যোষিতাং হৃদযঙ্গমঃ ॥ 32 ॥

সর্বত্র জযমাপ্নোতি স্তবস্যাস্য প্রসাদতঃ ।

যং যং কামং পুরস্কৃত্য স্তোত্রমেতদুদীরযেত্ ॥ 33 ॥

তং তং কামমবাপ্নোতি শ্রীমদাদ্যাপ্রসাদতঃ ।

রণে রাজকুলে দ্যূতে বিবাদে প্রাণসঙ্কটে ॥ 34 ॥

দস্যুগ্রস্তে গ্রামদাহে সিংহব্যাঘ্রাবৃতে তথা ।

অরণ্যে প্রান্তরে দুর্গে গ্রহরাজভযেঽপি বা ॥ 35 ॥

জ্বরদাহে চিরব্যাধৌ মহারোগাদিসঙ্কুলে ।

বালগ্রহাদি রোগে চ তথা দুঃস্বপ্নদর্শনে ॥ 36 ॥

দুস্তরে সলিলে বাপি পোতে বাতবিপদ্গতে ।

বিচিন্ত্য পরমাং মাযামাদ্যাং কালীং পরাত্পরাম্ ॥ 37 ॥

যঃ পঠেচ্ছতনামানি দৃঢভক্তিসমন্বিতঃ ।

সর্বাপদ্ভ্যো বিমুচ্যেত দেবি সত্যং ন সংশযঃ ॥ 38 ॥

ন পাপেভ্যো ভযং তস্য ন রোগোভ্যো ভযং ক্বচিত্ ।

সর্বত্র বিজযস্তস্য ন কুত্রাপি পরাভবঃ ॥ 39 ॥

তস্য দর্শনমাত্রেণ পলাযন্তে বিপদ্গণাঃ ।

স বক্তা সর্বশাস্ত্রাণাং স ভোক্তা সর্বসম্পদাম্ ॥ 40 ॥

স কর্তা জাতিধর্মাণাং জ্ঞাতীনাং প্রভুরেব সঃ ।

বাণী তস্য বসেদ্বক্ত্রে কমলা নিশ্চলা গৃহে ॥ 41 ॥

তন্নাম্না মানবাঃ সর্বে প্রণমন্তি সসম্ভ্রমাঃ ।

দৃষ্ট্যা তস্য তৃণাযন্তে হ্যণিমাদ্যষ্টসিদ্ধযঃ ॥ 42 ॥

আদ্যাকালীস্বরূপাখ্যং শতনাম প্রকীর্তিতম্ ।

অষ্টোত্তরশতাবৃত্যা পুরশ্চর্যাঽস্য গীযতে ॥ 43 ॥

পুরস্ক্রিযান্বিতং স্তোত্রং সর্বাভীষ্টফলপ্রদম্ ।

শতনামস্তুতিমিমামাদ্যাকালীস্বরূপিণীম্ ॥ 44 ॥

পঠেদ্বা পাঠযেদ্বাপি শৃণুযাচ্ছ্রাবযেদপি ।

সর্বপাপবিনির্মুক্তো ব্রহ্মসাযুজ্যমাপ্নুযাত্ ॥ 45 ॥

ইতি মহানির্বাণতন্ত্রে সপ্তমোল্লাসান্তর্গতং শ্রী আদ্যা কালিকা শতনাম স্তোত্রম্ ॥

Roman (IAST) Transliteration

śrīsadāśiva uvāca

śṛṇu devi jagadvandye stotrametadanuttamam |

paṭhanācchravaṇādyasya sarvasiddhīśvaro bhavet || 1 ||

asaubhāgyapraśamanaṃ sukhasampadvivardhanam |

akālamṛtyuharaṇaṃ sarvāpadvinivāraṇam || 2 ||

śrīmadādyākālikāyāḥ sukhasānnidhyakāraṇam |

stavasyāsya prasīdena tripurārirahaṃ priye || 3 ||

stotrasyāsya ṛṣirdevi sadāśiva udāhṛtaḥ |

chando'nuṣṭubdevatādyā kālikā parikīrtitā |

dharmakāmārthamokṣeṣu viniyogaḥ prakīrtitaḥ || 4 ||

atha stotram

hrīṃ kālī śrīṃ karālī ca krīṃ kalyāṇī kalāvatī |

kamalā kalidarpaghnī kapardīśakṛpānvitā || 5 ||

kālikā kālamātā ca kālānalasamadyutiḥ |

kapardinī karālāsyā karuṇāmṛtasāgarā || 6 ||

kṛpāmayī kṛpādhārā kṛpāpārā kṛpāgamā |

kṛśānuḥ kapilā kṛṣṇā kṛṣṇānandavivardhinī || 7 ||

kālarātriḥ kāmarūpā kāmapāśavimocinī |

kādambinī kalādhārā kalikalmaṣanāśinī || 8 ||

kumārīpūjanaprītā kumārīpūjakālayā |

kumārībhojanānandā kumārīrūpadhāriṇī || 9 ||

kadambavanasañcārā kadambavanavāsinī |

kadambapuṣpasantoṣā kadambapuṣpamālinī || 10 ||

kiśorī kalakaṇṭhā ca kalanādaninādinī |

kādambarīpānaratā tathā kādambarīpriyā || 11 ||

kapālapātraniratā kaṅkālamālyadhāriṇī |

kamalāsanasantuṣṭā kamalāsanavāsinī || 12 ||

kamalālayamadhyasthā kamalāmodamodinī |

kalahaṃsagatiḥ klaibyanāśinī kāmarūpiṇī || 13 ||

kāmarūpakṛtāvāsā kāmapīṭhavilāsinī |

kamanīyā kalpalatā kamanīyavibhūṣaṇā || 14 ||

kamanīyaguṇārādhyā komalāṅgī kṛśodarī |

kāraṇāmṛtasantoṣā kāraṇānandasiddhidā || 15 ||

kāraṇānandajāpeṣṭā kāraṇārcanaharṣitā |

kāraṇārṇavasammagnā kāraṇavratapālinī || 16 ||

kastūrīsaurabhāmodā kastūrītilakojjvalā |

kastūrīpūjanaratā kastūrīpūjakapriyā || 17 ||

kastūrīdāhajananī kastūrīmṛgatoṣiṇī |

kastūrībhojanaprītā karpūrāmodamoditā || 18 ||

karpūramālābharaṇā karpūracandanokṣitā |

karpūrakāraṇāhlādā karpūrāmṛtapāyinī || 19 ||

karpūrasāgarasnātā karpūrasāgarālayā |

kūrcabījajapaprītā kūrcajāpaparāyaṇā || 20 ||

kulīnā kaulikārādhyā kaulikapriyakāriṇī |

kulācārā kautukinī kulamārgapradarśinī || 21 ||

kāśīśvarī kaṣṭahartrī kāśīśavaradāyinī |

kāśīśvarakṛtāmodā kāśīśvaramanoramā || 22 ||

kalamañjīracaraṇā kvaṇatkāñcīvibhūṣaṇā |

kāñcanādrikṛtāgārā kāñcanācalakaumudī || 23 ||

kāmabījajapānandā kāmabījasvarūpiṇī |

kumatighnī kulīnārtināśinī kulakāminī || 24 ||

krīṃ hrīṃ śrīṃ mantravarṇena kālakaṇṭakaghātinī |

ityādyākālikādevyāḥ śatanāma prakīrtitam || 25 ||

kakārakūṭaghaṭitaṃ kālīrūpasvarūpakam |

pūjākāle paṭhedyastu kālikākṛtamānasaḥ || 26 ||

mantrasiddhirbhavedāśu tasya kālī prasīdati |

buddhiṃ vidyāṃ ca labhate gurorādeśamātrataḥ || 27 ||

dhanavān kīrtimān bhūyāddānaśīlo dayānvitaḥ |

putrapautrasukhaiśvaryairmodate sādhako bhuvi || 28 ||

bhaumāvāsyāniśābhāge mapañcakasamanvitaḥ |

pūjayitvā mahākālīmādyāṃ tribhuvaneśvarīm || 29 ||

paṭhitvā śatanāmāni sākṣātkālīmayo bhavet |

nāsādhyaṃ vidyate tasya triṣu lokeṣu kiñcana || 30 ||

vidyāyāṃ vākpatiḥ sākṣāt dhane dhanapatirbhavet |

samudra iva gāmbhīrye bale ca pavanopamaḥ || 31 ||

tigmāṃśuriva duṣprekṣyaḥ śaśivacchubhadarśanaḥ |

rūpe mūrtidharaḥ kāmo yoṣitāṃ hṛdayaṅgamaḥ || 32 ||

sarvatra jayamāpnoti stavasyāsya prasādataḥ |

yaṃ yaṃ kāmaṃ puraskṛtya stotrametadudīrayet || 33 ||

taṃ taṃ kāmamavāpnoti śrīmadādyāprasādataḥ |

raṇe rājakule dyūte vivāde prāṇasaṅkaṭe || 34 ||

dasyugraste grāmadāhe siṃhavyāghrāvṛte tathā |

araṇye prāntare durge graharājabhaye'pi vā || 35 ||

jvaradāhe ciravyādhau mahārogādisaṅkule |

bālagrahādi roge ca tathā duḥsvapnadarśane || 36 ||

dustare salile vāpi pote vātavipadgate |

vicintya paramāṃ māyāmādyāṃ kālīṃ parātparām || 37 ||

yaḥ paṭhecchatanāmāni dṛḍhabhaktisamanvitaḥ |

sarvāpadbhyo vimucyeta devi satyaṃ na saṃśayaḥ || 38 ||

na pāpebhyo bhayaṃ tasya na rogobhyo bhayaṃ kvacit |

sarvatra vijayastasya na kutrāpi parābhavaḥ || 39 ||

tasya darśanamātreṇa palāyante vipadgaṇāḥ |

sa vaktā sarvaśāstrāṇāṃ sa bhoktā sarvasampadām || 40 ||

sa kartā jātidharmāṇāṃ jñātīnāṃ prabhureva saḥ |

vāṇī tasya vasedvaktre kamalā niścalā gṛhe || 41 ||

tannāmnā mānavāḥ sarve praṇamanti sasambhramāḥ |

dṛṣṭyā tasya tṛṇāyante hyaṇimādyaṣṭasiddhayaḥ || 42 ||

ādyākālīsvarūpākhyaṃ śatanāma prakīrtitam |

aṣṭottaraśatāvṛtyā puraścaryā'sya gīyate || 43 ||

puraskriyānvitaṃ stotraṃ sarvābhīṣṭaphalapradam |

śatanāmastutimimāmādyākālīsvarūpiṇīm || 44 ||

paṭhedvā pāṭhayedvāpi śṛṇuyācchrāvayedapi |

sarvapāpavinirmukto brahmasāyujyamāpnuyāt || 45 ||

iti mahānirvāṇatantre saptamollāsāntargataṃ śrī ādyā kālikā śatanāma stotram ||